2009 жылға арналған аудандық бюджет туралы

      Қазақстан Республикасының 2008 жылғы 4 желтоқсандағы "Бюджет Кодексіне" және 2001 жылғы 23 қаңтардағы "Қазақстан Республикасындағы жергілікті мемлекеттік басқару туралы" Заңының 6 бабына сәйкес Қазалы аудандық Мәслихаты ШЕШІМ ЕТЕДІ:      

      1. 2009 жылға арналған аудандық бюджет 1-қосымшаға сәйкес мынадай көлемде бекітілсін:
      1) кірістер – 4570170 мың теңге:
      салықтық түсімдер –644823 мың теңге;
      салықтық емес түсімдер – 1747 мың теңге;
      негізгі капиталды сатудан түсетін түсімдер – 3655 мың теңге;
      трансферттер түсімі – 3919945 мың теңге;
      2) шығындар – 4645884 мың теңге;
      3) таза бюджеттік кредиттеу - 0 теңге:
      бюджеттік кредиттер – 0 теңге;
      бюджеттік кредиттерді өтеу – 0 теңге;
      4) қаржы активтерімен операциялар бойынша сальдо-14000 мың теңге:
      қаржы активтерін сатып алу – 14000 мың теңге;
      мемлекеттің қаржы активтерін сатудан түсетін түсімдер – 0 теңге;
      5) бюджет тапшылығы (профициті) – -89714 мың теңге;
      6) бюджет тапшылығын қаржыландыру (профицитін пайдалану)-  89714 теңге:
      қарыздар түсімі-0 теңге;
      қарыздарды өтеу-0 теңге;
      бюджет қаражатының пайдаланылатын қалдықтары - 0 теңге.

      Ескерту: 1-тармақтың 1),2),5),6)-тармақшаларына өзгерту енгізілді - Қазалы аудандық мәслихаттың 2009.01.31 N 114 шешімімен.
      2. Аудандық бюджет пен облыстық бюджетке кірістерді бөлу нормативі төмендегідей болып белгіленсін:
      әлеуметтік салық облыстық бюджетке - 10 пайыз, аудандық бюджетке - 90 пайыз.
      3. 2009 жылға арналған облыстық бюджетте аудандық бюджетке төмендегі мақсаттарға ағымдағы нысаналы және нысаналы даму трансферттерінің қаралғаны ескерілсін:
      1) мектеп жасына дейінгі балаларды тәрбиемен қамтамасыз ету мақсатында жалпы білім беретін мектептер жанынан шағын орталықтар ашуға;
      2) жаңадан ашылған балалар бақшасын ұстау шығындарына;
      3) жергілікті маңыздағы автомобиль жолдарын орташа жөндеуге;
      4) аудан орталықтарының және қала типтес кенттердің бас жоспарларын әзірлеуге;
      5) білім беру объектілерін салуға.
      Ағымдағы нысаналы және нысаналы даму трансферттерінің сомалары Қызылорда облысы әкімдігінің қаулысы негізінде анықталып, Қазалы ауданы әкімдігінің қаулысы негізінде қабылданады.
      4. 2009 жылға арналған аудандық бюджетте мемлекеттік органдардың функцияларын мемлекеттік басқарудың төмен тұрған деңгейлерінен жоғарғы деңгейлерге беруге байланысты облыстық бюджетке берілетін ағымдағы нысаналы трансферт көлемі 9617 мың теңге көлемінде бекітілсін.
      5. Ауылдық жерлерде тұрып жұмыс істейтін денсаулық сақтау, білім беру, әлеуметтік қамсыздандыру, мәдениет және спорт мемлекеттік ұйымдарының қызметшілеріне отын сатып алуға жергілікті бюджеттен берілетін бір жолғы ақшалай төлемдер 4500 теңге көлемінде бекітілсін.
      6. 2009 жылға арналған жергiлiктi бюджеттi атқару процесiнде 2-қосымшаға сәйкес жергiлiктi бюджеттiк бағдарламалар секвестрлеуге жатпайды деп белгiленсiн.
      7. 2009 жылға арналған аудандық бюджеттің бюджеттік даму бағдарламаларының және заңды тұлғалардың жарғылық капиталын қалыптастыру немесе ұлғайту тізбесі 3-қосымшаға сәйкес бекітілсін.
      8. Аудандық жергілікті атқарушы органның 2009 жылға арналған резерві 13000 мың теңге көлемінде белгіленсін.
      9. Аудандық маңыздағы автомобиль жолдарын күтіп ұстау және жөндеу шығындарының ең төменгі көлемі 40309 мың теңге мөлшерінде белгіленсін.
      10. Қала, кент, ауылдық округі әкімі аппараттарының 2009 жылға арналған жеке жоспарларының қаржылар көлемі 4-қосымшаға сәйкес бекітілсін.
      11. Осы шешім 2009 жылдың 1 қаңтарынан бастап қолданысқа енгізіледі. 
 

Аудандық мәслихаттың                          Аудандық мәслихаттың ХІІ сессиясының төрағасы                                   хатшысы    К. Алиасқаров                                     Т. Бөріқұлақов

2008 жылғы 23 желтоқсандағы
N 100 нормативтік құқықтық кесімге
1-қосымша
 
2009 жылғы 31 қаңтардағы
N 114 нормативтік құқықтық кесімге
1-қосымша

     Ескерту: 1-қосымшасы жаңа редакцияда - Қазалы аудандық мәслихаттың 2009.01.31 N 114 шешімімен.      

      2009 жылға арналған аудандық бюджет     

2008 жылғы 23 желтоқсандағы
N 100 нормативтік құқықтық кесімге
2-қосымша
 

2009 жылға арналған жергiлiктi бюджеттi атқару процесiнде секвестрлеуге жатпайтын шығындар тізімі     

 
2008 жылғы 23 желтоқсандағы
N 100 нормативтік құқықтық кесімге
                              3-қосымша

2009 жылғы 31 қаңтардағы
N 114 нормативтік құқықтық кесімге
3-қосымша

      Ескерту: 3-қосымшасы жаңа редакцияда - Қазалы аудандық мәслихаттың 2009.01.31 N 114 шешімімен.

