РҚАО ескертпесі.
Мәтінде авторлық орфография және пунктуация сақталған.
Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6 бабына, Қазақстан Республикасының 1997 жылғы 16 сәуірдегі «Тұрғын үй қатынастары туралы» Заңының 97 бабына, Қазақстан Республикасы Үкіметінің 2009 жылғы 14 сәуірдегі № 512 «Әлеуметтік тұрғыдан қорғалатын азаматтарға телекоммуникация қызметтерін көрсеткені үшін абоненттік төлемақы тарифінің көтерілуіне өтемақы төлеудің кейбір мәселелері туралы» қаулысына, Қазақстан Республикасы Үкіметінің 2009 жылғы 30 желтоқсандағы № 2314 «Тұрғын үй көмегін көрсету ережесін бекіту туралы» қаулысына сәйкес Риддер қалалық мәслихаты ШЕШТІ:
1. Қоса берілген Риддер қаласында тұрғын үй көмегін көрсету мөлшері және тәртібі туралы Ереже бекітілсін.
2. Риддер қалалық мәслихатының 2010 жылғы 16 сәуірдегі № 25/7-IV «Риддер қаласында тұрғын үй көмегін көрсету мөлшері және тәртібі туралы Ережені бекіту туралы» шешімінің (нормативтік-құқықтық актілерді мемлекеттік тіркеу Тізілімінде 2010 жылдың 21 мамырында № 5-4-132 тіркелген, 2010 жылғы 04 маусымдағы № 25 «Лениногорская правда» газетінде жарияланған), Риддер қалалық мәслихатының 2011 жылғы 30 қыркүйектегі № 36/8-IV «2010 жылғы 16 сәуірдегі № 25/7-IV «Риддер қаласында тұрғын үй көмегін көрсету мөлшері және тәртібі туралы Ережені бекіту туралы» шешімге өзгерістер енгізу туралы» шешімінің (нормативтік-құқықтық актілерді мемлекеттік тіркеу Тізілімінде 2011 жылдың 25 қазанында № 5-4-155 тіркелген, 2011 жылдың 03 қарашадағы № 44 «Мой город Риддер» газетінде жарияланған) күші жойылды деп танылсын.
3. Осы шешім алғаш ресми жарияланған күннен кейін он күнтізбелік күн өткен соң қолданысқа енгізіледі және 2012 жылдың 01 сәуірінен бастап пайда болған қарым-қатынастарға таратылады.
Кезектен тыс сессия төрағасы О. Беляев
Қалалық мәслихат хатшысы И. Панченко
Риддер қалалық мәслихатының
ІІІ сессиясының 2012 жылғы
16 сәуірдегі № 3/3-IV шешімімен
бекітілген
Риддер қаласында тұрғын үй көмегін көрсету
мөлшері және тәртібі туралы ереже
1. Жалпы ережелер
1. Осы Ереже Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6 бабына, Қазақстан Республикасының 1997 жылғы 16 сәуірдегі «Тұрғын үй қатынастары туралы» Заңының 97 бабына, Қазақстан Республикасы Үкіметінің 2009 жылғы 14 сәуірдегі № 512 «Әлеуметтiк тұрғыдан қорғалатын азаматтарға телекоммуникация қызметтерiн көрсеткенi үшiн абоненттiк төлемақы тарифiнiң көтерiлуiне өтемақы төлеудiң кейбiр мәселелерi туралы» қаулысына, Қазақстан Республикасы Үкіметінің 2009 жылғы 30 желтоқсандағы № 2314 «Тұрғын үй көмегін көрсету ережесін бекіту туралы» қаулысына сәйкес әзірленді және Риддер қаласында тұратын азаматтарға тұрғын үй көмегін көрсету мөлшерін және тәртібін анықтайды.
