«Халық денсаулығы және денсаулық сақтау жүйесi туралы» Қазақстан Республикасының 2009 жылғы 18 қыркүйектегi Кодексiнің 7-бабының 28) тармақшасына, 176-бабына сәйкес денсаулық сақтау саласындағы біліктілік емтихандарын өткізу тәртібін жетілдіру мақсатында БҰЙЫРАМЫН:
1. «Денсаулық сақтау саласында бiлiктiлiк емтиханын өткiзу ережесiн бекiту туралы» Қазақстан Республикасы Денсаулық сақтау министрiнiң міндетін атқарушының 2009 жылғы 6 қарашадағы № 661 бұйрығына (нормативтiк-құқықтық актiлерi мемлекеттiк тiркеу тiзiлiмiнде № 5884 болып тiркелген Қазақстан Республикасының орталық атқарушы органдарының және басқа да орталық мемлекеттік органдардың 2010 жылғы № 1 Актілер жинағында жарияланған) мынадай өзгеріс енгізілсін:
Көрсетілген бұйрықпен бекітілген денсаулық сақтау саласындағы біліктілік емтихандарын өткізу тәртібі осы бұйрыққа қосымшаға сәйкес жаңа редакцияда жазылсын.
2. Қазақстан Республикасы Денсаулық сақтау министрлігінің Медициналық және фармацевтикалық қызметті бақылау комитеті (Б.С. Байсеркин) осы бұйрықты Қазақстан Республикасы Әділет министрлiгiнде заңнамамен белгіленген тәртіппен мемлекеттiк тiркеуге жiберсiн.
3. Қазақстан Республикасы Денсаулық сақтау министрлiгiнiң Заң қызметі және мемлекеттік сатып алу департаменті (Е.Р. Әмірғалиев) осы бұйрықтың мемлекеттiк тiркеуден өткеннен соң бұқаралық ақпарат құралдарында ресми жариялануын қамтамасыз етсiн.
4. Осы бұйрықтың орындалуын бақылау Қазақстан Республикасының Денсаулық сақтау вице-министрi Е.Ә. Байжүнісовке жүктелсін.
5. Осы бұйрық алғашқы ресми жарияланғанынан кейін күнтiзбелiк жиырма бiр күн өткен соң қолданысқа енгiзiледi.
Қазақстан Республикасының
Денсаулық сақтау министрі С. Қайырбекова
Қазақстан Республикасы
Денсаулық сақтау министрiнiң
2012 жылғы 5 шілдедегі № 457
бұйрығына қосымша
Қазақстан Республикасы
Денсаулық сақтау министрiнiң
міндетін атқарушының
2009 жылғы 6 қарашадағы
№ 661 бұйрығымен бекiтiлген
Денсаулық сақтау саласындағы мамандар үшін бiлiктiлiк емтиханын
өткізу қағидасы
1. Жалпы ережелер
1. Осы Денсаулық сақтау саласындағы мамандар үшін бiлiктiлiк емтихандарын өткiзу қағидасы (бұдан әрi – Қағида) «Халық денсаулығы және денсаулық сақтау жүйесi туралы» Қазақстан Республикасының 2009 жылғы 18 қыркүйектегi Кодексiнің 176-бабының 4-тармағының, 7-бабының 28) тармақшасына, «Медицина және фармацевтика мамандықтарының номенклатурасын бекiту туралы» Қазақстан Республикасы Денсаулық сақтау министрiнiң 2009 жылғы 24 қарашадағы № 774 бұйрығына сәйкес әзірленді және орта (техникалық және кәсiптiк), орта бiлiмнен кейiнгi, жоғары медициналық бiлiмi бар адамдардың кәсiптiк медициналық қызметтi жүзеге асыруға даярлығын анықтау мақсатында бiлiктiлiк емтиханын өткiзу тәртiбiн айқындайды.
2. Осы Қағидаларда мынадай анықтамалар пайдаланылды:
1) маман – медициналық бiлiмi бар денсаулық сақтау саласының қызметкерi;
2) маманның үздіксіз кәсіби даму жүйесіндегі сынақ бірлігі (бұдан әрі – СБ) – маманның кәсіби қызметінің нақты кезеңіне үздіксіз кәсіби дамуына ықпал ететін іс-шараларға қатысу көлемін өлшеудің шартты бірегейлендірілген бірлігі;
3) практикалық дағдыларды бағалау – мамандардың практикада теориялық бiлiмдерiн қолдана бiлуiн анықтау;
4) сынақ бірліктерін жинақтау жүйесі – үміткердің соңғы бес жылда үздіксіз кәсіби даму іс-шараларына қатысуын біртіндеп есепке алу жүйесі;
5) тәуелсіз сарапшы – денсаулық сақтау саласында тәуелсіз сараптама жүргізуге арналған «Денсаулық сақтау саласындағы аккредиттеу Ережесін бекіту туралы» Қазақстан Республикасы Үкіметінің 2009 жылғы № 1559 қаулысына сәйкес аккредиттелген жеке тұлға;
6) үміткер – маман сертификатын алуға үміткер медицина қызметкері.
3. Осы біліктілік Қағидаларына сәйкес бiлiктiлiк емтихандарын:
1) Қазақстан Республикасы Денсаулық сақтау министрлігінің Медициналық және фармацевтикалық қызметті бақылау жөніндегі комитет (бұдан әрі – МФҚБК) және оның аумақтық департаменттері – санитариялық-эпидемиологиялық бейіндерді қоспағанда орта (техникалық және кәсiптiк), орта бiлiмнен кейiнгi және жоғары медициналық бiлiмi бар мамандар үшiн;
2) Қазақстан Республикасы Денсаулық сақтау министрлігінің Мемлекеттік санитариялық-эпидемиологиялық қызметті қадағалау комитеті (бұдан әрі – МСЭҚҚК) және оның аумақтық департаменттері – орта (техникалық және кәсiптiк), орта бiлiмнен кейiнгi және жоғары санитариялық-эпидемиологиялық бейiндi жоғары медициналық бiлiмi бар мамандар үшiн өткізеді.
4. Денсаулық сақтау саласындағы мамандар үшiн бiлiктiлiк емтихандары:
1) мiндеттi – медицина қызметкерлерiнiң клиникалық мамандығына сәйкестiгiн анықтау және тиісті маман сертификатын бере отырып, оларды клиникалық практикаға (пациенттермен жұмыс iстеуге) жiберуге рұқсат беру үшiн;
Міндетті біліктілік емтихандары осы Қағидаларға 1-қосымшаға сәйкес нысан бойынша біліктілік санаты берілмейтін маман сертификатын берумен аяқталады;
2) ерiктi – тиісті бiлiктiлiк санатын бере отырып, мамандардың кәсiби деңгейiн анықтау үшiн деп бөлінеді.
Ерiктi бiлiктiлiк емтихандары осы Қағидаларға 2-қосымшаға сәйкес нысан бойынша біліктілік санатын бере отырып, маман сертификатын берумен аяқталады;
Біліктілік санатын бере отырып және біліктілік санаты берілмейтін маман сертификаты клиникалық практикада жұмыс істеуге рұқсат болып табылады (пациенттермен жұмыс істеу).
5. Клиникалық практикаға рұқсат алу үшін (пациенттермен жұмыс істеу), интернатурада, клиникалық ординатурада және резидентурада (интернатураны бітіру қарастырылмаған мамандықтар бойынша жоғары оқу орнын бітірген соң және/немесе өтініш берілген мамандық бойынша бастапқы мамандандыруды (қайта даярлау) циклын бітірген соң, ал орта медицина қызметкерлері үшін – колледжді, «Жалпы медицина» мамандығы бойынша бакалавриатты бітірген соң, маман міндетті біліктілік емтиханынан өтеді.
6. Біліктілік санаты беріле отырып және біліктілік санаты берілмейтін маман сертификаты Қазақстан Республикасының аумағында берiлген күнiнен бастап 5 жыл бойы қолданыста болады. Осы мерзiм өткеннен кейiн сертификаттың қолданысы тоқтатылады.