2009 жылға арналған аудандық бюджеттің бюджеттік даму
бағдарламаларының және заңды тұлғалардың жарғылық капиталын
қалыптастыру немесе ұлғайту тізбесі

2008 жылғы 23 желтоқсандағы
N 100 нормативтік құқықтық кесімге
4-қосымша

2009 жылғы 31 қаңтардағы
N 114 нормативтік құқықтық кесімге
4-қосымша

      Ескерту: 4-қосымшасы жаңа редакцияда - Қазалы аудандық мәслихаттың 2009.01.31 N 114 шешімімен.

Қала, кент, ауылдық округі әкімі аппараттарының 2009 жылға арналған жеке жоспарларының қаржылар көлемі

      /мың теңге/

2009 жылғы 31 қаңтардағы
N 114 нормативтік құқықтық кесімге
5-қосымша

      Ескерту: 5-қосымшамен толықтырылды - Қазалы аудандық мәслихаттың 2009.01.31 N 114 шешімімен.

Облыстық бюджеттің қаржысы есебінен бөлінген ағымдағы нысаналы және нысаналы даму трансферттері    

2009 жылғы 31 қаңтардағы
                                   N 114 нормативтік құқықтық кесімге                                       6-қосымша

      Ескерту: 6-қосымшамен толықтырылды - Қазалы аудандық мәслихаттың 2009.01.31 N 114 шешімімен.

Республикалық бюджеттің қаржысы есебінен бөлінген ағымдағы нысаналы, нысаналы даму трансферттері және кредиттер 

"2009 жылға арналған аудандық бюджет туралы"
Қазалы аудандық мәслихатының шешіміне

ТҮСІНДІРМЕ ЖАЗБА 

      Шешім Қазақстан Республикасының Бюджет кодексіне сәйкес Қазалы ауданының әлеуметтік-экономикалық дамуының орта мерзімді жоспары, Қазалы ауданының 2008-2010 жылдарға арналған орта мерзімді фискалдық саясаты, Қазақстан Республикасы Президентінің Қазақстан халқына жыл сайынғы жолдаулары негізінде әзірленген.
 

КІРІСТЕР
 

      2009 жылға арналған аудандық бюджет түсімдерінің болжамы бюджеттің түсімдерін болжамдау Әдісімен, өңірдің орта мерзімді әлеуметтік экономикалық дамуының жоспарындағы макроэкономикалық көрсеткіштер негізінде, Қазалы ауданының әкімдігінің 2009-2011 жылдарға арналған орта мерзімді фискалдық саясатының бағыттарына және Қазақстан Республикасының салық кодексіне және басқа да нормативтік құқықтық актілеріне енгізілген өзгерістеріне сәйкес болжамдалған.
      2009 жылғы аудандық бюджет кірістерінің болжамдау кезінде 2008 жылғы бюджет кірістерінің орындалуы, үстіміздегі жылдың бірінші жартыжылдығында нақты түскен түсімдердің бағалауы және уәкілетті органдардың мәліметтері ескерілді.
      2009 жылға арналған аудандық бюджеттің кірістер көлемі (трансферттерді есепке алмағанда) 650225 мың теңге көлемінде жобаланып отыр, бұл үстіміздегі жылдың бекітілген жоспарынан 6054 мың теңгеге ұлғайған.
      Аудандық бюджеттің салықтық түсімдері 644823 мың теңге көлемінде белгіленді. Үстіміздегі жылдың бекітілген жоспарымен салыстырғанда 4202 мың теңгеге ұлғайтылды. Салықтық түсімдерінің ең үлкен мөлшерін төлем көзінен ұсталатын жеке табыс салығы және әлеуметтік салық құрайды.
      Төлем көзінен ұсталатын жеке табыс салығы мен әлеуметтік салықтың болжамы 2009 жылға 551607 мың теңге көлемінде болжамдалған аудан бойынша еңбекақы қоры негізінде есептелді. Алдағы үш жылдық кезеңге аудандық бюджеттің облыстық бюджетпен қатынасы жеке табыс салығы мен әлеуметтік салық бойынша нормативтік аударымдар аудару арқылы реттеледі.
      Аудандық бюджет:
      жеке табыс салығы бойынша: толығымен аудандық бюджетке, яғни 100%;
      әлеуметтік салық бойынша – 90% аудандық бюджетке, 10% - облыстық бюджетке.
      Осыған сәйкес 2009 жылға арналған аудандық бюджеттің төлем көзінен ұсталатын жеке табыс салығы және әлеуметтік салықтың жоспарлары тиесілі 262392 мың теңге және 242910 мың теңге көлемінде жобаланды.
      Кәсіпкерлік қызметпен айналысатын жеке тұлғалардан алынатын жеке табыс салығының және қызметін біржолғы талон бойынша жүзеге асыратын жеке тұлғалардан алынатын жеке табыс салығының жоспарлары сәйкесінше 22225 мың теңге және 24080 мың теңге болып жобаланды.
      Меншікке салынатын салықтар көлемі 81806 мың тенге көлемінде, оның ішінде мүлік салығы 43986 мың тенге, жер салығы 6592 мың тенге, көлік салығы 30852 мың тенге, біріңғай жер салығы 376 мың тенге.
      Табиғи ресурстарды пайдаланғаны үшін төленетін төлемдер түсімдерінің жоспары 533 мың теңге көлемінде белгіленді.
      2009 жылғы аудандық бюджеттің салықтық емес түсімдер бойынша жоспары 1747 мың теңге көлемінде белгіленді, оның ішінде салыққа жатпайтын түсімдер 1183 мың тенге.
      Негізгі капиталды сатудан түсетін түсімдерінің 2009 жылға жоспары 3655 мың теңге көлемінде болжамдалды, бұл 2008 жылғы бюджеттің бекітілген жоспарымен салыстырғанда 1505 мың тенгеге артық болжамданып отыр.
      2009 жылға арналған аудандық бюджеттің кірістері 3487199 мың теңге көлемінде жобаланып отыр, оның ішінде жергілікті түсімдер 650225 мың теңге, субвенция 2836974 мың теңге. Аудандық бюджетке түсетін кірістердің көлемі Қазақстан Республикасының жаңа Салық кодексіне сәйкес есептелді. Атап айтқанда, ірі салық түрлері бойынша жеке тұлғалардың төлем көзінен ұсталатын табыс салығы өзгеріссіз 10 пайыз, әлеуметтік салық бойынша тұрақты 11 пайыз ставкасымен есептеліп, бюджетке міндетті әлеуметтік сақтандыру қорына аударылатын төлемдері шегеріліп, 2009 жылы бюджетке нақты 7 пайыз мөлшерінде аударылады, яғни әлеуметтік салықтың жылдық жоспары 2008 жылдың бекітілген жоспарымен салыстырғанда 51281 мың теңгеге азайды. Сонымен қатар заңды тұлғалардың мүлік салғының салық салу базасының азаюына байланысты 2008 жылдың бекітілген жоспарымен салыстырғанда 11358 мың теңгеге азайып отыр.
      Қазақстан Республикасы Бюджет кодексі 41-бабына сәйкес бюджеттік алулар мен бюджеттік субвенциялардан құралатын жалпы сипаттағы трансферттердің көлемдері облыстық мәслихаттың шешімімен облыстық бюджет пен аудандық (қалалық) бюджеттер арасында үш жылдық мерзімге жылдарға бөліне отырып абсолюттік тұрғыда белгіленген. 2009 жылға субвенция көлемі облыстық мәслихаттың "2008-2010 жылдарға арналған жалпы сипаттағы трансферттердің көлемі туралы" 2007 жылғы 12 желтоқсандағы N 42 шешіміне сәйкес 2836974 мың теңге көлемінде жоспарланды.
      Қызылорда облысы әкімдігінің 2008 жылғы 10 қарашадағы N 148 "Біржолғы талондарды беру жұмысын ұйымдастыру туралы" Қызылорда облысы әкімдігінің 2008 жылғы 15 қыркүйектегі N 100 қаулысына өзгеріс енгізу туралы" қаулысына сәйкес "Қызылорда облысының біржолғы талондар негізінде салық жинау орталығы" мемлекеттік мекемесі құрылып, біржолғы талондарды беру және біржолғы талондарды өткізуден түскен сомалардың толық жиналуын қамтамасыз ету қызметі аудандардың жергілікті атқарушы органдарынан алынып осы мекемеге берілуіне байланысты 2009 жылға арналған аудандық бюджетте облыстық бюджетке берілетін ағымдағы нысаналы трансферт көлемі 9617 мың теңге көлемінде бекітілді.
 

