Инвестициялық портфельді басқаруды жүзеге асыратын ұйымдарға арналған пруденциалдық нормативтерді белгілеу, Инвестициялық портфельді басқаруды жүзеге асыратын ұйымдарға арналған пруденциалдық нормативтерді есептеу ережесін бекіту туралы

       Қолданушылардың назарына!!!
      Бұйрықтың қолданысқа енгізілу тәртібін 4-тармақтан қараңыз.

      "Бағалы қағаздар рыногы туралы" Қазақстан Республикасының 2003 жылғы 2 шілдедегі Заңының 3-бабының 2-тармағының 11), 15) тармақшаларына, 49-бабына және "Қаржы рыногы мен қаржылық ұйымдарды мемлекеттік реттеу және қадағалау туралы" Қазақстан Республикасының 2003 жылғы 4 шілдедегі Заңының 9-бабының 1-тармағының 5), 6) тармақшаларына сәйкес инвестициялық портфельді басқаруды жүзеге асыратын ұйымдардың қаржылық тұрақтылығын қамтамасыз ету мақсатында Қазақстан Республикасы Қаржы нарығын және қаржы ұйымдарын реттеу мен қадағалау агенттігінің (бұдан әрі – Агенттік) Басқармасы ҚАУЛЫ ЕТЕДІ:
      1. Инвестициялық портфельді басқаруды жүзеге асыратын ұйымдарға арналған "Меншікті капиталдың жеткіліктілік коэффициенті" пруденциалдық нормативі белгіленсін.
      Меншікті капиталдың жеткіліктілік коэффициентінің мәні күн сайын кем дегенде 1 құрауға тиіс.
      2. Қоса беріліп отырған Инвестициялық портфельді басқаруды жүзеге асыратын ұйымдарға арналған пруденциалдық нормативтерді есептеу ережесі бекітілсін.
      3. Осы қаулы қолданысқа енген күннен бастап осы қаулының қосымшасына сәйкес нормативтік құқықтық актілердің күші жойылды деп танылсын.
      4. Осы қаулы 2008 жылғы 1 қазаннан бастап қолданысқа енгізіледі.
      5. Стратегия және талдау департаменті (Н.А. Әбдірахманов):
      1) Заң департаментiмен (Н.В. Сарсенова) бірлесіп, осы қаулыны Қазақстан Республикасының Әдiлет министрлiгiнде мемлекеттiк тiркеу шараларын қолға алсын;
      2) осы қаулы Қазақстан Республикасының Әдiлет министрлiгiнде мемлекеттiк тiркелген күннен бастап он күндiк мерзiмде оны Агенттiктiң мүдделi бөлiмшелерiне, "Қазақстан қаржыгерлерiнiң қауымдастығы" заңды тұлғалар бiрлестiгiне мәлімет үшін жеткізсін.
      6. Ақпараттық технологиялар департаменті (Қ.А. Түсіпов) 2008 жылғы 30 қарашаға дейінгі мерзімде "Жинақтаушы зейнетақы қорларының және бағалы қағаздар рыногының кәсіби қатысушыларының есептілігін қалыптастыруды автоматтандыру" автоматтандырылған ақпараттық шағын жүйесін жетілдіруді қамтамасыз етсін.
      7. Агенттік Төрайымының қызметі (А.Ә. Кенже) осы қаулыны Қазақстан Республикасының бұқаралық ақпарат құралдарында жариялау шараларын қолға алсын.
      8. Осы қаулының орындалуын бақылау Агенттік Төрайымының орынбасары А.Ө. Алдамбергенге жүктелсін.

       Төрайым                                   Е.Л. Бахмутова

Қазақстан Республикасы   
Қаржы нарығын және қаржы  
ұйымдарын реттеу мен қадағалау
агенттiгi Басқармасының  
2008 жылғы 22 тамыздағы  
N 122 қаулысына қосымша  

