Қазақстан Республикасында медициналық техникаға сервистік қызмет көрсетуді жүзеге асыру қағидаларын бекіту

Қазақстан Республикасы Денсаулық сақтау және әлеуметтік даму министрінің 2015 жылғы 29 мамырдағы № 427 бұйрығы. Қазақстан Республикасының Әділет министрлігінде 2015 жылы 30 маусымдағы № 11481 болып тіркелді

Қолданыстағы

      «Халық денсаулығы және денсаулық сақтау жүйесі туралы» 2009 жылғы 18 қыркүйектегі Қазақстан Республикасы Кодексінің 1-бабы 1-тармағының 113) тармақшасына сәйкес БҰЙЫРАМЫН:
      1. Қоса беріліп отырған Қазақстан Республикасындағы медициналық техникаға сервистік қызмет көрсетуді жүзеге асыру қағидалары бекітілсін.
      2. Қазақстан Республикасы Денсаулық сақтау және әлеуметтік даму министрлігінің Медициналық және фармацевтикалық қызметті бақылау комитеті:
      1) осы бұйрықты Қазақстан Республикасы Әділет министрлігінде мемлекеттік тіркеуді;
      2) осы бұйрықты мемлекеттік тіркегеннен кейін күнтізбелік он күннің ішінде мерзімдік баспасөз басылымдарында және Қазақстан Республикасы нормативтік құқықтық актілерінің «Әділет» ақпараттық-құқықтық жүйесінде ресми түрде жариялауға жіберуді;
      3) осы бұйрықты Қазақстан Республикасы Денсаулық сақтау және әлеуметтік даму министрлігінің интернет-ресурсында орналастыруды;
      4) Қазақстан Республикасы Әділет министрлігінде осы бұйрықты мемлекеттік тіркегеннен кейін күнтізбелік он күн ішінде Қазақстан Республикасы Денсаулық сақтау және әлеуметтік даму министрлігінің Заң қызметі департаментіне осы тармақтың 1), 2) және 3) тармақшаларымен көзделген іс-шараларды орындау туралы мәліметтерді ұсынуды қамтамасыз етсін.
      3. Осы бұйрықтың орындалуын бақылау Қазақстан Республикасы Денсаулық сақтау және әлеуметтік даму вице-министрі А.В. Цойға жүктелсін.
      4. Осы бұйрық оны алғаш рет ресми түрде жариялағаннан кейін күнтізбелік он күн өткен соң күшіне енеді.

      Қазақстан Республикасының
      Денсаулық сақтау және даму
      министрі                                   Т. Дүйсенова

Қазақстан Республикасы    
Денсаулық сақтау және    
әлеуметтік даму министрінің  
2015 жылғы 29 мамырдағы № 427
бұйрығымен бекітілген    

Қазақстан Республикасында медициналық техникаға сервистік
қызмет көрсетуді жүзеге асыру қағидалары

