"Уәкілетті органның жеке күзет ұйымында басшы және күзетші лауазымдарын атқаратын жұмыскерлерді даярлау және олардың біліктілігін арттыру жөніндегі арнайы оқу орталығын айқындауы" электрондық мемлекеттік көрсетілетін қызмет регламентін бекіту туралы

      «Мемлекеттік көрсетілетін қызметтер туралы» Қазақстан Республикасының 2013 жылғы 15 сәуірдегі Заңының 10-бабы 2) тармақшасына сәйкес БҰЙЫРАМЫН:
      1. Қоса беріліп отырған «Уәкілетті органның жеке күзет ұйымында басшы және күзетші лауазымдарын атқаратын жұмыскерлерді даярлау және біліктілігін арттыру жөніндегі мамандандырылған оқу орталығын айқындауы» электрондық мемлекеттік көрсетілетін қызмет регламенті бекітілсін.
      2. Қазақстан Республикасы Ішкі істер министрлігінің Әкімшілік полиция комитеті (И.В. Лепеха):
      1) осы бұйрықты Қазақстан Республикасының Әділет министрлігінде мемлекеттік тіркеуді;
      2) осы бұйрықты мемлекеттік тіркегеннен кейін күнтізбелік он күн ішінде оны мерзімді баспа басылымдарында және «Әділет» ақпараттық-құқықтық жүйесінде ресми жариялауға жолдауды;
      3) осы бұйрықты Қазақстан Республикасы Ішкі істер министрлігінің интернет-ресурсында орналастыруды қамтамасыз етсін.
      3. Облыстардың, Астана және Алматы қалалары ішкі істер департаменттерінің бастықтары осы бұйрықты тиісті қызметтер қызметкерлерінің зерделеуін ұйымдастырсын және оны бұлжытпай орындауды қамтамасыз етсін.
      4. Осы бұйрықтың орындалуын бақылау Ішкі істер министрінің орынбасары полиция генерал-майоры Е.З. Тургумбаевқа жүктелсін.
      5. Осы бұйрық алғаш ресми жарияланған күннен кейін күнтізбелік он күн өткен соң қолданысқа енгізіледі.

      Министр
      полиция генерал-полковнигі                     Қ. Қасымов

Қазақстан Республикасы
Ішкі істер министрінің
2015 жылғы 8 мамырдағы
№ 442 бұйрығымен
бекітілген

«Уәкілетті органның жеке күзет ұйымында басшы және күзетші лауазымдарын атқаратын жұмыскерлерді даярлау және біліктілігін арттыру жөніндегі мамандандырылған оқу орталығын белгілеуі» электрондық мемлекеттік көрсетілетін қызмет регламенті

1. Жалпы ережелер

      1. «Уәкілетті органның жеке күзет ұйымында басшы және күзетші лауазымдарын атқаратын жұмыскерлерді даярлау және біліктілігін арттыру жөніндегі мамандандырылған оқу орталығын белгілеуі» электрондық мемлекеттік қызметті (бұдан әрі – мемлекеттік көрсетілетін қызмет) Қазақстан Республикасы Ішкі істер министрлігі (бұдан әрі – көрсетілетін қызметті беруші) көрсетеді, сондай-ақ «Е-лицензиялау» www.elicense.kz веб-порталы (бұдан әрі – Портал) арқылы көрсетіледі.
      2. Мемлекеттік қызметті көрсету нысаны: электрондық.
      3. Мемлекеттік қызмет көрсету нәтижесі – заңды тұлғаларға берілген «Жеке күзет ұйымында басшы және күзетші лауазымын атқаратын жұмыскерлерді даярлау және біліктілігін арттыру жөніндегі мамандандырылған оқу орталығын белгілеу туралы» Қазақтан Республикасы Ішкі істер министрінің бұйрығы не беруден бас тарту себептері туралы дәлелді жауап.
      Берілген рұқсаттар туралы мәліметтерді көрсетілетін қызметті беруші «Е-лицензиялау» мемлекеттік деректер базасы» ақпараттық жүйесіне енгізеді.

2. Электрондық мемлекеттік қызметті көрсету бойынша көрсетілетін қызметті берушінің іс-әрекетінің тәртібі

