Рус | Қаз | Eng

Он алты жасқа дейінгі мүгедек балалары бар отбасыларға қосымша көмек бері туралы

Ақтөбе облыстық әкімиятының 2007 жылғы 10 мамырдағы № 156 қаулысы. Ақтөбе облысының Әділет департаментінде 2007 жылғы 30 мамырда № 3207 тіркелді

Қолданыстағы

      "Қазақстан Республикасындағы мүгедектерді әлеуметтік қорғау туралы" Қазақстан Республикасының 2005 жылғы 13 сәуірдегі № 39 Заңының 16 және "Қазақстан Республикасындағы жергілікті мемлекеттік басқару туралы" Қазақстан Республикасының 2001 жылғы 23 қаңтардағы № 148 Заңының 27 баптарына сәйкес облыс әкімдігі ҚАУЛЫ ЕТЕДІ:
      1. Он алты жасқа дейінгі мүгедек балалары бар отбасыларға ай сайын әлеуметтік төлемдер бөлу түрінде қосымша көмек көрсетілсін.
      2. Он алты жасқа дейінгі мүгедек балалары бар отбасыларға әлеуметтік төлемдердің мөлшері, әрбір мүгедек балаға 3000 теңге сомасында белгіленсін.
      3. "Ақтөбе облысының экономика және бюджеттік жоспарлау департаменті" ММ (Қ.М.Әлімов) он алты жасқа дейінгі мүгедек балалары бар отбасыларға әлеуметтік төлемдер төлеуге қаржы қарастырсын және осы қаулыны орындау бойынша өзге де шаралар қабылдасын.
      4. Осы қаулы 2007 жылғы 1 шілдеден бастап күшіне енеді.

      Облыс әкімі