Бюджеттік инвестициялық жобаның техникалық-экономикалық негіздемесін әзірлеуге немесе түзетуге, сондай-ақ қажетті сараптамалар жүргізуге қойылатын талаптарды бекіту туралы

      Қазақстан Республикасы Бюджет кодексінің 154-бабының 1-тармағына сәйкес, БҰЙЫРАМЫЗ:
      1. Қоса беріліп отырған Бюджеттік инвестициялық жобаның техникалық-экономикалық негіздемесін әзірлеуге немесе түзетуге, сондай-ақ қажетті сараптамалар жүргізуге қойылатын талаптар бекітілсін.
      2. Қазақстан Республикасы Экономикалық даму және сауда министрлігінің Инвестициялық саясат департаменті (Б.Қ. Тортаев) және Қазақстан Республикасы Экономикалық даму және сауда министрлігінің Заң департаменті (Д.А. Ешімова) осы бұйрықтың Қазақстан Республикасы Әділет министрлігінде тіркелуін қамтамасыз етсін.
      3. Осы бұйрықтың орындалуын бақылау Қазақстан Республикасы Экономикалық даму және сауда вице-министрі М.А. Құсайыновқа жүктелсін.
      4. Осы бұйрық Қазақстан Республикасы Әділет министрлігінде мемлекеттік тіркелген күнінен бастап он күнтізбелік күн өткен соң қолданысқа енгізіледі.

      Қазақстан Республикасы          Қазақстан Республикасы
      Экономикалық даму және          Құрылыс және тұрғын
      сауда министрі                  үй-коммуналдық шаруашылық
      ______________ Ж. Айтжанова     істері агенттігінің төрағасы 
                                      ______________ С. Нокин

      «КЕЛІСІЛДІ»
      Қазақстан Республикасының
      Байланыс және ақпарат министрі
      ____________ А. Жұмағалиев
      2010 жылғы 1 шілде

   Қазақстан Республикасы Экономикалық   
даму және сауда министрінің       
2010 жылғы 1 шілдедегі № 102      
Қазақстан Республикасы Құрылыс және  
тұрғын үй-коммуналдық шаруашылық істері
агенттігі төрағасының         
2010 жылғы 30 маусымдағы № 276    
бірлескен бұйрығымен Бекітілген    

Бюджеттік инвестициялық жобаның техникалық-экономикалық негіздемесін әзірлеуге немесе түзетуге, сондай-ақ қажетті сараптамалар жүргізуге қойылатын талаптар

1. Жалпы ережелер

      1. Бюджеттік инвестициялық жобаның техникалық-экономикалық негіздемесін әзірлеуге немесе түзетуге, сондай-ақ қажетті сараптамалар жүргізуге қойылатын осы талаптар (бұдан әрі – Талаптар) Қазақстан Республикасының Бюджеттік кодексінің 154-бабының 1-тармағына сәйкес жасалған және бюджеттік инвестициялық жобаның (бұдан әрі – БИЖ) техникалық-экономикалық негіздемесінің (бұдан әрі – ТЭН) құрылымы мен мазмұнын, сондай-ақ БИЖ ТЭН-н экономикалық сараптама қорытындысына қойылатын талаптарды белгілейді.
      2. Осы Талаптарда мынадай түсініктер қолданылады:
      1) БИЖ ТЭН экономикалық сараптау – техникалық-экономикалық негіздемеде көрсетілген ақпаратты салалық және Қазақстан Республикасының сараптамалар қорытындыларының заңнамаларына сәйкес талап етілетін басқа да сараптамалардың қорытындылары негізінде өткізілетін жүзеге асырыла алатындығын және тиімділігінің болуын анықтауға арналған кешенді бағалау;
      2) БИЖ ТЭН – негізгі техникалық, технологиялық және өзге шешімдер және негізгі техникалық-экономикалық параметрлерді анықтай отырып, пайда мен шығындарды экономикалық саралау негізінде жүргізілетін, БИЖ-ның жүзеге асырыла алатындығын және тиімділігін зерттеу нәтижелері туралы мәліметтері бар құжаттама;
      3) БИЖ – белгілі бір уақыт кезеңі ішінде бюджет қаражаты есебінен іске асырылатын және аяқталған сипаттағы жаңа объектілерді тұрғызуға (салуға) не қолда барларын реконструкциялауға, сондай-ақ ақпараттық жүйелерді құруға, енгізуге және дамытуға бағытталған іс-шаралар жиынтығы;
      4) ТЭН-ді түзету – техникалық шешімдердің өзгеруіне және қосымша шығыстарға алып келетін бекітілген техникалық-экономикалық негіздемедегі техникалық-экономикалық параметрлердің жобалық (жобалау-сметалық) құжаттамаларды бекіткенге дейінгі немесе бекітілген техникалық-экономикалық негіздемеде қарастырылмаған қосымша құрамдас бөліктерді енгізу қажеттігіне байланысты жобалық (жобалау-сметалық) құжаттама бекітілгеннен кейінгі өзгеруі;
      5) жобаның жүзеге асырыла алатындығы – жоба нәтижелері көрсеткіштерінің (тікелей және түпкілікті) қолжетімділігі;
      6) жобаның мақсатқа сай болуы – жобаның мемлекеттік жоспарлау жүйесіне сәйкестігі (жүзеге асыру мерзімі, қаржыландыру көзі және т.б. бойынша сәйкестік) және/немесе БИЖ ТЭН-нің мемлекеттік жоспарлау жөніндегі уәкілеттелген органның оң қорытындысы бар инвестициялық ұсынысқа сәйкестігі;
      7) жобаның тиімділігі – бюджеттік қаражаттардың сұралатын көлемін қолдана отырып, жоба мақсатына жету немесе бюджеттік қаражаттардың азырақ көлемін қолдана отырып жоба мақсатына жету немесе жобаны жүзеге асырудан оң экономикалық әсер алу;
      8) бағалау (экономикалық сараптама барысында) – БИЖ ТЭН-де көрсетілген ақпаратты сипаттайтын тұжырымдар;
      9) техникалық-экономикалық параметрлер – ТЭН-де қарастырылған және Талаптар мен Қазақстан Республикасының сәулет, қала құрылысы және құрылыс қызметі туралы заңнамаларына сәйкес бекітуге ұсынылатын негізгі көрсеткіштер;
      10) тікелей нәтиже - қол жеткізілуі осы функцияларды, өкілеттіктерді жүзеге асыратын немесе қызметтер көрсететін ұйымдардың қызметіне толық байланысты болатын, көзделген бюджет қаражаты шегінде атқарылатын мемлекеттік функциялар, өкілеттіктер және көрсетілетін мемлекеттік қызметтер көлемінің сандық сипаттамасы;
      11) түпкілікті нәтиже – белгілі бір мемлекеттік орган қызметінің, басқа да мемлекеттік органдар қызметінің тікелей нәтижелеріне қол жеткізумен ұштасатын, халықтың өмір сүру деңгейі мен сапасының, әлеуметтік саланың, экономиканың, қоғамдық қауіпсіздіктік және мемлекеттік басқарудың басқа да салаларының мақсатты жай-күйі (жай-күйінің өзгерісі).

