Облыс әкімдігінің 2008 жылғы 15 мамырдағы N 172 қаулысына өзгерістер мен толықтырулар енгізу туралы

      "Қазақстан Республикасындағы жергілікті мемлекеттік басқару туралы" Қазақстан Республикасының 2001 жылғы 23 қаңтардағы N 148 Заңының  27 бабына  сәйкес облыс әкімдігі  ҚАУЛЫ ЕТЕДІ:

      1. 2008 жылдың 10 маусымындағы "Ақтөбе" және "Актюбинский вестник" газеттерінің N 69 нөмірінде жарияланған, Ақтөбе облысының әділет департаментінде 2008 жылғы 26 мамырда N 3253 тіркелген, "Жергілікті бюджеттің қаражаты есебінен шағын кәсіпкерлік субъектілеріне кредит берудің негізгі шарттарын анықтау туралы", облыс әкімдігінің 2008 жылғы 15 мамырдағы N 172  қаулысына  мынадай өзгерістер мен толықтырулар енгізілсін:      

      қаулының "Жергілікті бюджеттің қаражаты есебінен шағын кәсіпкерлік субъектілеріне кредит берудің негізгі шарттарын анықтау туралы" атауындағы "шағын" деген сөзден кейін "және орта" деген сөзбен толықтырылсын;

      қаулының 1 тармағында:
      120 000 саны 200 000 санымен өзгертілсін;

      "кредитор - бағдарламаның әкімшісі "Ақтөбе облысының кәсіпкерлік және өнеркәсіп департаменті" ММ» деген жолдар тиісінше мынадай редакцияда "Бағдарламаның кредиторы "Ақтөбе облысы қаржы басқармасы" ММ, бағдарламаның әкімшісі "Ақтөбе облысының кәсіпкерлік және өнеркәсіп басқармасы" ММ болып жазылсын;

      "шағын кәсіпкерлікті дамыту қоры" АҚ (одан әрі ШКДҚ) сөздерін "Даму" кәсіпкерлікті дамыту қоры" АҚ (одан әрі "Даму") КДҚ сөздерімен өзгертілсін;

      "соңғы қарызгерлер - шағын кәсіпкерлік субъектілері" деген жолдағы "шағын" деген сөз "және орта" сөзімен толықтырылсын;

      "бюджеттік несие алушылары" сөзінен кейін мына мазмұндағы абзацпен толықтырылсын:
      қолайлы несиелік тарихы бар шағын және орта бизнес субъектілеріне бұрын берілген несиені қайта қаржыландыруға бағытталған қаражат көлемі 30 пайызынан аспауы тиіс.

      2. Осы қаулы бірінші ресми жарияланғаннан 10 күнтізбелік күннен кейін қолданысқа енгізіледі.

      Облыс әкімі                                Е. Сағындықов