Мемлекеттiк орман қоры учаскелерiнде өсiп тұрған сүректi босатудың жыл сайынғы мөлшерiн белгiлеу Ережесін бекіту туралы

      Ескерту. Бұйрықтың күші жойылды - ҚР Ауыл шаруашылығы министрінің 11.12.2015 № 18-06/1085 бұйрығымен.

      Қолданушылардың назарына!!!
      Бұйрықтың қолданысқа енгізілу тәртібін  2-тармақтан қараңыз.

      "Мемлекеттік орман қоры учаскелерінде өсіп тұрған сүректі босату ережесін бекіту туралы" Қазақстан Республикасы Үкіметінің 2003 жылғы 22 желтоқсандағы  N 1287 қаулысына сәйкес  БҰЙЫРАМЫН:

      1. Қоса беріліп отырған Мемлекеттiк орман қоры учаскелерiнде өсiп тұрған сүректi босатудың жыл сайынғы мөлшерiн белгiлеу ережесі бекітілсін.

      2. Осы бұйрық алғашқы ресми жарияланған күннен кейiн он күнтізбелік күн өткен соң қолданысқа енгізіледі.

       Министр

Қазақстан Республикасы     
Ауыл шаруашылығы министрінің  
2008 жылғы 13 ақпандағы    
N 79 бұйрығымен        
бекітілген         

Мемлекеттік орман қоры учаскелерінде өсіп тұрған сүректі босатудың жыл сайынғы мөлшерін белгілеу ережесі 1. Жалпы ережелер

      1. Осы Мемлекеттік орман қоры учаскелерінде өсіп тұрған сүректі босатудың жыл сайынғы мөлшерін белгілеу ережесі (бұдан әрі - Ереже)»"Мемлекеттік орман қоры учаскелерінде өсіп тұрған сүректі босату ережесін бекіту туралы" Қазақстан Республикасы Үкіметінің 2003 жылғы 22 желтоқсандағы  N 1287 және "Мемлекеттік орман қоры учаскелерінде ағаш кесу ережесін бекіту туралы" Қазақстан Республикасы Үкіметінің 2005 жылғы 14 ақпандағы  N 141 қаулыларын іске асыру мақсатында әзірленді және басты мақсатта пайдалану үшін кесу, аралық мақсатта пайдалану үшін кесу және басқа да мақсаттарда пайдалану үшін кесу бойынша мемлекеттік орман қоры учаскелерінде сүрек босатудың жыл сайынғы көлемдерін қалыптастыру тәртібін айқындайды.

      2. Піскен сүректердің қорларынан (кеспеағаш қоры) құрылатын басты мақсатта пайдалану үшін кесу кезінде сүрек дайындау көлемі қылқан жапырақты, қатты жапырақты және жұмсақ жапырақты тұқымдар бойынша деректерді бөліп көрсетіп, мемлекеттік орман қорының санаттары бойынша жыл сайын бөлек-бөлек белгіленеді.
      Мемлекеттік орман қоры учаскелерінде басты мақсатта пайдалану үшін кесу тәртібімен сүрек дайындау орман орналастыру кезінде айқындалатын және Қазақстан Республикасы Ауыл шаруашылығының Орман және аңшылық шаруашылығы комитеті (бұдан әрі - уәкілетті орган) бекітетін есепті кеспеағаш шегінде жүзеге асырылады.

      3. Аралық мақсатта пайдалану үшін кесу кезінде сүрек дайындау көлемі қылқан жапырақты, қатты жапырақты және жұмсақ жапырақты тұқымдар бойынша деректерді бөліп көрсетіп, мемлекеттік орман қорының санаттары бойынша орманға күтім жасау үшін кесудің, іріктеп санитариялық мақсатта кесудің, құндылығы аз және қорғаныштық функцияларын жоғалтып бара жатқан екпелерді қайта жаңартуға байланысты кесудің белгіленген нормаларын басшылыққа ала отырып, орман орналастыру материалдары бойынша айқындалады.

      4. Басқа мақсаттарда пайдалану үшін кесу кезінде сүрек дайындау көлемі қылқан жапырақты, қатты жапырақты және жұмсақ жапырақты тұқымдар бойынша деректерді бөліп көрсетіп, мемлекеттік орман қорының санаттары бойынша жаппай санитариялық мақсатта кесу, құрылыс объектілері үшін орман алқаптарын тазарту, орман жолын тарту және басқа да орман шаруашылығы іс-шараларын орындау жөніндегі жұмыстардың көлемімен айқындалады.

