БҰЙЫРАМЫН:
1. «Ғылыми және (немесе) ғылыми-техникалық қызмет субъектілерінің қызметін бағалау әдістемесін бекіту туралы» Қазақстан Республикасы Білім және ғылым министрінің міндетін атқарушының 2011 жылғы 15 шілдедегі № 309 бұйрығына (Қазақстан Республикасының нормативтік құқықтық актілерін мемлекеттік тіркеу тізілімінде № 7106 тіркелген, «Егемен Қазақстан» газетінің 2011 жылғы 12 тамыздағы № 360-367 және «Қазақстанская правда» газетінің 2011 жылғы 12 тамыздағы № 253-257 нөмірлерінде жарияланған) мынадай өзгерістер енгізілсін:
1-қосымшада:
үшінші абзац мынадай редакцияда жазылсын:
«Уәкілетті орган ғылыми және (немесе) ғылыми-техникалық қызмет субъектілерінің қызметін бағалау рейтингін соңғы 5 жылдағы мәліметтердің негізінде айқындайды. Соңғы 5 жылдағы мәліметтерді ұсыну туралы талаптар Қазақстан Республикасы ратификациялаған халықаралық шарттар шеңберінде құрылған субъектілерге қолданылмайды. Ғылыми және (немесе) ғылыми-техникалық қызмет субъектілерінің халықаралық шарттарға жататыны халықаралық шартта анықталған субъекті мен атқарушы орган арасындағы ғылыми және (немесе) ғылыми-техникалық қызметті жүзеге асыруға арналған Келісім (шарт, келісім-шарт) түрінде расталады.».
2. Жоғары және жоғары оқу орнынан кейінгі білім департаменті (Ф.Н. Жақыпова):
1) осы бұйрықты белгіленген тәртіппен Қазақстан Республикасы Әділет министрлігінде мемлекеттік тіркеуді қамтамасыз етсін;
2) осы бұйрықты мемлекеттік тіркеуден өткеннен кейін бұқаралық ақпарат құралдарында жарияласын.
3. Осы бұйрықтың орындалуын бақылау Білім және ғылым вице-министрі М.Қ. Орынхановқа жүктелсін.
4. Осы бұйрық алғашқы ресми жарияланған күнінен бастап қолданысқа енгізіледі.
Министрдің
міндетін атқарушы М. Орынханов