ШЫҒЫНДАР
 

      Аудандық бюджеттің шығындары 3487199 мың теңге көлемінде жоспарланып отыр.
      2009 жылға арналған аудандық бюджетті қалыптастыру барысында:
      Қазақстан Республикасы Президентінің 2008 жылғы 6 ақпандағы "Қазақстан халқының әл-ауқатын арттыру-мемлекеттік саясаттың басты мақсаты" атты Қазақстан халқына жолдауында анықталған ішкі және сыртқы саясаттың негізгі міндеттері мен маңызды бағыттары;

      Қазақстан Республикасы Президентінің Жолдауына сәйкес бюджет саласы қызметкерлерінің жалакысын 2009 жылы 25 пайызға арттыру шығындары;

      Бюджет шығыстарында Қазақстан Республикасының салық кодексіне сәйкес әлеуметтік салықты есептеудегі өзгерістер ескерілген.

      Мемлекеттік органдар қызметкерлерінің еңбекақы шығындары "Мемлекеттік қызметшілердің лауазымдарын оңтайландыру жөніндегі шаралар туралы" Қазақстан Республикасы Президентінің 2007 жылғы 28 желтоқсандағы N 501 Жарлығына және "Қазақстан Республикасының мемлекеттік бюджеті және Ұлттық Банкінің сметасы (бюджеті) есебінен қамтылған Қазақстан Республикасы органдарының қызметкерлеріне еңбекақы төлеудің бірыңғай жүйесі туралы" Қазақстан Республикасы Президентінің 2004 жылғы 17 қаңтардағы N 1284 Жарлығына сәйкес, мемлекеттік мекемелердің мемлекеттік қызметші емес қызметкерлерінің және қазыналық кәсіпорындар қызметкерлерінің еңбекақы шығындары "Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы" Қазақстан Республикасы Үкіметінің 2007 жылғы 29 желтоқсандағы N 1400 қаулысы негізінде есептелінген.