Күші жойылды деп танылатын нормативтік құқықтық
актілердің тізбесі

      1. Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының "Инвестициялық портфельді басқаруды жүзеге асыратын ұйымдарға арналған пруденциалдық нормативтерді белгілеу, инвестициялық портфельді басқаруды жүзеге асыратын ұйымдарға арналған пруденциалдық нормативтерді есептеу Ережелерін бекіту туралы" 2004 жылғы 25 қыркүйектегі N 266 қаулысы (Нормативтік құқықтық актілерді мемлекеттік тіркеу тізілімінде N 3194 тіркелген, 2005 жылғы 14 қазанда "Заң газеті" газетінде N 190-191 (924-925) санында жарияланған).
      2. Агенттік Басқармасының "Қазақстан Республикасының кейбір нормативтік құқықтық актілеріне қаржы нарығын және қаржы ұйымдарын реттеу мен қадағалау мәселелері бойынша өзгерістер мен толықтырулар енгізу туралы" 2005 жылғы 27 тамыздағы N 310 қаулысы қосымшасыны ң 9-тарма ғы (Нормативтік құқықтық актілерді мемлекеттік тіркеу тізілімінде N 3868 тіркелген).
      3. Агенттік Басқармасының "Инвестициялық портфельді басқаруды жүзеге асыратын ұйымдарға арналған пруденциалдық нормативтерді белгілеу, инвестициялық портфельді басқаруды жүзеге асыратын ұйымдарға арналған пруденциалдық нормативтерді есептеу Ережелерін бекіту туралы" 2004 жылғы 25 қыркүйектегі N 266 қаулысына толықтырулар мен өзгеріс енгізу туралы" 2005 жылғы 29 қазандағы N 388 қаулысы (Нормативтік құқықтық актілерді мемлекеттік тіркеу тізілімінде N 3944 тіркелген).
      4. Агенттік Басқармасының "Инвестициялық портфельді басқаруды жүзеге асыратын ұйымдарға арналған пруденциалдық нормативтерді белгілеу, инвестициялық портфельді басқаруды жүзеге асыратын ұйымдарға арналған пруденциалдық нормативтерді есептеу Ережелерін бекіту туралы" 2004 жылғы 25 қыркүйектегі N 266 қаулысына толықтырулар мен өзгеріс енгізу туралы" 2006 жылғы 27 мамырдағы N 125 қаулысы (Нормативтік құқықтық актілерді мемлекеттік тіркеу тізілімінде N 4272 тіркелген).

Қазақстан Республикасы   
Қаржы нарығын және қаржы  
ұйымдарын реттеу мен қадағалау
агенттiгi Басқармасының  
2008 жылғы 22 тамыздағы   
N 122 қаулысымен      

Инвестициялық портфельді басқаруды жүзеге асыратын ұйымдарға арналған пруденциалдық нормативті есептеу ережесі

      Инвестициялық портфельді басқаруды жүзеге асыратын ұйымдарға арналған пруденциалдық нормативті есептеу ережесі (бұдан әрі - Ереже) инвестициялық портфельді басқаруды жүзеге асыратын ұйымдар (бұдан әрі - инвестициялық портфельді басқарушылар) орындауына міндетті "Меншікті капиталдың жеткіліктілік коэффициенті" пруденциалдық нормативін есептеу тәртібін белгілейді.
      Бұл Ережелер зейнетақы активтерін инвестициялық басқаруды жүзеге асыратын ұйымдарға таралмайды.
      Осы Ереженің брокер мен дилердің аффилиирленген тұлғалары бөлігінде көзделген нормалар "Самұрық-Қазына" ұлттық әл-ауқат қоры" акционерлік қоғамының аталған ұйымның дауыс беруші акцияларының жиырма бес және одан артық пайызын тікелей (банктер бойынша - жанама) иелену нәтижесінде аффилиирленген брокер мен дилер болып табылатын заңды тұлғалары мен оның аффилиирленген тұлғаларына қолданылмайды.
       Ескерту. Кіріспеге өзгерту енгізілді - ҚР Қаржы нарығын және қаржы ұйымдарын реттеу мен қадағалау агенттігі Басқармасының 2009.01.26 N 5 Қаулысымен.

1-тарау. "Меншікті капиталдың жеткіліктілік коэффициенті" - пруденциалдық нормативін есептеу тәртібі

