"Дербес шоттарды жүргізу ережелерін бекіту туралы" Қазақстан Республикасы Қаржы министрінің 2008 жылғы 29 желтоқсандағы № 622 бұйрығына өзгерістер енгізу туралы

       «Салық және бюджетке төленетін басқа да міндетті төлемдер туралы» Қазақстан Республикасы Кодексінің (Салық кодексі) 588-бабының  5-тармағына сәйкес БҰЙЫРАМЫН:
      1. «Дербес шоттарды жүргізу ережелерін бекіту туралы» Қазақстан Республикасы Қаржы министрінің 2008 жылғы 29 желтоқсандағы № 622 бұйрығына (Қазақстан Республикасының нормативтік құқықтық актілерін мемлекеттік тіркеу тізілімінде 2008 жылғы 29 желтоқсанда № 5446 болып тіркелген, Қазақстан Республикасының орталық атқарушы және өзге де орталық мемлекеттік органдарының актілер жинағында жарияланған, 2009 жыл № 3) мынадай өзгерістер енгізілсін:
      көрсетілген бұйрықпен бекітілген Дербес шоттарды жүргізу ережелерінде (бұдан әрі – Ереже):
      4-тарау мынадай редакцияда жазылсын:
      «4. Салық және бюджетке төленетін басқа да міндетті төлемдер, сондай-ақ міндетті зейнетақы жарналары, міндетті кәсіптік зейнетақы жарналары мен әлеуметтік аударымдарды есепке алу жөніндегі құжаттама.
      17. Салықтарды, бюджетке төленетін басқа да міндетті төлемдерді, міндетті зейнетақы жарналары, міндетті кәсіптік зейнетақы жарналары мен әлеуметтік аударымдарды, сондай-ақ өсімақылар мен айыппұлдарды есепке алу жөніндегі құжаттама іс номенклатурасына сәйкес құжаттардың түрлері бойынша топтастырылады және қағаз және (немесе) электронды тасығыштарда жүргізіледі:
      1) уәкілетті мемлекеттік органдардан алынған құжаттар;
      2) салық және бюджетке төленетін басқа да міндетті төлемдердің, өсімақылардың, айыппұлдардың артық (қате) төленген сомаларын есепке жатқызу және қайтару жөніндегі құжаттар;
      3) қосылған құн салығын есепке жатқызу және қайтару жөніндегі құжаттар;
      4) дербес шоттарды беру және қабылдау жөніндегі құжаттар;
      5) салықтар, бюджетке төленетін басқа да міндетті төлемдер, міндетті зейнетақы жарналары, міндетті кәсіптік зейнетақы жарналары мен әлеуметтік аударымдар, сондай-ақ өсімақылар мен айыппұлдар бойынша салыстыру актілері;
      6) салықтарды төлеу бойынша салық міндеттемелерін орындау мерзімдерінің өзгеруі туралы құжаттар;
      7) банкрот деп танылған салық төлеушілердің салық берешегі жөніндегі құжаттары;
      8) салық міндеттемелерінің тоқтатылуы туралы құжаттары;
      9) таратылған салық төлеушілердің салық міндеттемелерін орындауы жөніндегі құжаттар;
      10) заңды тұлғаның қайта ұйымдастырылуы кезіндегі салық міндеттемелерінің орындалуы жөніндегі құжаттар;
      11) бірыңғай бюджеттік сыныптамасы бойынша бюджет деңгейлерінің арасында кірістер сыныптамасының түсімдерін бөлуді бекіту туралы бұйрықтар.
      18. Салық төлеушінің (салық агентінің) өтініші бойынша салық органы осындай өтінішті алған күннен бастап екі жұмыс күнінен кешіктірмей осы Ережеге 16-қосымшаға сәйкес нысан бойынша салық міндеттемесін, сондай-ақ міндетті зейнетақы жарналарын, міндетті кәсіптік зейнетақы жарналарын есептеу, ұстау және аудару, әлеуметтік аударымдарды есептеу және төлеу бойынша міндеттемелерді орындау бойынша бюджетпен есеп айырысудың жай-күйі туралы жеке шоттан үзінді көшірме ұсынылады.
      19. Салық төлеушінің (салық агентінің) талабы бойынша бір жұмыс күні ішінде осы Ережеге 17-қосымшаға сәйкес нысан бойынша салық және бюджетке төленетін басқа да міндетті төлемдер, міндетті зейнетақы жарналары, міндетті кәсіптік зейнетақы жарналары және әлеуметтік аударымдар бойынша есеп-қисаптарды салыстырып тексеру актісін береді.
