Рус | Қаз | Eng

Азаматтардың кейбір санаттарына төленетін әлеуметтік көмектің мөлшері туралы

Шығыс Қазақстан облыстық мәслихатының 2009 жылғы 16 қазандағы N 15/209-IV шешімі. Шығыс Қазақстан облысының Әділет департаментінде 2009 жылғы 12 қарашада N 2515 тіркелді

Қолданыстағы

      Қазақстан Республикасының «Халық денсаулығы және денсаулық сақтау жүйесі туралы» Кодексінің 182 бабының 3 тармағының 2) тармақшасы негізінде және Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6 бабының 1 тармағының 15) тармақшасына, Қазақстан Республикасының «Нормативтік құқықтық актілер туралы» Заңының 40 бабының 2 тармағының 4) тармақшасына сәйкес Шығыс Қазақстан облыстық мәслихаты ШЕШІМ ҚАБЫЛДАДЫ:
      1. Ауылдық жерде және қала үлгісіндегі кенттерде жұмыс істейтін мемлекеттік денсаулық секторы ұйымдарының медицина және фармацевтика қызметкерлеріне коммуналдық қызметтерге және отынға арналған шығыстарды жыл сайын бір жолғы 5000 (бес мың) теңге көлемінде өтеу бекітілсін.
      2. Шығыс Қазақстан облыстық мәслихатының «Әлеуметтік көмек туралы» 2005 жылғы 15 наурыздағы № 10/146-III (нормативтік құқықтық актілерді мемлекеттік тіркеу реестрінде № 2231 тіркелген, 2005 жылғы 16 сәуірдегі № 38-39 «Дидар», 2005 жылғы 5 сәуірдегі № 51 «Рудный Алтай» газеттерінде жарияланған) шешімнің күші жойылды деп танылсын.
      3. Осы шешім алғаш ресми жарияланған күннен кейін күнтізбелік он күн өткен соң қолданысқа енгізіледі.

      Сессия төрағасы                        Е. НҰРБАЕВ

      Шығыс Қазақстан облыстық
      мәслихатының хатшысы                   В. АХАЕВ