2009 жылға арналған қалалық бюджет туралы

       Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» Заңының 6  бабы, 1 тармағының 1) тармақшасына, Ақмола облысы мәслихатының 2008 жылдың 13 желтоқсандағы № 4С-11-5 «2009 жылға арналған облыстық бюджет туралы» (Нормативтік құқықтық актілерді мемлекеттік тіркеудің аймақтық тізілімінде 3286 нөмірімен тіркелген) шешіміне сәйкес Көкшетау қалалық мәслихаты ШЕШТІ:
      
      1. 2009 жылға арналған қалалық бюджет 1 қосымшаға сәйкес   келесі көлемдерде бекітілсін:
      1) табыстар – 7 724 315 мың теңге, соның ішінде: 
      салықтық түсімдер – 4 859 627 мың теңге;
      салықтық емес түсімдер – 90 119 мың теңге;
      негізгі капиталды сатудан түсетін түсімдер – 446 895 мың теңге;
      трансферттік түсімдер – 2 327 674 мың теңге.
      2) шығындар – 7 198 182,2 мың теңге;
      3) таза бюджеттік несиелендіру – -153 905 мың теңге, соның ішінде:
      бюджеттік несиелерді өтеу – 153 905 мың теңге;
      4) қаржы активтерімен жасалатын операциялар бойынша сальдо – 50 000 мың теңге, соның ішінде:
      қаржы активтерін алу – 50 000 мың теңге;
      5) бюджеттік тапшылық – -369 962,2 мың теңге;
      6) бюджеттік тапшылықты қаржыландыру - 369 962,2 мың теңге:
      қарыздардың түсімі – 436 700 мың теңге;
      қарыздарды өтеу – 142 000 мың теңге;
       бюджет қаражаттарының пайдаланылатын қалдықтары – 75 262,2 мың теңге.
       Ескерту. 1 тармаққа өзгерту енгізілді - Көкшетау қалалық мәслихатының 2009.03.03 № С-21/5 шешімімен
      
      2. Ақмола облысы мәслихатының 2008 жылдың 13 желтоқсандағы №  4С-11-5 «2009 жылға арналған облыстық бюджет туралы» (Нормативтік  құқықтық актілерді мемлекеттік тіркеудің аймақтық тізілімінде 3286 нөмірімен тіркелген) шешіміне сәйкес кірісті бөлу нормативтері   келесі мөлшерде белгіленді:
      1) облыстық бюджетке төлеу көзінен алынатын жеке табыс салығы  бойынша - 100%;
      2) Көкшетау қаласының бюджетіне әлеуметтік салық бойынша -  100%.
      
      3. Келесі көздердің есебінен қалалық бюджеттің кірістері  бекітілсін:
      1) салықтық түсімдер, соның ішінде:
      жеке табыс салығы, кірістен жеке тұлғалардан алынатын жеке  табыс салығын алып тастағанда, шетел азаматтарының кірісінен жеке  тұлғаларынан алынатын жеке табыс салығы;
      әлеуметтік салық;
      мүлікке салынатын салық;
      жер салығы;
      көлік құралдарына салынатын салық;
      бірыңғай жер салығы;
      акциз;
      табиғи және басқа ресурстарды пайдаланғаны үшін түсетін  түсімдер;
      кәсіпкерлік және кәсіби қызметті жүргізгені үшін алынатын  алымдар;
      мемлекеттік баж салығы.
      2) салықтық емес түсімдер, соның ішінде:
      мемлекеттік кәсіпорындардың таза кірісі бөлігіндегі түсімдері;
      мемлекет меншігіндегі мүлікті жалға беруден түсетін кірістер;
      мемлекеттік бюджеттен қаржыландырылатын мемлекеттік мекемелердің тауарларды (жұмыстарды, қызмет көрсетулерді) өткізуден  түсетін түсімдер;
      мемлекеттік бюджеттен қаржыландырылатын мемлекеттік мекемелермен ұйымдастырылатын мемлекеттік сатып алуды өткізуден  түсетін ақша түсімдері;
      мұнай секторы ұйымдарынан түсетін түсімдерді қоспағанда, мемлекеттік бюджеттен қаржыландырылатын, сондай-ақ Қазақстан Республикасы Ұлттық Банкінің бюджетінен (шығыстар сметасынан)  ұсталатын мемлекеттік мекемелер салатын айыппұлдар, өсімпұлдар,  санкциялар, өндіріп алулар;
      басқа да салықтық емес түсімдер.
      3) негізгі капиталды сатудан түсетін түсімдер, соның ішінде:
      мемлекеттік мекемелерге бекітілген мемлекеттік мүлікті сату;
      жерді сату;
      материалдық емес активтерді сату;
      4) келіп түсетін трансферттер, соның ішінде: облыстық бюджеттен түсетін трансферттер.
      