2. БИЖ ТЭН-ні әзірлеуге қойылатын талаптар

      3. Құрамында сәулет, қала құрылысы және құрылыс шешімдері бар БИЖ ТЭН-ге қойылатын талаптар осы Талаптармен және Қазақстан Республикасының сәулет, қала құрылысы және құрылыс қызметі туралы заңнамаларына және Қазақстан Республикасының аумағында қолданылатын мемлекеттік нормативтермен белгіленеді.
      Инновациялық және/немесе ғарыштық қызметті, ақпараттандыру саласындағы немесе басқа да қызметті болжайтын БИЖ ТЭН-ге талаптар осы Талаптармен және Қазақстан Республикасының заңнамаларымен белгіленеді.
      4. БИЖ ТЭН-ін әзірлеу, егер жобаны жүзеге асыру мемлекеттік жоспарлау жүйесінің құжаттарында қарастырылған жағдайда жүргізіледі.
      5. ТЭН әзірлеуді талап етпейтін БИЖ-ді ескермегенде, ТЭН бағдарламалар әкімшісінің инвестициялық ұсыныстары бойынша бюджет комиссиясы мақұлдаған инвестициялық жобалардың тізіміне енгізілген БИЖ-ға әзірленеді.
      6. БИЖ ТЭН-ні әзірлеу мақсаты жобалық шешімдерді қарастыру және балама нұсқаларды саралау негізінде жобаның жүзеге асатындығын және тиімділігін қамтамасыз ететін негізделген жобалық шешімді таңдау болып табылады.
      7. Қазақстан Республикасында ұқсастары жоқ жобалар бойынша, халықаралық тәжірибені ескере отырып деректер қолданылады.
      8. БИЖ ТЭН келесі құрылымға сәйкес болуы тиіс:
      1) жобаның түйіні;
      2) маркетингтік тарау;
      3) техникалық-технологиялық тарау;
      4) экологиялық тарау (қоршаған ортаға әсерді бағалау);
      5) институционалдық тарау;
      6) қаржылық-экономикалық тарау;
      7) әлеуметтік тарау;
      8) тәуекелдерді саралау тарауы;
      9) жалпы тұжырымдар;
      10) осы Талаптардың 1-12-қосымшаларында көрсетілген формаларға сәйкес ТЭН қосымшалары, сондай-ақ осы Талаптарға және Қазақстан Республикасының заңнамаларына сәйкес жобаның ерекшелігіне байланысты берілетін ТЭН әзірлеуге арналған бастапқы құжаттар.
      ТЭН-де жобаның ерекшелігіне байланысты қосымша тараулар мен қосымшаларды енгізуге рұқсат етіледі.
      9. БИЖ ТЭН түйінінде:
      осы Талаптардың 1-қосымшасына сәйкес жобаның қысқаша сипаттамасы көрсетіледі;
      жобаның қазіргі кезде бар саяси (хаттамалық және басқа тапсырмаларды, нормативтік құқықтық актілерді көрсетіп), әлеуметтік-экономикалық және басқа шарттары сипатталады;
      жоба мақсатына жетудің және нәтиже көрсеткіштерінің, оның ішінде инвестициялық ұсыныс кезеңінде қарастырылған көрсеткіштердің ықтимал нұсқалары көрсетіледі;
      қолда бар материалдар мен зерттеулердің негізіндегі техникалық-экономикалық бағалаудың, сондай-ақ оны әзірлеуге тапсырмада мазмұндалған талаптар мен шарттардың нәтижелері көрсетіледі.
      10. Маркетингтік тарау қарастырылатын аймақта жобада болжанған өнімдерге (тауарларға, жұмыстарға, қызметтерге) қазіргі кезде бар және болашақтағы сұраныстың саралануын көрсетеді.
      Бұл тарау мыналарды қамтиды:
      жобаны жүзеге асыру нәтижесінде өндірілуі болжанған өнімдерге (тауарларға, жұмыстарға, қызметтерге) қазіргі кезде бар және болашақтағы сұраныстың сандық параметрлерін бағалауды және негіздеуді қоса алғандағы талдау;
      жобаны жүзеге асыруды ескерусіз өндірілетін және болашақта өндірілетін өнімдердің (тауарлардың, жұмыстардың, қызметтердің) көлемін, түрлерін және бағаларын бағалауды және негіздеуді қоса алғандағы талдау;
      жобаның әлеуметтік экономикалық қажеттілігінің құқықтық негізі көрсетілген талдау;
      жобаны жүзеге асыру нәтижесінде өндірілетін өнімдердің (тауарлардың, жұмыстардың, қызметтердің) көлемін, түрлерін және бағаларын, және де төлемге қабілетті сұраныстың сандық параметрлерін бағалауды және негіздеуді қоса алғандағы талдау;
      жобаны жүзеге асыру барысында (инвестициялық мерзімде) сатып алынатын (тауарлардың, жұмыстардың, қызметтердің) көлемін, түрлерін және бағаларын, сондай-ақ сәйкес баға-парақтарын, бағалық ұсыныстарды және басқа да растаушы құжаттарды қоса бере отырып, жобаның қажеттіліктерін қанағаттандыру мүмкіндіктерін бағалауды және негіздеуді қоса алғандағы талдау;
      пайдалану мерзіміндегі (инвестициялаудан кейінгі мерзімдегі) сатып алынатын (тауарлардың, жұмыстардың, қызметтердің) көлемін, түрлерін және бағаларын, сондай-ақ сәйкес баға-парақтарын, бағалық ұсыныстарды және басқа да растаушы құжаттарды қоса бере отырып жобаның қажеттіліктерін қанағаттандыру мүмкіндіктерін бағалауды және негіздеуді қоса алғандағы талдау;
      қолданылатын ақпарат көздері және маркетингтік зерттеулерді жүргізу әдістемелері.
      11. Техникалық-технологиялық тарау жобаны жүзеге асырудың әртүрлі техникалық-технологиялық шешімдерін талдауды, олардың артықшылықтары мен кемшіліктерін, таңдалған нұсқаны маркетингтік тарауда көрсетілген талдауды ескере отырып негіздеуді қамтиды.
      Бұл тарау мыналарды қамтиды:
      нысанды орналастыру орындарының мүмкін нұсқаларын талдау, жобаның орналасу жерін таңдауды шикізат көздері мен жеткізушілеріне, мақсаттық топтарға және негізгі пайда алушыларға, инженерлік, көліктік және телекоммуникациялық инфрақұрылымға (темір жол күрежолдары, автокөлік жолдары, құбырлар, энергия көздері, байланыс нысандары және т.б.), қатысты орналасқан жері туралы, сондай-ақ жобаның орналасқан жерінің балама нұсқалары туралы ақпаратты бере отырып таңдауды негіздеу. Қорғаныс саласындағы жобалар бойынша жобаның орналасқан жерінің балама нұсқалары туралы ақпаратты беру міндетті емес;