      1. Инвестициялық портфельді басқарушының меншікті капиталының жеткіліктілік коэффициенті мына формула бойынша есептеледі:
                 К = (ӨА - М) / МКТМ, бұл жерде
      ӨА - осы Ереженің 3-тармағына сәйкес өтімді деп танылатын инвестициялық портфельді басқарушының өтімді активтері;
      М - инвестициялық портфельді басқарушының жиынтық міндеттемелері ("репо" операциясын ашық сауда әдісімен өткізгенде, міндеттемелерге тек "репо" ашу сәтіне қор биржасының ішкі ережелеріне сәйкес айқындалған "репо" объектісінің нарықтық құнының дисконт сомасы кіреді);
      МКТМ - меншікті капиталдың жеткіліктілігінің есебіне қабылданатын, осы Ереженің 2-тармағына сәйкес есептелген инвестициялық портфельді басқарушының меншікті капиталының ең төменгі мөлшері.
      2. Егер:
      басқаруға қабылданған активтердің құны 40 000 000 000 (қырық миллиард) теңгеден аз болса, онда МКТМ = 20 000 000 (жиырма миллион) теңге;
      басқаруға қабылданған активтердің құны 40 000 000 000 (қырық миллиард) теңгеден астам болса, онда МКТМ = 20 000 000 (жиырма миллион) + (БҚА - 40 000 000 000 (қырық миллиард) теңге) * 0,0002, бұл жерде БҚА - басқаруға қабылданған активтер.
      МКТМ барынша жоғарғы мәні 1 600 000 000 (бір миллиард алты жүз миллион) теңгеден аспауы керек.
      Егер 2010 жылғы 1 қаңтардан бастап:
      басқаруға қабылданған активтердің құны 40 000 000 000 (қырық миллиард) теңгеден аз болса, онда МКТМ = 90 720 000 (тоқсан миллион жеті жүз жиырма мың) теңге;
      басқаруға қабылданған активтердің құны 40 000 000 000 (қырық миллиард) теңгеден астам болса, онда МКТМ = 90 720 000 (тоқсан миллион жеті жүз жиырма мың) теңге + (БҚА - 40 000 000 000 (қырық миллиард) теңге) * 0,0007, бұл жерде БҚА - басқаруға қабылданған активтер.
      МКТМ барынша жоғарғы мәні 1 600 000 000 (бір миллиард алты жүз миллион) теңгеден аспауы керек.
      Егер 2010 жылғы 1 шілдеден бастап:
      басқаруға қабылданған активтердің құны 40 000 000 000 (қырық миллиард) теңгеден аз болса, онда МКТМ = 181 440 000 (бір жүз сексен бір миллион төрт жүз қырық мың) теңге;
      басқаруға қабылданған активтердің құны 40 000 000 000 (қырық миллиард) теңгеден астам болса, онда МКТМ = 181 440 000 (жүз сексен бір миллион төрт жүз қырық мың) теңге + (БҚА - 40 000 000 000 (қырық миллиард) теңге) * 0,0014,
      бұл жерде БҚА - басқаруға қабылданған активтер.
      МКТМ барынша жоғарғы мәні 1 600 000 000 (бір миллиард алты жүз миллион) теңгеден аспауы керек.
      Ескерту. 2-тармақ жаңа редакцияда - ҚР Қаржы нарығын және қаржы ұйымдарын реттеу мен қадағалау агенттігі Басқармасының 2009.08.05. N 185 Қаулысымен.
       3. Осы Ереженің мақсаты үшін қаржы нарығын және қаржы ұйымдарын реттеу мен қадағалау жөніндегі уәкілетті орган (бұдан әрі - уәкілетті орган) "Standard & Poor's" агенттігінің рейтингтік бағасымен қоса "Moody's Investors Service" жә не "Fitch" агенттіктерінің ж ә не оларды ң рейтингтік еншілес ұйымдарының (бұдан әрі - басқа рейтингтік агенттіктер) рейтингтік бағаларын қабылдайды.
      Ескерту. 3-тармаққа өзгерту енгізілді - ҚР Қаржы нарығын және қаржы ұйымдарын реттеу мен қадағалау агенттігі Басқармасының 2009.12.29 N 265 (қолданысқа енгізілу тәртібін 4-т. қараңыз) Қаулысымен. 
      3-1. Осы Ереже мақсаты үшін халықаралық қаржы ұйымдары болып мынадай ұйымдар түсіндіріледі:
      Халықаралық қайта құру және даму банкі;
      Еуропалық қайта құру және даму банкі;
      Америкааралық даму банкі;
      Халықаралық есеп айырысу банкі;
      Азиялық даму банкі;
      Африкалық даму банкі;
      Халықаралық қаржы корпорациясы;
      Исламдық даму банкі;
      Еуропалық инвестициялық банкі;
      Еуразиялық даму банкі.
       Ескерту. 3-1-тармақпен толықтырылды - ҚР Қаржы нарығын және қаржы ұйымдарын реттеу мен қадағалау агенттігі Басқармасының 2009.01.26 N 5 Қаулысымен.
      4. Осы Ереженің қосымшасында көзделген көлемдегі инвестициялық портфельді басқарушының өтімді активтері ретінде келесі активтер қабылданады:
      1) ақша, сондай-ақ:
      кассадағы ақша, инвестициялық портфельді басқарушының балансы бойынша актив сомасының он пайызынан жоғары емес;
      осы тармақтың бірінші бөлігінің 2) тармақшасында көзделген Қазақстан Республикасының екінші деңгейдегі банктерінің ағымдағы шоттарындағы ақша;
      бағалы қағаздардың орталық депозитарийінің шоттарындағы ақша;
      "Standard & Poor's" агенттігінің халықаралық шәкілі бойынша "ВВВ-" санатынан төмен емес ұзақ мерзімді және/немесе қысқа мерзімді, жеке рейтингі немесе басқа рейтингтік агенттіктерінің бірінің ұқсас деңгейдегі рейтингтік бағасы бар резидент емес банктердің ағымдағы шоттарындағы ақша;
      бағалы қағаздардың ұйымдасқан рыногында операцияларды жүзеге асыру үшін ұйымдарға банктік қызметті көрсететін резидент емес ұйымдар шоттарындағы ақша;
      2) осы Ереженің қосымшасында көрсетілген мөлшердегі ықтимал шығындарға резервтерді шегергенде, Қазақстан Республикасының екінші деңгейдегі банктеріндегі салымдары (негізгі борыш сомасын және есептелген сыйақыны ескеріп), мына талаптардың біреуіне сәйкес келгенде:
      Қолданушылар назарына!
      2) тармақшаның үшінші абзацының қолданысы 2011 жылғы 1 қаңтарға дейін таралады.
      "Standard & Poor's" агенттігінің халықаралық шәкілі бойынша "ВВ-"-тен төмен емес ұзақ мерзімді кредиттік рейтингі немесе басқа рейтингтік агенттіктерінің бірінің ұқсас деңгейдегі рейтингтік бағасы немесе "Standard & Poor's" ұлттық шәкілі бойынша  "kzВВ-"-тен төмен емес рейтингтік бағасы бар банктер;
      банктердің "Standard & Poor's" агенттігінің халықаралық шәкілі бойынша "В+"-тен "В" дейінгі ұзақ мерзімді кредиттік рейтингі немесе басқа рейтинг агенттіктерінің бірінің осыған ұқсас деңгейдегі рейтингі бар немесе "Standard & Poor's" ұлттық шәкілі бойынша "kzВВ-"-тен "kzВ+" дейінгі рейтингтік бағасы бар;
      "Standard & Poor's" агенттігінің халықаралық шәкілі бойынша "А-"-тен төмен емес ұзақ мерзімді кредиттік рейтингі немесе басқа рейтингтік агенттіктерінің бірінің ұқсас деңгейдегі рейтингтік бағасы бар резидент емес бас банктердің еншілес резидент банктері болып табылатын банктер;
      қор биржасының ресми тізімінің "акциялар" секторының бірінші және/немесе екінші санатына енгізілген эмитент банктері болып табылатын банктер;
      3) негізгі борыш сомаларын және есептелген сыйақыны ескеріп, ықтимал шығындарға резервтерді шегергендегі "Standard & Poor's" агенттігінің халықаралық шәкілі бойынша "ВВВ-"-тен төмен емес ұзақ мерзімді және/немесе қысқа мерзімді, жеке рейтингі немесе басқа рейтингтік агенттіктерінің бірінің ұқсас деңгейдегі рейтингтік бағасы бар резидент емес банктердегі салымдары;
      4) ықтимал шығындарға резервтерді шегергендегі басқа мемлекеттердің заңнамасына сәйкес айналымға шығарылғандарды қоса алғанда Қазақстан Республикасының мемлекеттік бағалы қағаздары (негізгі борыш пен есептелген сыйақының сомаларын есепке ала отырып);
      4-1) ықтимал шығындар бойынша резервтерді шегергендегі, "Самұрық-Қазына" ұлттық әл-ауқат қоры" акционерлік қоғамы шығарған борыштық бағалы қағаздар (негізгі борыш пен есептелген сыйақы сомаларын есепке ала отырып);
      5) ықтимал шығындарға резервтерді шегергендегі "Standard & Poor's" агенттігінің "ВВ-"-тен төмен емес халықаралық рейтингтік бағасы немесе басқа рейтингтік агенттіктерінің бірінің ұқсас деңгейдегі рейтингтік бағасы немесе "Standard & Poor's" агенттігінің ұлттық шәкілі бойынша  "kzВВ-"-тен төмен емес рейтингтік бағасы бар заңды тұлғалардың акциялары;
      6) ықтимал шығындарға резервтерді шегергендегі, Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының «Қор биржасында айналымына жіберілетін (жіберілген) эмитенттерге және олардың бағалы қағаздарына талаптары, және де қор биржасы тізімінің бөлек санаттары туралы» 2008 жылғы 26 мамырдағы № 77 қаулысымен (Нормативтік құқықтық актілерді мемлекеттік тіркеу тізілімінде № 5251 тіркелген) (бұдан әрі – № 77 қаулы) көзделген «акциялар» секторының бірінші (ең жоғарғы) немесе екінші (ең жоғарғы) санаттарының талаптарына сәйкес келетін қор биржасының ресми тізіміне енгізілген заңды тұлғалардың акциялары;