2. Осы Ережеде мынадай негізгі ұғымдар пайдаланылады:
1) шектi жол берiлетiн шығыстар үлесi - телекоммуникация желiсiне қосылған телефон үшiн абоненттiк төлемақының, жеке тұрғын үй қорынан жергiлiктi атқарушы орган жалдаған тұрғын үйдi пайдаланғаны үшiн жалға алу ақысының ұлғаюы бөлiгiнде отбасының (азаматының) бiр айда тұрғын үйдi (тұрғын ғимаратты) күтiп-ұстауға, коммуналдық қызметтер мен байланыс қызметтерiн тұтынуға жұмсалған шығыстарының шектi жол берiлетiн деңгейiнiң отбасының (азаматтың) орташа айлық жиынтық кiрiсiне пайызбен қатынасы;
2) отбасының (азаматтың) жиынтық табысы - тұрғын үй көмегiн тағайындауға өтiнiш бiлдiрiлген тоқсанның алдындағы тоқсанда отбасы (азамат) кiрiстерiнiң жалпы сомасы;
3) кондоминиум объектiсiн басқару органы - кондоминиум объектiсiн басқару жөнiндегi функцияларды жүзеге асыратын жеке немесе заңды тұлға;
4) уәкiлеттi орган - жергiлiктi бюджет қаражаты есебiнен қаржыландырылатын, тұрғын үй көмегiн тағайындауды жүзеге асыратын республикалық маңызы бар қаланың, астананың, ауданның (облыстық маңызы бар қаланың) жергiлiктi атқарушы органы;
5) тұрғын үйдi (тұрғын ғимаратты) күтiп-ұстауға жұмсалатын шығыстар - кондоминиум объектiсiнiң ортақ мүлкiн пайдалануға және жөндеуге, жер учаскесiн күтiп-ұстауға, коммуналдық қызметтердi тұтынуды есептеудiң үйге ортақ құралдарын сатып алуға, орнатуға, пайдалануға және тексеруге жұмсалатын шығыстарға, кондоминиум объектiсiнiң ортақ мүлкiн күтiп-ұстауға тұтынылған коммуналдық қызметтердi төлеуге жұмсалатын шығыстарға жалпы жиналыстың шешiмiмен белгiленген ай сайынғы жарналар арқылы төленетiн үй-жайлардың (пәтерлердiң) меншiк иелерi шығыстарының мiндеттi сомасы, сондай-ақ болашақта кондоминиум объектiсiнiң ортақ мүлкiн немесе оның жекелеген түрлерiн күрделi жөндеуге ақша жинақтауға жұмсалатын жарналар;
6) аз қамтылған отбасылар (азаматтар) - Қазақстан Республикасының тұрғын үй заңнамасына сәйкес тұрғын үй көмегiн алуға құқығы бар адамдар.
3. Шекті жол берілетін шығыстар үлесі – телекоммуникация желiсiне қосылған телефон үшiн абоненттiк төлемақының, жеке тұрғын үй қорынан жергiлiктi атқарушы орган жалдаған тұрғын үйдi пайдаланғаны үшiн жалға алу ақысының ұлғаюы бөлiгiнде отбасының бiр айда тұрғын үйдi (тұрғын ғимаратты) күтiп-ұстауға, коммуналдық қызметтер мен байланыс қызметтерiн тұтынуға жұмсалған шығыстарының шектi жол берiлетiн деңгейiнiң отбасының жиынтық кiрiсiне 10% мөлшерінде тағайындалады.