2. Міндетті біліктілік емтихандарын өткізу тәртібі
7. Міндетті бiлiктiлiк емтихандары автоматтандырылған компьютерлік тәсілімен тестілеу түрінде үміткердің таңдауы бойынша мемлекеттік немесе орыс тілдерінде өткізіледі.
8. Міндетті бiлiктiлiк емтихандарын тапсыру үшiн мамандар МФҚБК аумақтық департаменттеріне мынадай құжаттарды ұсынады:
1) осы Қағидаларға 3-қосымшаға сәйкес нысан бойынша өтiнiш;
2) түпнұсқасымен салыстыру үшін жоғары, орта бiлiмнен кейiнгi немесе орта медициналық бiлiм туралы дипломның көшiрмесiн, түпнұсқа ұсынылмаған кезде нотариаттық расталған дипломның көшiрмесi;
3) интернатураны, клиникалық ординатураны, резидентураны бiтiргендiгi және/немесе салыстыру үшін құжаттардың түпнұсқасын ұсына отырып өтiнiш бiлдiрiлген мамандық бойынша қайта даярлаудан (мамандандырудан) өткендiгi туралы куәлiктердiң көшiрмелерi. Құжаттың түпнұсқасы болмаған жағдайда, нотариаттық расталған көшірмесі ұсынылады.
2005 жылғы 1 қаңтарға дейін өтiнiш бiлдiрiлген мамандық бойынша клиникалық қызметке кіріскен тұлғаларға тиісті мамандығы бойынша қайта даярлаудан өту талап етілмейді;
4) соңғы 5 жылдары мамандығы бойынша жоғары білімі бар мамандар үшін жалпы көлемі 216 сағат және орта медициналық білімі бар мамандар 108 сағат көлемінде біліктілігін арттырудан өткендігі туралы куәландыратын құжаттың көшірмесі (жұмыс өтілі болған жағдайда);
5) еңбек кітапшасының не еңбек жолын растайтын құжаттың (болған жағдайда) көшірмесі;
6) білім туралы құжаттың (жоғары, орта бiлiмнен кейiнгi немесе орта медициналық бiлiм) нострификациясы туралы куәландыратын құжаттың көшiрмелерi (қажет болған жағдайда);
7) жеке басты куәландыратын құжаттың көшірмесі.
Құжаттарды қабылдау МФҚБК аумақтық департаменттердің кеңсесінде «бір терезе» қағидаты бойынша жүргізіледі.
9. Ұсынылған құжаттардың толықтығын тексеру оларды қабылдап алған сәттен бастап 2 жұмыс күні ішінде жүзеге асырылады. Міндетті біліктілік емтиханынан өту үшін құжаттар толық ұсынылмаған жағдайда, үміткерге бас тарту туралы дәлелді жазбаша жауап жіберіледі.
Тестілеу МФҚБК аумақтық департаменттерімен өткізіледі.
10. Тестілеуді өткізудің мақсаты – теориялық білімдерін, Қазақстан Республикасының Денсаулық сақтау саласындағы заңнамаларды білуінің, сондай-ақ тиісті мамандық бойынша тәжірибелік амалдарды шешу қабілеттілігін ұтымды бағалау.
Тестілеуге арналған үй-жай бейнебақылау камераларымен жарақтандырылады.
11. МФҚБК аумақтық департаменттері тестілеуді өткізетін орнын, күнін және уақытын көрсете отырып тестілеуге қатысатын үміткерлердің тізімін қалыптастырады.
12. Тестілеуге мамандар жеке куәліктерін ұсынған жағдайда жіберіледі.
13. Тестілеудің басталуына 10-15 минут қалғанда МФҚБК немесе аумақтық департаментінің қызметкері тестілеуден өтетін үміткерлерге бағдарламамен жұмыс бойынша нұсқаулық жүргізеді.
Өзін нашар сезінген жағдайда маман бұл туралы тестілеу басталғанға дейін МФҚБК аумақтық департаментінің қызметкеріне хабарлауы тиіс және одан әрі тестілеуге жіберілмейді.
14. Мамандық бойынша тест сұрақтарының саны 50 құрайды. Тестілеуге арналған уақыт - 60 минут.
Тестілеуден өту және біліктілік санаты берілмейтін маман сертификатын алу үшін шекті деңгей жалпы жауаптардың 50% кем емес дұрыс жауаптары көлемін құрайды.
15. Тестіні өткізуге берілген уақыт аяқталғанда, бағдарлама автоматты түрде жабылады.
16. Тестілеу кезінде үміткерлердің сөйлесуіне және тестілеу өткізіліп отырған үй-жайдан шығып кетуіне болмайды. Қабылдаушы-таратушы электрондық құрылғылар (оның ішінде жеке қалта компьютерлері және өзге де электрондық құрал-жабдықтар) тестілеу кезінде өшірілуі тиіс.
17. МФҚБК аумақтық департаментінің қызметкері үміткер тестілеу тәртібін бұзған кезде оны тоқтатады және үміткердің тестілеуі өтілмеді деп есептеледі.
18. Тестілеу нәтижесін есептеу компьютерлік бағдарламаның көмегімен автоматты түрде жүргізіледі.
19. Тестілеу нәтижелері осы Қағидаларға 4-қосымшаға сәйкес екі данада ресімделеді, оның бірі үміткерге ол тестілеуді аяқтағаннан кейін беріледі, үміткердің қолы қойылған екінші данасы МФҚБК аумақтық департаментінде сақталады.
20. Тестілеуден өткен үміткерге біліктілік санаты берілмейтін маман сертификаты олардың тестілеуден өткен күнінен бастап күнтізбелік 10 күннің ішінде беріледі.
3. Ерікті біліктілік емтиханын өткізу тәртібі
21. Ерiктi бiлiктiлiк емтихандары осы Қағидаларға 5-қосымшаға сәйкес үміткер ерiктi бiлiктiлiк емтихандарын өткізу кезіндегі біліктілік талаптарына (бұдан әрі – біліктілік талаптары) сәйкес болған кезінде өткізіледі.
Жоғары және орта медициналық білімі бар үміткерлерге санат беру кезінде қойылатын біліктілік талаптары еңбек өтілін, тестілеу кезіндегі дұрыс жауаптардың пайыздарын, оның үздіксіз кәсіби дамуына ықпал ететін іс-шараларға үміткердің қатысуын есепке алады.
Үміткердің өзінің үздіксіз кәсіби дамуына ықпал ететін іс-шараларға қатысу көлемі санатты беру кезінде СБ қайта есептеу жүйесі бойынша (негізгі және қосымша) СБ-да өлшенеді.
22. Мамандардың бiлiктiлiк деңгейi мынадай санаттар бойынша анықталады:
1) екiншi санат;
2) бiрiншi санат;
3) жоғары санат.
23. Жоғарыда көрсетілген санатқа өтініш білдірілген біліктілік санатына біліктілік санатын алған күннен бастап маман кемінде үш жылдан кейiн жiберiледi.
24. Ерікті біліктілік емтихандары 2 кезеңнен тұрады:
1) тестілеу;
2) әңгімелесу.
25. Үміткерлер біліктілік санаты берілетін маман сертификатын алу үшін құжаттарды қолданыстағы маман сертификатының мерзімі аяқталғанға дейін кемінде алты айға жетпейтін мерзімде МФҚБК, МСЭҚК аумақтық департаменттеріне немесе МСЭҚК аумақтық департаменттеріне ұсынады.
Құжаттарды қабылдау МСЭҚК, МФҚБК аумақтық департаменттерінің және МСЭҚК аумақтық департаменттерінің кеңсесінде «бір терезе» қағидаты бойынша жүргізіледі.