      7) Қазақстан Республикасының және басқа мемлекеттердің заңнамасына сәйкес шығарылған, "Standard & Poor's" агенттігінің халықаралық шәкілі бойынша "В-"-тен төмен емес рейтингтік бағасы немесе басқа рейтингтік агенттіктерінің бірінің ұқсас деңгейдегі рейтингтік бағасы бар немесе "Standard & Poor's" агенттігінің ұлттық шәкілі бойынша "kzВ-"-тен төмен емес рейтингтік бағасы бар Қазақстан Республикасының заңды тұлғаларының мемлекеттік емес борыштық бағалы қағаздары, оның ішінде қор биржасының ресми тізімінің "рейтингтік бағасы бар борыштық бағалы қағаздар" санатына енгізілгендер;
      8) ықтимал шығындарға резервтерді шегергендегі (негізгі борыш сомасы мен есептелген сыйақыны ескере отырып), № 77 қаулымен көзделген «борыштық бағалы қағаздар» секторының «бірінші шағын санатының рейтингтік бағасы жоқ «борыштық бағалы қағаздар (ең жоғарғы санат)» санатының талаптарына сәйкес келетін қор биржасының ресми тізіміне енгізілген Қазақстан Республикасының және басқа мемлекеттердің заңнамасына сәйкес шығарылған, Қазақстан Республикасының заңды тұлғаларының мемлекеттік емес борыштық бағалы қағаздары;
      8-1) ықтимал шығындарға резервтерді шегергенде (негізгі борыш сомасы мен есептелген сыйақыны ескере отырып), осы тармақтың 7), 8) тармақшаларында көрсетілген бағалы қағаздарды қоспағанда, қор биржасының ресми тізіміне енгізілген Қазақстан Республикасының және басқа мемлекеттердің заңнамасына сәйкес шығарылған Қазақстан Республикасының заңды тұлғаларының мемлекеттік емес борыштық бағалы қағаздары, мынадай талаптарға сәйкес келетін:
      қор биржасымен танылған рейтингтік агенттіктер бағаларының болуы;
      борыштық бағалы қағаздар эмитентін мемлекеттік тіркеу оның бағалы қағаздарын қор биржасының ресми тізіміне енгізу туралы өтініш берілген күнге дейін кемінде екі жылда жүзеге асырылды;
      борыштық бағалы қағаздар эмитенті қаржылық есептілікті қаржылық есептіліктің халықаралық стандарттарына (International Financial Reporting Standards – IFRS) немесе Америка Құрама Штаттарында қолданылатын қаржылық есептіліктің стандарттарына (General Accepted Accounting Principles – GAAP) сәйкес жасайды;
      борыштық бағалы қағаздар эмитентінің қаржылық есептілігінің аудитін қор биржасымен танылатын аудиторлық ұйымдардың тізбесіне енетін аудиторлық ұйымдардың бірі жүргізеді;
      аудиторлық есеппен расталған борыштық бағалы қағаздар эмитентінің қаржылық есептілігі кемінде аяқталған екі қаржы жылы үшін беріледі;
      борыштық бағалы қағаздар эмитентінің меншікті капиталы аудиторлық есеппен расталған соңғы есепті күнге жасалған қаржылық есептілікке сәйкес оның жарғылық капиталынан көп немесе тең. Сонымен қатар, борыштық бағалы қағаздар эмитентінің меншікті капиталы аудиторлық есеппен расталған соңғы есепті күнге жасалған қаржылық есептілікке сәйкес, тиісінше қаржы жылына республикалық бюджет туралы заңмен белгіленген айлық есептік көрсеткіштің екі миллион елу мың еселенген мөлшерінен кем емес баламалы соманы құрайды;
      соңғы екі жылдың біреуіндегі борыштық бағалы қағаздар эмитентінің таза пайдасы аудиторлық есеппен расталған соңғы есепті күнге жасалған қаржылық есептілікке сәйкес, тиісінше қаржы жылына республикалық бюджет туралы заңмен белгіленген айлық есептік көрсеткіштің сексен бес мың алты жүз еселенген мөлшерінен кем емес баламалы соманы құрайды;
      лизингтік ұйымды және кредиттік серіктестікті қоспағанда, борыштық бағалы қағаздар эмитентінің – қаржылық емес ұйымның негізгі қызметі бойынша соңғы екі жылдың әрқайсысындағы сату көлемі аудиторлық есеппен расталған қаржылық есептілік деректері бойынша тиісінше қаржы жылына республикалық бюджет туралы заңмен белгіленген айлық есептік көрсеткіштің екі миллион елу мың еселенген мөлшерінен кем емес баламалы соманы құрайды;
      борыштық бағалы қағаздар эмитенті акционерлерінің жалпы жиналысымен бекітілген корпоративтік басқару кодексінің болуы;
      қор биржасының ресми тізімінде осы бағалы қағаздардың болған уақытында борыштық бағалы қағаздар бойынша маркет-мейкердің бар болуы;
      борыштық бағалы қағаздар эмитентінің құрылтай құжаттарында және (немесе) эмиссиялық бағалы қағаздардың шығарылым проспектісінде бағалы қағаздардың меншік иелерінің оларды иеліктен шығару (беру) құқықтарына нұқсан келтіретін немесе шектейтін нормалар болмайды;
      9) ықтимал шығындарға резервтерді шегергендегі "Standard & Poor's" агенттігінің халықаралық шәкілі бойынша "ВВВ-"-тен төмен емес тәуелсіз рейтингі немесе басқа рейтинг агенттіктерінің осыған ұқсас деңгейдегі рейтингтік бағасы бар шет мемлекеттердің бағалы қағаздары (негізгі борыш пен есептелген сыйақы сомаларын ескере отырып);
      10) ықтимал шығындарға резервтерді шегергендегі "Standard & Poor's" агенттігінің халықаралық шәкілі бойынша "ВВВ-"-тен төмен емес рейтингтік бағасы немесе басқа рейтинг агенттіктерінің бірінің осыған ұқсас деңгейдегі рейтингі бар шетел эмитенттерінің мемлекеттік емес борыштық бағалы қағаздары (негізгі борыш пен есептелген сыйақы сомаларын ескере отырып);
      11) ықтимал шығындарға резервтерді шегергендегі "Standard & Poor's" агенттігінің халықаралық шәкілі бойынша "ВВВ-"-тен төмен емес рейтингтік бағасы немесе басқа рейтинг агенттіктерінің бірінің осыған ұқсас деңгейдегі рейтингі бар шетел эмитенттерінің акциялары (негізгі борыш пен есептелген сыйақы сомаларын ескере отырып);
      12) ықтимал шығындарға резервтерді шегергендегі базалық активі "Standard & Poor's" агенттігінің халықаралық шәкілі бойынша "ВВВ-"-тен төмен емес рейтингтік бағасы немесе басқа рейтинг агенттіктерінің бірінің осыған ұқсас деңгейдегі рейтингі бар шетел эмитенттерінің акциялары болып табылатын депозитарлық қолхаттар;
      13) ықтимал шығындарға резервтерді шегергендегі базалық активі "Standard & Poor's" агенттігінің "ВВ-"-тен төмен емес халықаралық рейтингтік бағасы немесе басқа рейтинг агенттіктерінің бірінің осыған ұқсас деңгейдегі рейтингі немесе Standard & Poor's" ұлттық шәкілі бойынша "kzВВ-"-тен төмен емес рейтингтік бағасы бар Қазақстан Республикасының заңды тұлғаларының акциялары болып табылатын депозитарлық қолхаттар;
      14) ықтимал шығындарға резервтерді шегергендегі базалық активі қор биржасының ресми тізімінің "акциялар" секторының бірінші және/немесе екінші санаттарына енгізілген заңды тұлғалардың акциялары болып табылатын депозитарлы қ қ олхаттар;
      15) ықтимал шығындар резервтерін шегергендегі, "Standard & Poor's" агенттігінің "ВВВ-" кем емес халықаралық рейтинг бағасы немесе басқа рейтинг агенттіктерінің бірінің осыған ұқсас деңгейдегі рейтингі бар (негізгі борыш пен есептелген сыйақы сомаларын ескере отырып) халықаралық қаржы ұйымдары шығарған борыштық бағалы қағаздар;
      16) тазартылған қымбат металдар және металл депозиттері;
      17) ықтимал шығындарға резервтерді шегергендегі бағалы қағаздармен сауда-саттық ұйымдастырушылардың және бағалы қағаздар рыногының кәсіби қатысушылары акционерлері болып табылатын, бағалы қағаздар рыногы инфрақұрылымының бөлігі болып табылатын өзге де заңды тұлғалардың акциялары;
      18) инвестициялық портфельді басқарушының балансы бойынша активтер сомасының он пайызынан аспайтын сомада шарт талаптары бойынша мерзімі өтпеген қызметкерлердің және басқа тұлғалардың дебиторлық берешегін шегергенде, инвестициялық портфельді басқарушыға қатынасы бойынша аффилиирленген тұлғалар болып табылмайтын ұйымдардың дебиторлық берешегі (ықтимал шығындарға резервтерді шегергенде);
      РҚАО-ның ескертуі!
      2011.01.01 бастап 19) тармақша жаңа редакцияда беріледі - ҚР Қаржы нарығын және қаржы ұйымдарын реттеу мен қадағалау агенттігі Басқармасының 2009.12.29 N 265 (қолданысқа енгізілу тәртібін 4-т. қараңыз) Қаулысымен.

