"Алматы қаласының өңірлік қаржы орталығы туралы" Қазақстан Республикасы Заңының 6-бабының 5) және 10) тармақшаларына сәйкес, БҰЙЫРАМЫН:
1. Қазақстан Республикасы Алматы қаласының өңірлік қаржы
орталығының қызметін реттеу агенттігі төрағасының 2006 жылдың 8
қыркүйектегі N 5 "Бағалы қағаздары Алматы қаласының өңірлік қаржы
орталығының арнайы сауда алаңының тізіміне енгізу болжамдалған немесе енгізілген эмитенттерге, сонымен қатар осындай бағалы қағаздарға қойылатын талаптар туралы" бұйрығына (Қазақстан Республикасы Нормативтік-құқықтық актілерді мемлекеттік тіркеу тізілімінде N 4408 тіркелген, 2006 жылдың 20 қазанындағы N 254-255 (24508) "Егемен Қазақстан" газетінде жарияланған) мынадай өзгеріс енгізілсін:
6-тармақтың 2) тармақшасы келесі редакцияда жазылсын:
"2) эмитенттермен ақпараттарды ашу тиісті қор биржаларының ресми сайттарында және сауда-саттық ұйымдастырушысы мен листинг бастаушысы немесе эмитент арасында ақпарат ашу туралы келісім-шарт жасау арқылы жүзеге асырылады;".
2. Қазақстан Республикасы Алматы қаласының өңірлік қаржы
орталығының қызметін реттеу агенттігі төрағасының 2006 жылдың 8
қыркүйектегі N 8 "Алматы қаласының өңірлік қаржы орталығы болып
саналатын қор биржаларының тізбесін бекіту туралы" бұйрығына (Қазақстан Республикасы Нормативтік құқықтық актілерді мемлекеттік тіркеу тізілімінде N 4402 тіркелген, 2006 жылдың 17 қазанындағы N 252 (24505) "Егемен Қазақстан" газетінде жарияланған) мынадай өзгерістер енгізілсін:
бұйрық атауындағы "Алматы қаласының өңірлік қаржы орталығы болып саналатын" сөздері "Қазақстан Республикасы Алматы қаласының өңірлік қаржы орталығының қызметін реттеу Агенттігімен танылатын" сөздеріне ауыстырылсын;
1-тармақ келесі редакцияда жазылсын:
"1. Қазақстан Республикасы Алматы қаласының өңірлік қаржы орталығының қызметін реттеу агенттігімен (әрі қарай - Агенттік) танылатын қор биржаларының тізбесі бекітілсін:
1) "Мәскеулік банкаралық валюталық биржасы қор биржасы" жабық акционерлік қоғамы;
2) "Ресейлік Сауда Жүйесі" Қор биржасы" ААҚ;
3) "Алғашқы қор сауда жүйесі" Қауымдастығы;
4) "Қазақстан қор биржасы" АҚ.
Сонымен бірге, Агенттікпен Бүкіләлемдік Биржалар Федерациясының мүшелері болып табылатын (World Federation Exchanges), корреспондент мүшелер мен аффилиирленген мүшелерден басқа, және Лондон қор биржасының Баламалық инвестициялар нарығы (AIM London Stock Exchange) танылады.".
3. Агенттіктің Даму департаментіне:
1) Агенттіктің Заң басқармасымен бірге осы бұйрықтың Қазақстан
Республикасы Әділет министрлігінде мемлекеттік тіркелуі бойынша шаралар қабылдансын;
2) осы бұйрық Қазақстан Республикасы Әділет министрлігінде
мемлекеттік тіркелген күнінен бастап, он күндік мерзім ішінде Агенттіктің мүдделі құрылымдық бөлімшелеріне, Қазақстан Республикасының Қаржы нарығын және қаржы ұйымдарын реттеу мен қадағалау агенттігіне, "Қазақстандық қор биржасы" АҚ-на және "Қазақстан қаржыгерлерінің қауымдастығы" заңды тұлғалар бірлестігіне хабар жеткізілсін;
3) осы бұйрықтың ресми жариялануы қамтамасыз етілсін.
4. Осы бұйрықтың орындалуын бақылау Агенттік төрағасының
бағыттаушы орынбасары Алдамберген А.Ө. жүктелсін.
5. Осы бұйрық алғашқы ресми жарияланған күннен бастап қолданысқа енеді.
Төраға м.а.
"КЕЛІСІЛДІ"
Қазақстан Республикасы
Қаржы нарығын және қаржы ұйымдарын
реттеу мен қадағалау агенттігінің
төрағасы
2007 жылғы 2 қыркүйек