26. Ерікті біліктілік емтихандарын тапсыру үшін үміткерлер осы Қағидаларға 6-қосымшаға сәйкес нысан бойынша өтініштерді және 7-қосымшаға сәйкес нысан бойынша аттестаттау ісін тапсырады.
27. Аттестаттау ісі үміткермен толтырады. Аттестаттау ісіндегі жазбалар аттестаттау ісінің тармақтарына және бағандарына сәйкес нақты және толық болуы тиіс, мәліметтер дәйекті болуы тиіс.
Толтырылған аттестаттау ісіне үміткер, кадр қызметінің маманы, сондай-ақ медициналық ұйымның басшысы қол қояды және медициналық ұйымның мөрімен расталады.
Кадр қызметінің маманы және медициналық ұйымның басшысы үміткердің аттестаттау ісінің толтырылуының дұрыстығын және дәйектілігін куәландырады.
Аттестаттау ісінің әр парағына ұйымның мөрі басылып, әр бетіне кадр қызметінің маманы қол қояды.
Қол қойылған және куәландырылған аттестаттау ісі үміткерге беріледі.
28. Санитариялық-эпидемиологиялық бейiнi мамандығы бойынша мамандарды қоспағанда, жоғары медициналық білімі бар үмiткердiң күнделiктi практикада пайдаланатын диагностика және емдеу әдістері көлемінің өтiнiш бiлдiрген санатқа сәйкестiгiне қорытындыны, медицина қызметкерiнiң бейiнiне сәйкес облыстардың, республикалық маңызды қалалардың, астананың денсаулық сақтауды мемлекеттiк басқарудың жергiлiктi органдарының мамандары (бастапқы медициналық-санитариялық көмек, акушер-гинеколог, хирург, педиатр, терапевт), орта медициналық білімі бар мамандарға, санитариялық-эпидемиологиялық бейiнi мамандығы бойынша мамандарды қоспағанда – негізгі жұмыс орнындағы бас мейірбике бередi.
Үміткердің практикалық дағдылары мамандықтардың біліктілік сипаттарына сәйкес бағаланады.
29. Біліктілік емтихандарын өткізу кестесі (үміткерлердің аттестаттау істерін, тестілеу, әңгімелесуін, өтінішін қабылдау) жыл сайын МФҚБК немесе МСЭҚК бекітіледі. Біліктілік емтиханын өткізу жыл бойы тоқсанына бір реттен кем емес өткізіледі.
30. Медициналық білімі бар үміткердің санитариялық-эпидемиологиялық бейінді мамандарын қоспағанда осы Қағидалармен белгіленген талаптарына сәйкестігін МФҚБК аумақтық департаменттерімен тартылатын тәуелсіз сарапшылар айқындайды.
Тәуелсіз сарапшы осы Қағидаларға 5-қосымшаға сәйкес үміткердің аттестаттау ісінің біліктілік талаптарына сәйкестігін бағалайды.
Егер үміткер өтініш білдірілген санаттың практикалық дағдыларының біліктілік талаптарына сәйкес келмесе үміткер тестілеуге жіберілмейді.
31. Біліктілік санатын алу үшін мамандар осы Қағидаларға 5-қосымшаға сәйкес біліктілік талаптарға сай болуы тиіс.
Өтінішті, аттестаттау iстерiн қабылдау, сондай-ақ мамандарды тестілеуді МСЭҚК, МФҚБК аумақтық департаменттері және МСЭҚК аумақтық департаменттері жүзеге асырады.
32. Тестілеу шекті деңгейдің нәтижелерін қоспағанда, осы Қағидалардың 2-тарауда қарастырылған ұқсас тәртіппен жүргізіледі.
Тестілеу нәтижесі тестілеу өткізілген күннен бастап бір жыл бойы күшінде болады.
33. Үмiткер бiлiктiлiк емтиханның келесi кезеңiне егер тестiлеу нәтижесі белгіленген шектi деңгейден кем пайызды құраған жағдайда жiберiлмейдi: жоғары санатқа 80% – дан кем емес, бірінші санатқа – 70%-дан кем емес, екінші санатқа – 60%-дан кем емес.
34. Үмiткердiң тестiлеу нәтижесі өтiнiш бiлдiрiлген санаттан төмен болған жағдайда үмiткердiң келiсiмi бойынша өтiнiш бiлдiрiлгеннен төмен санатқа арналған бiлiктiлiк емтиханының келесi кезеңдерiн өтедi.
50% немесе одан жоғары дұрыс жауап берген үміткер біліктілік санаты берілмейтін маман сертификатын алады.
Біліктілік санаты берілмейтін маман сертификатын алу үшін үміткер тестілеу нәтижесі мен өткізілген күні көрсетілген жазбаша түрде өтінішті аумақтық департаменттерге ұсынады.
35. Әңгімелесу өткiзу үшiн МФҚБК немесе МСЭҚК, олардың аумақтық департаменттерінің, денсаулық сақтау басқарудың жергiлiктi органдарының, республикалық ғылым және бiлiм беру ұйымдарының, сондай-ақ денсаулық сақтау саласындағы үкiметтiк емес ұйымдардың өкiлдерiнiң санынан МФҚБК, МСЭҚК және олардың аумақтық департаменттерінің бұйрығымен мамандандырылған комиссия (бұдан әрi – комиссия) құрылады.
Комиссия мүшелерiнiң саны тақ болуы және 13 адамнан кем болмауы тиіс. Комиссия төрағасы болып Қазақстан Республикасы Денсаулық сақтау министрлігінің аппаратының немесе МФҚБК, МСЭҚК, олардың аумақтық департаменттерінің басшылары қызметкерлерінің бірі тағайындалады. Комиссия мүшелерiнiң арасынан төрағаның орынбасары тағайындалады.
Егер комиссияның отырысында комиссияның бекiтiлген құрамының кемiнде үштен екi мүшесi қатысса, комиссияның отырысы құқықты болып саналады.
36. Дауыс беру нәтижелерi комиссия мүшелерiнiң басым дауыстарымен айқындалады. Дауыстар саны тең болған жағдайда шешушi дауыс болып комиссия төрағасының дауысы саналады. Комиссия хатшысының дауыс беру құқығы жоқ.
37. Әңгімелесу барысында маманның бiлiктiлiк деңгейi, оның кәсiптiк мiндеттердi (диагностикалық, тәсілдік, ұйымдастырушылық) шеше бiлуi, қолда бар ақпаратқа талдау жасай бiлуi және ол бойынша тиiстi шешiм қабылдай бiлуi бағаланады.
38. Ерікті бiлiктiлiк емтиханы аяқталғаннан кейiн осы Қағидалардың 8-қосымшасына сәйкес комиссия отырысының хаттамасы ресiмделедi.
МФҚБК, МСЭҚК комиссиясы отырысының хаттамасының негiзiнде, МФҚБК, МСЭҚК немесе оның аумақтық департаменттерінің басшысымен бұйрық түрінде ресімделетін маман сертификатын беру туралы шешiм шығарады.
39. Бiлiктiлiк санаты берілетін маман сертификаты МФҚБК, МСЭҚК немесе оның аумақтық департаменті комиссия отырысының күнiнен бастап күнтiзбелiк 30 күннiң iшiнде беріледi.
40. Бiлiктiлiк емтихандарын тапсыра алмаған тұлғалар өтiнiш пен өтініш бiлдiрген мамандығы бойынша көлемi жоғары білімі бар мамандар үшін кемiнде 108 сағат және орта білімі бар мамандар үшін – 54 сағат болатын бiлiктiлiгiн арттыру курстарынан қосымша өткендiгiн растайтын құжаттарды ұсынғаннан кейін бiлiктiлiк емтиханды қайта тапсыруға жіберіледі.
41. Бiлiктiлiк емтихандарын қайта тапсыра алмаған тұлғалар аттестаттау ісін, өтiнiш пен өтiнiш бiлдiрiлген мамандық бойынша жоғары білімі бар мамандар үшін көлемi кемiнде 216 сағат және орта білімі бар мамандар үшін 108 сағат болатын тақырыптық бiлiктiлiгiн арттыру курстарын қосымша өткенiн растайтын құжаттарды ұсынғаннан кейін бiлiктiлiк емтиханды қайта тапсыруға жіберіледі.
