Ескерту. Тақырып жаңа редакцияда - ҚР Мәдениет және ақпарат министрінің 15.11.2013 № 265 бұйрығымен (алғаш ресми жарияланған күнінен кейін күнтізбелік он күн өткен соң қолданысқа енгiзiледi).
«Мәдениет туралы» 2006 жылғы 15 желтоқсандағы Қазақстан Республикасы Заңының 24-бабының 6-тармағына сәйкес, БҰЙЫРАМЫН:
Ескерту. Кіріспе жаңа редакцияда - ҚР Мәдениет және ақпарат министрінің 15.11.2013 № 265 бұйрығымен (алғаш ресми жарияланған күнінен кейін күнтізбелік он күн өткен соң қолданысқа енгiзiледi).
1. Қоса беріліп отырған Мүгедектерге немесе егде жастағы адамдарға сырттай немесе стационардан тыс қызмет көрсету нысандары арқылы кітапхана қорларына қол жеткізу қағидасы бекітілсін.
Ескерту. 1-тармақ жаңа редакцияда - ҚР Мәдениет және ақпарат министрінің 15.11.2013 № 265 бұйрығымен (алғаш ресми жарияланған күнінен кейін күнтізбелік он күн өткен соң қолданысқа енгiзiледi).
2. Тарихи-мәдени мұра департаменті белгіленген тәртіппен:
1) осы бұйрықты Қазақстан Республикасының Әділет министрлігіне мемлекеттік тіркеуге жіберсін;
2) осы бұйрық мемлекеттік тіркеуден өткеннен кейін оны ресми жариялауды қамтамасыз етсін.
3. Осы бұйрықтың орындалуын бақылауды өзіме қалдырамын.
4. Осы бұйрық оның ресми жарияланған күнінен бастап қолданысқа енгізіледі.
Министрдің
міндетін атқарушы
Қазақстан Республикасы
Мәдениет және ақпарат министрінің
міндетін атқарушының
2007 жылғы 25 мамырдағы
N 153 бұйрығымен бекітілген
Мүгедектерге немесе егде жастағы адамдарға сырттай немесе
стационардан тыс қызмет көрсету нысандары арқылы кітапхана
қорларына қол жеткізу қағидасы
Ескерту. Тақырып жаңа редакцияда - ҚР Мәдениет және ақпарат министрінің 15.11.2013 № 265 бұйрығымен (алғаш ресми жарияланған күнінен кейін күнтізбелік он күн өткен соң қолданысқа енгiзiледi).
1. Жалпы ережелер
1. Осы Мүгедектерге немесе егде жастағы адамдарға сырттай немесе стационардан тыс қызмет көрсету нысандары арқылы кітапхана қорларына қол жеткізу қағидалары «Мәдениет туралы» 2006 жылғы 15 желтоқсандағы Қазақстан Республикасының Заңының 24-бабының 6-тармағына сәйкес әзірленген және сырттай немесе стационардан тыс қызмет көрсету нысандары арқылы кітапханалар қорларына қолжетімділік тәртібін анықтайды. Сырттай немесе стационардан тыс қызмет көрсету нысандары халыққа қызмет көрсету бойынша кітапханалар қызметінің құрамдас бөлігі болып табылады.
Ескерту. 1-тармақ жаңа редакцияда - ҚР Мәдениет және ақпарат министрінің 15.11.2013 № 265 бұйрығымен (алғаш ресми жарияланған күнінен кейін күнтізбелік он күн өткен соң қолданысқа енгiзiледi).
2. Кітапхана қосыны - штаттық қызметкер немесе келісімшартқа отырған қоғамдық-кітапханашы жұмыс істейтін кітапхананың аумақтық оқшауланған бөлімшесі. Кітапхана қосындары кәсіпорындармен, ұйымдармен, мекемелермен келісімшарт бойынша, сондай-ақ стационарлық кітапханасы жоқ елді мекендерде ұйымдастырылады.
