Информационно-правовая система нормативных правовых актов Республики Казахстан

Қолданушылардың назарына!!!
Бұйрықтың қолданысқа енгізілу тәртібін 4-тармақтан қараңыз.

      "Қазақстан Республикасының кейбір заңнамалық актілеріне жеке және заңды тұлғалардың нысанды және арнаулы киімді киіп жүруі (пайдалануы) мәселесі бойынша өзгерістер мен толықтырулар енгізу туралы" Қазақстан Республикасының 2008 жылғы 4 шілдедегі Заңын орындау үшін БҰЙЫРАМЫН:
      1. Күзет қызметі субъектісіне тиесілігін айқындайтын арнаулы киім үлгілерінің бейнесі мен суреттері ( 1-қосымша ) бекітілсін.
      2. Жеке күзетшілердің, жеке күзет ұйымдарының, жеке кәсіпкерлер мен заңды тұлғалардың, күзет бөліністері қызметкерлерінің арнаулы киім кию тәртібі ( 2-қосымша ) бекітілсін.
      3. Жеке күзетшілердің, жеке күзет ұйымдарының, жеке кәсіпкерлер мен заңды тұлғалардың күзет бөліністері қызметкерлерінің арнаулы киім кию тәртібінің сақталуын бақылау ІІМ-нің Әкімшілік полиция комитетіне және аумақтық ішкі істер органдарына жүктелсін.
      4. Осы бұйрық Қазақстан Республикасы Әділет министрлігінде мемлекеттік тіркеуге жатады және 2009 жылғы 5 шілдеден бастап қолданысқа енгізіледі.

Министр Б. Мұхаметжанов

Қазақстан Республикасы
Ішкі істер министрінің
2008 жылғы 17 қазандағы
N 389 бұйрығымен бекітілген
1-қосымша

Жеке күзетшілердің, жеке күзет ұйымдарының, жеке кәсіпкерлер
мен заңды тұлғалардың күзет бөліністері қызметкерлерінің
арнаулы киім үлгілерінің бейнесі мен суреттері

1. Арнаулы киім

      1. Жазғы арнаулы киім (1, 2, 3, 4, 7, 9-суреттер):
      бейсболка немесе сұр (сұрғылт) түсті кепка;
      сұр (сұрғылт) түсті күрте;
      сұр (сұрғылт) түсті қысқартылған күрте;
      көгілдір немесе ақ түсті жейде;
      көгілдір немесе ақ түсті трикотаж футболка;
      сұр түсті галстук;
      сұр (сұрғылт) түсті силуэттың төменгі жағы тарылған шалбар;
      классикалық үлгідегі немесе арнайы қара түсті аяқ киім.
      2. Қысқы арнаулы киім (2, 5, 6, 8, 9-суреттер):
      Тоқылған, сұр (сұрғылт) немесе қара (жылы күртенің жағасымен түстес) түсті құлақшын;
      Табиғи жақсартылған қой терісінен немесе сұр (сұрғылт) немесе қара (жылы күртенің жағасымен түстес) түсті жасанды теріден жасалған құлақшын-бөрік;
      сұр (сұрғылт) түсті, табиғи жақсартылған қой терісінен немесе сұр (сұрғылт) немесе қара түсті алынатын тері жағасы бар жылы күрте;
      жылы, қысқартылған, табиғи жақсартылған қой терісінен немесе сұр (сұрғылт) немесе қара түсті алынатын тері жағасы бар күрте;
      көгілдір немесе ақ түсті жейде;
      көгілдір немесе ақ түсті трикотаж футболка;
      сұр түсті галстук;
      жылы, сұр (сұрғылт) түсті шалбар;
      жылы, сұр (сұрғылт) түсті жартылай комбинезон;
      классикалық үлгідегі немесе арнайы қара түсті жылы аяқ киім.