Біліктілік емтиханын қайта тапсыру үшін үміткерлер құжаттарын МФҚБК, МСЭҚК және оның аумақтық департаменттеріне тапсырады.
42. Бiлiктiлiк санаты беріле отырып, өткiзiлетiн бiлiктiлiк емтихандарын өткiзу кезінде мыналар ескеріледі:
1) медициналық-санитарлық алғашқы көмек көрсететін (учаскелiк терапевтер, педиатрлар, жалпы практика дәрiгерлерi, фельдшерлер, акушерлер және мейiрбикелер), терапия, педиатрия және жалпы хирургия мамандықтары бойынша қызметті жүзеге асыратын аудандық (ауылдық) стационарлар деңгейінде қызметкерлер үшін сағаттарының жалпы көлемінен 50 %-нан асырмай бейінді мамандық бойынша біліктілігін арттыру өтуге рұқсат беріледі;
2) егер маман өтiнiш бiлдiрген мамандық бойынша соңғы екі жылда екi немесе одан көп ұйымдарда жұмыс iстесе, есебiн осы ұйымдардың басшылары жеке-жеке бекiтедi;
3) денсаулық сақтау жүйесiнде тәуелсiз сарапшы болып табылатын тұлғалардың жұмыс өтiлiне мамандығы бойынша тәуелсiз сарапшы ретiнде аккредиттелген сәттен бастап, сараптамалық қызметiнiң жұмыс өтiлi мамандық бейiнi бойынша жұмыс өтiлiне саналады;
4) денсаулық сақтау жүйесінде мемлекеттік қызметкер болып табылатын тұлға, денсаулық сақтау жүйесiнiң кәсiподақтарында (бiрлестiктерiнде) жұмыс iстеп жатқан "қоғамдық денсаулық сақтау/әлеуметтiк гигиена және денсаулықты ұйымдастыру" мамандықтары бойынша бiлiктiлiк санатын алуға үмiткердiң жұмыс өтiлiне денсаулық сақтау жүйесiндегі, сонымен қатар, денсаулық сақтау жүйесiнiң кәсiподақтарында және мемлекеттік қызметтегі жұмыс өтiлi саналады;
5) «мейірбике ісі» мамандығы бойынша сертификат алуға үміткер тұлғалардың осы мамандық бойынша жұмыс өтіліне «фельдшер, жалпы практика фельдшері» және «акушер, жалпы практика акушері» мамандықтары бойынша жұмыс өтілі де саналады;
6) «жалпы дәрігерлік практика» мамандығы бойынша маман сертификатын алуға үміткер тұлғалардың осы мамандық бойынша жұмыс өтіліне «терапия» және «педиатрия» мамандығы бойынша еңбек өтілі саналады;
7) «терапия» және «педиатрия» мамандығы бойынша маман сертификатын алуға үміткер тұлғалардың осы мамандық бойынша жұмыс өтіліне «жалпы дәрігерлік практика» мамандығы бойынша еңбек өтілі саналады;
8) жалпы практика дәрігері лауазымына орналасқан тұлғалар үшін терапия (жасөспірімдер терапиясы), педиатрия мамандығы бойынша алған қолданыстағы біліктілік санаты қолдану мерзімі аяқталғанға дейін сақталады.
43. Бірінші, жоғары санат берілген тиісті мамандық бойынша маман сертификатының қолданысы өтінілген мамандық бойынша қатарынан үш рет бірінші, жоғары санат алған тұлғалары үшін мерзімсіз болып табылады.
Тиісті біліктілік санаты берілетін мерзімсіз маман сертификатын алу үшін мамандардың МСЭҚК-ге, МСЭҚК аумақтық департаменттеріне, МФҚБК аумақтық департаменттеріне мынадай құжаттарды ұсынады:
1) осы Қағидаларға 9-қосымшаға сәйкес нысан бойынша өтiнiш;
2) маман сертификаттарының көшірмелері;
3) жеке басты куәландыратын құжаттың көшірмесі;
4) жалпы көлемде соңғы 5 жылда үздіксіз кәсіби деңгейін дамыту шараларына қатысқанын растайтын құжаттар:
бірінші санатты мамандар үшін:
жоғары медициналық білімі бар мамандарға – 254 СБ, орта медициналық білімі бар мамандарға – 240 СБ;
жоғары санатты мамандар үшін:
жоғары медициналық білімі бар мамандарға – 270 СБ, орта медициналық білімі бар мамандарға – 254 СБ.
Маманның мерзімсіз сертификаты медициналық ұйымның кадр қызметінде әрбір келесі 5 жыл сайын үздіксіз кәсіби дамуына ықпал ететін іс-шараларға қатысқандығын растайтын құжат болған кезде жарамды.
44. Маман сәйкес санат бойынша мерзімсіз сертификат алу үшін, қатарынан берілген санаттар арасында үзілісі алты айдан аспаған жағдайда рұқсат беріледі.
Бірінші, жоғары санат берілген мерзімсіз маман сертификаты маманның қолданыстағы сертификатының мерзімі аяқталуына үш ай қалғанда, одан ерте емес, растайтын құжаттарды қоса ұсынған жағдайда беріледі.
4. Апелляциялық өтінішті қарау тәртібі
45. Міндетті біліктілік емтиханның нәтижесімен келіспеген үміткер тестілеу нәтижесін МФҚБК аумақтық департаменттерінің апелляциялық комиссиясына, ерікті біліктілік емтиханның нәтижесін - МФҚБК немесе МСЭҚК және оның аумақтық департаменттерінің апелляциялық комиссиясына шағымдануға құқылы.
46. Апелляциялық өтініш (бұдан әрі – өтініш) апелляциялық комиссия төрағасының атына келіспейтін нақты себебін көрсетіп, тиісті МФҚБК, МСЭҚК аумақтық департаменттеріне, МСЭҚК аумақтық департаменттеріне ұсынылады.
Міндетті біліктілік емтиханының нәтижесіне шағымдану туралы өтініш МФҚБК аумақтық департаменттерінде қаралады.
Ерікті біліктілік емтиханының нәтижесіне шағымдану туралы өтініш тиісті аумақтық департаментке беріледі және МФҚБК немесе МСЭҚК апелляциялық комиссиясында қаралады.
47. Өтініш міндетті немесе ерікті біліктілік емтиханының нәтижесін алған сәттен бастап 24 сағаттан кешіктірмей беріледі.
48. МФҚБК, МСЭҚК аумақтық департаменттері өтінішті барлық қажетті құжаттарымен бірге (тестілеу нәтижесі, тестіленушінің жауаптары мен сұрақтардың тізбесін, біліктілік комиссиясының шешімін) МФҚБК немесе МСЭҚК аумақтық департаментінде тіркелген сәттен бастап 3 күннен кешіктірмей МФҚБК, МСЭҚК апелляциялық комиссиясына жібереді.
49. Міндетті біліктілік емтиханының нәтижесін қарау үшін апелляциялық комиссия құрамы тиісті МФҚБК аумақтық департаменттерінің қызметкерлерінен, ерікті біліктілік емтиханының нәтижесін қарау үшін апелляциялық комиссия құрамы МФҚБК немесе МСЭҚК, МСЭҚК аумақтық департаменттерінің қызметкерлерінен құрылады.
50. Апелляциялық комиссияның дербес құрамын жыл сайын тиісті МФҚБК немесе МСЭҚК аумақтық департаменттің басшысы, МФҚБК немесе МСЭҚК төрағасы бекітеді.
51. Апелляциялық комиссия мүшелерінің жалпы саны тақ санды құрайды, бірақ 7 адамнан артық болмауы тиіс.