01 "Жалпы сипаттағы мемлекеттік қызметтер" функционалдық тобы бойынша 248473 мың теңге қаралды немесе 2008 жылғы бекітілген жоспармен салыстырғанда 29488 мың теңгеге азайған.
      мәслихат аппараты шығындарында:
      мәслихат қызметін қамтамасыз ету 001 бағдарламасы бойынша 13350 мың теңге қарастырылған немесе 2008 жылғы бекітілген жоспардан 1601 мың теңгеге артық, бұл негізінен жалақының 25 пайызға өсуімен байланысты.
      Мәслихат аппаратының шығындарында жергілікті органның аппараты кіші бағдарламасына 13050 мың теңге, мемлекеттік қызметшілердің біліктілігін арттыруға 270 мың теңге, депутаттық қызметке 30 мың теңге қаралған.
      Аудан әкімі аппаратының шығындарында:
      Аудан әкімі қызметін қамтамасыз ету 001 бағдарламасы бойынша 59926 мың теңге қарастырылған немесе 2008 жылғы бекітілген жоспардан 13375 мың теңгеге кеміген, себебі 2008 жылғы бекітілген жоспарда Әйтеке би кенті әкімі аппаратының теңгеріміндегі ғимараттың аудан әкімі аппаратының теңгеріміне алынуы жоспарлануына сәйкес осы ғимаратты күрделі жөндеу шығындары ескерілген болатын.
      Аудан әкімі аппаратының шығындарында жергілікті органның аппараты кіші бағдарламасына 58101 мың теңге, мемлекеттік қызметшілердің біліктілігін арттыру кіші бағдарламасында аудандық бюджеттен қаржыландырылатын жергілікті атқарушы органдардағы мемлекеттік қызметшілердің біліктілігін арттыру шығындарына 1825 мың теңге қаралған.
      Қала, кент және ауылдық округі әкімі аппараттарының шығындарында:
      Аппарат қызметін қамтамасыз ету 001 бағдарламасы бойынша 146618 мың теңге қаралуда немесе 2008 жылғы бекітілген жоспардан 8241 мың теңгеге азайған, бұл негізінен 2008 жылы облыстық бюджеттен аудан бюджетіне берілген субвенция құрамында қала, кент және ауылдық округ әкімі аппараттарының материалдық-техникалық жарақтандыру шығындары үшін 42000 мың теңге бөлінгендігімен түсіндіріледі.
      Қала, кент және ауылдық округі әкімі аппараттарының шығындарында жергілікті органның аппараты кіші бағдарламасына 145645 мың теңге қаралған, оның ішінде "Алға ауылдық округі әкімінің аппараты" мемлекеттік мекемесінің теңгеріміндегі "Бірқазан" каналының жер актісін, техникалық паспортын жасатуға және мемлекеттік тіркеуден өткізуге 280 мың теңге, "Аранды ауылдық округі әкімінің аппараты" мемлекеттік мекемесінің теңгеріміндегі "Әбдірейім" каналының жер актісін, техникалық паспортын жасатуға және мемлекеттік тіркеуден өткізуге 135 мың теңге, "Бірлік ауылдық округі әкімінің аппараты" мемлекеттік мекемесінің теңгеріміндегі "Өтеміс" каналының жер актісін, техникалық паспортын жасатуға және мемлекеттік тіркеуден өткізуге 117 мың теңге, "Ақжона ауылдық округі әкімінің аппараты" мемлекеттік мекемесінің теңгеріміндегі "Бозарық" каналының жер актісін, техникалық паспортын жасатуға және мемлекеттік тіркеуден өткізуге 200 мың теңге жоспарланды. Сонымен қатар аудан бойынша 2003 жылы жас және қажетті мамандарға арнап салынған 42 тұрғын үйдің құжаттарын мемлекеттік тіркеуден өткізіп, заңдастыруға 1386 мың теңге қаралды.
      Мемлекеттік қызметшілердің біліктілігін арттыру кіші бағдарламасына біліктілігін арттыруға жіберілетін мемлекеттік қызметшілердің іссапар шығындары үшін 973 мың теңге қаралған.
      Қаржы бөлімінің шығындарында:
      Қаржы бөлімінің қызметін қамтамасыз ету 001 бағдарламасы бойынша 13951 мың теңге жоспарлануда немесе 2008 жылғы бекітілген жоспардан 186 мың теңгеге көбейген.
      Бөлім аппараты шығындарында жергілікті органның аппараты кіші бағдарламасына 13849 мың теңге, мемлекеттік қызметшілердің біліктілігін арттыру кіші бағдарламасына біліктілігін арттыруға жіберілетін мемлекеттік қызметшілердің іссапар шығындары үшін 102 мың теңге қаралған.
      Экономика және бюджеттік жоспарлау бөлімінің шығындарында:
      Бөлім қызметін қамтамасыз ету 001 бағдарламасы бойынша 14628 мың теңге қаржы қарастырылуда, 2008 жылғы бекітілген жоспардан 1642 мың теңгеге кеміген.
      Бөлім аппараты шығындарында жергілікті органның аппараты кіші бағдарламасына 14580 мың теңге, мемлекеттік қызметшілердің біліктілігін арттыру кіші бағдарламасына біліктілігін арттыруға жіберілетін мемлекеттік қызметшілердің іссапар шығындары үшін 48 мың теңге қаралған.
      02 "Қорғаныс" функционалдық тобы бойынша 2747 мың теңге
қаралды немесе 2008 жылғы бекітілген жоспармен салыстырғанда 174 мың теңгеге азайды. Бұл функционалдық топта аудан әкімі аппараты бюджеттік бағдарлама әкімшісі бойынша жалпыға бірдей әскери міндетті атқару шеңберіндегі іс- шаралар бағдарламасының шығындары қаралып отыр.
      03 "Қоғамдық тәртіп, қауіпсіздік, құқықтық, сот, қылмыстық- атқару қызметі" функционалдық тобында аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімі бюджеттік бағдарлама әкімшісі бойынша елді мекендерде жол жүрісі қауіпсіздігін қамтамасыз ету бағдарламасына 4500 мың теңге жоспарлануда немесе 2008 жылғы бекітілген жоспардан 2606 мың теңгеге көбейген.
      04 "Білім беру" функционалдық тобы бойынша 2603491 мың теңге қаралды немесе 2008 жылғы бекітілген жоспармен салыстырғанда 410899 мың теңгеге өсті.
      Оның ішінде мектепке дейінгі тәрбие ұйымдарының қызметін қамтамасыз ету бағдарламасы бойынша 268063 мың теңге қаралуда немесе 24553 мың теңгеге өскен.
      Жалпы білім беру бағдарламасына 2219939 мың теңге (оның ішінде жалпы білім беретін кешкі мектептер кіші бағдарламасына 9624 мың теңге, бастауыш, негізгі орта және жалпы орта білім беру мектептері, гимназиялар, лицейлер, бейіндік мектептер, мектеп-балабақшалар кіші бағдарламасына 2210315 мың теңге) қаралуда немесе 391497 мың теңгеге өскен, бұл негізінен жалақының 25 пайызға өсуімен байланысты. Сонымен қатар 2009 жылға арналған аудандық бюджеттің жобасында жалпыға бірдей міндетті білім беру қоры ағымдағы шығындардың 2 пайызы мөлшерінде жоспарланды немесе 2008 жылғы бекітілген жоспармен салыстырғанда 16417 мың теңгеге өсті.