4. Тұрғын үй көмегі жергілікті бюджет қаражаты есебінен осы елді мекенде тұрақты тұратын аз қамтылған отбасыларға (азаматтарға):
1) жекешелендірілген тұрғын үй-жайларда (пәтерлерде) тұратын немесе мемлекеттік тұрғын үй қорындағы тұрғын үй-жайларды (пәтерлерді) жалдаушылар (қосымша жалдаушылар) болып табылатын отбасыларға (азаматтарға) тұрғын үйді (тұрғын ғимаратты) күтіп-ұстауға жұмсалатын шығыстарға;
2) тұрғын үйдің меншік иелері немесе жалдаушыларды (қосымша жалдаушылар) болып табылатын отбасыларға (азаматтарға) коммуналдық қызметтерді және телекоммуникация желісіне қосылған телефонға абоненттік төлемақының өсуі бөлігінде байланыс қызметтерін тұтынуына;
3) жергілікті атқарушы орган жеке тұрғын үй қорынан жалға алған тұрғын үй-жайды пайдаланғаны үшін жалға алу төлемақысын төлеуге;
РҚАО-ның ескертпесі!
4-тармақшасы 2012.07.01 бастап қолданысқа енгізіледі (2012.12.21 N 11/10-V шешімінің 2-т. қараңыз).
4) жекешелендірілген үй-жайларда (пәтерлерде), жеке тұрғын үйде тұрып жатқандарға тәулік уақыты бойынша электр энергиясының шығынын саралап есепке алатын және бақылайтын, дәлдік сыныбы 1-ден төмен емес электр энергиясын бір фазалық есептеуіштің құнын төлеуге беріледі.
Аз қамтылған отбасылардың (азаматтардың) тұрғын үй көмегін есептеуге қабылданатын шығыстары жоғарыда көрсетілген бағыттардың әрқайсысы бойынша шығыстардың сомасы ретінде айқындалады.
Тұрғын үй көмегі телекоммуникация желісіне қосылған телефон үшін абоненттік төлемақының, жеке тұрғын үй қорынан жергілікті атқарушы орган жалдаған тұрғын үй-жайды пайдаланғаны үшін жалға алу ақысының ұлғаюы бөлігінде тұрғын үйді (тұрғын ғимаратты) күтіп-ұстауға арналған шығыстарға, жекешелендірілген үй-жайларда (пәтерлерде), жеке тұрғын үйде тұрып жатқандарға тәулік уақыты бойынша электр энергиясының шығынын саралап есепке алатын және бақылайтын, дәлдік сыныбы 1-ден төмен емес электр энергиясын бір фазалық есептеуіштің құнын төлеуге тұрғын үй көмегін көрсету жөніндегі шаралар қолданылатын, коммуналдық қызметтер мен байланыс қызметтерін тұтынуға нормалар шегінде ақы төлеу сомасы мен отбасының (азаматтардың) осы мақсаттарға жұмсаған, жергілікті өкілді органдар белгіленген шығыстарының шекті жол берілетін деңгейінің арасындағы айырма ретінде айқындалады.
Аталған жерлерде тұрақты тұратын адамдарға тұрғын үйді (тұрғын ғимаратты) күтіп-ұстауға арналған ай сайынғы және нысаналы жарналардың мөлшерін айқындайтын сметаға сәйкес, тұрғын үйді (тұрғын ғимаратты) күтіп-ұстауға арналған коммуналдық қызметтер көрсету ақысын төлеу, сондай-ақ жекешелендірілген тұрғын үй-жайларында (пәтерлерде), жеке тұрғын үйде пайдалануда тұрған дәлдік сыныбы 2,5 электр энергиясын бір фазалық есептеуіштің орнына орнатылатын тәулік уақыты бойынша электр энергиясының шығынын саралап есепке алатын және бақылайтын, дәлдік сыныбы 1-ден төмен емес электр энергиясын бір фазалық есептеуіштің құнын төлеуге, жеткізушілер ұсынған шоттар бойынша тұрғын үй көмегі бюджет қаражаты есебінен көрсетіледі.
Ескерту. 4-тармақ жаңа редакцияда - Риддер қалалық мәслихатының 2012.12.21 № 11/10-V (қолданысқа енгізілу тәртібін 2-т. қараңыз) шешімімен.