      19) инвестициялық портфельді басқарушының баланстық құны бойынша негізгі құрал-жабдықтары, оның ішінде:
      меншіктегі немесе инвестициялық портфельді басқарушының балансы бойынша активтер сомасының он пайызынан аспайтын мөлшерде тұрақты жер пайдалану құқындағы жер;
      ғимараттар және инвестициялық портфельді басқарушының балансы бойынша активтер сомасының он пайызынан аспайтын мөлшерде меншігіндегі құрылыстар;
      машиналар және көлік құралдарын қоспағанда, инвестициялық портфельді басқарушының балансы бойынша активтер сомасының бес пайызынан аспайтын мөлшерде меншігіндегі жабдықтар.
      Осы тармақта көрсетілген бағалы қағаздар мынадай жағдайларда өтімді активтердің есебіне қосылмайды:
      инвестициялық портфельді басқарушы оларды қайта сатып алу шартымен сатқан немесе кепілге берген, немесе Қазақстан Республикасының заңнамасына сәйкес басқа жолмен ауыртпалық салынған жағдайда;
      инвестициялық портфельді басқарушы автоматты "репо" рыногында оларды қайта сату шартымен бағалы қағаздарды сатып алған жағдайда;
      инвестициялық портфельді басқарушыға қатысты аффилирленген тұлға болып табылатын заңды тұлғалармен шығарылғанда.
       Ескерту. 4-тармаққа өзгерту енгізілді - ҚР Қаржы нарығын және қаржы ұйымдарын реттеу мен қадағалау агенттігі Басқармасының 2009.01.26 N 5, 2009.08.05. N 185, 2009.12.29 N 265 (қолданысқа енгізілу тәртібін 4-т. қараңыз) Қаулыларымен.
      5. И нвестициялық портфельді басқарушы бағалы қағаздар рыногындағы кәсіби қызметті біріктіріп атқарған жағдайда, Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының "Бағалы қағаздар рыногында кәсіби қызмет түрлерін біріктіріп атқаратын ұйымдар үшін пруденциалдық нормативтерді есептеу ережесін бекіту туралы" 2009 жылғы 26 қыркүйектегі № 215 қаулысымен (Нормативтік құқықтық актілерді мемлекеттік тіркеу тізілімінде № 5810 тіркелген), қаржы нарығын және қаржы ұйымдарын реттеу және қадағалауды жүзеге асыратын уәкілетті органның (әрі қарай – уәкілетті орган) нормативтік құқықтық актілерімен белгіленген ерекшеліктерді есепке ала отырып жүзеге асырылады.
      Ескерту. 5-тармаққа өзгерту енгізілді - ҚР Қаржы нарығын және қаржы ұйымдарын реттеу мен қадағалау агенттігі Басқармасының 2009.12.29 N 265 (қолданысқа енгізілу тәртібін 4-т. қараңыз) Қаулысымен.
      6. И нвестициялық портфельді басқарушы осы Ереженің қосымшасына сәйкес нысан бойынша, осы Ереженiң 12, 13-тармақтарында көрсетiлген талаптарды сақтай отырып, алдыңғы жұмыс күнінiң соңындағы жағдай бойынша әрбiр жұмыс күнi пруденциалдық нормативтiң есебiн жүргiзедi. Қағаз тасымалдағыштағы пруденциалдық нормативтiң есебiне бiрiншi басшы (ол жоқ болған кезеңде – оның орнындағы тұлға), бас бухгалтер қол қояды, мөрмен куәландырылады және инвестициялық портфельді басқарушыда сақталады.
      Ескерту. 6-тармаққа өзгерту енгізілді - ҚР Қаржы нарығын және қаржы ұйымдарын реттеу мен қадағалау агенттігі Басқармасының 2010.09.03 N 131 (мемлекеттік тіркелген күннен бастап он төрт күнтізбелік күн өткеннен кейін қолданысқа енгiзiледi) Қаулысымен.
      7. Пруденциалдық норматив тоқсан сайын инвестициялық портфельді басқарушы уәкілетті орган нормативтік құқықтық актісіне сәйкес электронды тасымалдағышта ұсынған қаржылық және өзге есептілігінің негізінде уәкілетті органмен есептеледі.
      Ескерту. 7-тармаққа өзгерту енгізілді - ҚР Қаржы нарығын және қаржы ұйымдарын реттеу мен қадағалау агенттігі Басқармасының 2009.12.29 N 265 (қолданысқа енгізілу тәртібін 4-т. қараңыз) Қаулысымен. 

