"Әдiлет органдары туралы" Қазақстан Республикасы Заңының 13-бабының 1-тармағын басшылыққа алып, БҰЙЫРАМЫН:
1. "Қазақстан Республикасы Әділет министрлігі Қылмыстық-атқару жүйесі комитеті тергеу изоляторларының арнайы есеп бөлімдерінің жұмысы туралы нұсқаулықты бекіту туралы" Қазақстан Республикасы Әдiлет министрiнің міндетін атқарушының 2004 жылғы 9 шiлдедегi N 210 бұйрығына (Нормативтiк құқықтық актiлердiң мемлекеттiк тiзілімiнде N 2973 болып тiркелген) мынадай өзгерiстер мен толықтырулар енгiзiлсiн:
көрсетiлген бұйрықпен бекiтiлген Қазақстан Республикасы Әділет министрлігінің Қылмыстық-атқару жүйесі комитеті тергеу изоляторларының арнайы есеп бөлімдерінің жұмысы туралы нұсқаулықта (бұдан әрі - Нұсқаулық):
2-тармақтың 14) тармақшасы алынып тасталсын;
19-тармақтың үшiншi абзацы мынадай редакцияда жазылсын:
"Транзитпен жөнелтілетін адамдардың жеке iстерi ашылмайды. Транзитпен жөнелтілетін адамдардың жеке тінту хаттамалары жеке iске қосылмайды, ол жеке іске тігіледі және арнайы есепке алу бөлiмiнде сақталады. Ерекше жағдайларда (мысалы, медициналық көрсеткiштер бойынша) транзитпен жөнелтілетін адамдардың жеке iстерi бар пакеттер тергеу изоляторының бастығы бекіткен жауапты қызметкердің баянаты негізінде ашылады".
23-тармақтың 6) тармақшасы мынадай редакцияда жазылсын:
"6) шаруашылық қызмет көрсету жұмыстарын орындау үшiн қалдырылған сотталғандарға арналған орындау парақтарын қолхат арқылы ТИ-дың қаржы бөлiмiне жібередi, ал басқа жағдайларда, сотталғанның бас бостандығынан айыру орындарына кетуі кезінде сотталғанның жеке iсiне қоса тiркейдi";
42-тармақтың 4) тармақшасы мынадай редакциядағы сөйлеммен толықтырылсын:
"Есепке алу карточкаларын сақтау мерзiмiн Нормативтiк құқықтық актiлердiң мемлекеттiк тiзілімiнде N 2843 болып тiркелген Қазақстан Республикасы Бас Прокурорының 2004 жылғы 29 сәуірдегі N 23
бұйрығымен
бекітілген "Арнайы есепке алудың жекелеген түрлерін жүргізу мен пайдаланудың қағидасына"
N 10 қосымшаға
сәйкес есептеуі тиіс".
87-тармақта екiншi сөйлем мынадай редакцияда жазылсын:
"Босатылғаннан кейін бір тәулік ішінде арнайы есепке алу бөлімі сотталғанның тұрғылықты жері бойынша ҚАЖ комитетінің басқармасына сотталғанның жеке ісіне қоса тіркеп, хат жібереді (32-қосымша);";
Нұсқаулық мынадай мазмұндағы 15-тараумен толықтырылсын:
"15-тарау. Өлiм жазасына немесе өмiр бойы бас бостандығынан айыруға сотталғандарға құжат рәсiмдеу
111. Өлiм жазасына сотталғандардың жеке iстерiн тергеу изоляторының бастығы сақтайды, ол өзi осы адамдарға қатысты кiрiс және шығыс хат-хабарының есебін жүргiзедi, сондай-ақ оларға тиісті сатыларға кешiрiм жасау туралы шағым, өтiнiш беру тәртібі мен мерзiмдерiн түсiндiредi. Осы мақсатпен тергеу изоляторының бастығы:
1) келген сотталғанның жеке iсiн және барлық басқа құжаттарын кезекшiден алады, ол туралы келген адамдарды есепке алудың тәуліктiк ведомосына жазады;
2) тергеу изоляторында ұсталатын айыпталушыны өлім жазасына на соттау туралы сот үкiмi шығарылған жағдайда, арнайы есепке алу бөлiмiнде жеке iсiн алады және өзiнде сақтайды;
3) соттан үкiмнiң көшiрмесi түскеннен кейiн арнайы есепке алу бөлiмiнiң бастығымен бiрге сотталғанға қолхат бойынша үкiмнiң көшiрмесiн тапсырады және апелляциялық шағым беру тәртібін түсiндiредi. Өлім жазасына сотталғанның үкiм көшiрмесiн алған жөнiнде қолхатты сотқа жiбередi, ал iлеспе құжаттың көшiрмесiн сотталғанның жеке iсiне тiркейдi;
4) бiрiншi сатының шығарған сот үкiмiн алған соң 5 жұмыс күнi iшiнде Қазақстан Республикасы Бас Прокуратурасы Құқықтық статистика және арнайы есепке алу комитетiнiң аймақтық мекемесiне сотталған жөнiнде мәлімет жiберуге арнайы есепке алу бөлiмiнiң бастығына нұсқау бередi;
5) бiр тәулікке жеткiзбей, сотталғаннан түскен апелляциялық шағымды сотқа жiберудi қамтамасыз етедi.