2. Тұрғын үй көмегін ұсыну тәртібі
5. Жеке меншігінде 1 бірліктен артық тұрғын үйі (үйі, пәтері) бар немесе тұрғын үйді жалға беруші (аренда) тұрғын үй көмегін алу құқығынан айрылады.
6. Жұмысқа қабілетті жұмыс істемейтін, оқудың күндізгі бөлімінде оқымайтын, әскерде қызмет атқармайтын және жұмыссыз ретінде тіркелмеген тұлғалары бар отбасы тұрғын үй көмегін алуға құқықты емес, келесі тұлғаларды қоспағанда:
1) 50 жасқа толған тұлғалар (жынысына қарамастан);
2) І, ІІ топтағы мүгедектерді күтуді жүзеге асыратын тұлғалар;
3) 16 жасқа дейінгі жастағы мүгедек-балаларды, 80 жастан асқан тұлғаларды күтуді жүзеге асыратын тұлғалар;
4) 7 жасқа дейінгі балаларды тәрбиелеумен айналысатын тұлғалар;
5) 18 жасқа дейінгі төрт немесе одан көп балаларды тәрбиелеумен айналысатын аналар;
6) мүгедектік тобы жоқ, бірақ туберкулездік, наркологиялық және онкологиялық аурулармен есепте тұрған азаматтар.
Жедел қызметтегі әскери қызметкерлер отбасы құрамында есептелмейді.
7. Тұрғын үй көмегі ағымдағы тоқсанға тағайындалады. Өтініш тұрғын үй көмегін тағайындау жөніндегі мамандармен әзірленген кестеге сәйкес тоқсан ішінде қабылданады. Отбасының табысы туралы анықтамалар, коммуналдық қызметтердің, байланыс қызметтерінің төлемі, тұрғын үйді (тұрғын үй ғимаратын) күтіп ұстау шығындары туралы түбіртектер өтініш берген тоқсан алдындағы тоқсанға ұсынылады. Өткен тоқсанға коммуналдық қызметтер төленбеген немесе жартылай төленген жағдайда отбасына тұрғын үй көмегі тағайындалмайды.
Тұрғын үй көмегін алу үшін бірінші рет жүгінген және өтінген кезде коммуналдық қызметтері және байланыс қызметтері төлемі бойынша берешектері бар отбасыларға тұрғын үй көмегін алушы ретінде есепке қойған уақыттан бастап коммуналдық қызметтерді уақтылы төлеген жағдайда қызмет көрсететіндердің тарифтері бойынша қарыздарына қарамастан тұрғын үй көмегі тағайындалады.
РҚАО-ның ескертпесі!
Үшінші бөлімі 2012.07.01 бастап қолданысқа енгізіледі (2012.12.21 N 11/10-V шешімінің 2-т. қараңыз).
Дәлдік сыныбы 1-ден төмен емес электр энергиясын бір фазалық есептеуіштің құны бойынша шығындар жекешелендірілген тұрғын үй-жайларда (пәтерлерде) тұрып жатқан отбасылар (азаматтар) үшін өтініш берілген тоқсан алдындағы өткен тоқсан үшін, ал жеке тұрғын үйде тұрып жатқан отбасылар (азаматтар) үшін өтініш берілген тоқсан алдындағы соңғы 12 ай үшін есепке алынады.
Ескерту. 7-тармаққа өзгеріс енгізілді - Риддер қалалық мәслихатының 2012.12.21 № 11/10-V (қолданысқа енгізілу тәртібін 2-т. қараңыз) шешімімен
8. Тұрғын үй көмегі жылыту мерзімінде ыстық су және орталықтандырылған жылу жүйесі қосылмаған және пәтерді жылыту автономды жылыту құралдарының көмегімен жүзеге асырылатын үйлердегі пәтер иелеріне тағайындалады. Мұндай жағдайда электрэнергия үшін төлем сомасын қызмет көрсететіндердің тарифтері және тұрғын үй ауданының нормасына сәйкес жылу мен ыстық су төлемінің балама сомасында есептеу.