      2008-2010 жылдарға арналған "Әлеумет" өңірлік бағдарламасын орындауға арналған іс-шаралар жоспарына сәйкес бастауыш сынып оқушыларын ыстық тамақпен қамтамасыз ету мақсатында 8735 мың теңге бөлінді. Бұл қаржыға тек 1-сыныптағы 1422 баланың қамтылуы жоспарланып отыр (1422 бала х 100 теңге х 62 күн).
      Аудандағы 4 мектеп жанындағы интернатта тәрбиеленіп жатқан 168 баланың тамақтануына 7388 мың теңге қаралды, орта есеппен бір баланың бір күндік тамағы 280 теңге көлемінде жоспарланды.
      Бастауыш, негізгі орта және жалпы орта білім беру мектептері, гимназиялар, лицейлер, бейіндік мектептер, мектеп-балабақшалар кіші бағдарламасы шығындарының құрамында білім беру саласы есеп қызметкерлерінің біліктілігін арттыру мақсатындағы іссапар шығындары ескерілген.
      Балалар мен жасөспірімдер үшін қосымша білім беру
бағдарламасына 74185 мың теңге жоспарлануда, оның ішінде аудандық Әуез мектебіне 38451 мың теңге, аудандық оқушылар Үйіне 26364 мың теңге, балаларды сауықтыру-демалыс орталығы "Шағала" МҚК-на 9370 мың теңге.
      Сонымен қатар білім бөлімі шығындары құрамында ауданның мемлекеттік білім беру мекемелері үшін оқулықтар мен оқу-әдістемелік кешендерді сатып алу және жеткізуге 16176 мың теңге, аудандық ауқымдағы мектеп олимпиадаларын және мектептен тыс іс-шараларды өткізуге 176 мың теңге жоспарланған.
      Бөлім қызметін қамтамасыз ету 001 бағдарламасы бойынша 15952 мың теңге қаржы қарастырылуда, 2008 жылғы бекітілген жоспардан 3515 мың теңгеге артық.
      Бөлім аппараты шығындарында жергілікті органның аппараты кіші бағдарламасына 15909 мың теңге, мемлекеттік қызметшілердің біліктілігін арттыру кіші бағдарламасына біліктілігін арттыруға жіберілетін мемлекеттік қызметшілердің іссапар шығындары үшін 43 мың теңге қаралған. Бөлім аппараты шығындары ішінде білім беру саласының есеп қызметкерлерінің біліктілігін арттыру шығындарына 1200 мың теңге көлемінде қаржы жоспарланған.
      Осы функционалдық топта аудандық құрылыс бөлімі бюджеттік бағдарлама әкімшісі бойынша білім беру объектілерін дамыту бағдарламасына 9000 мың теңге жоспарланып отыр, оның ішінде:
      - Қазалы қаласындағы N 16 мектептің апаттық жағдайда тұруына байланысты 200 орындық мектеп құрылысының жоба-сметалық құжаттарын жасату және мемлекеттік сараптамадан өткізу шығындарына 4500 мың теңге;
      - Шилі елді мекеніндегі мектепке қосымша құрылыс салу үшін жоба-сметалық құжаттарын жасату және мемлекеттік сараптамадан өткізу шығындарына 600 мың теңге;
      - Кәукей ауылындағы бала бақшаға қосымша құрылыс салу үшін жоба-сметалық құжаттарын жасату және мемлекеттік сараптамадан өткізу шығындарына 700 мың теңге;
      - Ақсуат ауылынан салынатын 90 орындық бала бақша құрылысының жоба-сметалық құжаттарын жасату және мемлекеттік сараптамадан өткізу шығындарына 3200 мың теңге.
      05 "Денсаулық сақтау" функционалдық тобы бойынша 428 мың теңге қаралды.
      Аталған функционалдық топ шығындары «қаладағы аудан, аудандық маңызы бар қала, кент, ауыл (село), ауылдық (селолық) округ әкімінің аппараты» бюджеттік бағдарлама әкімшісінде "ерекше жағдайларда сырқаты ауыр адамдарды дәрігерлік көмек көрсететін ең жақын денсаулық сақтау ұйымына жеткізуді ұйымдастыру" шараларына қаралып отыр.
      06 "Әлеуметтік көмек және әлеуметтік қамсыздандыру" функционалдық тобы бойынша 294419 мың теңге қаралды немесе 2008 жылғы бекітілген жоспармен салыстырғанда 29992 мың теңгеге
өсті.
      Жұмыспен қамту және әлеуметтік бағдарламалар бөлімі шығындарында:
      002 "Еңбекпен қамту бағдарламасына" 23441 мың теңге жоспарланды (2008 жылғы бекітілген жоспардан 2000 мың теңгеге артық), оның ішінде қоғамдық жұмыстарға 17941 мың теңге, жұмыссыздарды кәсіптік даярлау және қайта даярлауға 3500 мың теңге, халықты жұмыспен қамту саласында азаматтарды әлеуметтік қорғау жөніндегі қосымша шараларға 2000 мың теңге;
      003 "Қайтыс болған Совет Одағының батырларын, "Халық қаһармандарын", Социалистік Еңбек ерлерін, Даңқ Орденінің үш дәрежесімен және "Отан" орденімен марапатталған соғыс ардагерлері мен мүгедектерін жерлеу рәсімдері бойынша қызмет көрсету" бағдарламасына 41 мың теңге;
      004 "Ауылдық жерлерде тұратын денсаулық сақтау, білім беру, әлеуметтік қамтамасыз ету, мәдениет саласы мамандарына отын сатып алу бойынша әлеуметтік көмек көрсету" бағдарламасына 12483 мың теңге;
      005 "Мемлекеттік атаулы әлеуметтік көмек" бағдарламасына 22000 мың теңге;
      006 "Тұрғын үй көмегі" бағдарламасына 43256 мың теңге жоспарланды, бұл 2008 жылдың бекітілген сомасымен салыстырғанда 5137 мың теңгеге артық;
      007 "Жергілікті өкілетті органдардың шешімі бойынша азаматтардың жекелеген топтарына әлеуметтік көмек" бағдарламасына 2906 мың теңге;
      009 "Отан", "Даңқ" ордендерімен марапатталған, "Халық Қаһарманы" атағын және республиканың құрметті атақтарын алған азаматтарды әлеуметтік қолдауға 502 мың теңге;
      010 "Үйден тәрбиеленіп оқытылатын мүгедек балаларды материалдық қамтамасыз ету" бағдарламасына 2115 мың теңге;
      014 "Мұқтаж азаматтарға үйде әлеуметтік көмек көрсету" бағдарламасына 30510 мың теңге жоспарланды немесе 2008 жылғы бекітілген жоспардан 2964 мың теңгеге артық, бұл негізінен жалақының 25 пайызға өсуімен байланысты;
      016 "18 жасқа дейінгі балаларға жәрдемақылар бағдарламасын жергілікті бюджет қаражаты есебінен іске асыру" кіші бағдарламасына 111067 мың теңге жоспарланды. Осы бағдарламаға аудандық бюджеттен қаралып отырған қаржы көлемі 2008 жылдың бекітілген сомасымен салыстырғанда 15597 мың теңгеге артық;
      017 "Мүгедектерді оңалтудың жеке бағдарламасына сәйкес, мұқтаж мүгедектерді міндетті гигиеналық құралдармен қамтамасыз етуге және ымдау тілі мамандарының, жеке көмекшілердің қызмет көрсетуді жергілікті бюджет қаражаты есебінен іске асыру" кіші бағдарламасына 11964 мың теңге жоспарланды немесе 2008 жылғы бекітілген жоспардан 4613 мың теңгеге артық;