1. Жалпы ережелер

      1. Осы Қазақстан Республикасында медициналық техникаға сервистік қызмет көрсетуді жүзеге асыру қағидалары (бұдан әрі – Қағидалар) «Халық денсаулығы және денсаулық сақтау жүйесі туралы» Қазақстан Республикасының 2009 жылғы 18 қыркүйектегі Кодексінің 7-бабы 1-тармағының 113) тармақшасына сәйкес әзірленді және медициналық техникаға сервистік қызмет көрсету тәртібін айқындайды.
      2. Медициналық техникаға кепілдікті және кепілдікті мерзімнен кейінгі кезеңдерде сервистік қызмет көрсету оның қауіпсіз қолданылуының міндетті шарты болып табылады.
      Сервистік қызметпен қамтамасыз етілмеген, сервистік қызмет көрсетуден алынған медициналық техниканы пайдалануға немесе арнайы дайындығы жоқ, медициналық техниканы қолдану жөніндегі нұсқаулықты өтпеген персоналдың медициналық техниканы пайдалануына жол берілмейді.
      3. Осы Қағидалар қолданылатын негізгі түсініктер:
      1) бақылау техникалық сынақтар – өндірушінің техникалық құжаттамасында жазылған медициналық техниканың параметрлерінің мәндері мен техникалық сипаттамаларының сәйкестігін тексеру, ескірген және зақымдалған бөліктерін (бөлшектерін) анықтау, барлық қорғаныс құрылғылары мен блоктарының жұмыс істеуін тексеру;
      2) кепілдікті сервистік қызмет көрсету – медициналық техниканы жеткізуші жүргізетін медициналық техникаға сервистік қызмет көрсету. Медициналық техникаға кепілдікті сервистік қызмет көрсету мерзімі пайдалануға енгізілген күнінен бастап отыз жеті айдан кем емес;
      3) медициналық техниканың иесі – жеке меншік, жедел басқару, шаруашылық жүргізу, жалға алу құқықтарында, лизинг шарттарында немесе басқа да заңды негіздерде медициналық техниканы иеленуші (пайдаланушы) денсаулық сақтау субъектісі;
      4) медициналық техника – аурулардың профилактикасы, оларды диагностикалау, емдеу, оңалту, медициналық сипаттағы ғылыми зерттеулер үшін медициналық мақсаттарда жеке, кешенде немесе жүйелерде қолданылатын аппараттар, құралдар және жабдық;
      5) медициналық техникаға сервистік қызмет көрсету – нормативтік және пайдалану құжаттамасымен регламенттелген, медициналық техниканы мақсатты пайдалану кезінде оның жарамдылығы мен жұмысқа қабілеттілігін қолдау және қалпына келтіру жөніндегі іс-шаралар мен операциялар кешені;
      6) медициналық техниканың техникалық жағдайы – техникалық, функционалдық және құрылымдық параметрлер мен сипаттамалардың нақты мәндерімен сипатталатын уақыттың белгілі бір сәтіндегі жағдайы және олардың медициналық техниканы өндірушінің техникалық құжаттамасында келтірілген параметрлер мен сипаттамаларға сәйкестігіне бағаланады;
      7) медициналық техника сервисі жөніндегі нұсқаулық – медициналық техниканы өндіруші инженерлік-техникалық персонал үшін әзірлейтін, медициналық техниканың, оның құрамдық бөліктерінің құрылымы, жұмыс істеу қағидаттары, параметрлері, техникалық сипаттамалары (қасиеттері) туралы мәліметтерді, медициналық техникаға дұрыс, уақтылы және қауіпсіз сервистік қызмет көрсетуді жүргізу үшін қажетті әрекеттер туралы нұсқауларды, өндіруші және олардың кепілдікті міндеттемелері туралы ақпаратты қамтитын құжат;
      8) медициналық техниканы ағымдағы жөндеу – жарамдылығын (жұмысқа қабілеттілігін) қалпына келтіру, сондай-ақ медициналық техниканы пайдалану көрсеткіштерін қолдау, оның ішінде жарамсыз бөлшектерін ауыстыру мақсатында жөндеу;
      9) медициналық техниканы күрделі жөндеу – жасырын жарамсыздықтарын анықтау және бөлшектердің ресурсын бағалау мақсатында конструкциясын бөлшектеу және тексеру жүргізілетін медициналық техниканы жөндеу;
      10) медициналық техниканың қауіпсіздік класы – пациенттердің, медициналық техниканы қолданатын персоналдың және басқа тұлғалардың денсаулығына зиян келтірудің ықтимал қаупі дәрежесіне байланысты белгілі бір класқа енгізілген медициналық техниканың жиынтығы;
      11) пайдалануға енгізу - жабдықтың техникалық және технологиялық режимдерін оның мақсатына сәйкес тиісті жұмыс етуін қамтамасыз ететін жағдайға келтіруді білдіретін медициналық техниканы оның функционалдық пайдаланылуының басталуына техникалық дайындау;
      12) пайдалану жөніндегі нұсқаулық – медициналық техниканы өндіруші медициналық персонал үшін әзірлейтін, медициналық техниканың жұмыс істеу қағидаты, параметрлері, сипаттамалары (қасиеттері) туралы мәліметтерді, медициналық техниканы дұрыс және қауіпсіз пайдалану үшін қажетті нұсқауларды (мақсаты бойынша пайдалану, сақтау, тасымалдау және техниканы күту жөніндегі ұсынымдар); өндіруші және олардың кепілдікті міндеттемелері туралы ақпаратты қамтитын құжат;
      13) пайдалану құжаттамасы - пайдалану жөніндегі нұсқаулық және сервистік қызмет көрсету жөніндегі нұсқаулық;
      14) сервистік қызмет - осы Қағиданың талаптарына сәйкес келетін және медициналық техниканы өндірушіден техникалық қолдау жүргізу құқығына құжаттық растауы бар ұйым.