      20. Осы Ережеге 18-қосымшаға сәйкес нысан бойынша салық берешегінің, міндетті зейнетақы жарналары, міндетті кәсіптік зейнетақы жарналары және әлеуметтік аударымдар бойынша берешектерінің жоқ (бар) екені туралы анықтама (бұдан әрі - берешектің жоқ (бар) екені туралы анықтама) салық төлеушінің салықтық өтініші бойынша Салық кодексінің 598-бабында белгіленген тәртіпте және мерзімдерде беріледі.
      Берешектерінің жоқ (бар) екендігі туралы анықтама беруге салықтық өтініштерін есепке алу үшін осы Ережеге 20-қосымшасына сәйкес нысан бойынша салықтық өтініштерін тіркеу және салық берешегі, міндетті зейнетақы жарналары, міндетті кәсіптік зейнетақы жарналары және әлеуметтік аударымдар бойынша берешегiнiң жоқ (бар) екені туралы анықтамаларды беру Журналында жүргізіледі.
      21. Берешектің жоқ (бар) екені туралы анықтама салық төлеушінің тіркеу орны бойынша салық органдарында ашылған дербес шоттардың деректері бойынша салықтық өтініш берілген күнге жасалады.
      Салық төлеушінің талабы бойынша салықтық өтініші негізінде осындай өтініш берілген күннен бастап екі жұмыс күні ішінде бұрын берілген Берешектің жоқ (бар) екені туралы анықтаманың көшірмесі беріледі.
      22. Салық төлеуші Берешектің жоқ (бар) екені туралы анықтама беруге салықтық өтініш берген кезде салық есептілігі бойынша бақылауды жүзеге асыратын лауазымды тұлға дербес шоттарда ұсынылған есептер, декларациялар, сондай-ақ салық тексерулерінің актілері бойынша есептелген сомалардың бар екендігіне тексеру жүргізеді. Салық есептілігін табыс ету мерзімі ұзартылған жағдайларды қоспағанда, салық төлеуші және оның құрылымдық бөлімшелері өтінішті тапсыру күніне салық есептілігін тапсырмаған жағдайда, Берешектің жоқ (бар) екені туралы анықтама берілмейді.
      23. Құрылымдық бөлімшелері бар заңды тұлғалар бойынша Берешектің жоқ (бар) екені туралы анықтама заңды тұлғаның және оның құрылымдық бөлімшелерінің тіркеу есебінің орны бойынша салық органдарында ашылған заңды тұлғаның және оның құрылымдық бөлімшелерінің дербес шоттарының жағдайын есепке ала отырып заңды тұлғаның орналасқан орны бойынша жасалады.
      24. Құрылымдық бөлімшенің Берешектің жоқ екені туралы анықтамасында осы құрылымдық бөлімшенің тіркеу есебінің орны бойынша салық органдарында ашылған құрылымдық бөлімшенің дербес шоттарының ақпараты көрсетіледі.
      25. Берешектің жоқ (бар) екені туралы анықтамада барлық салық органдарынан жиынтықталған дербес шоттардың жағдайы туралы ақпарат көрсетіледі. Берешектің жоқ (бар) екені туралы анықтаманың әрбір салық органы бойынша ақпарат көрсетілетін қосымшалары бар. Салық органында артық төлеу және (немесе) салық берешегі, міндетті зейнетақы жарналары, міндетті кәсіптік зейнетақы жарналары мен әлеуметтік аударымдар бойынша берешегі болмаған жағдайда мұндай ақпарат қосымшаларда көрсетілмейді.
      26. Берешектің жоқ (бар) екендігі туралы анықтама осы анықтама жасаған салық органы басшысының немесе оны ауыстыратын тұлғаның қолымен және мөрімен куәландырылады.
      Берешектің жоқ (бар) екені туралы анықтамада барлық салық органдарынан дербес шоттар бойынша мәліметтер алынған уақыты мен күні көрсетіледі. Берешектің жоқ (бар) екендігі туралы анықтамада қосымшаларының саны көрсетіледі.»;
      көрсетілген Ережеге 16, 17, 18 және 20-қосымшалар осы бұйрыққа 1, 2, 3 және 4-қосымшаларға сәйкес жаңа редакцияда жазылсын.
      2. Қазақстан Республикасы Қаржы министрлігінің Салық комитеті (Ә.С. Жұмаділдаев):
      1) осы бұйрықтың Қазақстан Республикасы Әділет министрлігінде мемлекеттік тіркелуін және оның ресми жариялануын;
      2) осы бұйрықтың Қазақстан Республикасы Қаржы министрлігінің интернет-ресурсына орналастырылуын қамтамасыз етсін.
      3. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      Қазақстан Республикасы
      Премьер-Министрінің
      Орынбасары - Қазақстан
      Республикасының Қаржы министрі             Б. Сұлтанов

