Қазақстан Республикасы Ұлттық ұланының әскери қызметшілерін оқытуға жұмсалған бюджет қаражатын мемлекетке өтеу қағидаларын бекіту туралы

      «Қазақстан Республикасының Ұлттық ұланы туралы» 2015 жылғы 10 қаңтардағы Қазақстан Республикасының Заңы 12-бабының 11) тармақшасына және «Әскери қызмет және әскери қызметшілердің мәртебесі туралы» 2012 жылғы 16 ақпандағы Қазақстан Республикасы Заңының 39-бабына сәйкес БҰЙЫРАМЫН:
      1. Қоса беріліп отырған Қазақстан Республикасы Ұлттық ұланының әскери қызметшілерін оқытуға жұмсалған бюджет қаражатын мемлекетке өтеу қағидалары бекітілсін.
      2. Қазақстан Республикасы Ұлттық ұланының Бас қолбасшылығы (Р.Ф. Жақсылықов) заңнамада белгіленген тәртіппен:
      1) осы бұйрықты Қазақстан Республикасы Әділет министрлігінде мемлекеттік тіркеуді;
      2) осы бұйрықты мемлекеттік тіркегеннен кейін күнтізбелік он күн ішінде оны мерзімді баспа басылымдарында және «Әділет» ақпараттық-құқықтық жүйесінде ресми жариялауға жолдауды;
      3) осы бұйрықты Қазақстан Республикасы Ішкі істер министрлігінің интернет-ресурсында орналастыруды қамтамасыз етсін.
      3. «Қазақстан Республикасы Ішкі істер министрлігі Ішкі әскерлерінің әскери қызметшілерін әскери оқу орындарында оқытуға жұмсалған бюджет қаражатын мемлекетке қайтару қағидасын бекіту туралы» Қазақстан Республикасы Ішкі істер министрінің 2013 жылғы 20 мамырдағы № 339 бұйрығының күші жойылды деп танылсын (Қазақстан Республикасының нормативтік құқықтық актілерін мемлекеттік тіркеу тізілімінде № 8483 болып тіркелген, «Казахстанская правда» газетінің 2013 жылғы 19 маусымдағы № 207-208 (27481-27482) санында жарияланған).
      4. Осы бұйрықтың орындалуын бақылау Қазақстан Республикасы Ұлттық ұланының Бас қолбасшысы генерал-лейтенант Р.Ф. Жақсылықовқа жүктелсін.
      5. Осы бұйрық алғаш ресми жарияланған күннен кейін күнтізбелік он күн өткен соң қолданысқа енгізіледі.

      Министр
      полиция генерал-лейтенанты                       Қ. Қасымов

Қазақстан Республикасы
Ішкі істер министрінің 
2015 жылғы 10 наурыздағы
№ 200 бұйрығымен бекітілген

Қазақстан Республикасы Ұлттық ұланының әскери қызметшілерін оқытуға жұмсалған бюджет қаражатын мемлекетке өтеу қағидалары