      жобаның ауқымын сипаттау және жоба қуаттылығының негіздемесін, жоба қуаттылығын игеру серпінін есептеу;
      техника мен технологияны таңдауды, әлемдік стандарттарға сәйкестік, қолданылатын жабдықтармен технологиялық үйлесімділігі, оңтайлы баға-сапа қатынасы, технология мен жабдықтарды таңдаудың балама нұсқалары, инновациялық жабдықтарды қолдану, ноу-хауды қолдану, техникалық және технологиялық талаптарды белгілейтін нормативтік құжаттарға сәйкес сапа стандарттарының жобада қолданылуы туралы ақпаратты негіздеу;
      жобаның қажетті инженерлік, көліктік және телекоммуникациялық инфрақұрылыммен жабдықталуы туралы таңдалған шешімдер мен сызбалар (энергия үнемдеу, жылу-, сумен жабдықтау, канализация және т.б.) негізделген ақпарат;
      осы Талаптардың 2-қосымшасына сәйкес қаржыландыру көзі (республикалық/жергілікті бюджет, қарыздық қаражаттар) мен көлемдерін ескергендегі жүзеге асыру жылдары бойынша және жобаның құрамдас бөліктері бойынша (жоспар-кесте) жобаның инвестициялық мерзімін көрсететін жобаның жүзеге асырылу кестесі;
      диаграмма - осы Талаптардың 3-қосымшасына сәйкес жоба бойынша іс-шаралардың уақыт ішіндегі реті мен ұзақтығының графикалық көрсетілуі;
      қолданылатын ақпарат көздері.
      БИЖ ТЭН-нің техникалық-технологиялық тарауында сондай-ақ мыналар қамтылады:
      құрылыс саласындағы жобалар бойынша:
      негізгі сәулет-құрылыс шешімдері мыналарды қамтиды: принципиалдық сәулеттік, көлемдік-жоспарлау және сындарлы шешімдер, оның ішінде: жопарланған шешімдердің негіздеуді, жер телімдерін үнемді пайдалану, ғимараттардың тиімді бұғатталуы, ерекше назар құрылыс ауданында табиғи қауіпті құбылыстардың болуына (сейсмика, отыруы, карстер, сырғулар және т.б.) аударылады, түбегейлі сәулеттік-композиялық шешімдердің қоршаған құрылыстың қала құрылыстық жағдайларына сәйкестігі. Техникалық ең күрделі ғимараттар мен құрылыстардың негізгі параметрлері көлемдік-жоспарлау және сындарлы (құрылыстық) шешімдерді және олардың сындарлы ерекшеліктерін қамтиды. Құрылыс өнімдеріне және материалдарына деген қажеттілік;
      көлік сызбалары нұсқаларын, алаң ішіндегі жолдарды және автожолдарды таңдауды ғимараттар мен құрылыстардың, оның ішінде өнеркәсіптік және басқа мақсаттағы ғимараттар арасында талап етілетін өртке қарсы және санитарлық-эпидемиологиялық үзілістерді сақтауды бағалай отырып, негіздеу;
      технологиялық үрдістердің (сызбалардың) мүмкін нұсқаларын саралау негізінде таңдалған технологияның қысқаша сипаттамасы және негіздемесі, құрамы және өндірістік құрылымы;
      ақпараттандыру саласындағы жобалар бойынша:
      жасалатын ақпараттық жүйелер шеңберінде электрондық мемлекеттік қызметтердің сипаттамасы;
      ақпараттық қауіпсіздіктің талаптарына сипаттамасы қамтылады.
      БИЖ ТЭН-нің техникалық-технологиялық тарауында мақсатқа жетудің және жоба нәтижелері көрсеткіштерінің екеуден кем емес нұсқалары көрсетілуі міндетті болып табылады, олар бойынша салыстырмалы саралау жүргізіледі және таңдалған нұсқаның негіздемесі беріледі.
      Жобалық шешімдерді таңдау кезінде қоршаған ортаға әсерге жүргізілген бағалаудың нәтижелерін ескеру және қоршаған ортаға және адам денсаулығына ең аз зиян келтіретін нұсқаның қабылдануын қамтамасыз ету қажет.
      12. Экологиялық тарауда (қоршаған ортаға әсерді бағалау) қоршаған ортаға әсер туралы, жобаны жүзеге асырудан келетін экологиялық зиянды бағалауды қоса алғанда, сандық және бағалық мәндердегі қабылданған жобалық шешімдер туралы, және де жобалық шешімдердің бекітілген экологиялық нормативтерге сәйкестігі және жобаны жүзеге асырудан келетін теріс әсерді азайту жөніндегі болжанған іс-шаралар туралы ақпарат болуы тиіс.
      Жобалық шешімдерді таңдау кезінде экологиялық нормативтерге сәйкес немесе қолданыстағы нормативтерден жоғары шешімдер ғана таңдалады.
      13. Институционалдық тарауда жобаның институционалдық сызбасын, оның ішінде:
      инвестициялық және де инвестициялаудан кейінгі мерзімдердегі барлық жобаға қатысушылар, осы Талаптардың 4-қосымшасына сәйкес олардың арасында қызметтер мен жауапкершілікті бөлу туралы ақпаратты;
      инвестициялық және инвестициялаудан кейінгі мерзімде жобаға қатысушылар арасында өзара әрекеттесу сызбасы және құқықтық негізі көрсетілген жобаны басқару сызбасын қамтиды.
      Қажет болғанда жобаға қатысушылар бойынша толық заңды атауы, шыққан мемлекеті, ұйымдық-құқықтық түрі, жарғылық капиталы, құрылтайшысы және олардың қатысу үлестері, құрылған жылы, негізгі қызмет түрлері, осы саладағы жобаларды жүзеге асыру тәжірибесі және басқа ақпарат көрсетіледі.
      14. Қаржылық-экономикалық тарауда мыналар қамтылады:
      1) инвестициялық шығындарды есептеу, кезеңдері, құрамдас бөліктері және жобаны қаржыландыру көздері бойынша қаржыландыру қажеттілігін бөлу;
      2) пайдалану шығындарының есептері;
      3) балама нұсқаларды саралау негізінде, қаржыландыру көздері (республикалық/жергілікті бюджет, қарыздық қаражаттар), шарттары мен көлемі (оның ішінде қаржыландыруды жылдарға бөлумен) көрсетілген қаржыландыру сызбасының негіздемесі;
      4) жобаға қатысушылардың ағымдағы қаржылық жағдайы (қажет болған жағдайда);
      5) жобаның мыналарды қамтитын қаржылық талдауды:
      өнімнің (тауардың, жұмыстардың, қызметтердің) өзіндік құнын, тарифтерін, жіберу бағасының есебі;
      сатудан түскен табыстарды және таза пайданың есебі;
      ақша қаражаттары ағынының жиынтық есебі;
      таза дисконтталған табысты (NPV), пайдалылықтың ішкі нормасын (IRR), ақталудың дисконтталған және қарапайым мерзімдерінің есебі;
      таза дисконтталған табыстың (NPV) және пайдалылықтың ішкі нормасының (IRR) негізгі параметрлері бойынша (өткізу көлемі, өткізу бағасы, инвестициялық және пайдалану шығындары) сезімталдығының талдауы, жобаның шығынсыздық нүктесінің есебі;
      6) жобаның келесілерді қамтитын экономикалық талдауы:
      жоба жүзеге аспаған жағдайда бюджеттік қаражаттар есебінен болжамды шығындарды есептеуді қамтитын, жобасыз әлеуметтік-экономикалық жағдайға талдауы;
      ең аз шығындарды саралау немесе шығындардың тиімділігін талдауы немесе жобаның экономикалық тиімділігінің көрсеткіштерінің есебі, оның ішінде экономикалық пайданы және шығындарды бағалау, экономикалық таза дисконтталған табысты (ENPV) және табыстылықтың экономикалық ішкі нормасының (EIRR) есебі;
      экономикалық таза дисконтталған табысты (ENPV) және табыстылықтың экономикалық ішкі нормасын (EIRR) негізгі параметрлер бойынша (өткізу көлемі, өткізу бағасы, инвестициялық және пайдалану шығындары) сезімталдығын талдауы (осы көрсеткіштер бар болса);
      7) қолданылатын ақпарат көздері.
      Тауарларды, жұмыстарды, қызметтерді өткізуден тура ақша ағынын алуды болжамайтын жобалар бойынша, жобаға қаржылық талдау жүргізу талап етілмейді.
      Жобаның қаржылық және экономикалық тиімділігі көрсеткіштерін есептеу жағдайында, ТЭН-ге осы Талаптардың 5-қосымшасына сәйкес жобаның қаржылық-экономикалық үлгісінің негізгі параметрлері бойынша ақпарат қосымша беріледі.
      Жобаның қаржылық тиімділігі көрсеткіштерін есептеу осы Талаптардың 6-қосымшасына сәйкес беріледі.
      Жобаның сезімталдығына жүргізілген талдау нәтижелері осы Талаптардың 7 және 11-қосымшаларына сәйкес беріледі.
      Ең аз шығындарды талдауға арналған көрсеткіштер осы Талаптардың  8-қосымшасынасәйкес беріледі.
      Шығындардың тиімділігін талдауға арналған көрсеткіштер осы Талаптардың 9-қосымшасына сәйкес беріледі.
      Жобаның экономикалық тиімділігінің көрсеткіштерінің есебі осы Талаптардың 10-қосымшасына сәйкес беріледі.
      Қосымшалардағы көрсеткіштер мен есептер ТЭН-де негізделген болуы тиіс.
      15. Әлеуметтік тарау жобаның білікті мамандармен қамтамасыз етілуін талдауды қамтиды, оның ішінде:
      жобаның инвестициялық және инвестициялаудан кейінгі мерзімдерінде білікті мамандардың болуы туралы ақпарат;
      жұмысшыларды және мамандарды (қажет болған жағдайда) оқыту және қайта дайындау қажеттілігі туралы ақпарат;
      еңбекті қорғау және қауіпсіздік техникасы нормалары туралы ақпарат;
      жобаның халықтың әлеуметтік-мәдени және демографиялық сипаттамалары тұрғысынан негізделуі;
      қолданылатын ақпарат көздері.
      16. Тәуекелдерді талдау бөлімі:
      тәуекелдерді сәйкестендіру және бағалаудың қолданылған әдістері туралы ақпаратты;
      тәуекелдердің басталу ықтималдығын және тәуекелдердің басталуынан келетін зиянды анықтау нәтижелерін, және де тәуекелдерді азайту жөніндегі болжанған іс-шараларды көрсетіп, жобаның инвестициялық және инвестициялаудан кейінгі мерзімдерінде басталуы мүмкін сәйкестендірілген тәуекелдердің (коммерциялық, техникалық-технологиялық, экологиялық, институционалдық, қаржылық, әлеуметтік және т.б.) тізімін қамтиды. Тәуекелдер бойынша ақпарат осы Талаптардың 12-қосымшасына сәйкес беріледі.
      Осы Талаптардың 12-қосымшасына сәйкес берілген көрсеткіштер мен есептер негізделген және расталған болуы тиіс.
      17. Жалпы қорытындылар мыналарды:
      1) жобаны жүзеге асырудың ең оңтайлы нұсқасын таңдаудың негіздемесі;
      2) жобаны жүзеге асырудың таңдалған нұсқасының негізгі кемшіліктері мен артықшылықтарын;
      3) таңдалған нұсқа бойынша негізгі техникалық-экономикалық параметрлерді (көрсеткіштерді):
      жобаның жүзеге асырылатын орнын;
      нәтижелер (тікелей және түпкілікті) көрсеткіштерін;
      жобаның құрамдас бөліктерін;
      қаржыландырылуы жылдарға және құрамдас бөліктері бойынша бөлінген жобаның жалпы бағасын қамтиды.
      18. БИЖ ТЭН-ге қосымшалар осы Талаптардың 1-12-қосымшаларына сәйкес болуы тиіс, және де қосымша ақпараттарды қамтуы мүмкін: диаграммалар, суреттер, жергілікті жердің карталары және БИЖ ТЭН-де келтірілген ақпараттарды растайтын және ашатын басқа да материалдар мен құжаттарды.
      19. Құрылыс саласындағы жобалар бойынша БИЖ ТЭН-не сондай-ақ картографиялық және басқа да графикалық материалдар, оның ішінде құрылыс нысанының орналасуы және оның инженерлік желілер мен коммуникацияларға жалғасатын жерлері, жер телімінің көлемдерін негіздейтін нысанның бас жоспарының сызбасы, сондай-ақ сәйкес технологиялық, сәулеттік және көлемдік-жоспарлау шешімдерінің сызбалары, сұлбалары (эскиздік жобалар) көрсетілген жағдайлық жоспар сызбасы қамтылуы тиіс.
      20. БИЖ ТЭН осы Талаптарға және бюджеттік инвестициялық жобаларды қарастыру, іріктеу, қадағалау және бағалау ережелеріне сәйкес жобаның ерекшелігіне байланысты талап етілетін сараптамалардың сәйкес оң қорытындыларының ескертулері мен ұсыныстарын ескере отырып пысықталады.