Қазақстан Республикасының
Қаржы министрінің 2014 жылғы
8 шілдедегі № 300 бұйрығына
1-қосымша        

Дербес шоттарды жүргізу
ережелеріне    
16-қосымша     

нысан

Салық міндеттемесін, сондай-ақ міндетті зейнетақы жарналарын,
міндетті кәсіптік зейнетақы жарналарын есептеу, ұстау және
аудару, әлеуметтік аударымдарды есептеу және төлеу бойынша
міндеттемелерді орындау бойынша бюджетпен есеп айырысудың
жағдайы туралы жеке шоттан
КӨШІРМЕ

Көшірме күні: _____________

____________________________________
      (салық органының атауы)

"Салық және бюджетке төленетін басқа да міндетті төлемдер туралы" Қазақстан Республикасының Салық кодексінің 13, 20-баптарына, Сіздің 20___ж. өтінішіңізге сәйкес 20 ж. - 20 ж. кезеңі үшін салық міндеттемесінің орындалуы бойынша бюджетпен есеп айырысудың жағдайы туралы ________ БСН/ СТН_________
____________________________Сізге хабарлайды
(салық төлеушінің (салық агентінің) атауы/Т.А.Ә.)

                                                           (теңге)

Кестенің жалғасы

Кестенің жалғасы

Лауазымды тұлға_____________________________
                       (Т.А.Ә. қолы)
қосылған құн салығы бойынша оң сальдо асып түсу және/немесе артық төленген сома ретінде қарастырылады

Қазақстан Республикасының
Қаржы министрінің  
2014 жылғы 8 шілдедегі 
№ 300 бұйрығына  
2-қосымша      

Дербес шоттарды жүргізу
ережелеріне     
17-қосымша     

№ 23 нысан

Салық төлеушінің
(салық агентінің) БСН/СТН-і ____________________

20___ж. "__" ______жағдай бойынша
салық және бюджетке төленетін басқа да міндетті төлемдер,
міндетті зейнетақы жарналарын, міндетті кәсіптік зейнетақы
жарналары және әлеуметтік аударымдар бойынша есеп айырысулардың
салыстыра тексеру
АКТІСІ

_________ салық органы және салық төлеуші ______20__ж. "__" _____кезеңі үшін
үшін салықтар және бюджетке төленетін баска да міндетті төлемдер. міндетті зейнетақы жарналары. міндетті кәсіптік зейнетақы жарналары және әлеуметтік аударымдар бойынша есеп-айырысуларды салыстыра тексеруді жүргізді

                                                            (теңге)

кестенің жалғасы

қосылған құн салығы бойынша оң сальдо асып түсу және/немесе артық
төленген сома ретінде қарастырылады.

Салыстыра тексеру актісін жасау күні 20 ж. " "

Лауазымды тұлға ______________        Салық төлеуші: ________________
                    (қолы)                               (қолы)

Қазақстан Республикасының
Қаржы министрінің  
2014 жылғы 8 шілдедегі
№ 300 бұйрығына  
3-қосымша     

Дербес шоттарды жүргізу
ережелеріне    
18-қосымша     

нысан

____________________________________________________
       (анықтама берген салық органының атауы)

20__ ж. "___"____________жағдай бойынша
салық төлеушінің салық берешегiнiң, міндетті зейнетақы
жарналары, міндетті кәсіптік зейнетақы жарналары және
әлеуметтік аударымдар бойынша берешегiнiң жоқ (бар) екендiгi
туралы
№___ АНЫҚТАМА

_____________________________________________________________ берiлдi
      (салық төлеушінің БСН/ЖСН, Т.А.Ә. немесе атауы)

20__ж."__"_____________жағдай бойынша салық төлеушiнiң

_______теңге сомада салық берешегі, мiндетті зейнетақы жарналары,
міндетті кәсіптік зейнетақы жарналары және әлеуметтік аударымдар
бойынша берешегi бар,
      салық берешегі, мiндетті зейнетақы жарналары, міндетті кәсіптік
зейнетақы жарналары және әлеуметтік аударымдар бойынша берешегі жоқ

                                                              (теңге)

қосылған құн салығы бойынша оң сальдо асып түсу және/немесе артық төленген сома peтінде қарастырылады.

Анықтама________________________________________ берiлдi
                     (талап еткен жер)
20__ж."__"_________________
           (берген күнi)
Салық органының басшысы _____________ ______________
                          (қолы)         (Т.А.Ә.)
M.O.

Лауазымды тұлға _____________ ______________
                    (қолы)        (Т.А.Ә.)

- анықтамада_______салық органдарының ақпараттары көрсетілген
- анықтамада_______ құрылымдық бөлiмшесінiң ақпараттары көрсетілген

___________________________________________________
      (анықтама берген салық органының атауы)

20 __ ж. «___» __________ жағдай бойынша
салық берешегiнiң міндетті зейнетақы жарналары, міндетті
кәсіптік зейнетақы жарналары және әлеуметтік аударымдар бойынша
берешегiнiң жоқ (бар) екендiгi туралы анықтамаға қосымша

Салық төлеушінің БСН/ЖСН, Т.А.Ә. немесе атауы _______________________

Қазақстан Республикасының
Қаржы министрінің   
2014 жылғы 8 шілдедегі 
№ 300 бұйрығына   
4-қосымша      

Дербес шоттарды жүргізу
ережелеріне     
20-қосымша      

нысан

_____________________________________
       (салық органының атауы)

20___ жыл үшін салық өтініштерін тіркеу және салық берешегі,
әлеуметтік аударымдар мен міндетті зейнетақы жарнасы бойынша
берешегiнiң жоқ (бар) екендiгi туралы анықтамаларды
беру журналы