      5. Орман орналастыру жобаларына енгізілмеген санитариялық мақсатта пайдалану үшін кесу "Мемлекеттік орман қоры учаскелерінде ағаш кесу ережесін бекіту туралы" (бұдан әрі - Ағаш кесу ережесі) Қазақстан Республикасы Үкіметінің 2005 жылғы 14 ақпандағы  N 141 қаулысына сәйкес ұсынылып отырған іс-шараларды негіздеп, табиғи және антропогендік сипаттағы жағдайлардың туындау фактілері бойынша тағайындалады.

      6. Орман жолдарын тартуға және өртке қарсы орлар қазуға байланысты ағаш кесу орман орналастыру материалдары және (немесе) ормандарды өртке қарсы жабдықтаудың бас жоспарлары бойынша тағайындалады.

      7. Облыстар әкімдіктерінің Табиғи ресурстары және табиғат пайдалануды реттеу департаменттері (басқармалары) (бұдан әрі - департамент), сондай-ақ уәкілетті органның және өзге де орталық мемлекеттік органдардың қарауындағы мемлекеттік орман иеленушілер өсіп тұрған сүректі босатудың жыл сайынғы мөлшерінің жиынтық материалдарын қалыптастырудың дұрыстығын қамтамасыз етеді.

  2. Облыстардың әкімдерінің қарауындағы мемлекеттік орман қоры учаскелерінде өсіп тұрған сүректі босатудың жыл сайынғы мөлшерін қалыптастыру

      8. Облыстар әкімдіктерінің қарауындағы мемлекеттік орман иеленушілер кеспеағаштар бөлу материалдарының және ағаш кесу басталар алдындағы жылдың 1 қыркүйегіне дейінгі мерзімде департаменттерге жіберілетін орман пайдаланушылардың жазбаша өтінімдерінің негізінде өсіп тұрған сүректі босатудың жыл сайынғы мөлшерінің жиынтық материалдарын қалыптастырады.

      9. Облыс әкімдігінің қарауындағы мемлекеттік орман иеленуші беретін жиынтық материалдар мынадай құжаттарды қамтиды:
      1) бірінші басшы немесе оны алмастыратын тұлға қол қойған департамент атына жолданған ілеспе хат;
      2) жылдық кеспеағаштың жиынтық ведомосы;
      3) осы Ереженің  1-4-қосымшаларына сәйкес ұзақ мерзімді орман пайдалануға берілген мемлекеттік орман қоры учаскелерінде ағаш кесу түрлері бойынша сүрек дайындау көлемдері;
      4) осы Ереженің  5-7-қосымшаларына сәйкес мемлекеттік орман иеленушілер жүзеге асыратын мемлекеттік орман қоры учаскелерінде ағаш кесу түрлері бойынша сүрек дайындау көлемдері;
      5) Ағаш кесу ережесіне сәйкес іріктеп санитариялық мақсатта кесуге белгіленген екпелерді комиссияның тексеру немесе зерттеу актісі.
      Орман пайдаланушының өтінімі осы Ереженің  8-қосымшасына сәйкес ресімделеді.

      10. Осы Ереженің 9-тармағында көрсетілген материалдардан басқа, жаппай санитариялық мақсатта ағаш кесу көлемдерін қарау және бекіту үшін Мемлекеттік орман қоры учаскелерінде ағаш кесу ережесіне сәйкес:
      1) кесуге белгіленген екпелерді комиссияның тексеру немесе зерттеу актісі;
      2) осы Ереженің  9-қосымшасына сәйкес биологиялық тұрақтылығынан айырылған екпелерде отырғызылған сынақ алқаптарының жиынтық ведомосы;
      3) осы Ереженің  10-қосымшасына сәйкес жаппай санитариялық мақсатта кесуді қажет ететін екпелердің жиынтық ведомосы;
      4) телімдерді, олардың алқаптарын көрсетіп және сынақ алқаптарын енгізіп, жаппай санитариялық мақсатта пайдалану үшін кесуге белгіленген учаскелерге планшеттен алынған көшірме беріледі. 