2-тарау. Пруденциалдық нормативтің есебі үшін пруденциалдық нормативтің есебін және қосымша мәлiметтердi ұсыну тәртiбi

      8. Пруденциалдық нормативтің есебі үшін пруденциалдық нормативтің есебі мен қосымша мәлiметтер (бұдан әрi - қосымша мәлiметтер) осы Ереженің қосымшасына сәйкес есептік тоқсанның соңғы күнтізбелік күні үшін уәкілетті органға осы Ереженің қосымшасына сәйкес есептік тоқсаннан кейінгі айдың бесінші жұмыс күні Астана қаласының уақыты бойынша 18.00 сағаттан кешіктірмей ұсынылады.
      9. Пруденциалдық нормативтiң есебі қағаз және электронды тасымалдағышта беріледі.
      Ескерту. 9-тармаққа өзгерту енгізілді - ҚР Қаржы нарығын және қаржы ұйымдарын реттеу мен қадағалау агенттігі Басқармасының 2010.09.03 N 131 (мемлекеттік тіркелген күннен бастап он төрт күнтізбелік күн өткеннен кейін қолданысқа енгiзiледi) Қаулысымен.
      10. Қосымша мәлiметтер уәкiлеттi органға электрондық тасымалдағышта берiледi.
      Ескерту. 10-тармақ жаңа редакцияда - ҚР Қаржы нарығын және қаржы ұйымдарын реттеу мен қадағалау агенттігі Басқармасының 2010.09.03 N 131 (мемлекеттік тіркелген күннен бастап он төрт күнтізбелік күн өткеннен кейін қолданысқа енгiзiледi) Қаулысымен.
      11. Пруденциалдық нормативтiң есебіндегі және қосымша мәлiметтердегi деректер Қазақстан Республикасының ұлттық валютасы - теңгемен көрсетіледі.
      12. Пруденциалдық нормативтiң есебін және қосымша мәлiметтердi толтырған кезде пайдаланылатын өлшеу бірлігі мыңдық теңгеде белгіленеді. Бес жүзден кем сома нөлге дейін дөңгелектенеді, ал бес жүз теңгеге тең немесе одан жоғары сома мың теңгеге дейін дөңгелектенеді.
      13. Есепті күнгі жағдай бойынша қағаз тасымалдағышта инвестициялық портфельді басқарушының бірінші басшысы (ол жоқ болған кезеңде – оның орнындағы адам), бас бухгалтері қол қойып мөрмен куәландырылады және уәкілетті органға ұсынылады, сондай-ақ инвестициялық портфельді басқарушыда сақталады.
      Инвестициялық портфельді басқарушы уәкілетті органның талап етуі бойынша сұратуды алған күннен бастап екі жұмыс күннен кешіктірмей белгілі бір күнгі жағдай бойынша есептілікті қағаз тасымалдағышта ұсынады.
      Ескерту. 13-тармақ жаңа редакцияда - ҚР Қаржы нарығын және қаржы ұйымдарын реттеу мен қадағалау агенттігі Басқармасының 2010.09.03 N 131 (мемлекеттік тіркелген күннен бастап он төрт күнтізбелік күн өткеннен кейін қолданысқа енгiзiледi) Қаулысымен.
      14. Электрондық тасымалдағыштағы қосымша мәлiметтер және пруденциалдық нормативтерді есептеу ұсынылатын деректердiң құпиялылығын және түзетiлмейтiндiгiн қамтамасыз ететiн криптографиялық қорғау құралдары бар, ақпараттың жеткiзiлуiне кепiлдiк беретiн көлiк жүйесiн пайдалана отырып ұсынылады.
      Ескерту. 14-тармаққа өзгерту енгізілді - ҚР Қаржы нарығын және қаржы ұйымдарын реттеу мен қадағалау агенттігі Басқармасының 2010.09.03 N 131 (мемлекеттік тіркелген күннен бастап он төрт күнтізбелік күн өткеннен кейін қолданысқа енгiзiледi) Қаулысымен.
      15. Электрондық тасымалдағышта ұсынылатын деректердің қағаз тасымалдағыштағы деректермен сәйкестігін инвестициялық портфельді басқарушының бірінші басшысы (ол жоқ болған кезеңде – оның орнындағы тұлға) және бас бухгалтер қамтамасыз етеді.
      Ескерту. 15-тармақ жаңа редакцияда - ҚР Қаржы нарығын және қаржы ұйымдарын реттеу мен қадағалау агенттігі Басқармасының 2010.09.03 N 131 (мемлекеттік тіркелген күннен бастап он төрт күнтізбелік күн өткеннен кейін қолданысқа енгiзiледi) Қаулысымен.