2. Медициналық техникаға сервистік қызмет көрсетуді ұйымдастыру
және оны жүргізу тәртібі

      4. Қазақстан Республикасында медициналық техникаға сервистік қызмет көрсетуді:
      штатында медициналық техниканы жөндеу және оған қызмет көрсету маманы (мамандары) бар, медициналық техниканың тиісті түрлерін (атауларын) өндіруші кәсіпорындарында немесе медициналық техниканың тиісті түрлеріне техникалық қызмет көрсету бойынша кәсіби дайындықты жүзеге асыру құқығы бар ұйымдар мен мекемелерде оқудан өткен денсаулық сақтау субъектілері;
      медициналық техниканы өндірушіден техникалық қолдау жүргізу құқығына құжаттық растауы бар сервистік қызметтер жүзеге асырады.
      5. Медициналық техникаға сервистік қызмет көрсету бойынша жұмыстардың түрлері, көлемдері және мерзімі жұмыс істеген сағаттары, медициналық техниканы пайдалану жағдайлары мен мерзімдері ескеріле отырып орындалады, сондай-ақ:
      1) өндіруші-зауыттың талаптарына (пайдаланушы нұсқаулығында, сервистік қызмет көрсету жөніндегі нұсқаулықта қамтылатын ақпарат);
      2) медициналық техниканың қауіпсіздік класына сәйкес анықталады.
      6. Медициналық техникаға сервистік қызмет көрсету:
      1) кепілдікті сервистік қызмет көрсетуді;
      2) кепілдікті мерзімнен кейінгі кезеңде сервистік қызмет көрсетуді қамтиды.
      7. Кепілдікті сервистік қызмет көрсету:
      1) медициналық техника техникалық жағдайын мерзімді бақылауды (кемінде жылына бір рет);
      2) ағымдағы және күрделі жөндеуді қамтиды.
      8. Кепілдікті мерзімнен кейінгі кезеңде сервистік қызмет көрсету:
      1) медициналық техниканың техникалық жағдайын ағымдағы бақылауды;
      2) медициналық техниканың техникалық жағдайын мерзімді бақылауды (кемінде жылына бір рет);
      3) ағымдағы және күрделі жөндеуді қамтиды.
      9. Медициналық техниканың тұрып қалуына жол бермеу мақсатында оны жөндеуді жүзеге асыру мерзімі сервистік қызмет медициналық техниканың сыну себебі анықталған күннен бастап он бес жұмыс күнінен аспайды (қосалқы бөлшектерді ауыстыру қажет болған жағдайда жөндеу мерзімі қосалқы бөлшектерді жеткізу мерзіміне ұзартылады).
      Медициналық техникаға күрделі жөндеу жүргізу мерзімі сервистік қызмет көрсету шартының талаптарында айқындалады.
      Жоспарланған жөндеу (бағдарламалық қамтамасыз етуді жаңғырту және (немесе) жаңарту), сервистік қызмет көрсету және тексеру кезінде жұмысқа қабілеттілігін қамтамасыз ету үшін қажетті тұрып қалу жағдайында, сондай-ақ денсаулық сақтау субъектісі қайта ұйымдастырылған немесе таратылған жағдайда тұрып қалудың осы түрі жоспарлы болып табылады.
      10. Медициналық техниканы ағымдағы жөндеуді сервистік қызметтер, сондай-ақ штатында медициналық техниканы жөндейтін және оған қызмет көрсететін маманы (мамандары) бар денсаулық сақтау субъектілері жүзеге асырады.
      11. Ағымдағы жөндеу медициналық техниканың қолданылу жерінде немесе сервистік қызметтің өндірістік алаңдарында жұмыстардың күрделілігіне, көлеміне және медициналық техниканы тасымалдау мүмкіндігіне қарай орындалады.
      12. Ағымдағы немесе күрделі жөндеуді жүзеге асырған сервистік қызмет пайдаланушы пайдалану жөніндегі нұсқаулық талаптарын сақтаған жағдайда ауыстырылған торапты (бөлікті) өндіруші зауыт ұсынған кепілдік мерзімімен жөнделген тораптарға, бөлшектерге, медициналық техникаға кепілдік береді.
      13. Кепілдікті сервистік қызмет көрсету мерзімі өткен кезде медициналық техника жарамды жағдайында денсаулық сақтау субъектісіне жауапкершілік аймағына беріледі.
      Бұл ретте сервистік қызмет жүргізілген жұмыстар, ауыстырылған қосалқы бөлшектер мен шығыс материалдары туралы ақпарат береді.
      14. Медициналық техниканың техникалық жағдайын бақылау ағымдағы және мерзімдік болып бөлінеді.