3. Көшпелі оқу залы (дауыстап оқумен) - ұйым мен кітапхана арасындағы жасалған келісімшарт негізінде, айдың белгілі бір күндері мен сағатында тұтынушыларға баспа басылымдары (кітаптар, кітапшалар, газеттер, журналдар) (бұдан әрі - баспа басылымдары) және материалдармен (CD-дискілер, дискеттер, флэш-порттар, микрофильмдер, аудио және видеобасылымдар) (бұдан әрі - материалдар) тұрып жатқан жерлерінде (қарттар, мүгедектер үйі) танысуға мүмкіндік беретін стационардан тыс кітапханалық қызмет көрсету нысаны.
4. Сырттай немесе стационардан тыс кітапханалық қызмет көрсету - кітапханадан тыс жерлерде тұтынушыларға бірқалыпты қызмет көрсетуге, олардың сұраныстарын қанағаттандыруға арналған қызмет.
5. Сырттай абонемент - баспа басылымдары мен материалдарды тұтынушының тікелей тұрақты жеріне пошта арқылы жөнелту жолымен қызмет көрсететін кітапхана абонементі.
6. Мүгедек - тіршілік-тынысының шектелуіне және оны әлеуметтік қорғау қажеттілігіне әкеп соқтыратын аурулардан, жарақаттардан, олардың салдарынан, кемістіктерден организм функциялары тұрақты бұзылып, денсаулығы бұзылған адам.
7. Ұжымдық абонемент - еңбек ұжымында, сыныптарда, өндірістік учаскеде келісімшарт негізінде қызмет көрсету нысаны.
8. Егде жастағы адамдар - 58-ден жоғары жастағы тұтынушылар.
9. Үй абонементі - тұтынушыға баспа басылымдарын және материалдарды үйінде алуға мүмкіндік беретін кітапхана абонементі.
10. Жылжымалы кітапхана - кітапхана қызметімен алыс аймақтардағы тұтынушыларға қызмет көрсетуге арналған абонемент.
2. Сырттай немесе стационардан тыс кітапханалық қызмет
көрсетуді ұйымдастыру
11. Сырттай немесе стационардан тыс кітапханалық қызмет көрсету нысандарының міндеті мүгедектердің немесе егде жастағы адамдардың ақпаратқа қолжетімділігі құқығын оның сұраныстары мен мүдделеріне сәйкес қамтамасыз ету болып табылады.
12. Барлық мемлекеттік кітапханалар сырттай немесе стационардан тыс нысандар арқылы мүгедектер немесе егде жастағы адамдарға қызмет көрсету бойынша жұмыстарды қамтамасыз етеді.
13. Сырттай және стационардан тыс кітапханалық қызмет көрсету нысандарына кітапхана қосындары, сырттай, үй, ұжымдық абонементтер, көшпелі оқу залдары, жылжымалы кітапханалар енеді.
14. Сырттай немесе стационардан тыс кітапханалық қызмет көрсетуді қаржыландыру ұйымдастыруға, қорды қоса, көлік қызметіне, орын-жайға және басқа шығындарға қаралған жыл сайын бекітілетін бюджет есебінен жүзеге асырылады.
3. Сырттай немесе стационардан тыс нысандар арқылы көрсетілетін қызметтер
15. Сырттай немесе стационардан тыс кітапханалық қызметімен тұтынушыларға келесі қызметтер ұсынылады:
1) ақпарат көздерін іздеу және таңдауда анықтамалық және консультациялық көмек;
2) кітапхана қорында нақты баспа басылымдары мен материалдардың бар болуы туралы ақпарат ұсыну;
3) оқырманның сұранымы бойынша толық мәтіндегі ғылыми деректер базасынан, онлайн каталогтарынан ақпаратты іздеу және ұсыну;
4) өз қорларындағы және басқа кітапханалардың қорларынан баспа басылымдары мен материалдарды (олардың көшірмелері), сонымен қатар электрондық поштаны қолдану арқылы ұсынады.
16. Көрсетілген қызметтерді ұсынуға тапсырыстар ауызша (телефон арқылы) немесе жазбаша түрде (өтінім бланкі, электрондық пошта арқылы) қабылданады.