      1. Қазақстан Республикасы Ұлттық ұланының (бұдан әрі – Ұлттық ұлан) әскери қызметшілерін оқытуға жұмсалған бюджет қаражатын мемлекетке өтеу қағидалары (бұдан әрі - Қағидалар) «Қазақстан Республикасының Ұлттық ұланы туралы» 2015 жылғы 10 қаңтардағы Қазақстан Республикасының Заңы 12-бабының 11) тармақшасына және «Әскери қызмет және әскери қызметшілердің мәртебесі туралы» 2012 жылғы 16 ақпандағы Қазақстан Республикасы Заңының 39-бабына (бұдан әрі - Заң) сәйкес әзірленген және Ұлттық ұланның бір әскери қызметшісін Ұлттық ұланның әскери оқу орындарында немесе шетел әскери оқу орындарында (бұдан әрі – әскери оқу орны) оқытуға жұмсалған бюджет қаражатын мемлекетке қайтару тәртібін айқындайды.
      2. Әскери оқу орнынан шығарылған, сондай-ақ әскери қызмет өткеру туралы келісiмшарт жасасудан бас тартқан әскери қызметші, егер оқудан шығарылу сәтінде ол он сегіз жасқа толған және әскерге шақыру бойынша белгіленген әскери қызмет мерзiмін өткермеген болса, Ұлттық ұланның Бас қолбасшылығы (бұдан әрі – Бас қолбасшылық) Ұйымдастыру-жұмылдыру басқармасының өкімі бойынша әскерге шақыру бойынша әскери қызметтің белгіленген мерзімі аяқталғанға дейін әскери қызмет өткеру орнына жіберіледі. Бұл ретте үлгермеушілігі, тәртiпсіздігі үшін, Заңның 26-бабында көрсетілген басқа да теріс себептер бойынша немесе өз бастамасы бойынша әскери оқу орнынан шығарылған әскери қызметші өзін оқытуға жұмсалған бюджет қаражатын мемлекетке осы Қағидаларға және Заңға сәйкес өтейді.
      3. Әскери қызметшi әскери оқу орнын аяқтағаннан кейiн әскери қызмет өткеруден бас тартса немесе теріс себептер бойынша немесе өз бастамасы бойынша келiсiмшартты бұзған жағдайда ол өзін оқытуға жұмсалған бюджет қаражатын мемлекетке осы Қағидаларға және Заңға сәйкес өтейді. Ұстауға жататын сома келiсiмшарт мерзiмi аяқталғанға дейiн әрбiр толық өткерiлмеген айға барабар есептеледі.
      4. Ұлттық ұланның әскери оқу орны және әскери бөлімдері, офицер әскери оқу орнын аяқтағаннан кейiн әскери қызмет өткеруден бас тартса, теріс себептер бойынша келiсiмшартты бұзған және шығарылған жағдайда Бас қолбасшылықтың Кадр және әскери білім басқармасына дереу хабарлайды және аттестаттау материалдарын жібереді.
      5. Ұлттық ұланның әскери қызметшісін Ұлттық ұланның әскери оқу орнында оқытуға жұмсалған, өтеуге жататын шығыстарды есептеу үшін Ұлттық ұлан әскери оқу орнының бастығы жыл сайын 20 желтоқсанға осы Қағидаларға 1-қосымшаға сәйкес үлгі бойынша Ұлттық ұланның бір әскери қызметшісін Ұлттық ұланның әскери оқу орнында оқытуға жұмсалған нақты шығындардың жиынтық есебін Ұлттық ұланның Бас қолбасшысында бекітеді. Бұл ретте бюджет қаражатын өтеу сомасы Қазақстан Республикасының ұлттық валютасымен есептеледі.
      6. Шетел әскери оқу орындарында әскери қызметшілерді оқытуға жұмсалған, өтеуге жататын шығыстарды есептеу үшін Бас қолбасшылықтың Бюджет-қаржы басқармасы Кадр және әскери білім басқармасымен бірлесіп жыл сайын 20 желтоқсанға осы мемлекетпен (тиісті министрлікпен немесе ведомствомен) жасасқан келісім (келісімшарт) бойынша төлем жүргізілген валютада осы Қағидаларға 2-қосымшаға сәйкес үлгі бойынша Ұлттық ұланның бір әскери қызметшісін оқытуға жұмсалған нақты шығындардың жиынтық есебін Ұлттық ұланның Бас қолбасшысында бекітеді. Бұл ретте бюджет қаражатын өтеу сомасы өтеу туралы талаптар қойылған күні Қазақстан Республикасы Ұлттық банкінің курсын қайта қаржыландыру ставкасы бойынша Қазақстан Республикасының ұлттық валютасымен есептеледі.
      7. Әрбір әскери қызметшіні оқытуға нақты шығындардың жыл сайын қалыптастырылатын жиынтық есеп білім алушы әскери қызметшілердің жеке (оқу) ісіне қоса тігіледі және оқудан шығарылған немесе әскери қызметші оқу аяқталған соң әскери қызмет өткеруден бас тартқан кезде бір ай мерзімде оны оқытуға жұмсалған бюджет қаражатын Қазақстан Республикасының заңнамасында белгіленген тәртіппен өтеуді қамтамасыз ету үшін Бас қолбасшылықтың, Ұлттық ұлан әскери оқу орнының және оқу орнынан шығарылған немесе әскери қызметтен босатылған әскери қызметшінің тұрғылықты орны (қызмет орны) бойынша әскери бөлімдердің заң қызметтеріне жолданады.
      8. Осы Қағидалардың 2 және 3-тармақтарында көрсетілген әскери қызметшілер оқытуға жұмсалған бюджет қаражатын өз еркімен өтеуден бас тартқан жағдайда өтеу бойынша материалдар бір ай мерзімде сотқа беріледі.
      9. Осы Қағидалардың 2 және 3-тармақтарында көрсетілген әскери қызметшілердің бюджет қаражатын мемлекетке қайтаруына есеп және мониторинг жүргізуді Ұлттық ұланның Бас қолбасшылығы, әскери оқу орны, өңірлік қолбасшылықтары мен әскери бөлімдері жүзеге асырады.
      10. Әскери қызметшілерді әскери оқу орындарында оқытуға жұмсалған шығындарды өтеуден түскен қаражат республикалық бюджет кірісіне аударуға жатады.