      4. Қала бюджетінің шығындарында 1 140 071 мың теңге сомасында  облыстық бюджетке алымдар алу қаралғандығы ескерілсін.
      
      5. 2009 жылға арналған қалалық бюджетте республикалық бюджет  қаражаттары есебінен білім беру саласына мақсатты трансферттерді  дамытуға 1 130 151 мың теңге сомасы қарастырылғандығы ескерілсін, соның ішінде:
      1) 144 176 мың теңге сомасындағы ағымды мақсатты трансферттер,  соның ішінде:
      негізгі орта және жалпы орта бiлiм беретiн мемлекеттiк  мекемелердiң физика, химия, биология кабинеттерiн оқу жабдықтарымен  жарақтандыруға – 20 485 мың теңге;
      бастауыш, негізгі орта және жалпы орта білім беру ұйымдарында   лингафондық және мультимедиялық кабинеттерін ашуға – 16 623 мың  теңге;
      мемлекеттік білім беру жүйесінде жаңа оқыту технологияларын  енгізуге – 31 789 мың теңге;
      жаңадан іске қосылатын білім беру объектілерін ұстауға – 75 279 мың теңге;
      2) дамуға 985 975 мың теңге сомасында жіберілген мақсатты  трансферттер, соның ішінде:
      Көкшетау қаласында инновациялық 1 200 орынды мектеп салу  құрылысына – 824 335 мың теңге;
      Көкшетау қаласында 320 орынды балабақша салу құрылысына – 161 640 мың теңге.
      
      6. 2009 жылға арналған қалалық бюджетте республикалық бюджет қаражаттары есебінен халықты әлеуметтік қамтамасыз ету саласына ағымдағы мақсатты трансферттерден 13 218 мың теңге қарастырылғандығы ескерілсін, соның ішінде:
      мемлекеттік мекен-жайлық әлеуметтік көмек көрсетуге – 6 211 мың теңге;
      аз қамтамасыз етілген отбасылардан шыққан 18 жасқа дейінгі  балаларға мемлекеттік жәрдемақыларды төлеуге – 3 800 мың теңге;
      ауылдық елді мекендердегі әлеуметтік сала мамандарын әлеуметтік қолдау шараларын жүзеге асыру үшін – 3 207 мың теңге;
      
      7. 2009 жылға арналған қалалық бюджетте облыстық бюджет қаражаттары есебінен халықты әлеуметтік қамтамасыз ету саласына ағымдағы мақсатты трансферттерден 11 841 мың теңге қарастырылғандығы ескерілсін, соның ішінде:
      Ұлы Отан соғысының қатысушыларына және мүгедектеріне коммуналдық шығындарды өтеуге әлеуметтік көмек көрсетуге – 11 841 мың теңге.
      
      8. 2009 жылға арналған қалалық бюджетте республикалық бюджет қаражаттары есебінен мақсатты трансферттерді дамытуға 929 000 мың теңге сомасы қарастырылғандығы ескерілсін, соның ішінде:
      Көкшетау қаласын сумен жабдықтау және су тарту тораптарының обьектілерін қайта қалпына келтіруге – 650 000 мың теңге;
      инженерлік - коммуникациялық инфрақұрылымдарды дамытуға және  салуға - 150 000 мың теңге;
      инженерлік жүйелерді жөндеу және қайта құруға - 97 000 мың  теңге;
      Қазақстан Республикасында тұрғын үй құрылысын дамытудың 2008 –  2010 жылдарға арналған мемлекеттік бағдарламасына сәйкес тұрғын үй  салуға – 32 000 мың теңге;
       Ескерту. 8 тармаққа өзгерту енгізілді - Көкшетау қалалық мәслихатының 2009.03.03 № С-21/5 шешімімен
      
      9. 2009 жылға арналған қалалық бюджетке облыстық бюджет қаражаттары есебінен мақсатты трансферттерді дамытуға 200 000 мың  теңге сомасы қарастырылғандығы ескерілсін, соның ішінде:
      Көкшетау қаласындағы Спорт сарайының құрылысын аяқтауға – 150 000 мың теңге;
      Көкшетау қаласындағы мемлекеттік коммуналдық кәсіпорындардың     жарғылық қорын көбейтуге – 50 000 мың теңге.
      
      10. 2009 жылға арналған қалалық бюджетте облыстық бюджет  қаражаттары есебінен ағымды мақсатты трансферттерден 43 464 мың  теңге қарастырылғандығы ескерілсін, соның ішінде:
      Көкшетау қаласының жылу жүйесінің сызбанұсқасын жабдықтауға –  43 464 мың теңге;
      
      11. 2009 жылға арналған қалалық жергілікті атқарушы органның резервісі 41 061 мың теңге сомасында бекітілсін.
      