3. БИЖ ТЭН-ін сараптауға қойылатын талаптар

      21. Белгіленген техникалық-экономикалық параметрлерді растау үшін БИЖ ТЭН Қазақстан Республикасының заңнамаларында қарастырылған экономикалық және басқа да сараптаудан өтуі тиіс.
      22. Құрылыс саласындағы БИЖ ТЭН бойынша жобалардың мемлекеттік сараптамасын Қазақстан Республикасының Үкіметі уәкілеттік берген заңды тұлға жүргізеді.
      23. Құрамында сәулет, қала құрылысы және құрылыс шешімдері бар БИЖ ТЭН-н сараптауға қойылатын талаптар Қазақстан Республикасының сәулет, қала құрылысы және құрылыс қызметтері туралы заңнамалармен және Қазақстан Республикасының аумағында қолданылатын нормативтермен белгіленеді.
      24. Республикалық БИЖ-дің экономикалық сараптамасын Қазақстан Республикасының Үкіметі айқындаған заңды тұлға жүзеге асырады.
      25. Жергілікті БИЖ-дің, сондай-ақ нысаналы даму трансферттері мен республикалық бюджеттен берілетін кредиттер есебінен қаржыландыруға жоспарланатын жобалардың экономикалық сараптамасын жергілікті атқарушы органдар айқындаған заңды тұлғалар жүзеге асырады.
      26. БИЖ ТЭН-ді экономикалық сараптау тапсырылған БИЖ ТЭН негізінде және жобаның ерекшелігіне байланысты талап етілетін БИЖ ТЭН-і сараптамаларының оң қорытындысына сәйкес жүргізіледі, атап айтқанда:
      1) сәулет, қала құрылысы және құрылыс шешімдері бар жобаларға мемлекеттік сараптау (бұдан әрі – мемлекеттік сараптама) жүргізуге Қазақстан Республикасының Үкіметі уәкілеттік берген заңды тұлғаның мемлекеттік сараптамасы;
      2) салалық сараптама қорытындысы;
      3) мемлекеттік экологиялық сараптамасы;
      4) мемлекеттік ғылыми-техникалық сараптамасы;
      5) мемлекеттік санитарлық-эпидемиологиялық сараптамасы.
      27. Жобаның ерекшеліктеріне қарай, БИЖ бойынша мынадай шығыс құжаттары талап етіледі:
      құрылыс қызметін болжайтын БИЖ бойынша, ТЭН-ге салалық, мемлекеттік, экологиялық және санитарлық-эпидемиологиялық сараптамалар қорытындылары, сондай-ақ ТЭН әзірлеу тапсырмасына қосымша берілетін құжаттардың көшірмелері, оның ішінде техникалық шарттар, жергілікті атқарушы органдардың жаңа нысандардың құрылысын салуды болжайтын жобалар бойынша жер телімдерін бөліп беру туралы шешімдері (қажет болғанда жер телімдерінің меншік иелерінің және жер пайдаланушылардың шығындарының, алынатын шабындықтардың түріне байланысты ауыл шаруашылығы және орман шаруашылығы шығындарының есептері қосымша беріледі) және қазіргі кезде бар нысандарды қайта жаңғыртуды болжайтын жобалар бойынша жылжымайтын мүлікке құқық беруші тиісті құжаттардың көшірмелері;
      ақпараттандыру саласындағы БИЖ бойынша салалық және ақпараттандыру саласындағы уәкілеттік берілген органның сараптамалар қорытындылары талап етіледі;
      инновациялық және/немесе ғарыштық қызметті болжайтын БИЖ бойынша салалық және мемлекеттік ғылыми-техникалық сараптамалар қорытындылары талап етіледі.
      Осы Талаптардың 26-тармағында көрсетілген қорытындыларға қойылатын талаптарды Қазақстан Республикасының заңнамалары белгілейді.
      БИЖ ТЭН-не экономикалық сараптама жүргізу кезінде, БИЖ ерекшелігіне қарай, Қазақстан Республикасының заңнамаларына сәйкес қажетті басқа да сараптамалар талап етілуі мүмкін.
      28. Оң қорытынды немесе теріс қорытынды немесе пысықтауға қорытынды жобаның экономикалық сараптамасының нәтижесі болып табылады.
      Экономикалық сараптаманың оң қорытындысы құрылымы мен мазмұны осы Талаптарға сәйкес келетін, сондай-ақ жобаның жүзеге асатындығына және тиімділігіне алғышарттары бар БИЖ ТЭН-не беріледі.
      Экономикалық сараптаманың теріс қорытындысы бағалау нәтижелері жобаның жүзеге аспайтындығын және/немесе тиімсіздігін көрсететін БИЖ ТЭН-не беріледі.
      Пысықтауға қорытынды мазмұны осы Талаптарға сәйкес келмейтін және жобаның жүзеге асатындығына және тиімділігіне алғышарттардың болуын анықтау мүмкін болмаған жағдайларда БИЖ ТЭН-не беріледі.
      29. БИЖ ТЭН-нің экономикалық сараптамасы экономикалық сараптама жүргізуге белгіленген заңды тұлғаға толық құжаттар пакеті келіп түскен күннен бастап отыз жұмыс күні ішінде жүргізіліп, олардың нәтижесі бойынша тиісті қорытынды сәйкесінше мемлекеттік жоспарлау бойынша уәкілетті органға Қазақстан Республикасының бюджеттік заңнамасында белгіленген тәртіпте жіберіледі.
      30. БИЖ ТЭН-нің экономикалық сараптамасының қорытындысы келесі құрылымға сәйкес болуы тиіс:
      1) жобаның қысқаша сипаттамасына;
      2) жоба бойынша құжаттамалар құрамының бағалауға;
      3) жобаның мақсатқа сай болуы туралы ақпаратқа;
      4) жобаның жүзеге асатындығына алғышарттардың болуын бағалауға;
      5) жобаның тиімділігіне алғышарттардың болуын бағалауға;
      6) жоба тәуекелдерін саралауды бағалауға;
      7) жоба бойынша жалпы қорытындыларға.
      31. «Жобаның қысқаша сипаттамасы» тарауында ТЭН-ге сәйкес мынадай ақпарат көрсетіледі:
      жобаның атауы;
      бюджеттік бағдарламалар әкімшісінің атауы;
      жобаның өтінім берушісінің атауы (республикалық бюджеттен нысаналы даму трансферттері есебінен қаржыландыру арқылы жүзеге асырылуы болжанған жоба қарастырылған жағдайда);
      жобаны жүзеге асыру мерзімі;
      жобаның мақсаты мен міндеті;
      нәтиженің (тікелей және түпкілікті) көрсеткіштері;
      жобаны жүзеге асыру орны;
      жобаның ауқымы мен қуаттылығы;
      нысаналы топтар, оның ішінде негізгі пайда алушылар;
      жобаның құрамдас бөліктері;
      қаржыландырылуы жылдарға бөлінген жобаның жалпы бағасы;
      жобаны қаржыландыру көздері және түрлері.
      32. «Жоба бойынша құжаттамалар құрамын бағалау» тарауында ТЭН-ге сәйкес мынадай ақпарат көрсетіледі:
      1) экономикалық сараптама жүргізу кезінде назарға алынған құжаттар мен материалдардың тізбесі;
      экономикалық сараптама жүргізу үшін қарастыруға берілген құжаттар;
      нормативтік құқықтық актілер;
      2) тапсырылған құжаттардың құрамына және мазмұнына ескертулер.
      33. «Жобаның мақсатқа сай болуы туралы ақпарат» тарауында мыналар болуы тиіс:
      жобаның мемлекеттік жоспарлау жүйесі құжаттарына сәйкестігі туралы ақпарат (жүзеге асыру мерзімі, қаржыландыру көзі және т.б. бойынша сәйкестік);
      БИЖ ТЭН-нің мемлекеттік жоспарлау жөніндегі өкілеттелген органының экономикалық бағалауының оң қорытындысы бар инвестициялық ұсынысқа сәйкестігі туралы ақпарат.
      34. «Жобаның жүзеге асатындығына алғышарттардың болуын бағалау» тарауында мыналар болуы тиіс:
      сұранысты саралауды немесе жобаның әлеуметтік-экономикалық қажеттілігін бағалау (сәйкес сарапшылардың қорытындылары негізінде);
      жобаны жүзеге асыру (инвестициялық мерзім) және пайдалану мерзімі (инвестияциялаудан кейінгі мерзім) шеңберінде сатып алынатын тауарлардың, жұмыстардың, қызметтердің нарығын саралауды бағалау (сәйкес сараптамалардың қорытындылары, сондай-ақ берілген баға-парақтарының, коммерциялық ұсыныстардың және басқа да растаушы құжаттардың негізінде);
      ТЭН-де келтірілген жобаны жүзеге асырудың таңдап алынған техникалық-технологиялық шешімін бағалау (тиісті сараптамалардың қорытындылары негізінде);
      қабылданған жобалық шешімдердің қоршаған ортаға әсері туралы ақпаратты бағалау (сәйкес сараптамалардың қорытындылары негізінде);
      жобаның институционалдық сызбасын бағалау (тиісті сараптамалардың қорытындылары негізінде);
      қаржыландыру сызбасын бағалау (тиісті сараптамалардың қорытындылары негізінде);
      жобаның білікті мамандармен қамтамасыз етілгендігін саралауды бағалау (сәйкес сараптамалардың қорытындылары негізінде);
      жобаның жүзеге асатындығын анықтаудың мәні ТЭН-де көрсетілген техникалық-экономикалық параметрлер мен жобалық шешімдердің мақұлданғандығын, келісілгендігін және/немесе сараптамалардың тиісті қорытындыларымен оң бағаланғандығын растауда болып табылады.
      35. «Жобаның тиімділігіне алғышарттардың болуын бағалау» тарауында мыналар болуы тиіс:
      инвестициялық шығындарды есептеуді бағалау (тиісті сараптамалардың қорытындылары негізінде);
      пайдалануы шығындарын есептеуді бағалау (тиісті сараптамалардың қорытындылары негізінде);
      жобаның қаржылық саралануын бағалау (қажет болғанда);
      жобаның экономикалық саралануын бағалау.
      36. «Жоба тәуекелдерін саралауды бағалау» тарауы БИЖ ТЭН-де көрсетілген коммерциялық, техникалық-технологиялық, экологиялық, институционалдық, қаржылық, әлеуметтік және басқа тәуекелдердің саралануын бағалауды қамтиды.
      37. «Жоба бойынша жалпы қорытындылар» тарауында:
      1) негізгі техникалық-экономикалық параметрлер:
      жобаның жүзеге асырылу орны;
      жобаның мақсаты;
      нәтижелер (тікелей және түпкілікті) көрсеткіштері;
      жобаның құрамдас бөліктері;
      қаржыландыруы жылдар және құрамдас бөліктері бойынша бөлінген жобаның жалпы бағасы;
      2) жоба бойынша негізгі қорытындылар:
      тәуекелдерді саралауды бағалау;
      жобаның жүзеге асатындығына алғышарттардың болуын бағалау;
      жобаның тиімділігіне алғышарттардың болуын бағалау;
      3) жоба бойынша қорытынды (оң қорытынды немесе теріс қорытынды, немесе пысықтауға қорытындысы) көрсетіледі.
      38. Экономикалық сараптаманың қорытындысы келесі сапа өлшемдеріне сәйкес болуы тиіс:
      қорытынды құрылымының осы Талаптардың 30-тармағында белгіленген ережелерге сәйкестігі;
      қорытынды мазмұнының осы Талаптардың 31-37-тармақтарында белгіленген ережелерге сәйкестігі.
      39. Экономикалық сараптаманың оң қорытындысын және келісімін алған БИЖ ТЭН Қазақстан Республикасының заңнамаларына сәйкес бекітілуі тиіс.