112. Үкiмнiң заңды не аппеляциялық қаулының күшiне енгенi туралы соттың хабарламасы түскен күнi, бiрақ келесi жұмыс күнiнен кешiктiрмей, тергеу изоляторының бастығы сотталғанға үкiмнiң заңды күшiне енгенi жөнiнде хабарлайды. Қосымша бұл туралы хабарлама аппеляциялық қаулыны алғаннан кейiн 5 жұмыс күнi iшiнде ҚСАЕК аумақтық органдарына жiбередi.
Өлім жазасына сотталғандарға тергеу изоляторының бастығы Қазақстан Республикасы Президентiнiң атына кешiрiм жасау туралы өтiнiш беру құқығын, оның мерзiмi мен тәртібін, сондай-ақ өтiнiш дайындауда заңды көмек алу құқығын түсiндiредi.
Өлiм жазасын орындауға мораторий енгiзген жағдайда, өлім жазасына сотталған мораторий тоқтатылған соң бiр жыл iшiнде, ол мораторий жарияланғанға дейiн немесе мораторий уақытында өтiнiш берген немесе бермегенiне қарамастан, кешiрiм жасау туралы өтiнiш беруiне құқығы бар.
113. Тергеу изоляторы бастығының қолымен куәландырылған және мекеменiң елтаңбалы мөрiмен бекiтiлген кешiрiм жасау туралы өтiнiштi (33-қосымша) мекеме басшылығының қабылдағанынан үш күннен асырмай Қазақстан Республикасы Президентiнiң Әкiмшiлiгiне жолдайды.
114. Егер өлім жазасына сотталған аталған мерзiм iшiнде кешiрiм жасау туралы өтiнiш бермесе немесе ондай өтiнiш беруден бас тартатынын бiлдiрсе, өлім жазасына сотталған ұсталатын мекеме басшылығы осыған байланысты акті жасайды (34-қосымша).
Үкiмнiң заңды күшiне енгенiне бiр жыл өткеннен кейiн немесе өлiм жазасын орындауға мораторийдiң тоқтатылуына бiр жыл өткеннен кейiн мекеме бастығы немесе оның мiндетiн атқаратын адам, заңдылықтың орындалуын қадағалайтын прокурор және мекеме дәрігерiнiң қатысуымен үш данада акті жасайды, онда өтiнiш бермейтiнi туралы немесе мерзiмiнiң өту себептерi көрсетiледi.
Мекеме бастығының, прокурордың және дәрігердің қолдары қойылған актiге сотталған қол қояды, егер ол қол қоюдан бас тартса, бұл туралы актiде, қол қоятын адамдардың куәландыруымен арнайы белгi соғылады. Мекеменiң елтаңбалы мөрiмен бекiтiлген актiнiң, оның толтыруына 3 күннен кешiктiрілмей 1 данасы сотталғанның тәртібі мінезделетін мәліметтерiмен бiрге Қазақстан Республикасы Президентiнiң Әкiмшiлiгiне жолданады.
115. Кешiрiм жасау туралы өтiнiштің не бас тарту туралы актiнің және мiнездеменiң екiншi даналары өлiм жазасына сотталғанның жеке iсiне тігіледі. Кешiрiм жасау туралы өтiнiштің не бас тарту туралы актiнің үшiншi данасы қылмыстық iстiң материалдарына тiркеу үшін үкiм шығарған сотқа жiберiледi.
116. Сотталғанға өлім жазасы түрiндегi жазаны (рақымшылық жасау тәртібімен немесе апелляциялық не қадағалау сатысы) бас бостандығынан айырумен ауыстырған жағдайда мекеме бастығы мiндеттi түрде бұл туралы сотталғанға жариялайды және үкiм шығарған сот пен жазаны орындау заңдылығын қадағалау жөнiндегi прокурорға хабарлайды. Сотталған түзеу мекемесiне жiберілгенге дейiн өлім жазасына сотталғандарды ұстауға арналған камерадан кез келген кішігірім камераға ауыстырылады.
117. Өлім жазасына сотталғанға мекеме бастығы үкiм заңды күшiне енгеннен кейін өсиет қалдыруға немесе мүлiктік сипаттағы өзге де иеліктерге құқығын түсiндiредi.
118. Өсиет қалдыру, сенiм хат толтыру адвокаттың қатысуымен сотталған ұсталып жатқан мекемеде толтырылады және мекеме бастығымен куәландырылады. Мекеме бастығы аталған құжаттардың толтырылуы және көрсетiлген адресаттарға жiберiлуі туралы анықтама әзірлейді және сотталғанның жеке iсiне тiркейдi.
119. Өлім жазасына сотталғандардың үкiмдерiн орындау Қазақстан Республикасы Әдiлет министрлiгi белгiлеген орындарда жүргiзiледi.