52. Апелляциялық комиссия өтінішті МФҚБК аумақтық департаментінде, МСЭҚК және оның аумақтық департаменттерінің кеңсесінде тіркелген сәттен бастап 15 жұмыс күні ішінде қарау жөнінде отырыс өткізеді.
Апелляциялық өтініштерді қарау кезінде (қажет болған жағдайда) аккредиттелген тәуелсіз сарапшылар тартылады. Сараптаманы жүргізуге тәуелсіз сарапшыларды тарту «Денсаулық сақтау саласындағы тәуелсіз сарапшыларды тарту ережесін бекіту туралы» Қазақстан Республикасы Үкіметінің 2011 жылғы 7 қарашадағы № 1304 қаулысына сәйкес жүзеге асырылады.
53. Егер отырысқа оның құрамының кемiнде үштен екi мүшесi қатысса, апелляциялық комиссия шешімі құқықты болып саналады. Дауыс беру нәтижелерi комиссия мүшелерiнiң басым дауыстарымен анықталады. Дауыстар саны тең болған жағдайда шешушi дауыс болып апелляциялық комиссия төрағасының дауысы саналады.
54. Апелляциялық комиссия шешімі осы Қағидаларға 10-қосымшаға сәйкес нысан бойынша хаттама түрінде ресімделеді және апелляциялық комиссияның барлық мүшесі қол қояды.
55. Үміткерге МФҚБК, МСЭҚК кеңсесінде тіркелген сәттен бастап 7 жұмыс күні ішінде апелляциялық өтінішті қарау нәтижесі туралы жазбаша түрде хабарланады.
Денсаулық сақтау саласында
бiлiктiлiк емтихандарын өткiзу
қағидаларына 1-қосымша
Нысан
Маман сертификаты
Осы маман сертификаты _______________________________________________
(тегi, аты, әкесiнiң аты)
_____________________________________________________________________
___________________________________________________ мамандығы бойынша
(номенклатура бойынша мамандық)
біліктілік санаты тағайындалмай берілді.
Оны беру туралы шешiм шығарған мемлекеттiк орган басшысының 20_______
жылғы «___» _____________ № __________ бұйрығы.
Сертификат 20_____ жылғы «___» _______________________ дейiн жарамды.
Оны беру туралы шешiм шығарған мемлекеттiк орган басшысының қолы
________________
М.О.
Тiркеу № ___________
Берiлген күнi 20___ жылғы «__» ___________
Денсаулық сақтау саласында
бiлiктiлiк емтихандарын өткiзу
қағидаларына 2-қосымша
Нысан
Маман сертификаты
Осы маман сертификаты _______________________________________________
(тегi, аты, әкесiнiң аты)
_____________________________________________________________________
___________________________________________________ мамандығы бойынша
(номенклатура бойынша мамандық)
_____________________________ бiлiктiлiк санаты тағайындалып берілді.
Оны беру туралы шешiм шығарған мемлекеттiк орган басшысының
20_______ жылғы «___» _____________ № __________ бұйрығы.
Сертификат 20_____ жылғы «___» ___________ дейiн жарамды.
Оны беру туралы шешiм шығарған мемлекеттiк орган басшысының қолы
________________
М.О.
Тiркеу № ___________
Берiлген күнi 20___ жылғы «__» ___________
Денсаулық сақтау саласында
бiлiктiлiк емтихандарын өткiзу
қағидаларына 3-қосымша
Нысан
____________________________________
____________________________________
____________________________________
____________________________________
____________________________________
басшысына (мемлекеттік органның
аумақтық департаментінің және
қоғамдық қауымдастықтың атауы,
басшының тегі, аты, әкесінің аты)
____________________________________
(кімнен)
____________________________________
(үміткердің тегі, аты, әкесінің аты)
____________________________________
____________________________________
(мекенжайы, байланыс телефоны)
ӨТІНІШ
_____________________________________________________________________
(мамандықтың атауы)
мамандығы бойынша біліктілік санаты берілмейтін мiндеттi біліктілік
емтиханына жіберуіңізді сұраймын.
Құжаттар қоса беріледі:
_______________________
(үміткердің қолы)
_______________________
(толтырған күні)
* өтінішті үміткер өз қолымен толтырады
Денсаулық сақтау саласында
бiлiктiлiк емтихандарын өткiзу
қағидаларына 4-қосымша
Нысан
Тестілеу нәтижесі
Үміткердің тегi, аты, әкесінің аты: _________________________________
Туған күні: _________________________________
Жынысы: _________________________________
Білімі: _________________________________
Мамандығы: _________________________________
Біліктілік санаты бар: _________________________________
Өтініш білдірген санаты _____________________________________________
Тестілеу рәсімін өткізген мемлекеттік органның атауы: _______________
_____________________________________________________________________
Тест блогы Блоктағы Дұрыс Пайыздық
сұрақтардың жауаптардың нәтиже
саны саны
Мамандығы бойынша
сұрақтар
Нәтижесі: _____________
Тестілеу әкімшісі: _______________________________
(тегі, аты, әкесінің аты, қолы)
М.О.
Үміткер: _______________________________
(тегі, аты, әкесінің аты, қолы)
Тестілеу күні: _____________
Денсаулық сақтау саласында
бiлiктiлiк емтихандарын өткiзу
қағидаларына 5-қосымша
Жоғары медициналық білімі бар үміткерлерге біліктілік санатын
беру кезінде қойылатын біліктілік талаптары
Санаты |
Еңбек өтілі |
Тестілеу % |
Үздіксіз кәсіби дамуға ықпал ететін іс-шараларға қатысу |
||||
Қажетті СБ жалпы саны |
Негізгі және қосымша СБ арақатынасы (%) |
Негізгі СБ |
Қосымша СБ |
||||
сағатпен |
СБ-де |
СБ-де |
|||||
Жоғары |
11 |
80 |
270 |
80%/20% |
216 |
216 |
54 |
Бірінші |
6 |
70 |
254 |
85%/15% |
216 |
216 |
38 |
Екінші |
3 |
60 |
120 |
90%/10% |
108 |
108 |
12 |
Орта медициналық білімі бар үміткерлерге біліктілік санатын
беру кезінде қойылатын біліктілік талаптары
Санаты |
Еңбек өтілі |
Тестілеу % |
Үздіксіз кәсіби дамуға ықпал ететін іс-шараларға қатысу |
||||
Қажетті СБ жалпы саны |
Негізгі және қосымша СБ арақатынасы (%) |
Негізгі СБ |
Қосымша СБ |
||||
сағатпен |
СБ-де |
СБ-де |
|||||
Жоғары |
11 |
80 |
254 |
85%/15% |
216 |
216 |
38 |
Бірінші |
6 |
70 |
240 |
90%/10% |
216 |
216 |
24 |
Екінші |
3 |
60 |
108 |
100%/0% |
108 |
108 |
- |
Жоғары медициналық білімі бар үміткерлерге біліктілік санатын
беру кезінде сынақ бірліктерін қайта есептеу жүйесі
№ |
Іс-шаралар |
Сынақ бірліктерінің (СБ) саны |
Негізгі сынақ бірліктері |
||
1 |
Біліктілігін арттыру*: |
|
оқудың 1 аптасы - 54 сағат (36 дәрісханалық сағат +18 сағат СӨЖ) |
54 |
|
* - денсаулық сақтау саласындағы уәкілетті орган айқындаған медициналық білім беру және ғылыми ұйымдарда, соның ішінде шетелдік ұйымдарда өткен біліктілікті арттыру сағаттары ескеріледі (бекітілген тізбе) |
||
Қосымша сынақ бірліктері |
||
2 |
- облыстық, республикалық маңызы бар қалаларда (қатысу/баяндамамен қатысу) |
3/6 |
- республикалық (қатысу/баяндамамен қатысу) |
5/10 |
|
- халықаралық (қатысу/баяндамамен қатысу) деңгейде съезге, конгреске, конференцияға қатысқандығын сертификатпен растау (тақырыбы, өткен жері, өткізуді ұйымдастырушы, күні) |
7/14 |
|
3 |
Медициналық білім беру және ғылыми ұйымдар қашықтан білім беру технологияларын (ТД-; телемедициналық технологияларды, желілік технологияларды қоса алғанда) қолданып өткізілетін оқыту семинарларына, дәрістерге қатысу (тақырыбы, ұзақтығы - сағатпен, өткен жері, өткізуді ұйымдастырушы, күні) |
