Оңтүстік Қазақстан облысы Арыс, Түркістан қалалары мен Сарыағаш, Отырар, Шардара, Мақтаарал аудандары аумақтарында карантиндік аймақ белгілеу туралы

      «Өсімдіктер карантині туралы» Қазақстан Республикасының 1999 жылғы 11 ақпандағы Заңының 9-1, 14-баптарына сәйкес және Қазақстан Республикасы Ауыл шаруашылығы министрілігі Агроөнеркәсіптік кешендегі мемлекеттік инспекция комитетінің Оңтүстік Қазақстан облыстық аумақтық инспекциясының 2012 жылғы 7 ақпандағы № 4-14/275 ұсынысы негізінде, Арыс, Түркістан қалалары мен Сарыағаш, Отырар, Шардара, Мақтаарал аудандары аумақтарында қауын шыбыны карантиндік объектісінің анықталуына байланысты Оңтүстік Қазақстан облысы әкімдігі ҚАУЛЫ ЕТЕДІ:
      1. Осы қаулының қосымшасына сәйкес Арыс, Түркістан қалалары мен Сарыағаш, Отырар, Шардара, Мақтаарал аудандары аумақтарындағы ауыл шаруашылығы алқаптарына карантиндік тәртіп енгізіле отырып, карантиндік аймақ белгіленсін.
      2. Арыс, Түркістан қалалары мен Сарыағаш, Отырар, Шардара, Мақтаарал аудандары әкімдері осы қаулының 1-тармағына сәйкес карантиндік объектілерді оқшаулау және жою жөніндегі карантиндік шараларды ұйымдастыруға және жүргізуге жәрдем көрсетсін.
      3. Осы қаулының орындалуын бақылау облыс әкімінің бірінші орынбасары Б.С.Оспановқа жүктелсін.
      4. Осы қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі.

      Облыс әкімі                                А.Мырзахметов

      Облыс әкімінің бірінші орынбасары          Б.Оспанов

      Облыс әкімі аппаратының басшысы            Б.Жылқышиев

      Облыс әкімінің орынбасары                  Б.Әлиев

      Облыс әкімінің орынбасары                  Ә.Бектаев

      Облыс әкімінің орынбасары                  С.Қаныбеков

      Облыс әкімінің орынбасары                  С.Тұяқбаев

      Облыстық экономика және
      бюджеттік жоспарлау басқармасының бастығы  Е.Садыр

      Облыстық қаржы басқармасының бастығы       Р.Исаева

      Облыс әкімдігінің
      2012 жылғы «27» сәуірдегі
      № 137 қаулысына қосымша

      Арыс, Түркістан қалалары мен Сарыағаш, Отырар, Шардара, Мақтаарал аудандары аумақтарындағы ауыл шаруашылығы алқаптарындағы карантиндік аймақ