      15-1. Есептілікке өзгерістер және (немесе) толықтырулар енгізу қажеттілігіне байланысты, инвестициялық портфельді басқарушы есептілікті ұсынған күннен бастап үш жұмыс күн ішінде уәкілетті органға өзгерістер және (немесе) толықтырулар енгізу қажеттілігінің себептерін түсіндіре отырып жазбаша өтініш ұсынады.
      Инвестициялық портфельді басқарушы ұсынған есептілікте толық емес және (немесе) шынайы емес ақпаратты анықтаған кезде уәкілетті орган ол жайында инвестициялық портфельді басқарушыға хабарлайды. Инвестициялық портфельді басқарушы уәкілетті орган хабарлаған күннен бастап екі жұмыс күнінен кешіктірмей уәкілетті органның ескертулерін ескере отырып пысықталған есептілікті ұсынады.
      Ескерту. Ереже 15-1-тармақпен толықтырылды - ҚР Қаржы нарығын және қаржы ұйымдарын реттеу мен қадағалау агенттігі Басқармасының 2010.09.03 N 131 (мемлекеттік тіркелген күннен бастап он төрт күнтізбелік күн өткеннен кейін қолданысқа енгiзiледi) Қаулысымен.
      16. "Меншікті капиталдың жеткіліктілік коэффициенті" пруденциалдық нормативті бұзған жағдайда, инвестициялық портфельді басқарушы бұзушылық болған сәттен бастап үш күнтізбелік күн ішінде уәкілетті органға пруденциалдық нормативті бұзу фактісі мен себептері туралы, оны жою шараларының жоспарын ұсына отырып хабарлайды.

