Күші жойылды - ҚР Туризм және спорт министрінің 2011.04.14 № 02-02-18/56 және ҚР Экономикалық даму және сауда министрінің м.а. 2011.05.16 № 134 бірлескен бұйрығымен.
«Жеке кәсіпкерлік туралы» Қазақстан Республикасы Заңының 38-бабының 1-тармағына және «Дене шынықтыру және спорт туралы» Қазақстан Республикасы Заңының 23-бабының 27) тармақшасына сәйкес БҰЙЫРАМЫЗ:
1. Қоса беріліп отырған Дене шынықтыру және спорт саласындағы тәуекел дәрежесін бағалау критерийлері бекітілсін.
2. Қазақстан Республикасы Туризм және спорт министрлігінің Спорт комитеті (А.Қ. Құлназаров):
1) осы бұйрықтың Қазақстан Республикасының Әділет министрлігінде мемлекеттік тіркелуін қамтамасыз етсін;
2) осы бұйрық мемлекеттік тіркеуден өткеннен кейін, оның ресми түрде жариялануын қамтамасыз етсін;
3) осы бұйрықтың Қазақстан Республикасы Туризм және спорт министрлігінің интернет-ресурсында орналасуын қамтамасыз етсін.
3. Осы бұйрықтың орындалуын бақылау Қазақстан Республикасының Туризм және спорт вице-министрі Т.А. Ермегияевке жүктелсін.
4. Осы бұйрық Қазақстан Республикасы Әділет министрлігінде мемлекеттік тіркелген күнінен бастап күшіне енеді.
5. Осы бұйрық ресми бірінші жарияланған күнінен бастап қолданысқа енгізіледі.
Қазақстан Республикасының Қазақстан Республикасының
Туризм және спорт министрі Экономика және бюджеттік
________ Т. Досмұхамбетов жоспарлау министрі
_____________ Б. Сұлтанов
Қазақстан Республикасы
Туризм және спорт министрінің
2010 жылғы 3 наурыздағы
№ 01-01-07/34 және
Қазақстан Республикасы
Экономика және бюджеттік
жоспарлау министрінің
2010 жылғы 10 наурыздағы
№ 127 бірлескен бұйрығымен
бекітілген
Дене шынықтыру және спорт саласындағы тәуекел дәрежесін бағалау критерийлері
1. Жалпы ережелер
1. Дене шынықтыру және спорт саласындағы тәуекел дәрежесін бағалау критерийлері (бұдан әрі - критерийлер) білім беру ұйымдарындағы қызметті қоспағанда, осы қызметке арналған лицензияның негізінде дене шынықтыру-сауықтыру, спорттық қызметтер көрсететін жеке және заңды тұлғалардың (бұдан әрі - жеке және заңды тұлғалар) өңірлер бойынша жоспарлы тексерулер өткізу үшін жеке және заңды тұлғаларды іріктеу мақсатында жоғары, орта және болмашы тәуекел санаттары бойынша тәуекел дәрежесін анықтау үшін әзірленді.
2. Осы критерийде келесі түсінік қолданылған, тәуекел – тұрақты білікті жаттықтырушы-оқытушы құрамы болмауына, тұрақты медициналық қызметті көрсете алмауынан, спорт ғимараттарының жабдықтары мен мүліктерінің тозуынан қызметті жеке және заңды тұлғалардың көрсете алмауы салдарынан адамның өміріне немесе денсаулығына зиян келтіру ықтималдығы.
3. Тәуекел дәрежесіне қарай жеке және заңды тұлғалар жоғары, орташа немесе болмашы тәуекел топтарына жатқызылады.
4. Ең алдымен жеке және заңды тұлғалар дене шынықтыру-сауықтыру және спорттық қызметтерді санаттары бар спорт ғимараттарында көрсетуіне байланысты тәуекел деңгейі айқындалады:
1) жоғары тәуекел дәрежесі тобына жоғары санатты спорт ғимараттарында дене шынықтыру және спорттық қызметтерді көрсететін заңды тұлғалар жатқызылған.