4. БИЖ ТЭН түзетуге, сондай-ақ қажетті сараптамаларды өткізуге қойылатын талаптар

      40. Салдары техникалық шешімдердің өзгеруіне және қосымша шығыстар алып келетін белгіленген БИЖ параметрлерінің өзгеруі жағдайында, немесе қосымша құрамдас бөліктерді енгізген жағдайда кейіннен қажетті сараптамаларды өткізе отырып БИЖ ТЭН-не түзетулер жүргізіледі.
      41. Түзетілген БИЖ ТЭН-н қарастыруды мемлекеттік жоспарлау жөніндегі орталық немесе жергілікті уәкілетті орган (бұдан әрі – мемлекеттік жоспарлау жөніндегі уәкілетті орган) осы Талаптар мен Қазақстан Республикасының бюджет заңнамаларында белгіленген тәртіпте жүргізеді.
      42. ТЭН түзетулер және түзетілген БИЖ ТЭН-не осы Талаптарға сәйкес қажетті сараптамалар жүргізілгеннен кейін, бюджеттік бағдарламалардың әкімшілері олардың түпнұсқаларын, түзетілген БИЖ ТЭН-нің электрондық нұсқасын, соның ішінде қаржылық-экономикалық модельді бере отырып, мемлекеттік жоспарлау жөніндегі уәкілетті органға жолдайды.
      43. Түзетілген БИЖ ТЭН-ін қарастыру үшін, бюджеттік бағдарламалардың әкімшілері мемлекеттік жоспарлау жөніндегі уәкілетті органға мынадай құжаттарды тапсырады:
      1) мемлекеттік органның бірінші басшысы немесе оның орынбасары қол қойған, сәйкес салыстырмалы кестелері берілген, БИЖ ТЭН бойынша өзгеруі болжанған техникалық шешімдер және/немесе қосымша шығыстар немесе қосымша құрамдас бөліктерді енгізу көрсетілген, бюджеттік бағдарламалардың әкімшісі – мемлекеттік органның бірінші басшысы немесе оның орынбасары қол қойған өтінім-хат;
      2) ресми құжаттарға арналған Қазақстан Республикасының заңнамаларында белгіленген тәртіпте ресімделген және бірінші басшы немесе оның орынбасары қол қойған, техникалық шешімдердің өзгеруінің және/немесе қосымша шығыстар қарастырудың немесе қосымша құрамдас бөліктерді енгізудің мақсатқа сай екендігін растайтын, сәйкес саланың уәкілетті органының салалық сараптамасы;
      3) жобаның ерекшелігіне байланысты тиісті уәкілетті мемлекеттік органның бірінші басшысы қол қойған және техникалық шешімдердің өзгеруінің болжанған параметрлерінің және/немесе қосымша шығыстарды қарастырудың немесе қосымша құрамдас бөліктерді енгізудің негізділігін және дұрыстығын растайтын ресми хат түрінде берілетін қорытындысы;
      4) түзетілген БИЖ ТЭН;
      5) осы Талаптардың 26 және 27-тармақтарына сәйкес БИЖ-дің ерекшелігіне байланысты қажет болған сараптамалардың қорытындылары және түзетілген БИЖ ТЭН-не қажетті құжаттар;
      6) бұрынырақ мемлекеттік жоспарлау жөніндегі уәкілетті органның оң қорытындысын алған кезде (бекітілген бастапқы ТЭН бойынша) қарастырылған сараптамалардың қорытындылары және БИЖ ТЭН бойынша құжаттар.
      44. Мемлекеттік жоспарлау жөніндегі уәкілетті орган құжаттар пакеті келіп түскен күннен бастап бес жұмыс күні ішінде олардың жинақтылығына және түзетілген ТЭН-нің осы Талаптарға сәйкестігін тексереді және оларды бюджеттік бағдарламалардың әкімшісіне:
      1) осы Талаптардың 43-тармағына сәйкес болуы тиіс құжаттар болмаған;
      2) болуы осы Талаптарға сәйкес қажетті ТЭН-дегі тараулар болмаған жағдайда қайтарады.
      Құжаттар пакеті осы Талаптардың ережелеріне сай болмаған жағдайда, мемлекеттік жоспарлау жөніндегі уәкілетті орган осы тармақта белгіленген мерзімнен кешіктірмей экономикалық сараптама жүргізуге белгіленген тиісті заңды тұлғаға, түзетілген БИЖ ТЭН қарастыру үшін бюджеттік бағдарламалардың әкімшісі берген құжаттар пакетін қосымша бере отырып, түзетілген ТЭН-ге экономикалық сараптама жүргізу қажеттігі туралы хат жолдайды.
      45. Түзетілген БИЖ ТЭН-не экономикалық сараптама БИЖ ТЭН-не экономикалық сараптама жүргізу үшін айқындалған сәйкес заңды тұлғаға осы Талаптардың 42 және 43-тармақтарында көрсетілген құжаттардың толық пакеті келіп түскен күннен бастап отыз жұмыс күні ішінде жүргізіледі.
      46. Түзетілген БИЖ ТЭН-нің экономикалық сараптамасы БИЖ ТЭН-нің экономикалық сараптамасы үшін осы Талаптарда және Қазақстан Республикасының бюджет заңнамасында белгіленген тәртіпте жүргізіледі.
      47. Түзетілген БИЖ ТЭН-нің құрылымы және мазмұны, БИЖ ТЭН-нің тиісті тарауларында өзгеруі болжанған техникалық шешімдер және/немесе қосымша шығыстар, немесе енгізілетін қосымша бөліктер бойынша бұрын бекітілген БИЖ ТЭН-мен салыстыруды келтіре отырып, осы Талаптардың 2-тарауының ережелеріне сәйкес болуы тиіс.
      48. Түзетілген БИЖ ТЭН-не экономикалық сараптаманың құрылымы және мазмұны осы Талаптардың 3-тарауының ережелеріне сәйкес болуы тиіс.
      49. Экономикалық сараптаманың оң қорытындысын алған БИЖ ТЭН Қазақстан Республикасының бюджеттік заңнамаларына сәйкес бекітілуі тиіс.