      Медициналық техниканың техникалық жағдайын ағымдағы бақылауды медициналық техниканы тікелей пайдаланушы денсаулық сақтау субъектісі не осы жұмыстарды жүргізуге уәкілетті тұлға жүргізеді. Медициналық техниканы пайдаланар алдында медициналық техника параметрлерінің талаптары мен сипаттамаларының құжаттамада мәлімделгенінің сәйкестігіне тексеру жүргізу, ескірген және зақымдалған бөлшектерін көзбен қарап анықтау, қорғаныс құрылғыларын тексеру қажет.
      15. Медициналық техниканың техникалық жағдайын ағымдағы бақылау өзіне:
      1) жұмыс орнын және медициналық техниканың өзін сырттай қарап тексеруді;
      2) бұйымды жұмысқа дайындау кезінде қауіпсіздік шараларының сақталуын тексеруді (желілік сымдар мен аспап ажыратқыштарының, аппараттарды біріктіретін сымдардың бүтіндігі, қорғаныс экрандарының, қоршаулардың, қорғау құрылғыларының болуы);
      3) медициналық техниканың қолданысқа дайындығын тексеруді (басқару органдарының бастапқы орындарын, шығыс материалдарын тексеру);
      4) дабыл қағу және блоктау органдары болған жағдайда бұйымды, оның құрамдас бөлшектері мен құрылғыларын қосуды және олардың жұмысқа қабілеттілігін тексеруді, ол функция болған кезде медициналық техниканың өзін-өзі тестілеуін жүргізуді қамтиды.
      Медициналық техниканың техникалық жағдайын ағымдағы бақылауды жүзеге асыру кезінде сәйкессіздіктер немесе бұзылыстар анықталған жағдайда техникалық жағдай журналына анықталған сәйкессіздіктер немесе бұзылыстар туралы жазба енгізіледі және сервистік қызметтерге шұғыл хабарланады.
      Техникалық жағдай журналы осы Қағидаларға қосымшаға сәйкес нысан бойынша жүргізіледі.
      16. Техникалық жағдайды мерзімді бақылау:
      бекітілу бүтіндігінің, дәлдігінің индикациясы мен сигнализациясын, люфтердің жоқтығын, қорғаныс құрылғылары мен блоктардың іске қосылуын бақылауды;
      ескіруге ұшырайтын бөлшектердің, тораптардың, механизмдердің жай-күйін бақылауды;
      негізгі және қосалқы тораптардың, өлшеуіш, тіркеуіш және қорғаныс құрылғыларының жұмыс істеуін тексеруді;
      медициналық техниканы электр қауіпсіздігі талаптарына сәйкестікке тексеруді;
      негізгі техникалық сипаттамаларды аспаптық бақылауды және пайдалану құжаттамасында көрсетілген медициналық техниканың нақты бір түріне тән басқа да операцияларды қамтиды.
      Медициналық техниканың техникалық жағдайына жүргізілген мерзімді бақылау осы Қағидаларға 2-қосымшаға сәйкес нысан бойынша орындалған жұмыстар актісімен ресімделеді.
      17. Медициналық техникаға сервистік қызмет көрсету бойынша жұмыстардың түрлері, мерзімі, көлемі, технологиялық тәртібі пайдалану жөніндегі нұсқаулықтың және сервистік қызмет көрсету жөніндегі нұсқаулықтың талаптарына, медициналық техниканың қауіпсіздігіне қойылатын талаптарға, сондай-ақ медициналық техниканың техникалық жағдайын бақылау нәтижелеріне сәйкес анықталады.
      Медициналық техниканың техникалық жағдайын мерзімді бақылау бойынша орындалған жұмыстардың көлемін растайтын құжат орындалған жұмыстар актісі және сервистік қызмет көрсету журналындағы жазба болып табылады.
      18. Ағымдағы жөндеуді жүргізу қажеттілігі туралы шешімді медициналық техниканың техникалық жағдайын бақылау нәтижесі бойынша денсаулық сақтау субъектілері және сервистік қызметтер қабылдайды.
      19. Күрделі жөндеуді сервистік қызметтер медициналық техниканы пайдалану орнында немесе сервистік қызметтің өндірістік алаңдарында жұмыстардың күрделілігіне, көлеміне және медициналық техниканы тасымалдау мүмкіндігіне байланысты орындайды. Сервистік қызметтің өндірістік алаңдарында жөндеу жүргізу қажеттігін сервистік қызмет анықтайды.
      20. Күрделі жөндеу жүргізу туралы шешімді экономикалық мақсаттылықты ескере отырып денсаулық сақтау субъектісі қабылдайды.
      21. Медициналық техникаға сервистік қызмет көрсетуді тоқтату туралы шешімді медициналық техниканың тозуын ескере отырып және медициналық техниканы өндірушінің техникалық қолдау мерзімінің өтуіне байлынысты денсаулық сақтау субъектісі қабылдайды.
      Осы медициналық техникаға сервистік қызмет көрсету бойынша қызметтерді көрсететін сервистік қызмет медициналық техниканы пайдаланудан шығару туралы ұсынымдар береді.