2. Айыру белгілері және фурнитура

      3. Омырау белгісі:
      белгінің формасы тікбұрышты, периметрі бойынша сары түсті жиегі және "КҮЗЕТ" деген сары түсті жазу бар;
      белгі жиегінің түсі - сұр немесе көгілдір;
      белгінің көлемі - 120x30 мм;
      белгі жейделердің, жазғы және қысқы күртелердің сол жақ омырау қалтасының жоғары жағына тағылады;
      белгі тоқымашылық, кестелеу, жібек орау, термотрансфер жолымен әзірленеді және тозуға төзімді болуы тиіс.
      4. Арқадағы белгі:
      белгінің формасы тікбұрышты, периметрі бойынша сары түсті жиегі және "КҮЗЕТ" деген сары түсті жазу бар;
      белгінің көлемі - 280x80 мм;
      белгі жазғы және қысқы күртелердің артқы жағына жапсырылады, белгінің жоғарғы жағы иніштің тігісі бойынша орналасады;
      белгі тоқымашылық, кестелеу, жібек орау, термотрансфер жолымен әзірленеді және тозуға төзімді болуы тиіс.
      5. Қолдағы белгі:
      формасын, түс гаммасын, материал және дайындау тәсілін мемлекеттік емес күзет қызметі субъектілері белгілейді;
      белгіде бірлескен өздік белгісі және мемлекеттік емес күзет қызметі субъектісінің атауы белгіленеді;
      белгі жейделердің, жазғы және қысқы күртелердің сол жеңіне иықтың тігісінен 120 мм төмен жапсырылады;
      күзет ұйымдарының қызметкерлері - Қазақстан Республикасының Күзет ұйымдары қауымдастығы мүшелері үшін бірлескен қол белгісімен бірдей әзірленген Қауымдастықтың өздік кескіні бар белгіні тағуға болады. Белгі сол қолдағы белгіге симметриялы жейденің, жазғы және қысқы күртелердің оң жеңіне жапсырылады.
      6. Бас киімдердегі белгілер:
      тоқымашылық жолымен әзірленген белгілер немесе тез балқығыш металлдан жасалған кокардалар күзет ұйымының бірлескен өздік белгісінен тұрады;
      сопақша белгінің көлемі - көлденеңінен 70 мм, тігінен 40 мм;
      дөңгелек белгінің диаметрі - 40 мм;
      кокарданың көлемі: биіктігі - 60 мм, ені - 40 мм;
      белгілер бас киімнің алдыңғы бөлігінің ортасына жапсырылады.

Қазақстан Республикасы
Ішкі істер министрінің
2008 жылғы 17 қазандағы
N 389 бұйрығымен бекітілген
2-қосымша

Жеке күзетшілердің, жеке күзет ұйымдарының, жеке кәсіпкерлер
мен заңды тұлғалардың күзет бөліністері қызметкерлерінің
арнаулы киімді кию тәртібі

      1. Күзетшілер, жүргізуші-күзетшілер арнаулы киімді күзетілетін объектілерде, жүктерді алып бару кезінде, ұтқыр жедел ден қою топтары құрамында қызмет өткеру кезінде киеді.
      2. Әйелдердің арнаулы киімдері тиісті киім үлгісінің ерекшеліктерін ескере отырып, жалпы эскиз бойынша тігіледі.
      3. Жеке тұлғалардың өмірі мен денсаулығын қылмыстық және басқа да құқыққа қайшы қол сұғушылықтардан қорғау бойынша қызметтер көрсету күзет қызметіне тиесілігін айқындайтын арнаулы киімсіз жүзеге асырылуы мүмкін.
      4. Тапсырыс берушінің талабы бойынша кеңсе үй-жайларын күзету жөніндегі қызмет көрсету күзет қызметі субъектісіне тиесілігін айқындайтын арнаулы киімсіз жүзеге асырылуы мүмкін. Сонымен қатар күзетшілердің көкірегінің сол жақ жоғары бөлігіне күзет ұйымының атауы жазылған және өздік белгісі бар бейдж бекітіледі. Бейдждің ортасына "КҮЗЕТ" деген жазу жазылады. Күзетшінің тегін және аты-жөнін немесе оның атын көрсетуге болады.
      5. Кеңсе үй-жайларын күзету жөнінде қызмет көрсету бас киімсіз жүзеге асырылуы мүмкін.
      6. Сыртқы күзет орындарында қызмет өткеретін күзетшілер:
      қыс мезгілінде ауаның температурасы төмендеген кезде - тондар (ішіктер) және аң терісінен тігілген унтылар киюге;
      арнаулы киімге (күртеге) омырау және арқаға жарық шағылыстыратын жолақтар тағуға немесе сигнал беретін жилеттер пайдалануға болады.
      7. Жазғы уақытта күртесіз қысқа жең жейде және галстук немесе жейденің орнына футболка, шалбар және күрте киюге болады.
      8. Кию мерзімдерін, жазғы киімнен киімнің қысқы нысанына ауысуды және керісінше, сондай-ақ жазғы және қысқы арнаулы киімнің түрлерін мемлекеттік емес күзет қызметі субъектісінің басшысы белгілейді.

1-сурет
Қысқа жеңді жейде