      11. Мемлекеттік орман қорының мына санаттарында:
      1) ерекше қорғалатын орман аумақтарында, оның ішінде:
      мемлекеттік өңірлік табиғи парктер ормандарында;
      мемлекеттік қорық аймақтарының ормандарында;
      мемлекеттік табиғат орман ескерткіштерінде;
      генетикалық орман резерваттарын қоса алғанда, ғылыми маңызы бар орман учаскелерінде;
      ерекше құнды орман алқаптарында;
      жаңғақ кәсіпшілігі аймақтарында;
      орман жемістері екпелерінде;
      субальпілік ормандарда;
      2) мемлекеттік қорғаныштық орман жолақтарында;
      3) қалалық ормандар мен орман парктерінде;
      4) елді мекендер мен сауықтыру-емдеу мекемелерінің жасыл желекті аймақтарында;
      5) эрозияға қарсы ормандарда;
      6) өзендер, көлдер, су қоймалары, каналдар және басқа да су объектілері жағалауларындағы ормандардың тыйым салынған жиектерінде және басқа да мақсаттарда пайдалану үшін ағаш кесу, құндылығы аз және қорғаныштық, су қорғау және басқа да экологиялық функцияларынан айырылып бара жатқан екпелерді қайта жаңартуға байланысты ағаш кесу көлемдерін қарау және бекіту үшін, мемлекеттік экологиялық сараптаманың оң қорытындысы беріледі.

      12. Департамент уәкілетті органның аумақтық органына (бұдан әрі - аумақтық орган) мемлекеттік орман иеленушілер бойынша материалдарды тексеру үшін ағаш кесу басталар алдындағы жылдың 20 қыркүйегіне дейін жібереді.

      13. Департаменттің аумақтық органға беретін материалдары мыналарды қамтиды:
      1) департаменттің бірінші басшысы немесе оны алмастыратын тұлға қол қойған ілеспе хат:
      2) осы Ереженің  1-4-қосымшаларына сәйкес ұзақ мерзімді орман пайдалануға берілген мемлекеттік орман қоры учаскелерінде ағаш кесу түрлері бойынша сүрек дайындау көлемдері;
      3) осы Ереженің  5-7-қосымшаларына сәйкес мемлекеттік орман иеленушілер жүзеге асыратын мемлекеттік орман қоры учаскелерінде ағаш кесу түрлері бойынша сүрек дайындау көлемдері;
      4) осы Ереженің 10-тармағына сәйкес берілетін жаппай санитариялық мақсатта ағаш кесу бойынша материалдар.

      14. Аумақтық орган өсіп тұрған сүректі босатудың жыл сайынғы мөлшеріне берілген материалдарға тексеру жүргізеді және оларды ағаш кесу басталар алдындағы жылдың 1 қазанына дейінгі мерзімде уәкілетті органға ұсынады.

  3. Уәкілетті органның және өзге де орталық мемлекеттік органдардың қарауындағы мемлекеттік орман қоры учаскелерінде өсіп тұрған сүректі босатудың жыл сайынғы мөлшерін қалыптастыру

      15. Уәкілетті органның және өзге де орталық мемлекеттік органдардың қарауындағы мемлекеттік орман иеленушілер кеспеағаш бөлу материалдарының және орман пайдаланушылардың жазбаша өтінімдерінің негізінде қалыптасқан өсіп тұрған сүректі босатудың жыл сайынғы мөлшерінің материалдарын тексеру үшін аумақтық органға ағаш кесу басталар алдындағы жылдың 20 қыркүйегіне дейін жібереді.

      16. Мемлекеттік орман иеленушілер беретін материалдар мынадай құжаттарды қамтиды:
      1) бірінші басшы немесе оны алмастыратын тұлға қол қойған аумақтық органның атына жолданған ілеспе хат;
      2) жылдық кеспеағаштың жиынтық ведомосы;
      3) осы Ереженің  1-4-қосымшаларына сәйкес ұзақ мерзімді орман пайдалануға берілген мемлекеттік орман қоры учаскелерінде ағаш кесу түрлері бойынша сүрек дайындау көлемдері;
      4) осы Ереженің  5-7-қосымшаларына сәйкес мемлекеттік орман иеленушілер жүзеге асыратын мемлекеттік орман қоры учаскелерінде ағаш кесу түрлері бойынша сүрек дайындау көлемдері;
      5) Ағаш кесу ережесіне сәйкес іріктеп санитариялық мақсатта кесуге белгіленген екпелерді комиссияның тексеру немесе зерттеу актісі.
      Орман пайдаланушының өтінімі осы Ереженің  8-қосымшасына сәйкес ресімделеді.

      17. Жаппай санитариялық мақсатта ағаш кесу көлемдерін қарау және бекіту үшін материалдар осы Ереженің 10-тармағына сәйкес беріледі.