      Бөлім қызметін қамтамасыз ету 001 бағдарламасы бойынша 32834 мың теңге қаржы қарастырылуда, оның ішінде жергілікті органның аппараты кіші бағдарламасына 32728 мың теңге, мемлекеттік қызметшілердің біліктілігін арттыру кіші бағдарламасына біліктілігін арттыруға жіберілетін мемлекеттік қызметшілердің іссапар шығындары үшін 106 мың теңге қаралған.
      011 "Жәрдемақыларды және басқа да әлеуметтік төлемдерді есептеу, төлеу мен жеткізу бойынша қызметтерге ақы төлеу" бағдарламасына 1300 мың теңге жоспарланды.
      07 "Тұрғын-үй коммуналдық шаруашылығы" функционалдық тобының шығындары 41953 мың теңге көлемінде қаралып отыр немесе 2008 жылғы бекітілген бюджет сомасымен салыстырғанда 51209 мың теңгеге азайған, бұл көрсеткіш негізінен 2008 жылы облыстық бюджет қаржысы есебінен 2007-2010 жылдарға арналған тұрғындарды сапалы ауыз сумен қамтамасыз ету аймақтық бағдарламасына сәйкес жөндеу-пайдалану бөлімшелерін құру үшін бөлінген 50000 мың теңге нысаналы даму трансфертінің бекітілген бюджетте осы функционалдық топта жоспарланғандығынан қалыптасып отыр.
      Осы функционалдық топ құрамында:
      Құрылыс бөлімі бюджеттік бағдарлама әкімшісі бойынша тұрғын үй салуға 4500 мың теңге жоспарлануда;
      Тұрғын үй-коммуналдық шаруашылығы, жолаушылар көлігі және автомобиль жолдары бөлімі бюджеттік бағдарлама әкімшісі бойынша сумен жабдықтау және су бөлу жүйесінің қызмет етуі бағдарламасына 8102 мың теңге қаралды, оның ішінде Ақсуат, Ғ.Мұратбаев елді мекендеріндегі ауыз сумен жабдықтау нысандарын қайта жаңғырту және Байқожа тораптық су құбырын қайта жаңғырту жұмыстары І-кезеңінің жоба-сметалық құжаттарын жасату және мемлекеттік сараптамадан өткізу шығындары бар. Қала, кент, ауылдық округ әкімі аппараты бюджеттік бағдарлама әкімшісі бойынша:
      - елді мекендерде көшелерді жарықтандыруға 6362 мың теңге қаралды, оның ішінде Әйтеке би кенті әкімінің аппараты бюджеттік бағдарлама әкімшісіне Әйтеке би кентінің Жанқожа батыр көшесі бойында КТПН - 10/0,4 кв
      - трансформатор қондырғысын орнату және кернеулігі ВЛ-10 кв электр желісінің орнын ауыстыру үшін 3500 мың теңге жоспарланды;
      - елді мекендердің санитариясын қамтамасыз етуге 6383 мың теңге;
      - елді мекендерді абаттандыру және көгалдандыруға 16606 мың теңге жоспарланып отыр.
      08 "Мәдениет, спорт, туризм және ақпараттық кеңістік" функционалдық тобы бойынша шығыстар 147797 мың теңге көлемінде көзделіп отыр немесе 2008 жылғы бекітілген бюджет сомасымен салыстырғанда 12093 мың теңгеге өсті.
      Мәдениет және тілдерді дамыту бөлімі бюджеттік бағдарлама әкімшісі бойынша:
      - Мәдени демалыс жұмысын қолдау бағдарламасына 72723 мың теңге жоспарлануда немесе 2008 жылғы бекітілген бюджет сомасымен салыстырғанда 10065 мың теңгеге өсті. Бұл бағдарлама шығындары құрамына "Тамыры терең, тарихы кенен-Қазалы" кітабының 2-томын шығару шығындарына 2500 мың теңге жоспарланған, осы бағдарлама шығындарының құрамында мәдениет саласы қызметкерлерінің және есеп қызметкерінің біліктілігін арттыру мақсатындағы іссапар шығындары ескерілген;
      - Аудандық кітапханалардың жұмыс істеуі бағдарламасына 38204 мың теңге қаралды немесе 2008 жылғы бекітілген бюджет сомасымен салыстырғанда 4188 мың теңгеге өсті, осы бағдарлама шығындарының құрамында мәдениет саласы қызметкерлерінің және есеп қызметкерінің біліктілігін арттыру мақсатындағы іссапар шығындары ескерілген;
      - Бөлім қызметін қамтамасыз ету 001 бағдарламасы бойынша 8496 мың теңге қаржы қарастырылуда, оның ішінде жергілікті органның аппараты кіші бағдарламасына 8474 мың теңге, мемлекеттік қызметшілердің біліктілігін арттыру кіші бағдарламасына біліктілігін арттыруға жіберілетін мемлекеттік қызметшілердің іссапар шығындары үшін 22 мың теңге қаралған. Осы бағдарлама шығындарының құрамында мәдениет саласы есеп қызметкерінің біліктілігін арттыру мақсатындағы іссапар шығындары ескерілген.
      Денешынықтыру және спорт бөлімі бюджеттік бағдарлама әкімшісі бойынша:
      - аудандық деңгейде спорттық жарыстар өткізу бағдарламасына 697 мың теңге және облыстық спорт жарыстарына әртүрлі спорт түрлері бойынша аудан құрама командаларының мүшелерін дайындау және олардың қатысуын қамтамасыз ету бағдарламасына 2287 мың теңге жоспарланып отыр;
      - Бөлім қызметін қамтамасыз ету 001 бағдарламасында жергілікті органның аппараты кіші бағдарламасына 8871 мың теңге қаралған.
      Ішкі саясат бөлімі бюджеттік бағдарлама әкімшісі бойынша:      - Газеттер мен журналдар арқылы мемлекеттік ақпараттық саясат жүргізу кіші бағдарламасына 4359 мың теңге жоспарланып отыр;
      - Жастар саясаты саласындағы өңірлік бағдарламаларды іске асыру бағдарламасына 987 мың теңге қарау көзделуде;
      - Бөлім қызметін қамтамасыз ету 001 бағдарламасы бойынша 11173 мың теңге қаржы қарастырылуда, оның ішінде жергілікті органның аппараты кіші бағдарламасына 11151 мың теңге, мемлекеттік қызметшілердің біліктілігін арттыру кіші бағдарламасына біліктілігін арттыруға жіберілетін мемлекеттік қызметшілердің іссапар шығындары үшін 22 мың теңге жоспарланған. Бөлім қызметін қамтамасыз ету шығындары ішінде Қызылорда мамандандырылған ауданаралық экономикалық сотының "Тұран-Қазалы" ЖШС-ң басылымында жарияланған материалдар үшін берешекке байланысты шешімін орындау үшін 2260 мың теңге қаралды.
      10 "Ауыл, су, орман, балық шаруашылығы, ерекше қорғалатын табиғи аумақтар, қоршаған ортаны және жануарлар дүниесін
қорғау, жер қатынастары" функционалдық тобы бойынша шығыстар 17527 мың теңге көлемінде анықталды немесе 2008 жылғы бекітілген бюджет сомасымен салыстырғанда 5296 мың теңгеге азайды, бұл негізінен 2008 жылы ауылдық округтердің шекарасын белгілеу кезінде жүргізілетін жұмыстарға қажетті қаржының көлеміне және жер қатынастары бөліміне 1 қызметтік автокөлік сатып алу жоспарланғандығына байланысты.