9. Тұрғын үй көмегін тағайындау кезінде келесі шаралар қабылданады:
1) өтініш беруші заңды некеде болса, бірақ жұбайы сол мекенжай бойынша тіркелмеген болса ерлі-зайыптылардың екеуінің де табыстары есептеледі және тұрғын үй көмегі жұбайының тұрғын үй көмегі туралы өтініш берген мекенжайы бойынша тағайындалады;
2) өтініш берушінің үйінде, ата-аналары басқа жерде тіркелген және ата-аналық құқығынан айырылмаған 18 жасқа дейінгі бала тіркелген болса, баланың ата-анасының табыстары ескеріледі;
3) өтініш беруші заңды некеде болса, бірақ жұбайының тұрғылықты жерін білмесе (көрсетпесе) және бұл мәселе бойынша құқық қорғау органдарына хабарламаса – тұрғын үй көмегі тағайындалмайды.
10. Зейнеткерлер мен мүгедектердi (жалғыз басты немесе бiрге тұратын), сонымен қатар құрамында тұл жетiмдерi бар отбасыларға қолдау мақсатында тұрғын үй көмегiн есептеу және құқығын белгiлеу барысында кiрiс тиiстi қаржылық жылға тағайындалған екi айлық көрсеткiшке түзетiледi (азайтылады).
11. Тұрғын үй көмегін алу үшін отбасылар өкілді органға өтінішпен жүгінеді және келесі құжаттарды ұсынады:
1) өтініш берушінің жеке басын куәландыратын құжаттың көшірмесі;
2) тұрғын үйге құқық беретін құжаттың көшірмесі;
3) азаматтарды тіркеу кітабының көшірмесі;
4) отбасының табысын растайтын құжаттар. Тұрғын үй көмегін алуға үміткер отбасының (Қазақстан Республикасы азаматының) жиынтық табысын есептеу тәртібі тұрғын үй қатынастары саласындағы өкілді органмен белгіленеді;
5) тұрғын үйді (тұрғын үй ғимаратын) күтіп ұстауға ай сайынғы жарнаның мөлшері туралы шот;
6) коммуналдық қызметтерді тұтыну шоттары;
7) телекоммуникация қызметтері үшін түбіртек-шот немесе байланыс қызметтерін көрсетуге арналған шарттың көшірмесі;
8) жеке тұрғын үй қорында жергілікті атқарушы органмен жалға алынған тұрғын үйді пайдаланғаны үшін жергілікті атқарушы органмен ұсынылған жалдау ақысының мөлшері туралы шот;
РҚАО-ның ескертпесі!
9-тармақшасы 2012.07.01 бастап қолданысқа енгізіледі (2012.12.21 N 11/10-V шешімінің 2-т. қараңыз).
9) жекешелендірілген тұрғын үй-жайларда (пәтерлерде), жеке тұрғын үйде тұрып жатқандарға тәулік уақыты бойынша электр энергиясының шығынын саралап есепке алатын және бақылайтын, дәлдік сыныбы 1-ден төмен емес электр энергиясын бір фазалық есептеуіштің құнын төлеу түбіртек-шоты.
Ескерту. 11-тармаққа өзгеріс енгізілді - Риддер қалалық мәслихатының 2012.12.21 № 11/10-V (қолданысқа енгізілу тәртібін 2-т. қараңыз) шешімімен
12. Тұрғын үй көмегін алушылар күнтізбелік 10 күн ішінде өз тұрғын үйінің жеке меншік нысанындағы, отбасы құрамындағы және оның жиынтық табысындағы кез келген өзгерістер туралы тұрғын үй көмегі қызметін ақпараттандырады.
Тұрғын үй жәрдемақысының негізсіз алынған сомасы, алушымен ерікті түрде, ал бас тартқан жағдайда заңнамамен белгіленген тәртіпте қайтаруға жатады.