      18. Өзге мақсаттарда ағаш кесудің, құндылығы аз және қорғаныштық, су қорғау және басқа да экологиялық функцияларынан айырылып бара жатқан екпелерді қайта жаңартуға байланысты ағаш кесудің жыл сайынғы көлемдерінің материалдары осы Ереженің 11-тармағына сәйкес беріледі.

      19. Аумақтық орган жиынтық материалдарды уәкілетті органға ағаш кесу басталар алдындағы жылдың 1 қазанына дейін жібереді.
      Аумақтық орган беретін жиынтық материалдар мынадай құжаттарды қамтиды:
      1) бірінші басшы немесе оны алмастыратын тұлға қол қойған уәкілетті органның атына жолданған ілеспе хат;
      2) осы Ереженің  1-4-қосымшаларына сәйкес ұзақ мерзімді орман пайдалануға берілген мемлекеттік орман қоры учаскелерінде ағаш кесу түрлері бойынша сүрек дайындау көлемдері;
      3) осы Ереженің  5-7-қосымшаларына сәйкес мемлекеттік орман иеленушілер жүзеге асыратын мемлекеттік орман қоры учаскелерінде ағаш кесу түрлері бойынша сүрек дайындау көлемдері;
      4) жаппай санитариялық мақсатта ағаш кесу бойынша материалдар осы Ереженің 10-тармағына сәйкес беріледі.

  4. Мемлекеттік орман қоры учаскелерінде өсіп тұрған
сүректі босатудың жыл сайынғы мөлшерін уәкілетті органның
қарауы және бекітуі

      20. Қазақстан Республикасы Үкіметінің 2003 жылғы 22 желтоқсандағы  N 1287 қаулысымен бекітілген Мемлекеттік орман қоры учаскелерінде өсіп тұрған сүректі босату ережесінің 15-тармағына сәйкес мемлекеттік орман иеленушілер бойынша басты, аралық мақсаттарда және өзге де мақсаттарда пайдалану үшін ағаш кесу көлемдерін уәкілетті орган бекітеді және ағаш кесу басталар алдындағы жылдың 25 желтоқсанына дейінгі мерзімде мемлекеттік орман иеленушілерге жеткізіледі.

      21. Берілген материалдар осы Ережеге сәйкес келмесе, ескертпелерді жою туралы материалдарды уәкілетті орган департаменттерге және уәкілетті орган мен өзге орталық мемлекеттік органдардың қарауындағы мемлекеттік орман иеленушілерге пысықтау үшін қайтарады.

      22. Пысықталған материалдар оларды уәкілетті орган департаменттерге және уәкілетті орган мен өзге орталық мемлекеттік органдардың қарауындағы мемлекеттік орман иеленушілерге қайтарған күннен бастап 10 жұмыс күні ішінде қайта беріледі.

                                          Мемлекеттiк орман қоры
                                         учаскелерiнде өсiп тұрған
                                           сүректi босатудың жыл
                                          сайынғы мөлшерiн белгiлеу
                                            ережесіне 1-қосымша

_________________облысы 200__ жылы мемлекеттік орман қоры
  учаскелерінде ұзақ мерзiмдi орман пайдалануға берілген
егiс-топырақ қорғаныштық ормандар санатында басты мақсатында
              ағаш кесу кезінде сүрек дайындау
                            Көлемі

                                           алымында, алқап га
                                           бөлгішінде қор, м ³

                                               Мемлекеттiк орман қоры
                                         учаскелерiнде өсiп тұрған
                                           сүректi босатудың жыл
                                          сайынғы мөлшерiн белгiлеу
                                             ережесіне 2-қосымша

  _________________облысы 200__ жылы мемлекеттік орман қоры
    учаскелерінде орман пайдалануға берілген күтіп-баптау
         мақсатында ағаш кесу кезінде сүрек дайындау
                             Көлемі

                                           алымында, алқап га
                                           бөлгішінде қор, м ³

  кестенің жалғасы

                                              Мемлекеттiк орман қоры
                                         учаскелерiнде өсiп тұрған
                                           сүректi босатудың жыл
                                          сайынғы мөлшерiн белгiлеу
                                             ережесіне 3-қосымша

   _______________облысы 200__ жылы мемлекеттік орман қоры
      учаскелерінде орман пайдалануға берілген санитарлық
       мақсатта іріктеп ағаш кесу кезінде сүрек дайындау
                         Көлемі

                                           алымында, алқап га
                                           бөлгішінде қор, м ³

                                             Мемлекеттiк орман қоры
                                         учаскелерiнде өсiп тұрған
                                           сүректi босатудың жыл
                                          сайынғы мөлшерiн белгiлеу
                                            ережесіне 4-қосымша

