Қолданушылардың назарына!!!
Қаулының қолданысқа енгізілу тәртібін 4-тармақтан қараңыз.
Нормативтік құқықтық актілерді жетілдіру мақсатында Қазақстан Республикасы Қаржы нарығын және қаржы ұйымдарын реттеу мен қадағалау агенттігінің (бұдан әрі - Агенттік) Басқармасы ҚАУЛЫ ЕТЕДІ:
1. Агенттік Басқармасының "Бағалы қағаздар рыногында брокерлік және дилерлік қызметті жүзеге асыратын ұйымдар үшін пруденциалдық нормативті белгілеу туралы, Бағалы қағаздар рыногында брокерлік және дилерлік қызметті жүзеге асыратын ұйымдар үшін пруденциалдық нормативті есептеу ережесін бекіту туралы" 2008 жылғы 22 тамыздағы N 120 қаулысына (Нормативтік құқықтық актілерді мемлекеттік тіркеу тізілімінде N 5324 тіркелген, 2008 жылғы 15 қарашадағы Қазақстан Республикасының Орталық атқарушы және өзге де орталық мемлекеттік органдардың актілерінің N 11 жинағында жарияланған) Агенттік Басқармасының "Бағалы қағаздар рыногында брокерлік және дилерлік қызметті жүзеге асыратын ұйымдардың, бағалы қағаздарды ұстаушылар жүйесін жүргізу жөніндегі қызметті жүзеге асыратын ұйымдардың, инвестициялық портфельді басқаруды жүзеге асыратын ұйымдардың қызметтерін пруденциалдық реттеу мәселелері бойынша Қазақстан Республикасы Қаржы нарығын және қаржы ұйымдарын реттеу мен қадағалау агенттігінің кейбір нормативтік құқықтық актілеріне толықтырулар мен өзгерістер енгізу туралы" 2009 жылғы 26 қаңтардағы N 5 қаулысымен (Нормативтік құқықтық актілерді мемлекеттік тіркеу тізілімінде N 5578 тіркелген) енгізілген толықтыруларымен және өзгерістерімен бірге мынадай өзгерістер мен толықтырулар енгізілсін:
көрсетілген қаулымен бекітілген Бағалы қағаздар рыногында брокерлік және дилерлік қызметті жүзеге асыратын ұйымдар үшін пруденциалдық нормативін есептеу ережесінде:
1-тармақ мынадай редакцияда жазылсын:
"1. Брокердің және дилердің меншікті капиталының жеткіліктілік коэффициенті мына формула бойынша есептеледі:
К = (ӨА-М)/МКТМ, бұл жерде
ӨА – осы Ереженің 3-тармағына сәйкес өтімді болып танылатын брокердің және дилердің өтімді активтері;
М - брокердің және дилердің жиынтық міндеттемелері ("репо" операциясын ашық сауда-саттық әдісімен өткізгенде міндеттемелерге тек "репо" ашу сәтіне қор биржасының ішкі ережелеріне сәйкес анықталған "репо" объектісінің нарықтық құнының дисконт сомасы ғана кіреді);
МКТМ - меншікті капиталдың жеткіліктілігінің есебіне кіретін брокердің және дилердің меншікті капиталының ең төменгі мөлшері:
номиналды ұстаушы ретінде клиенттердің шоттарын жүргізу құқығымен брокердің және дилердің меншікті капиталының барынша төмен мөлшері - 30 000 000 (отыз миллион) теңге;
клиенттердің шоттарын жүргізу құқығынсыз брокердің және дилердің меншікті капиталының барынша төмен мөлшері - 5 000 000 (бес миллион) теңге;
2010 жылғы 1 қаңтардан бастап:
номиналды ұстаушы ретінде клиенттердің шоттарын жүргізу құқығымен брокердің және дилердің меншікті капиталының барынша төмен мөлшері – 54 432 000 (елу төрт миллион төрт жүз отыз екі мың) теңгені құрайды;
клиенттердің шоттарын жүргізу құқығынсыз брокердің және дилердің меншікті капиталының барынша төмен мөлшері – 46 656 000 (қырық алты миллион алты жүз елу алты мың) теңгені құрайды;
2010 жылғы 1 шілдеден бастап:
номиналды ұстаушы ретінде клиенттердің шоттарын жүргізу құқығымен брокердің және дилердің меншікті капиталының барынша төмен мөлшері – 181 440 000 (бір жүз сексен бір миллион төрт жүз қырық мың) теңгені құрайды;
клиенттердің шоттарын жүргізу құқығынсыз брокердің және дилердің меншікті капиталының барынша төмен мөлшері – 129 600 000 (жүз жиырма тоғыз миллион алты жүз мың) теңгені құрайды.";
3-тармақтың бірінші бөлігінде:
1) тармақшаның үшінші абзацы мынадай редакцияда жазылсын:
"осы тармақтың бірінші бөлігінің 2) тармақшасында көзделген Қазақстан Республикасының екінші деңгейдегі банктерінің ағымдағы шоттарындағы ақша;";