Қазақстан Республикасы Ұлттық
ұланының әскери қызметшілерін
оқытуға жұмсалған бюджет
қаражатын мемлекетке өтеу 
қағидаларына 1-қосымша 

Үлгі

БЕКІТЕМІН        
Қазақстан Республикасы Ұлттық
ұланының Бас қолбасшысы
___________________________
(қолы, Т.А.Ә.)    
«____»____________________
(күні)           

Қазақстан Республикасы Ұлттық ұланының бір әскери қызметшісін
____________________________мамандығы бойынша ____/____ оқу жылына
оқытуға жұмсалған нақты қаражаттың жиынтық есебі
__________________________________________________________________
әскери оқу орнының атауы

Ескертпе: Барлық шығыстар қызмет бастықтарының есеп-негіздемелерімен расталады, одан кейін жинақтау үшін қаржы қызметіне ұсынылады.

______________________________________ бастығы
        әскери оқу орнының атауы
______________________________________
        (әскери атағы, қолы)
«_____»_____________________
           (күні)
_______________________________ қаржы бөлімінің (қызмет) бастығы
      әскери оқу орнының атауы
М.О. ____________________________________
           (әскери атағы, қолы)
«_____»_____________________
            (күні)

Қазақстан Республикасы Ұлттық
ұланының әскери қызметшілерін
оқытуға жұмсалған бюджет
қаражатын мемлекетке өтеу 
қағидаларына 2-қосымша  

Үлгі

БЕКІТЕМІН     
Қазақстан Республикасы
Ұлттық ұланының  
Бас қолбасшысы   
___________________________
(қолы, Т.А.Ә.) 
«____»____________________
(күні)        

Ұлттық ұланның бір әскери қызметшісін шетел әскери оқу орындарында ____/____ оқу жылына оқытуға жұмсалған нақты шығындардың жиынтық есебі

      Ескертпе: барлық шығыстар келісімшарттардың (шарттардың) және оларға қосымша келісімдердің көшірмелерімен, сондай-ақ шетелде кадрларды даярлауға жауап беретін лауазымды адамдардың есептері-негіздемелерімен расталады, одан кейін жинақтау үшін қаржы қызметіне ұсынылады.

      Бас қолбасшылықтың
      Бюджет-қаржы басқармасының бастығы
      М.О. ______________________________________
                  (әскери атағы, қолы)
      «_____»_____________________
                  (күні)
      Бас қолбасшылықтың
      Кадр және әскери білім басқармасының бастығы
      ____________________________________
             (әскери атағы, қолы)
      «_____»_____________________
                  (күні)