      _____________облысы 200___ жылы мемлекеттік орман қоры
       учаскелерінде орман пайдалануға берілген өзге де ағаш
                 кесулер кезінде сүрек дайындау
                             Көлемі
                                         алымында, алқап га
                                         бөлгішінде қор, м ³

                                              Мемлекеттiк орман қоры
                                         учаскелерiнде өсiп тұрған
                                           сүректi босатудың жыл
                                          сайынғы мөлшерiн белгiлеу
                                             ережесіне 5-қосымша

      ___________облысы 200__ жылы____________басқаруындағы
   мемлекеттік орман қоры учаскелерінде орман иеленушілердің
    орындауымен күтіп-баптау мақсатта ағаш кесу кезінде сүрек
                       дайындау Көлемі

                                          алымында, алқап га
                                           бөлгішінде қор, м ³

  кестенің жалғасы

                                             Мемлекеттiк орман қоры
                                         учаскелерiнде өсiп тұрған
                                           сүректi босатудың жыл
                                          сайынғы мөлшерiн белгiлеу
                                             ережесіне 6-қосымша

   __________ облысы 200___ жылы _______________басқаруындағы
  мемлекеттік орман қоры учаскелерінде орман иеленушілердің
   орындауымен санитарлық мақсатта іріктеп ағаш кесу кезінде
                       сүрек дайындау
                          Көлемі

                                     алымында, алқап га
                                      бөлгішінде қор, м ³

                                              Мемлекеттiк орман қоры
                                         учаскелерiнде өсiп тұрған
                                           сүректi босатудың жыл
                                          сайынғы мөлшерiн белгiлеу
                                              ережесіне 7-қосымша

  ___________облысы 200___ жылы _______________басқаруындағы
   мемлекеттік орман қоры учаскелерінде орман иеленушілердің
    орындауымен өзге де ағаш кесулер кезінде сүрек дайындау
                          Көлемі

                                           алымында, алқап га
                                           бөлгішінде қор, м ³

                                               Мемлекеттiк орман қоры
                                         учаскелерiнде өсiп тұрған
                                           сүректi босатудың жыл
                                          сайынғы мөлшерiн белгiлеу
                                              ережесіне 8-қосымша

          Мемлекеттік орман қоры учаскелерінде
    өсіп тұрған сүректі жыл сайын босатуға тапсырыс

      200 __ жылғы "___"____________N ___ ұзақ мерзімді орман пайдалану шартына сәйкес ағаш кесу түрлері бойынша*
____________________________________________________________________
             (орманшылықтың және мекеменің атауы)
____________________________________________________________________

жыл сайын сүрек босатудың мынадай көлемдерін енгізуді өтінемін:

      1) басты мақсатта пайдалану үшін кесу бойынша (Ережеге 1-қосымшаның нысаны бойынша);
      2) аралық мақсатта пайдалану үшін кесу бойынша (Ережеге 2, 3-қосымшалардың нысандары бойынша);
      3) өзге мақсаттарда пайдалану үшін кесу бойынша (Ережеге 4-қосымшаның нысаны бойынша).

Орман пайдаланушы (жеке тұлға)______________________________________
                              (тегі, аты, әкесінің аты, қолы, күні)

немесе

Орман пайдаланушы (заңды тұлға)_____________________________________
                                  (басшы, тегі, аты, әкесінің аты,
                                           қолы, мөрі, күні)

*Ағаш кесу түрлері бойынша көлемдер Ережеге қосымшаларға көрсетілген нысандар бойынша беріледі.

                                            Мемлекеттiк орман қоры
                                         учаскелерiнде өсiп тұрған
                                           сүректi босатудың жыл
                                          сайынғы мөлшерiн белгiлеу
                                              ережесіне 9-қосымша

          ______________________________облысы
             (мемлекеттік орман иеленуші)

     Екпе ағаштан құралған биологиялық тұрақтылықты жоғалтып
                 алған жиынтық ақпарат тізім

   кестенің жалғасы

                                           Мемлекеттiк орман қоры
                                         учаскелерiнде өсiп тұрған
                                           сүректi босатудың жыл
                                          сайынғы мөлшерiн белгiлеу
                                             ережесіне 10-қосымша

              ____________________________облысы
               (мемлекеттік орман иеленуші)

   Санитарлық мақсатта жаппай ағаш кесу талап ететін екпе
           ағаштан құралған жиынтық ақпарат тізім

кестенің жалғасы