Жоғары санаттағы спорт ғимараттарына – негізгі параметрлері халықаралық жарыстарды (әлем, Азия, Еуропа чемпионаттары, әлем кубогінің кезеңдері, Қазақстан Республикасы Президентінің кубогі үшін «А» дәрежелі халықаралық турнирлер және басқа жарыстар) өткізуге мүмкіндік беретін ғимараттар жатады;
2) орташа тәуекел дәрежелі топқа – бірінші санатты спорт ғимараттарында дене шынықтыру және спорт қызметтерін көрсететін заңды тұлғалар жатады.
Бірінші санаттағы спорт ғимараттарына негізгі параметрлері республикалық жарыстарды (Қазақстан Республикасының Спартакиадасы, чемпионаттар, біріншіліктер, кубоктар, республикалық турнирлер және басқа жарыстар) өткізуге мүмкіндік беретін ғимараттар жатады.
3) болмашы тәуекел дәрежелі топқа – екінші және үшінші санатты спорт ғимараттарында дене шынықтыру және спорттық қызметтерді көрсететін заңды тұлғалар, сонымен қатар спорт түрлерін дамытуға, спортшыларды жарыстарға қатысуға дайындауға бағытталған қызметті жүзеге асыратын спорт түрлері бойынша федерациялар жатады.
Екінші санатқа өзінің көлемі мен жарақтандырылуы бойынша негізгі параметрлері бұқаралық дене шынықтыру-сауықтыру және спорттық жаттығуларға немесе жаппай жарыстар өткізуге мүмкіндік беретін ғимараттар жатады.
Үшінші санатқа ғимараттық параметрлері дене шынықтыру-сауықтыру жұмыстарын жүргізуге мүмкіндік беретін ғимараттар жатады.
5. Бұдан әрі, өткізілген тексерістер нәтижесіндегі алған баллдар сомасына сәйкес тәуекел дәрежесінің критерийлері негізінде жеке және заңды тұлғалар тиісті тәуекел топтарына жатады.
6. Алған баллдар сомасы жеке және заңды тұлғалардың тиісті тәуекел тобына өтуіне негіздеме болып табылады:
жоспарланған тексерістер нәтижелері бойынша 14 баллдан жоғары алған жеке және заңды тұлғалар жоғары тәуекел тобына жатады;
жоспарланған тексерістер нәтижелері бойынша 4-тен 13 балл алған жеке және заңды тұлғалар орта тәуекел тобына жатады;
жоспарланған тексерістер нәтижелері бойынша 0-ден 3 балл алған жеке және заңды тұлғалар болмашы тәуекел тобына жатады.
7. Мынадай есептелген баллдарға сәйкес тәуекел дәрежелерін айқындайтын критерийлер:
дене шынықтырумен және спортпен жаттығу кезінде жарақат алғаны және зақымданғаны үшін – 10 балл;
30 %-дан жоғары тозығы жеткен дене шынықтыру және спорттық объектілерде қызмет көрсеткені үшін – 7 балл;
спорттық жабдықтары тозған дене шынықтыру және спорт объектілерінде қызмет көрсеткені үшін – 7 балл;
тұрақты білікті жаттықтырушы-оқытушы құрамы болмағаны үшін – 7 балл;
тұрақты медициналық қызмет көрсете алмағаны үшін – 4 балл;
санитарлық-гигиеналық және өрт қауіпсіздігі нормаларына сәйкес келмейтін үй-жайларда дене шынықтыру және спорт қызметтерін көрсеткені үшін – 3 балл.
8. Бір тәуекел дәрежесіндегі топтың ішінде жеке және заңды тұлғаларды тексеру үшін алған баллдарының ең үлкен сомасы бірінші кезекте іріктеуге негіз болып табылады.