Қазақстан Республикасында      
Медициналық техникаға сервистік қызмет 
көрсетуді жүзеге асыру қағидаларына 
1-қосымша              

Техникалық жай-күйдің журналы

Күні

Медициналық техниканың жай-күйі

Атқарылған жұмыстар түрі

Инженердің аты-жөні, әкесінің аты (болған жағдайда)

Қолы

Ескертпе













Қазақстан Республикасында       
Медициналық техникаға сервистік қызмет 
көрсетуді жүзеге асыру қағидаларына 
2-қосымша               

Нысан

АТҚАРЫЛҒАН ЖҰМЫСТАР АКТІСІ

№ ______________________ Шарт               201___ ж. «___»__________

Инженердің коды:


Өтінімнің нөмірі және берілген күні


Келген уақыты

Кеткен уақыты

Жұмсалған уақыт




Денсаулық сақтау ұйымы:

Қала:

Бөлімше:

Мекенжай:

Медициналық техника:

Сериялық нөмір:

Медициналық техниканы монтаждаған күні:

Кепілдікті р Кепілдіктен кейінгі р  Тараптық р




Атқарылған жұмыстар

Диагностика
љ

Жөндеу
њ

Жаңғырту
һ

ЖТБ*
һ

Демонтаж
џ

Оқыту
џ


Медициналық техниканы жөндеу кезінде жұмсалған материалдар:

Материалдың атауы

Өлшем бірлігі

Саны

Жалпы құны (теңге)





Ақаулықтар түрі

Бағдарламаның қатесіџ

Техникалық ақаулық

Механикалық ақаулықџ

Жөндеу түрі

Кепілдікті жөндеуџ

Кепеілдіктен кейінгі жөндеуџ

Түсіндірмелер/техникалық қорытынды:

_____________________________________________________________________
_____________________________________________________________________

Медициналық техниканы қабылдау-тапсыру

Тапсырыс берушінің аумағында көрсетілетін қызметтер џ
Сервис орталығының жағдайында көрсетілетін қызметтер 

Медициналық техниканы тапсырды:_________________________________
(Денсаулық сақтау ұйымы өкілінің аты-жөні, әкесінің аты (болған жағдайда))
Күні:«___»__________201_ж. Қолы___________________

Медициналық техниканы қабылдады:_________________________
(Қызмет көрсету өкілінің аты-жөні, әкесінің аты (болған жағдайда))
Күні:«___»__________201_ ж. Қолы___________________

Медициналық техниканы тапсырды:_________________________
(Қызмет көрсету өкілінің аты-жөні, әкесінің аты (болған жағдайда))
Күні:«___»__________201_ж.
Қолы______________________

Медициналық техниканы қабылдады: _________________________
(Денсаулық сақтау ұйымы өкілінің аты-жөні, әкесінің аты (болған жағдайда))
Күні:«___»__________201_ ж. Қолы_______________________

_____________________________________________________________________
_____________________________________________________________________

Денсаулық сақтау ұйымының өкілі
__________________________________(лауазымы) (Аты-жөні)

______________________ «____»_____________201_ ж.
             М.О.

Қызмет көрсету өкілі
__________________________________(лауазымы) (Аты-жөні)

______________________ «____»_____________201_ ж.
               М.О.