Бюджеттік инвестициялық жобаның  
техникалық-экономикалық негіздемесін
әзірлеуге немесе түзетуге, сондай-ақ
қажетті сараптамалар жүргізуге  
қойылатын талаптарға        
1-қосымша             
Нысан   

Бюджеттік инвестициялық жобаның қысқаша сипаттамасы

      Ескертпе:
      7-жолда әрбір іс-шаралар бойынша іс-шаралар мен жұмыс түрлері көрсетіледі.
      8-жолда көрсетіледі: ауқым – белгілі уақыт мерзімі ішінде жобаның қуаттылығына жету үшін қажетті, жобаның іске асырылу мерзімі ішінде жетуге жоспарланған шамалардың сандық сипаттамалары; жобаның қуаттылығы – жобаның нысаналы бағытын (халықтың өмірсүруінің, әлеуметтік саланың, экономиканың, қоғамдық қауіпсіздіктің және мемлекеттік басқарудың және басқа салалардың (аялардың) деңгейі мен сапасы және инвестициялаудан кейінгі мерзімде қол жеткізілетін жоба ауқымына байланысты сандық шама (тауарларды, жұмыстарды және қызметтерді шығару).
      10-жолда шеңберінде жобаны іске асыру жүргізілетін нормативтік құқықтық актілер көрсетіледі;
      12-жолда көрсетіледі:
      Республикалық бюджет – республикалық бюджеттік инвестициялық жобалар бойынша, сондай-ақ республикалық бюджеттен несиелердің және нысаналы даму трансфертінің есебінен қаржыландыру жоспарланған жергілікті бюджеттік инвестициялық жобалар бойынша ТЭН іс-шараларын іске асыру үшін республикалық бюджеттен сұралатын сома;
      жергілікті бюджет – жергілікті бюджеттік инвестициялық жобалар бойынша ТЭН іс-шараларын жүзеге асыруға, сондай-ақ жүзеге асырылуы үшін жоғарыда тұрған бюджеттен нысаналы даму трансферт бөлінетін жергілікті бюджеттен жергілікті бюджеттік инвестициялық жобаларды қосымша қаржыландыру кезінде сұралатын (жоспарланатын) сома;
      өзге көздер – Қазақстан Республикасының мемлекеттік кепілдігімен берілетін мемлекеттік емес қаражаттардың есебінен қаржыландыру болжанған инвестициялық жобалар бойынша жоспарланған сома.

Бюджеттік инвестициялық жобаның 
техникалық-экономикалық негіздемесін
әзірлеуге немесе түзетуге, сондай-ақ
қажетті сараптамалар жүргізуге 
қойылатын талаптарға      
2-қосымша           
Нысан  
 

______________________ жобасының құрамдас бөліктері бойынша қаржыландыруы құрамдас бөліктерге бөлінген жобаны іске асыру кестесі (оның ішінде технологиялық кезеңдер бойынша)

Бюджеттік инвестициялық жобаның 
техникалық-экономикалық негіздемесін
әзірлеуге немесе түзетуге, сондай-ақ
қажетті сараптамалар жүргізуге 
қойылатын талаптарға      
3-қосымша            
Нысан  

_________________ жобасына арналған диаграмма

кестенің жалғасы

Бюджеттік инвестициялық жобаның 
техникалық-экономикалық негіздемесін
әзірлеуге немесе түзетуге, сондай-ақ
қажетті сараптамалар жүргізуге 
қойылатын талаптарға      
4-қосымша            
Нысан 

______________ жобасының институционалдық сызбасы

Бюджеттік инвестициялық жобаның 
техникалық-экономикалық негіздемесін
әзірлеуге немесе түзетуге, сондай-ақ
қажетті сараптамалар жүргізуге 
қойылатын талаптарға      
5-қосымша            
Нысан 

_______________________ жобасының қаржылық-экономикалық моделінің негізгі параметрлері

      Ескертпе:
      4-жолда қаржылық және экономикалық тиімділік көрсеткіштерін есептеуде қолданылатын, ТЭН әзірлеу сәтіне (бірақ 6 айдан артық емес) Қазақстан Республикасының Ұлттық Банкінің қайта қаржыландыруының ресми ставкасы көрсетіледі.
      5-жолда қаржылық және экономикалық тиімділік көрсеткіштерін есептеуде қолданылатын Қазақстан Республикасының ақша-кредит саясаты көрсеткіштерінің және/немесе макроэкономикалық көрсеткіштерінің орта мерзімді болжамына сәйкес инфляция деңгейі көрсетіледі. Бұл ретте, келесі инвестициядан кейінгі кезең ішінде Қазақстан Республикасының ақша-кредит саясаты/немесе макроэкономикалық көрсеткіштерінің орта мерзімді болжамына сәйкес көрсетілген соңғы жылға инфляция деңгейіне қабылданады;
      6-жолда қаржылық және экономикалық тиімділік көрсеткіштерін есептеуде қолданылатын ТЭН әзірлеу сәтіне Қазақстан Республикасының қолданыстағы Салық кодексіне сәйкес салық ставкасы көрсетіледі.
      7-жолда қаржылық және экономикалық тиімділік көрсеткіштерін есептеуде қолданылатын ТЭН әзірлену сәтіне Қазақстан Республикасының қолданыстағы заңнамаларына сәйкес амортизация нормалары көрсетіледі.
      8-жолда келесі сипаттамаларға жауап беретін, қаржылық және экономикалық тиімділік көрсеткіштерін есептеуде қолданылатын көрсеткіштер көрсетіледі:
      ұлттық шоттар жүйесінде деректердің болуы;
      мемлекеттік, стратегиялық, бағдарламалық құжаттарымен, оның ішінде мемлекеттік органның стратегиялық құжаттарымен белгіленген нысаналы мәндердің болуы.
      9-жолда қаржылық және экономикалық тиімділік көрсеткіштерін есептеуде қолданылатын, Қазақстан Республикасының макроэкономикалық көрсеткіштерінің орта мерзімді болжамына сәйкес макроэкономикалық индикаторлардың мәні көрсетіледі. Сондай-ақ экономиканың макроэкономикалық дамуының негізгі немесе ықпалдасқан индикаторын қолдануға болады (егер оны көрсету мүмкін болғанда). Мысалы, ауыл шаруашылығының жалпы өнімінің көлемі, өнеркәсіптік өнімдердің көлемі, мұнайға әлемдік бағалар (Brent қоспасы) және басқалар.
      10-жолда қаржылық және экономикалық тиімділік көрсеткіштерін есептеуде қолданылатын басқа көрсеткіштер (параметрлер) көрсетіледі.

Бюджеттік инвестициялық жобаның 
техникалық-экономикалық негіздемесін
әзірлеуге немесе түзетуге, сондай-ақ
қажетті сараптамалар жүргізуге 
қойылатын талаптарға      
6-қосымша            
Нысан 

__________________ жобасының қаржылық тиімділігі көрсеткіштерін есептеу

      Ескертпе:
      1-жолда инвестициядан кейінгі кезең ішінде жобаны іске асыруға байланысты барлық ақшалай түсімдер мен төлемдер көрсетіледі.
      2-жолда инвестициялық кезеңдегі барлық ақша салымдарын, оның ішінде жобалау-іздеу жұмыстарының, жер телімін сатып алу немесе жалға алу, оны бөлу және құрылыс салу үшін игеру құны, аумақты құрылысқа дайындау жөніндегі жұмыстардың және құрылыс-құрастыру жұмыстарының, жабдықтардың және т.б. құнын ескере отырып, жобаның құны көрсетіледі.
      3-жолда объектіні пайдалануға беру сәтінен бастап сүйемелдеуге және/немесе ұстауға бағытталған барлық ақшалай шығындар көрсетіледі.
      4-жолда 6-қосымшада келтірілген тәуекел құнының шамасын қосу арқылы анықталған ақша баламасындағы (мың теңге) жоба тәуекелдердің жиынтық сомасы көрсетіледі.
      5-жолда тікелей ақша ағындары мен шығындары арасындағы айырмашылық көрсетіледі:
      5 жол = 1 жол – 4 жол.
      6-жолда келесі формула бойынша есептелетін коэффициентке таза ақша ағынын көбейту жолымен алынған шамалар көрсетіледі:

                            k =   1 
                                (1+r)ⁱ
      r – 3-қосымшада келтірілген дисконттау ставкасы;
      i – жобаны іске асырған жүзеге асырылған жылдың (1-ден бастап n-ге дейін) реттік нөмірі.
      7-жолда 6 жолда келтірілген таза дисконтталған ақша ағынын жинақтау арқылы алынған шама көрсетіледі.
      8-жолда таза дисконтталған табыс (8 жол) нөлге тең болатын дисконттау ставкасын табу арқылы алынған шама көрсетіледі.
      9-жолда таза ақша ағынының есебінен инвестициялық шығындарды төлеу үшін қажетті уақыт мерзімін (жылдар, айлар) анықтау арқылы алынған шама көрсетіледі.
      10-жолда таза дисконтталған ақша ағынының есебінен инвестициялық шығындарды төлеу үшін қажетті уақыт мерзімін (жылдар, айлар) анықтау арқылы алынған шама көрсетіледі.