3-тарау. Қорытынды ережелер

      17. Осы Ережемен реттелмеген мәселелер Қазақстан Республикасының заңдарымен белгіленген тәртіпте шешіледі.

                                         Инвестициялық портфельді
                                        басқаруды жүзеге асыратын
                                    ұйымдарға арналған пруденциалдық
                                      нормативті есептеу ережесіне
                                                 қосымша

       Ескерту. Қосымшаға өзгерту енгізілді - ҚР Қаржы нарығын және қаржы ұйымдарын реттеу мен қадағалау агенттігі Басқармасының 2009.01.26 N 5, 2009.08.05. N 185, 2009.12.29 N 265 (қолданысқа енгізілу тәртібін 4-т. қараңыз), 2010.09.03 N 131 (мемлекеттік тіркелген күннен бастап он төрт күнтізбелік күн өткеннен кейін қолданысқа енгiзiледi) Қаулыларымен.

     _________________________________________________
       (инвестициялық портфельді басқарушының атауы)
        20__ жылғы "___" ___________ жағдай бойынша
             пруденциалдық нормативінің есебі

                                                       (мың теңге)

Бірінші басшы немесе оны ауыстыратын тұлға _______ күні _____________
Бас бухгалтер _____________ күні _____________
Орындаушы _____________ күні _____________
Телефон: ___________
Мөр орны

       _______________________________________________
        (инвестициялық портфельді басқарушының атауы)
        200__ жылғы "___" ___________ жағдай бойынша
     пруденциалдық нормативті есептеуге арналған қосымша
                         мәліметтер

                                                     (мың теңге)

Бірінші басшы (ол жоқ болған кезеңде – оның орнындағы тұлға)
_______ күні____________
Бас бухгалтер _____________ күні_____________
Орындаушы _____________ күні_____________
Телефон: ___________
Мөр орны