      Ауылшаруашылығы бөлімі бюджеттік бағдарлама әкімшісі бойынша:
      - Ауру жануарларды санитарлық союды ұйымдастыру бағдарламасына 545 мың теңге қарау көзделуде.
      - Бөлім қызметін қамтамасыз ету 001 бағдарламасы бойынша 8756 мың теңге жоспарлануда, оның ішінде жергілікті органның аппараты кіші бағдарламасына 8723 мың теңге, мемлекеттік қызметшілердің біліктілігін арттыру кіші бағдарламасына біліктілігін арттыруға жіберілетін мемлекеттік қызметшілердің іссапар шығындары үшін 33 мың теңге қаралған.
      Жер қатынастары бөлімі бюджеттік бағдарлама әкімшісі бойынша:
      - Бөлім қызметін қамтамасыз ету 001 бағдарламасы бойынша 6426 теңге жоспарлануда, оның ішінде жергілікті органның аппараты кіші бағдарламасына 6343 мың теңге, мемлекеттік қызметшілердің біліктілігін арттыру кіші бағдарламасына біліктілігін арттыруға жіберілетін мемлекеттік қызметшілердің іссапар шығындары үшін 83 мың теңге қаралған.
      Осы функционалдық топта ауданның құрылыс бөлімі бюджеттік
бағдарлама әкімшісі бойынша ауылшаруашылығы объектілерін дамыту бағдарламасына биотермиялық ұңғыма құрылысын салу үшін 1800 мың теңге жоспарланған.
      11 "Өнеркәсіп, сәулет, қала құрылысы және құрылыс
қызметі" функционалдық тобы бойынша 19085 мың теңге қаралып отыр немесе 2008 жылғы бекітілген бюджет сомасымен салыстырғанда 32152 мың теңгеге кеміген, бұл көрсеткіш негізінен 2008 жылы облыстық бюджет қаржысы есебінен 2008-2010 жылдарға арналған облыстың қала құрылысын дамытудың аймақтық бағдарламасына сәйкес аудан орталықтарының және қала тектес қыстақтардың бас жоспарларын әзірлеуге 33071 мың теңге ағымдағы нысаналы трансферттің бөлінуінен қалыптасып отыр.
      Бұл функционалдық топ құрамындағы құрылыс бөлімінің қызметін қамтамасыз ету шығындарына 5561 мың теңге, оның ішінде ағымдағы шығындарға 5498 мың теңге, мемлекеттік қызметшілердің біліктілігін арттыру кіші бағдарламасына біліктілігін арттыруға жіберілетін мемлекеттік қызметшілердің іссапар шығындары үшін 63 мың теңге қаралған.
      Сәулет және қала құрылысы бөлімінің қызметін қамтамасыз ету шығындарына 6549 мың теңге жоспарланды, оның ішінде ағымдағы шығындарға 6512 мың теңге, мемлекеттік қызметшілердің біліктілігін арттыру кіші бағдарламасына біліктілігін арттыруға жіберілетін мемлекеттік қызметшілердің іссапар шығындары үшін 37 мың теңге. Сонымен қатар халық саны 5000 дейінгі елді мекендердің даму сызбаларын әзірлеу шығындарына 6975 мың теңге қаралған.
      12 "Көлік және коммуникация" функционалдық тобында 55503 мың теңге көлемінде шығыстар қаралды немесе 2008 жылғы бекітілген бюджет сомасымен салыстырғанда 1255 мың теңгеге өсті.
      Аудандық маңызы бар қалаларда, кенттерде, ауылдарда, ауылдық округтерде автомобиль жолдарының қызмет етуін қамтамасыз ету бағдарламасына 15194 мың теңге жоспарланды.
      Тұрғын үй-коммуналдық шаруашылығы, жолаушылар көлігі және автомобиль жолдары бөлімі бюджеттік бағдарлама әкімшісі бойынша елді мекендер аралықтарындағы автомобиль жолдарының жұмыс істеуін қамтамасыз етуге 40309 мың теңге жоспарланып отыр.
      13 "Басқалар" функционалдық тобы шығыстары 41659 мың теңге көлемінде есептелді немесе 2008 жылғы бекітілген бюджет сомасымен салыстырғанда 25489 мың теңгеге өсті.
      Кәсіпкерлік бөлімі бюджеттік бағдарлама әкімшісі бойынша:      Бөлім қызметін қамтамасыз етуге 5791 мың теңге, оның ішінде ағымдағы шығындарға 5741 мың теңге, мемлекеттік қызметшілердің біліктілігін арттыру кіші бағдарламасына біліктілігін арттыруға жіберілетін мемлекеттік қызметшілердің іссапар шығындары үшін 50 мың теңге қаралған.
      Кәсіпкерлік қызметті қолдау бағдарламасына 2000 мың теңге жоспарлануда.
      Тұрғын үй-коммуналдық шаруашылығы, жолаушылар көлігі және автомобиль жолдары бөлімі бюджеттік бағдарлама әкімшісі бойынша:
      Бөлім қызметін қамтамасыз етуге 6868 мың теңге, оның ішінде ағымдағы шығындарға 6851 мың теңге, мемлекеттік қызметшілердің біліктілігін арттыру кіші бағдарламасына біліктілігін арттыруға жіберілетін мемлекеттік қызметшілердің іссапар шығындары үшін 17 мың теңге қарастырылған.      