3. Жергілікті жылытатын жеке меншік үйлерде тұратын
аз қамтылған отбасыларға (азаматтарға)
тұрғын үй көмегін ұсыну тәртібі
13. Жергілікті жылытатын жеке меншік үйлерде тұратын аз қамтылған отбасыларға (азаматтарға) тұрғын үй көмегі жылу маусымына беріледі.
14. Көмірдің құнын есептеу үшін тұрғын үй көмегін есептеу тоқсан алдындағы тоқсанның соңғы айындағы жағдай бойынша қала, аудан бойынша жұмыспен қамту және әлеуметтік бағдарламаларды үйлестіру басқармасымен ұсынылған орташа баға қолданылсын.
15. Тұрғын үй көмегін есептеген ретте жергілікті жылытатын жеке меншік үйлерде қолданылатын отынның басқа түрлерінің құны мен шығын нормасын, көмірдің құны мен шығынның эквивалентті нормасына есептелсін. Отын сатып алғаны туралы түбіртек болмаған жағдайда өтініш толтырылады.
16. Көмір сатып алу маусымдығына байланысты, тұрғын үй көмегін есептеген ретте тұрғын үйге көмірдің барлық әлеуметтік шығын нормасы (көмірдің құны) жүгінген тоқсанның үш айына бір уақытта есептелсін.
17. Тұрғын үй көмегін есептеген кезде жеке меншік үйлерде тұратын отбасының орташа табысы өтініш берген тоқсан алдындағы тоқсанға есептелсін.
4. Тұрғын үй көмегін есептеу үшін әлеуметтік нормалар
және нормативтер
18. Аумақтың нормалары:
1) жалғыз тұратын азаматтар үшін - 40 шаршы метрден артық емес;
2) екі адамнан тұратын отбасы үшін – 50 шаршы метр;
3) үш адамнан тұратын отбасы үшін – 55 шаршы метр;
4) төрт және одан көп адамнан тұратын отбасы үшін - әрқайсысына 18 шаршы метрден, бірақ 100 шаршы метрден артық емес.
19. Айына бір адамға газдың шығын нормасы - 7,6 кг.
20. Лифтіні пайдалану нормасы – бір адамнан 300 теңге.
21. Электрэнергиясын пайдалану нормасы - әрқайсысына 90 кВт.
22. Көмірдің шығыны жалпы ауданның 1 шаршы метріне 129,8 кг, бірақ бір үйге 5000 кг аспауы қажет.
23. Сумен қамту, жылумен қамту, қоқысты шығару, лифтіге қызмет көрсету бойынша тұтыну нормативтері және олардың тарифтері, және тұрғын үйді ұстау шығындары Риддер қаласының экономика және бюджеттік жоспарлау бөлімімен ұсынылады.
Коммуналдық қызметтер шығындарын есептеу құралдары (суды пайдалану, газды пайдалану) болған жағдайда тұрғын үй көмегін есептеу есептеу құралдарының көрсеткіштері бойынша жүргізіледі, бірақ әрекеттегі нормадан артық емес.
24. Тұрғын үй көмегін алушыларға телекоммуникация қызметін көрсету үшін абоненттік төлем тарифінің өсуі өтемақысының мөлшері 2004 жылы қыркүйекте бекітілген абоненттік төлем және өтініш берген кездегі әрекеттегі абоненттік төлем арасындағы айырмашылық ретінде анықталады.
5. Тұрғын үй көмегін қаржыландыру және төлеу
25. Тұрғын үй көмегін төлеуді қаржыландыру тиісті қаржы жылына қаланың бюджетінде көзделген қаржы шегінде жүзеге асырылады.
26. Тұрғын үй көмегін төлеу екінші деңгейдегі банктер арқылы тұрғын үй көмегін алушылардың ұсынған шоттарына аудару жолымен жүзеге асырылады.