1 сағат = 1 |
4 |
Монографияны жариялау (тақырыбы, авторлар, баспа, күні): |
|
Моноавторлық/бірінші автор |
20 |
|
Бірлескен авторлық |
10 |
|
5 |
Ғылыми мақаланы МАК тізбесі бойынша басылымдарда жариялау (тақырыбы, авторлар, басылымның атауы және №, күні): |
|
Моноавторлық/бірінші автор |
7 |
|
Бірлескен авторлық |
5 |
|
6 |
Ғылыми мақаланы шетел басылымдарында жариялау (тақырыбы, авторлары, басылымның атауы және №, күні): |
|
Моноавторлық/бірінші автор |
10 |
|
Бірлескен автор |
8 |
|
Рeer-reviewed журналдарда: |
||
Моноавторлық/бірінші автор |
20 |
|
Бірлескен автор |
15 |
|
7 |
Ғылыми мақаланы басқа арнайы басылымдарда, сайттарда жариялау* (тақырыбы, авторлары, басылымның атауы және №, күні, сайтқа сілтеме): |
|
Моноавторлық/бірінші автор |
5 |
|
Бірлескен автор |
3 |
|
8 |
Баяндама тезистерін ғылыми-практикалық конференциялардың жинақтарында жариялау* (тақырыбы, авторлары, басылымның атауы және №, күні): |
|
- республикалық деңгейде |
1 тезис = 3 |
|
- халықаралық деңгейде |
1 тезис = 5 |
|
* - автор мен бірінші 3 бірлескен авторға есептеледі |
||
9 |
Дәлелді медицина қағидаттарының практикалық медицинаға арналған негізінде әдістемелік ұсынымдарды жариялау (тақырыбы, авторлары, басылым, күні): |
|
Моноавторлық/бірінші автор |
7 |
|
Бірлескен автор |
5 |
|
10 |
Өнертабысқа патент алу (куәліктің берілген күні және №) |
20 |
11 |
Зияткерлік меншік туралы берілген куәлік (куәліктің берілген күні және №) |
15 |
12 |
Жұмыс сағаттарының саны туралы растайтын құжат берілетін шетелде тағылымдамадан өту (жұмыс орнында оқу) (тақырыбы, ұзақтығы, өткен жері, күні) |
1 күн = 5 |
13 |
Мамандығы бойынша мастер-класқа қатысу (тақырыбы, ұзақтығы, өткізілген жері, өткізуді ұйымдастырушы, күні): |
|
- Қазақстан Республикасында 1 күн - 6 сағат*; |
6 |
|
- шетелде - 1 күн - 6 сағат* |
8 |
|
14 |
Бұқаралық ақпарат құралдарымен жұмыс (тақырыбы, телеарна мен бағдарламаның атауы және басылымның атауы мен №, күні): |
|
- денсаулық сақтау мәселелеріне арналған телехабарларға қатысу |
4 |
|
- газеттер мен арнайы журналдардағы жарияланымдар |
2 |
|
15 |
Құжатпен расталған ауруды диагностикалаудың жаңа әдісін практикалық жұмысқа енгізу (емдеу, профилактика) (жергілікті денсаулық сақтауды басқару органының қатысуымен енгізу актісі) |
10 |
16 |
Республикалық кәсіби қауымдастықтың осы қоғамдастықтың ұсынымдарымен расталған іс-шараларға белсенді қатысу |
5 |
17 |
Мамандығы бойынша үздік атағына кәсіби конкурстардағы номинация: |
|
республикалық деңгейде: |
||
1-орын/2-орын/3-орын |
30/25/20 |
|
облыстық, республикалық деңгейдегі қалалар: |
||
1-орын/2-орын/3-орын |
20/15/10 |
|
қалалық деңгейде |
||
1-орын/2-орын/3-орын |
15/12/8 |
|
аудандық деңгейде |
||
1-орын/2-орын/3-орын |
12/8/6 |
|
Орта медициналық білімі бар үміткерлерге біліктілік санаттарын
тағайындау кезінде сынақ бірліктерін қайта санау жүйесі
Іс-шаралар |
Сынақ бірліктерінің (СБ) саны |
|
Негізгі сынақ бірліктері |
||
1 |
Біліктілігін арттыру*: |
|
1-ші оқыту аптасы - 54 сағат (36 дәрісханалық сағат +18 сағат СӨЖ) |
54 |
|
* - денсаулық сақтау саласындағы уәкілетті орган белгілеген медициналық білім беру және ғылыми ұйымдарда біліктілікті арттыру сағаттары ескеріледі (бекітілген тізбе) |
||
Қосымша сынақ бірліктері |
||
2 |
Съездер, конгрестер, конференциялар жұмысына қатысқаны сертификатпен расталған, деңгейі (тақырыбы, өткізілген жері, өткізуді ұйымдастырушы, күні): |
|
- аудандық, облыстық (қатысу/баяндамамен қатысу) |
3/6 |
|
- республикалық маңызы бар қалаларда (қатысу/баяндамамен қатысу) |
5/10 |
|
- халықаралық (қатысу/баяндамамен қатысу) деңгейде |
7/14 |
|
3 |
Медициналық білім беру және ғылыми ұйымдар қашықтан білім беру технологияларын қолданып өткізілетін оқу семинарларына, дәрістерге қатысу (тақырыбы, ұзақтығы - сағатпен, өткізілген жері, өткізуді ұйымдастырушы, күні) |
1 сағат = 1 |
4 |
Мақаланы республикалық, облыстық және аудандық басылымдарда жариялау (тақырыбы, авторлары, басылымның атауы және №, күні): |
|
Моноавторлық/бірінші автор |
10 |
|
Бірлескен автор |
8 |
|
5 |
Ғылыми мақаланы басқа арнайы басылымдарда, сайттарда жариялау (тақырыбы, авторлары, басылымның атауы және №, күні): |
|
Моноавторлық/бірінші автор |
5 |
|
Бірлескен автор |
3 |
|
6 |
Баяндама тезистерін ғылыми-практикалық конференцияларда жариялау* (тақырыбы, авторлары, басылымның атауы және №, күні): |
|
- облыстық деңгейде |
1 тезис = 3 |
|
- аудандық деңгейде |
1 тезис = 5 |
|
* - автор мен бірінші 3 бірлескен авторға есептеледі |
||
7 |
Дәлелді медицина қағидаттары негізінде практикалық денсаулық сақтауға арналған әдістемелік ұсынымдарды жариялау (тақырыбы, авторлар, басылым, күні): |
|
Моноавторлық/бірінші автор |
7 |
|
Бірлескен автор |
5 |
|
8 |
Өнертабысқа патент алу (куәлік № және берілген күні) |
20 |
9 |
Зияткерлік меншік туралы берілген куәлік (куәлік № және берілген күні) |
15 |
10 |
Жұмыс сағаттарының саны туралы расталған құжат берілетін шетелде тағылымдамадан өту (жұмыс орнында оқу) (тақырыбы, ұзақтығы, өткізілетін жері, күні) |
1 күн = 5 |
11 |
Мамандығы бойынша мастер-класқа қатысу (тақырыбы, ұзақтығы, өткізілетін жері, күні): |
|
- Қазақстан Республикасында 1 күн - 6 сағат*; |
6 |
|
- шетелде - 1 күн - 6 сағат** |
8 |
|
12 |
Бұқаралық ақпарат құралдарымен жұмыс (тақырыбы, телеарна мен бағдарламаның атауы және басылымның атауы және №, күні): |
|
- денсаулық сақтау мәселелеріне арналған телехабарларға қатысу |
4 |
|
- газеттер мен мамандандырылмаған журналдардағы жарияланымдар |
2 |
|
13 |
Республикалық кәсіби қауымдастықтың, осы қауымдастықтың ұсыныстарымен расталған іс-шараларына белсенді қатысу |
5 |
14 |
Мамандығы бойынша үздік атағына кәсіби конкурстардағы номинациялар: |
|
республикалық деңгейде: |
||
1-орын/2-орын/3-орын |
30/25/20 |
|
облыстық, республикалық деңгейдегі қалалар: |
||
1-орын/2-орын/3-орын |
20/15/10 |
|
қалалық деңгейде |
||
1-орын/2-орын/3-орын |
15/12/8 |
|
аудандық деңгейде |
||
1-орын/2-орын/3-орын |
12/8/6 |
|
Денсаулық сақтау саласында
бiлiктiлiк емтихандарын өткiзу
қағидаларына 6-қосымша
Нысан
____________________________________
____________________________________
____________________________________
____________________________________
басшысына (мемлекеттік органның
аумақтық департаментінің және
қоғамдық қауымдастықтың атауы,
басшының тегі, аты, әкесінің аты)
____________________________________
(кімнен)
____________________________________
(үміткердің тегі, аты, әкесінің аты)
____________________________________
____________________________________
(мекенжайы, байланыс телефоны)
ӨТІНІШ
Сізден ______________________________________________________________
(мамандық атауы)
мамандығы бойынша _______________________ біліктілік санаты берілетін
біліктілік емтиханына жіберуіңізді сұраймын.