      1. Электрондық мемлекеттік қызмет Қазақстан Республикасы Ішкі істер министрінің 2015 жылғы «16» наурыздағы № 237 бұйрығымен бекітілген (нормативтік құқықтық актіні мемлекеттік тіркеудің тізілімінде № 11132 тіркелген) «Уәкілетті органның жеке күзет ұйымында басшы және күзетші лауазымдарын атқаратын жұмыскерлерді даярлау және біліктілігін арттыру жөніндегі мамандандырылған оқу орталығын белгілеу» мемлекеттік көрсетілетін қызмет стандартының (бұдан әрі – Стандарт) негізінде көрсетіледі.
      2. Көрсетілетін қызметті берушінің қадамдық әрекеті және шешімдері (көрсетілетін қызметті беруші арқылы электрондық мемлекеттік қызмет көрсету кезінде функционалдық өзара іс-қимыл жасасудың № 1, 2 диаграммасы) осы Регламентке 1-қосымшада көрсетілген:
      1) 1-процесс – көрсетілетін қызметті беруші қызметкерінің мемлекеттік қызметті көрсетуі үшін «Е-лицензиялау» МДБ АЖ-да логин мен паролді (авторизациялау процесі) теру;
      2) 1-шарт – «Е-лицензиялау» МДБ АЖ-да тіркелген көрсетілетін қызметті берушінің қызметкері туралы деректердің түпнұсқалылығын логин және пароль арқылы тексеру;
      3) 2-процесс – көрсетілетін қызметті беруші қызметкерінің деректерінде бар бұзушылықтарға байланысты авторизациялаудан бас тарту туралы хабарламаны «Е-лицензиялау» МДБ АЖ-да қалыптастыру;
      4) 3-процесс - көрсетілетін қызметті беруші қызметкерінің осы Регламентте көрсетілген қызметті таңдауы, қызметті көрсету үшін экранға сұрау салу нысанын шығару және көрсетілетін қызметті беруші қызметкерінің тұтынушының деректерін енгізуі;
      5) 4-процесс – «Е-лицензиялау» МДБ АЖ-да сұрау салуды тіркеу және «Е-лицензиялау» МДБ АЖ-да көрсетілетін қызметті өңдеу;
      6) 2-шарт – электрондық құжат көрсетілетін қызметті берушінің уәкілетті адамының ЭЦҚ пайдалана отырып құрылады;
      7) 5-процесс – көрсетілетін қызметті берушінің уәкілетті адамының ЭЦҚ түпнұсқалығы расталмауына байланысты бас тарту туралы хабарлама құрылады;
      8) 6-процесс – ЭЦҚ арқылы «Е-лицензиялау» МДБ АЖ-да сұрау салуды растау (қол қою);
      9) 7-процесс – «Е-лицензиялау» МДБ АЖ-да келісім-хат (тұтынушы туралы мәліметтер) электрондық құжатты тіркеу;
      10) 2-шарт – «Е-лицензиялау» МДБ АЖ-да сұрау салуды өңдеу (тұтынушы туралы мәліметтер);
      11) 8-процесс – «Е-лицензиялау» МДБ АЖ-да тұтынушының деректерінде бар бұзушылықтарға байланысты бас тарту туралы ақпаратты құру;
      12) 9-процесс – ЭҮП қалыптасқан көрсетілетін қызмет нәтижесін (электрондық тізілім) көрсетілетін қызметті берушінің алуы. Электрондық құжат көрсетілетін қызметті берушінің уәкілетті адамының ЭЦҚ пайдалана отырып құрылады.

3. Электрондық мемлекеттік қызметті көрсету процесіндегі іс-әрекеттер (өзара іс–қимыл жасасу) тәртібінің сипаттамасы

      6. Қызметті көрсету процесіне қатысатын ҚФБ:
      1) ЭҮП;
      2) ЭҮШ;
      3) «Е-лицензиялау» МДБ АЖ;
      4) көрсетілетін қызметті беруші.
      7. Әрбір іс-әрекетті орындау мерзімін көрсете отырып, іс-әрекеттердің (рәсімдер, функциялар, операциялар) мәтіндік кестелік дәйектілігінің сипаттамасы осы Регламентке 2-қосымшада келтірілген.

                         «Уәкілетті органның жеке күзет ұйымында
                        басшы және күзетші лауазымдарын атқаратын
                    жұмыскерлерді даярлау және біліктілігін арттыру
                 жөніндегі мамандандырылған оқу орталығын белгілеуі»
             электрондық мемлекеттік көрсетілетін қызмет регламентіне
                                          1-қосымша

Көрсетілетін қызметті берушінің қадамдық әрекеті және шешімдері

   ЭҮП арқылы электрондық мемлекеттік қызметті көрсету кезінде
     функционалдық өзара іс-қимыл жасасудың № 1 диаграммасы

                         «Уәкілетті органның жеке күзет ұйымында
                        басшы және күзетші лауазымдарын атқаратын
                    жұмыскерлерді даярлау және біліктілігін арттыру
                 жөніндегі мамандандырылған оқу орталығын белгілеуі»
             электрондық мемлекеттік көрсетілетін қызмет регламентіне
                                          2-қосымша

Іс-қимылдардың (рәсімдердің, функциялардың, операциялардың) дәйектілігін мәтіндік кестелік сипаттау

1-кесте. ЭҮП арқылы ҚФБ іс-қимылдарын сипаттау