      Қаржы бөлімі бюджеттік бағдарлама әкімшісі бойынша:

      Ауданның жергілікті атқарушы органының резерві бағдарламасына 13000 мың теңге, оның ішінде ауданның аумағындағы табиғи және техногендік сипаттағы төтенше жағдайларды жоюға арналған ауданның жергілікті атқарушы органының төтенше резерві 1000 мың теңге, шұғыл шығындарға арналған ауданның жергілікті атқарушы органының резерві 12000 мың теңге көлемінде жоспарланды;
      Заңды тұлғалардың жарғылық капиталын қалыптастыру немесе ұлғайту бағдарламасы бойынша:
      - "Аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімі" мемлекеттік мекемесінің шаруашылық жүргізу құқығындағы "Сумен жабдықтау нысандарын жөндеу және пайдалану" мемлекеттік коммуналдық кәсіпорнының жарғылық капиталын ұлғайту жөніндегі инвестициялық жобаға 10000 мың теңге;
      - "Аудандық ішкі саясат" мемлекеттік мекемесінің аудандық "Қазалы" газеті шаруашылық жүргізу құқығындағы мемлекеттік коммуналдық кәсіпорнының жарғылық капиталын қалыптастыруға 4000 мың теңге жоспарланды.
      15 "Трансферттер" функционалдық тобы шығындары бойынша біржолғы талондарды беру және біржолғы талондарды өткізуден түскен сомалардың толық жиналуын қамтамасыз ету қызметі аудандардың жергілікті атқарушы органдарынан алынуына байланысты "Мемлекеттік органдардың функцияларын мемлекеттік басқарудың төмен тұрған деңгейлерінен жоғарғы деңгейлерге беруге байланысты жоғары тұрған бюджеттерге берілетін ағымдағы нысаналы трансферттер" бағдарламасы 9617 мың теңге көлемінде қаралды.