Аттестаттау ісі қоса беріледі.
___________________
(үміткердің қолы)
___________________
(толтырған күні)
*өтінішті үміткер өз қолымен толтырады
Денсаулық сақтау саласында
бiлiктiлiк емтихандарын өткiзу
қағидаларына 7-қосымша
Нысан
АТТЕСТАТТАУ ІСІ № __________
1. Тегі _______________ Аты-жөні __________ Әкесінің аты ____________
(деректер жеке куәлігіне енгізіледі)
Туған күні: ___.____.______ ж.
Мекенжайы: __________________________________________________________
Байланыс телефоны _______________________
е-mail __________________________________
Жұмыс орны __________________________________________________________
_____________________________________________________________________
Лауазымы ____________________________________________________________
2. Білімі: жоғары медициналық _______________________________________
(дипломы бойынша мамандығы)
Техникалық, кәсіптік, орта білімнен кейінгі немесе орта медициналық
_____________________________________________________________________
(дипломы бойынша мамандығы)
Оқу орнының атауы ___________________________________________________
_____________________________________________________________________
Сериясы |
Дипломның № |
Түскен жылы |
Бітірген жылы |
_____________________________________________________________________
мамандығы бойынша интернатура, клиникалық ординатура, резидентура
(жоғары медициналық білімі бар мамандар үшін)
Мамандығы бойынша қайта даярлануы ___________________________________
(циклдың аты, сағат саны, өткен
мерзімі мен орны)
_____________________________________________________________________
2005 жылғы 1 қаңтарға дейін өтiнiш бiлдiрiлген мамандық бойынша
клиникалық қызметке кіріскен тұлғаларға тиісті мамандығы бойынша
қайта даярлаудан өту талап етілмейді.
Өтініш білдірген мамандық бойынша біліктілігін арттыру курстары (өту
кезеңі және орны, сағат саны):
1) __________________________________________________________________
2) __________________________________________________________________
3) __________________________________________________________________
3. Еңбек жолы (өтініш білдірген мамандық бойынша)
Жалпы медициналық өтілі _____________________________________________
Өтініш білдірген мамандық бойынша өтілі _____________________________
Лауазымы ____________________________________________________________
№ |
Қабылданған күні |
Жұмыстан босатылған күні |
Жұмысқа қабылданғаны, жұмыстан босатылғаны және ауыстырылғаны туралы мәліметтер |
Бұйрықтың № мен шығарылған күні |
1 |
||||
2 |
||||
3 |
4. Санатсыз сертификаттың болуы, берілген жері:
_____________________________________________________________________
берілген күні _______________ бұйрықтың № ______________
Сертификат 20____ жылғы «___» ____________ дейiн жарамды.
________________ санатымен маман сертификатының болуы, берілген жері:
_____________________________________________________________________
берілген күні _______________ бұйрықтың № ______________
Сертификат 20____ жылғы «___» ____________ дейiн жарамды.
5. Үміткердің үздіксіз кәсіби дамуына ықпал ететін іс-шараларға
қатысуы туралы ақпарат.
Үздіксіз кәсіби дамуына ықпал ететін іс-шараларға қатысу |
||||
Соңғы 5 жылда жиналған СБ жалпы саны |
Соңғы 5 жылда жинақталған негізгі СБ мен қосымша СБ арақатынасы (%) |
Соңғы 5 жылда жинақталған негізгі СБ |
Соңғы 5 жылда жинақталған қосымша СБ |
|
сағатта |
СБ-де |
СБ-де |
||
5.1. Жинақталған негізгі сынақ бірліктері туралы ақпарат (өтініш
білдірген мамандығы бойынша денсаулық сақтау ұйымдары белгілеген
медициналық білім беру және ғылыми ұйымдарда, сондай-ақ шетелде
біліктілігін арттырғаны туралы ақпарат (соңғы 5 жылда)
№ |
Атауы, циклдың ұзақтығы (сағат) |
Медициналық білім беру және ғылыми ұйымдардың атаулары, өткен жері |
Оқудың басталуы |
Оқудың аяқталуы |
1 |
||||
2 |
5.2. Жинаған қосымша сынақ бірліктері туралы ақпарат
№ |
Іс-шараның атауы (барлық деректерді толық көрсетіп) |
Сынақ бірліктерінің саны |
1 |
||
2 |
||
3 |
6. Үміткердің бастапқы есепке алу құжаттамасының деректеріне сәйкес
өтініш берген мамандығы бойынша соңғы 2 жылғы есебі
Ескертпе:
Мамандығы бойынша еңбек жолы 12 айдан астам үзілісте болған
жағдайда біліктілік санаты беріле отырып, маман сертификатын алу үшін
мамандар екi жыл жұмыс істеуі тиіс.
Мамандығы бойынша еңбек жолының үзiлiсi кемiнде 12 ай болған
жағдайда маман үзiлiске дейiн және үзiлiстен кейiнгі өндірістік
қызметінің жиынтықта екi жылды құрайтын жұмыс істеген кезеңi үшiн
есеп тапсырады.
Денсаулық сақтау жүйесiндегi мемлекеттiк қызметке өтуiне
байланысты маманның клиникалық қызметi үзiлген жағдайда, негiзгi
мамандығы бойынша жұмыс өтілінде, оның iшiнде мемлекеттiк қызметте
болған уақыты есептеледi.
Статистикалық көрсеткіштер*
Көрсеткіштер (көлемі, сапа мен тиімділік индикаторлары) |
20___ жыл |
20___ жыл |
*үміткердің қалауы бойынша осы мамандық үшін маңызы басым
көрсеткіштерге қысқаша талдама шолу жасалған көрсеткіштер
6.1. Диагностика мен емдеудің күнделікті практикада пайдаланылатын
әдістерінің көлемі:
Практикалық дағдылары (критерийлер) |
Екінші санат |
Бірінші санат |
Жоғары санат |
Тиiстi тәртiп бойынша диагностика мен емдеу хаттамаларына сәйкес аурулардың және жарақаттардың профилактикасы, диагностикасы емдеу әдiстерiн күнделiктi практикада қолдану |
Екiншi санатқа қосымша, сырқаттану және олардың асқынулары кезiнде профилактикасын, диагностикасын, емдеудiң қазiргi заманғы әдiстерiн күнделiктi практикада қолдану |
Бiрiншi санатқа қосымша, диагностика мен емдеудiң жоғары технологиялық әдiстерiн күнделiктi практикада қолдану. Ауылдық аумақтардың мамандары, амбулаториялық-емханалық буын мамандары үшiн бiрiншi санатқа қосымша кемiнде үшiншi байланысты мамандық бойынша диагностика мен емдеудiң әдiстерiн күнделiктi практикада қолдану |
7. Тәртіптік, әкімшілік жазалар, көтермелеулер (соңғы жылда)
_____________________________________________________________________
Үміткер ___________ _________________________
(қолы) (Т.А.Ә.)