Бюджеттік инвестициялық жобаның 
техникалық-экономикалық негіздемесін
әзірлеуге немесе түзетуге, сондай-ақ
қажетті сараптамалар жүргізуге 
қойылатын талаптарға      
7-қосымша            
Нысан 

_______________________ жобасының NPV және IRR сезімталдығын саралау нәтижелері

«Өткізу мөлшері» көрсеткіші бойынша

«Өткізу бағасы» көрсеткіші бойынша

«Инвестициялық шығындар мөлшері» көрсеткіші бойынша

«Пайдалану шығындарының мөлшері» көрсеткіші бойынша

Бюджеттік инвестициялық жобаның 
техникалық-экономикалық негіздемесін
әзірлеуге немесе түзетуге, сондай-ақ
қажетті сараптамалар жүргізуге 
қойылатын талаптарға      
8-қосымша            
Нысан 

__________________ жобасының ең аз шығындарын талдау көрсеткіштері

Бюджеттік инвестициялық жобаның 
техникалық-экономикалық негіздемесін
әзірлеуге немесе түзетуге, сондай-ақ
қажетті сараптамалар жүргізуге 
қойылатын талаптарға      
9-қосымша            
Нысан 

Жоба шығындарының тиімділігін талдауға
арналған көрсеткіштер ______________________

Бюджеттік инвестициялық жобаның 
техникалық-экономикалық негіздемесін
әзірлеуге немесе түзетуге, сондай-ақ
қажетті сараптамалар жүргізуге 
қойылатын талаптарға      
10-қосымша            
Нысан 

_________________ жобасының экономикалық тиімділігінің көрсеткіштерін есептеу

      Ескерту:
      1-жолда инвестициялаудан кейінгі мерзім ішінде жобаны іске асыруға байланысты ақшалай барлық келіп түскен түсімдер мен төлемдер көрсетіледі.
      2-жолда жобаны жүзеге асыруға байланысты барлық табыстар, оның ішінде инвестициялаудан кейінгі барлық мерзім үшін анықталатын, қосымша әлеуметтік-экономикалық, аралас салалардағы (аялардағы) экологиялық тиімділік көрсетіледі. Барлық пайдалар ақша баламасында (мың теңге) келтіріледі.
      3-жолда тікелей ақша құйымдары және жанама экономикалық пайдалардың қосынды бағасы көрсетіледі.
      4-жолда инвестициялық мерзімдегі барлық ақша салымдарын, оның ішінде жобалау-іздеу жұмыстарының, жер телімін сатып алу немесе жалға алу, оны бөлу және құрылыс салу үшін игеру бағасы, аумақты құрылысқа дайындау жөніндегі жұмыстардың және құрылыс-құрастыру жұмыстарының, жабдықтардың және т.б. бағаларын ескергендегі жобаның бағасы көрсетіледі.
      5-жолда нысанды пайдалануға беру сәтінен бастап сүйемелдеуге және/немесе ұстауға бағытталған барлық ақшалай шығындар көрсетіледі.
      6-жолда барлық болжанатын шығындар, оның ішінде әлеуметтік-экономикалық, экологиялық және пайдалану шығындарын қоспағанда жобаны жүзеге асырудың салдарына байланысты, экономиканың аралас салаларындағы (аясындағы) шығындар көрсетіледі. Барлық шығындар ақша баламасында (мың теңге) келтіріледі.
      7-жолда 6-қосымшада келтірілген тәуекелдердің бағаларының шамаларын қосу арқылы анықталған ақшалай баламадағы (мың теңге) жоба тәуекелдерінің жиынтық бағасы көрсетіледі.
      8-жолда инвестициялық және пайдалану шығындарының, жанама экономикалық шығындардың және жоба тәуекелдерінің жиынтық бағасы көрсетіледі.
      9-жолда экономикалық пайдалар мен шығындар арасындағы айырмашылық көрсетіледі.
      10-жолда келесі формула бойынша есептелетін коэффициентке таза экономикалық ағынды көбейту жолымен алынған шамалар көрсетіледі:

                                k =   1 
                                    (1+r)ⁱ
      r – 3-қосымшада келтірілген дисконттау ставкасы;
      i – жобаны іске асыру жылының реттік нөмірі (1-ден бастап n-ге дейін).
      11-жолда, 10-жолда келтірілген таза дисконтталған экономикалық ағынды жинақтау арқылы алынған шама көрсетіледі.
      12-жолда экономикалық таза дисконтталған табыс нөлге тең болатын дисконттау ставкасын табу арқылы алынған шама көрсетіледі.

Бюджеттік инвестициялық жобаның 
техникалық-экономикалық негіздемесін
әзірлеуге немесе түзетуге, сондай-ақ
қажетті сараптамалар жүргізуге 
қойылатын талаптарға      
11-қосымша            
Нысан 

_______________________ жобасының ENPV және EIRR сезімталдығын саралау нәтижелері

«Өткізу көлемі» (сұраныс) көрсеткіші бойынша

«Инвестициялық шығындардың көлемі» көрсеткіші бойынша

«Пайдалану шығындарының көлемі» көрсеткіші бойынша

Бюджеттік инвестициялық жобаның 
техникалық-экономикалық негіздемесін
әзірлеуге немесе түзетуге, сондай-ақ
қажетті сараптамалар жүргізуге 
қойылатын талаптарға      
12-қосымша            
Нысан 

_______________________ жобасының тәуекелдері

      Ескертпе:
      1-бағанда әрбір тәуекел үшін 0-ден 1-ге дейінгі үлестерде тәуекелдердің (қолайсыз оқиғаның) басталу ықтималдығы көрсетіледі. Ықтималдық келесі әдістердің біреуі арқылы анықталады:
      сараптамалық бағалау әдісі;
      нормативтік әдіс (негіздемелік нормативтік және әдістемелік құжаттар негізінде);
      ұқсастықтар әдісі (ұқсас инвестициялық жобаларды саралау);
      статистикалық әдіс;
      және басқалар.
      2-бағанда тәуекелдің басталуынан келетін зиянның шамасы ақшалай баламада (теңге) көрсетіледі. Зиянның шамасы келесі әдістердің біреуі арқылы анықталады:
      сараптамалық бағалау әдісі;
      нормативтік әдіс (негіздемелік нормативтік және әдістемелік құжаттар негізінде);
      ұқсастықтар әдісі (ұқсас инвестициялық жобаларды саралау);
      статистикалық әдіс;
      және басқалар.
      3-бағанда ақшалай баламадағы (теңге) тәуекелдің бағасы көрсетіледі. Әрбір тәуекелдің бағасы басталу ықтималдығын тәуекелдің басталуынан келген зиянға көбейту арқылы анықталады.
      4-бағанда әрбір тәуекелді азайту жөніндегі болжанған іс шаралар көрсетіледі.
      5-бағанда әрбір тәуекелді азайту жөніндегі іс-шараларды жүзеге асырудың институционалдық сызбасына сәйкес жобаның жауапты қатысушылары көрсетіледі.
      «Жиыны» жолында ақшалай баламадағы (теңге) жобаның тәуекелдерінің жиынтық бағасы көрсетіледі. Жоба тәуекелдерінің жиынтық сомасы тәуекел бағаларының шамаларын қосу арқылы анықталады.