      12. 2009 жылғы қалалық бюджетте Қазақстан Республикасының 2008 - 2010 жылдарға арналған тұрғын үй құрылысы мемлекеттік бағдарламасына сәйкес сыйақының (мүдденің) нөлдік ставкасы бойынша   тұрғын үй құрылысына және сатып алу үшін республикалық бюджет  қаражаттары есебінен 436 700 мың теңге сомасында бюджеттік несиелер қарастырылсын.
       Ескерту. 12 тармаққа өзгерту енгізілді - Көкшетау қалалық мәслихатының 2009.03.03 № С-21/5 шешімімен
      
      13. 2009 жылға арналған қалалық бюджеттің шығындарына облыстық  бюджеттен тұрғын үй құрылысына бөлінген 142 000 мың теңге сомасында  бюджеттік кредиттерді өтеу ескерілсін.
      
      14. Ауылдық (селолық) жерлерде тұратын және жұмыс істейтін  білім беру, әлеуметтік қамтамасыз ету, мәдениет және спорт  ұйымдарының мамандарына қызметтің осы түрлерімен қалалық жағдайда   айналысатын мамандардың айлықақыларымен және ставкаларымен  салыстырғанда, 25 пайызға жоғары лауазымдық айлықақы мен тарифтік     ставкалар белгіленсін.
      
      15. Бюджеттік инвестициялық жобаларды және заңды тұлғалардың жарғы капиталын қалыптастыруға немесе ұлғайтуға бағытталған,  бюджеттік бағдарламаларға бөлінген 2009 жылға арналған қалалық    бюджетті дамытудың бюджеттік бағдарламаларының тізбесі 2 қосымшаға   сәйкес бекітілсін.
      
      16. 2009 жылға арналған қала бюджетін орындау процесінде секвестірлеуге жатпайтын бюджеттік бағдарламаларының тізбесі 3  қосымшаға сәйкес бекітілсін.
      
      17. Қаладағы аудан, аудандық маңызы бар қала, кент, ауыл  (село), ауылдық (селолық), округтің бюджеттік бағдарламалары 4 қосымшаға сәйкес бекітілсін.
      
      18. Осы шешім Көкшетау қаласының әділет басқармасында  мемлекеттік тіркелген күннен бастап күшіне енеді және 2009 жылдың 1 қаңтарынан бастап қолданысқа енеді.

      
      Төртінші шақырылған
      Көкшетау қалалық мәслихатының
      18-ші сессияның төрайымы,
      Көкшетау қалалық
      мәслихатының хатшысы                      Қ. М ұ стафина
      
      КЕЛІСІЛДІ:
      
      Көкшетау қаласының әкімі                  Б. Сапаров

            Көкшетау қалалық мәслихатының
      к решению Кокшетауского городского
       маслихата от 23 декабря 2008
      N С-18/5 шешіміне 1 қосымша

       Ескерту. 1 қосымша редакцияда - Көкшетау қалалық мәслихатының 2009.03.03 № С-21/5 шешімімен

2009 жылға арналған қалалық бюджет

             Көкшетау қалалық мәслихатының
      "2009 жылға арналған қалалық бюджет туралы"
      2008 жылғы 23 желтоқсандағы № С -18/5 шешіміне
2 қосымша

Бюджеттік инвестициялық  жобаларды  және заңды тұлғаларды жарғы капиталын қалыптастыруға немесе ұлғайтуға  бағытталған, бюджеттік бағдарламаларға бөлінген, 2009 жылға арналған қалалық бюджеттің дамыту бюджеттік бағдарламаларының тізімі

        Көкшетау қалалық мәслихатының
      "2009 жылға арналған қалалық бюджет туралы"
      2008 жылғы 23 желтоқсандағы № С-18/5 шешіміне
3 қосымша

2009 жылға арналған қалалық бюджет процессінің орындауында секвестірлеуге жатпайтын бюджеттік бағдарламаларының тізімі

       Көкшетау қалалық мәслихатының
      "2009 жылға арналған қалалық бюджет туралы"
      2008 жылғы 23 желтоқсандағы № С -18/5 шешіміне
4 қосымша

2009 жылға қаладағы аудан, аудандық маңызы бар қала, кент, ауыл(село), ауылдық (селолық) округінің бюджеттік бағдарламалар          

       Көкшетау қалалық мәслихатының
2009 жылғы 3 наурыздағы № С-21/5
шешіміне 2 қосымша
Көкшетау қалалық мәслихатының
"2009 жылға арналған қалалық бюджет туралы"
2008 жылғы 23 желтоқсандағы
№ С-18/5 шешіміне 5 қосымша

       Ескерту. 5 қосымшамен толықтырылды - Көкшетау қалалық мәслихатының 2009.03.03 № С-21/5 шешімімен  

Бюджет қаражаттарының пайдаланылатын қалдықтар