Медициналық ұйымның басшысы ___________ _________________________
(қолы) (Т.А.Ә.)
Кадр қызметінің маманы растады ___________ _________________________
(қолы) (Т.А.Ә.)
М.О.
Аттестаттау ісін растау күні 20___ жылғы «___» __________
Аттестаттау ісін үміткер толтырады. Толтырылған аттестаттау ісі
үміткер, медициналық ұйымның басшысы, кадр қызметінің маманы қолдарын
қойған соң, медициналық ұйымның мөрімен расталады. Кадр қызметі
маманының қолы мен ұйымның мөрі аттестаттау ісінің әр бетіне
қойылады. Жеке медициналық практикамен айналысатын жеке тұлғаның
ісіне медициналық ұйымның басшысы қол қояды.
Аттестаттау ісінде ұсынылған ақпараттың шынайылығына Қазақстан
Республикасының заңнамасында белгiленген тәртiппен үмiткер кадр
қызметiнiң маманы мен ұйым басшысы жауапты.
8. Санитариялық-эпидемиологиялық бейiндi және «қоғамдық
денсаулық сақтау/әлеуметтік гигиена және денсаулық сақтауды
ұйымдастыру» мамандықтары бойынша мамандарды қоспағанда, медициналық
білімі бар үмiткердiң күнделiктi практикада пайдаланатын диагностика
және емдеу әдістері көлемінің өтiнiш бiлдiрген санатқа сәйкестiгiне
қорытынды (осы Қосымшаның 6, 6.1-тармақтарына сәйкес)
1) __________________________ санатқа сәйкес келеді;
2) __________________________ санатқа сәйкес келмейді;
20___ жылғы «___» ________
___________________________________ ___________________
Маманның Т.А.Ә. (қолы)
М.О.
9. Тәуелсіз сарапшының қорытындысы:
1) өтініш берілген ____________ санатқа сәйкес келеді;
2) өтініш берілген ____________ санатқа сәйкес келмейді;
3) өтініш берілген санаттан төмен ____________ санатқа сәйкес келеді.
20___ жылғы «___» ________
___________________________________ ___________________
Тәуелсіз сарапшының Т.А.Ә. (қолы)
М.О.
10. 20___ ж. «____» ___________________ тестілеу нәтижесі __________%
М.О.
Ескертпе:
Аттестаттау ісін үміткер дербес қалыптастырады. Оның 1-6 –
тармақтарын үміткер толтырады, 7-тармақты – медициналық ұйымның кадр
қызметінің маманы, 8-тармақты – облыстардың, республикалық маңызы бар
қаланың, астананың денсаулық сақтауды мемлекеттiк басқарудың
жергiлiктi органдарының бас мамандары, 9-тармақты – тәуелсіз
сарапшы, 10-тармақты – МСЭҚК, МФҚБК аумақтық департаментінің және
МСЭҚК аумақтық департаментінің мамандары толтырады.
Денсаулық сақтау саласында
бiлiктiлiк емтихандарын өткiзу
қағидаларына 8-қосымша
Нысан
Мамандандырылған комиссиясы отырысының
20___ жылғы «__» _________
№ ___ хаттамасы
_____________________________________________________________________
(органның немесе ұйымның атауы)
_________________________________________ мамандандырылған комиссиясы
1. Үміткердің тегi, аты, әкесінің аты _______________________________
_____________________________________________________________________
2. Мамандығы ________________________________________________________
3. Үміткердің өтініш білдірген санатқа практикалық дағдыларының
сәйкестігі туралы қорытынды _________________________________________
4. Тестілеу нәтижесі ________________________________________________
5. Тәуелсіз сарапшының қорытындысы __________________________________
6. Әңгімелесу нәтижесі ______________________________________________
7. Ұсынылды:
___________________________________________________ мамандығы бойынша
(номенклатура бойынша мамандық)
__________________ біліктілік санатын беру ұсынылды.
___________________________________________________ мамандығы бойынша
(номенклатура бойынша мамандық)
__________________ біліктілік санатын беруден бас тартылды.
___________________________________________________ мамандығы бойынша
(номенклатура бойынша мамандық)
өтініш білдірген ______ біліктілік санатынан төмен ______ біліктілік
санатын беру ұсынылды.
8. Мамандандырылған комиссия мүшелерiнiң шешiм қабылдау бойынша дауыс
беру қорытындылары: «иә» _____ дауыс, «қарсы» _____ дауыс
9. Мамандандырылған комиссияның ескертулерi, ұсынымдары
_____________________________________________________________________
_____________________________________________________________________
Комиссия төрағасы ___________________________
Комиссия хатшысы ____________________________
Комиссия мүшелерi: __________________________
Денсаулық сақтау саласында
бiлiктiлiк емтихандарын өткiзу
қағидаларына 9-қосымша
Нысан
____________________________________
____________________________________
____________________________________
____________________________________
басшысына (мемлекеттік органның
аумақтық департаментінің атауы,
басшысының тегі, аты, әкесінің аты)
____________________________________
(кімнен)
____________________________________
(маманның тегі, аты, әкесінің аты)
____________________________________
____________________________________
(мекенжайы, байланыс телефоны)
ӨТІНІШ
Сізден ____________________________________________ мамандығы бойынша
(мамандық атауы)
____________ біліктілік санаты берілетін мерзімсіз маман сертификатын
беруіңізді сұраймын.
1) ________________________ мамандығы бойынша ________ жылғы
«___» № ________ сертификат.
2) ________________________ мамандығы бойынша ________ жылғы
«___» № ________ сертификат.
3) ________________________ мамандығы бойынша ________ жылғы
«___» № ________ сертификат.
4) Соңғы бес жылда үздіксіз кәсіби дамуға ықпал ететін
іс-шараларға қатысуды растайтын құжаттардың көшірмесі.
Құжаттардың көшірмесі қоса беріледі.
____________________
(маманның қолы)
____________________
(толтырған күні)
*өтінішті маман өз қолымен толтырады
Денсаулық сақтау саласында
бiлiктiлiк емтихандарын өткiзу
қағидаларына 10-қосымша
Нысан
Апелляциялық комиссия отырысының
20 ___ жылғы «___» _________
№ ____ хаттамасы
1. Апелляциялық өтініш берген үміткердің тегі, аты, әкесінің аты
__________________________________________________________________
2. Лауазымы _________________________________________________________
3. Мамандығы: _______________________________________________________
4. Біліктілік санаты ________________________________________________
5. Өтініш берген санаты _____________________________________________
(біліктілік санаты берілетін үміткерлер үшін)
6. Біліктілік емтиханын өткізу күні
__________________________________________________________________
7. Тестілеу нәтижесі (%) ____________________________________________
8. Әңгімелесу нәтижесі ______________________________________________
__________________________________________________________________
9. Шешім қабылдау бойынша апелляциялық комиссия мүшелерінің дауыс
беру нәтижелері «иә» ____ дауыс, «қарсы» ____ дауыс:
10. Апелляциялық комиссия шешімі
__________________________________________________________________
__________________________________________________________________
Қолдары:
Комиссия төрағасы: _____________
Төраға орынбасары: _____________
Комиссия хатшысы: _____________
Комиссия мүшелері: ___________________
___________________
___________________
___________________