2) тармақша мынадай мазмұндағы үшінші абзацпен толықтырылсын:
"банктердің "Standard & Poor's" агенттігінің халықаралық шәкілі бойынша "В+"-тен "В" дейінгі ұзақ мерзімді кредиттік рейтингі немесе басқа рейтинг агенттіктерінің бірінің осыған ұқсас деңгейдегі рейтингі бар немесе "Standard & Poor's" ұлттық шәкілі бойынша "kzВВ-"-тен "kzВ+" дейінгі рейтингтік бағасы бар;";
қосымшада:
"Пруденциалдық нормативті есептеу" кестесінде:
реттік нөмірі 1.2 жолдың екінші бағанындағы "екінші деңгейдегі" деген сөздер "Қазақстан Республикасының екінші деңгейдегі" деген сөздермен ауыстырылсын;
мынадай мазмұндағы реттік нөмірі 2-1 жолмен толықтырылсын:
"
2-1. |
Осы банктерде "Standard & Poor's" агенттігінің халықаралық шәкілі бойынша "В+"-тен "В" дейінгі ұзақ мерзімді кредиттік рейтингі бар немесе басқа рейтингтік агенттіктерінің бірінің ұқсас деңгейдегі рейтингі бар немесе "Standard & Poor's" ұлттық шәкілі бойынша "kzВВ-"-тен "kzВ+" дейінгі рейтингтік бағасы бар деген талаппен Қазақстан Республикасының екінші деңгейдегі банктеріндегі салымдар (негізгі борыштың сомасын және есептелген сыйақыны ескеріп) |
100 |
";
"Пруденциалдық нормативті есептеуге арналған қосымша мәліметтер" деген кесте мынадай мазмұндағы реттік нөмірі 8023-1 жолмен толықтырылсын:
"
8023-1 |
Осы банктерде "Standard & Poor's" агенттігінің халықаралық шәкілі бойынша "В+"-тен "В" дейінгі ұзақ мерзімді кредиттік рейтингі бар немесе басқа рейтингтік агенттіктерінің бірінің ұқсас деңгейдегі рейтингі бар немесе "Standard & Poor's" ұлттық шәкілі бойынша "kzВВ-"-тен "kzВ+" дейінгі рейтингтік бағасы бар деген талаппен Қазақстан Республикасының екінші деңгейдегі банктеріндегі салымдар |
".
2. Ескерту. 2-тармақтың күші жойылды - ҚР Ұлттық Банкі Басқармасының 2012.02.24 № 64 (қолданысқа 2013.01.01 бастап енгізіледі) Қаулысымен.
3. Күші жойылды - ҚР Ұлттық Банкі Басқармасының 03.02.2014 № 7 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
4. Осы қаулы Қазақстан Республикасының Әділет министрлігінде мемлекеттік тіркелген күннен бастап он төрт күнтізбелік күн өткеннен кейін қолданысқа енгізіледі.
Осы қаулының 1-тармағының жиырмасыншы, жиырма бірінші, жиырма бесіншіден бастап жиырма сегізінші аралығындағы абзацтардың, 2-тармағының сегізінші, тоғызыншы, он үшіншіден бастап он алтыншы аралығындағы абзацтардың, 3-тармағының жиырма екінші, жиырма үшінші, жиырма жетіншіден бастап отызыншы аралығындағы абзацтардың қолданысы 2012 жылғы 1 қаңтарға дейін таралады.
Ескерту. 4-тармаққа өзгерту енгізілді - ҚР Қаржы нарығын және қаржы ұйымдарын реттеу мен қадағалау агенттігі Басқармасының 2010.11.29 № 174 (қолданысқа енгізілу тәртібін 2-тармақтан қараңыз) қаулысы.
5. Ақпараттық технологиялар департаменті (Қ.А. Түсіпов) 2009 жылғы 1 қазанға дейінгі мерзімде "Жинақтаушы зейнетақы қорларының және бағалы қағаздар нарығының кәсіби қатысушыларының есептілігін қалыптастыруды автоматтандыру" автоматтандырылған ақпараттық шағын жүйесін жетілдіруді қамтамасыз етсін.
6. Стратегия және талдау департаменті (Н.А. Әбдірахманов):
1) Заң департаментiмен (Н.В. Сәрсенова) бірлесіп, осы қаулыны Қазақстан Республикасының Әдiлет министрлiгiнде мемлекеттiк тiркеу шараларын қолға алсын;
2) осы қаулы Қазақстан Республикасының Әдiлет министрлiгiнде мемлекеттiк тiркелген күннен бастап он күндiк мерзiмде оны Агенттiктiң мүдделi бөлiмшелерiне, "Қазақстан қаржыгерлерiнiң қауымдастығы" заңды тұлғалар бiрлестiгiне мәлімет үшін жеткізсін.
7. Агенттік Төрайымының Қызметі (А.Ә. Кенже) осы қаулыны Қазақстан Республикасының бұқаралық ақпарат құралдарында жариялау шараларын қолға алсын.
8. Осы қаулының орындалуын бақылау Агенттік Төрайымының орынбасары А.Ө. Алдамбергенге жүктелсін.
Төрайым Е. Бахмутова