120. ҚАЖ комитетiнiң (өлім жазасына сотталған ұсталып жатқан мекеме қарамағындағы) аумақтық басқармасы бастығы алған үкiм шығарған соттың елтаңбалы мөрiмен куәландырылған орындау туралы ұйғарымы өлім жазасы туралы үкiмдi орындауға негіздеме болып табылады, оған мынадай құжаттар тiркелуi тиiс:
1) соттың өлiм жазасы түріндегі жаза тағайындау туралы үкiмi;
2) Қазақстан Республикасы Президентiнiң өлiм жазасына сотталғанға кешiрiм жасау туралы ұсынымды қанағаттандырудан бас тарту немесе рақымшылық жасау актiсiн қолданбау туралы Жарлығы;
3) Қазақстан Республикасы Бас Прокурорының қадағалау тәртібімен сот үкiмiне наразылық бiлдiруге негiздемелердің жоқтығы туралы қорытындысы;
4) Қазақстан Республикасы Жоғарғы Соты Төрағасының қадағалау тәртібімен iстi қарауға негiздемелердiң жоқтығы туралы қорытындысы.
121. Осы Нұсқаулықтың 120-тармағында аталған соттан алынған құжаттарды, сондай-ақ сотталғанның жеке басын куәландыратын құжатты ҚАЖ комитетiнiң аумақтық басқармасының бастығы ҚР ӘдМ ҚАЖ комитетiнiң төрағасына "Өз қолына" деген белгiсi бар арнаулы құпия пакетпен жiбередi.
122. Қарамағында өлім жазасына сотталған ұсталатын мекеме бар ҚАЖ комитетi аумақтық басқармасының бастығы ҚАЖ комитетiне шифрлы жеделхатпен өлім жазасына сотталғанға ерекше қарауыл беруге өтінім жiбередi. Қазақстан Республикасы IIМ Iшкi әскер комитетi ерекше қарауыл тағайындаған соң, ҚАЖ комитетi аумақтық басқармасының бастығы мекеме бастығына өлім жазасына сотталғанды бекітілген тергеу изоляторында одан әрі ұстау үшін айдауылдауға нұсқау бередi.
123. Өлім жазасына сотталғанды айдауылдауға нұсқау алғаннан кейін мекеме бастығы:
1) оның баратын орнын хабарламай, сотталғанға басқа мекемеге одан әрі ұстау үшiн ауыстырылатынын жариялайды;
2) оны ерекше қарауылмен баратын жерiне жiберiлуiн қамтамасыз етедi;
3) айдауыл жөнiндегi барлық құжаттарында, соның iшiнде жеке iсі бойынша анықтаманың 6-тармағында "одан әрі ұстау үшiн" деп көрсетедi;
4) N 1 нысандағы есепке алу карточкасында "Үкiм бойынша жөнелтілді. Анықтаманы мекеме бастығы бередi" деп белгiлейдi;
5) кездесу және сәлем-сауқат бөлiмдерiнен анықтама карточкасын, сондай-ақ камералық карточкасы мен дәрігерлiк-санитарлық картасын алып, оларды сотталғанның жеке iсiне тiркейдi;
6) сотталғанның жеке iсiне оның қамауда ұсталу кезiнде мекемеге жүгінген зайыбының, жақын туыстарының бар-жоғы туралы жазбаларға салыстыру жүргiзедi.
124. Өлім жазасына сотталғанды бекітілген тергеу изоляторына жiберер алдында және жiберу кезiнде, кешiрiм жасау туралы өтiнiштi қанағаттандырмау немесе рақымшылық жасау актiсiн қолданбау, оның iсi бойынша үкiмдi орындау ұйғарымының болуы туралы хабарлауға тыйым салынады. Туыстарына және өзге де адамдарға өлім жазасына сотталғанның жөнелтілген орны туралы хабарланбайды.
125. Өлім жазасына сотталған үкiм орындалғанға дейiн өлген жағдайда мекеме басшылығы сотталғанның өлiмi жөнiнде мiндеттi түрде үкiм шығарған сотқа, апелляциялық сотқа (егер сотталған апелляция берсе) және Қазақстан Республикасы Президентiнiң Әкiмшiлiгiне (егер онда сотталғанның материалдары қарауда болса) жеделхатпен хабарлайды.
Осындай тәртіппен сотталғанға қатысты басқа да өзгерiстер туралы (оның жаңа қылмыс жасағаны, қашып кетуі және тағы да басқа) хабарланады. Сотталғанның өлiмi заңнамада белгiленген тәртіппен тiркеледi.
126. Өлім жазасына сотталған үкiм орындалғанға дейiн өлгенi туралы туысқандарына адам өлiмi жөнiнде хабар қағаз жiбередi, сонымен бір мезгілде қайтыс болған адамның денесiн беру жөнiндегi мәселе шешiледi.
127. Үкiмi iске асырылған өлім жазасына сотталғанның қайтыс болуын тiркеу мынадай тәртіппен жүргізіледi:
үкiмдi орындаған мекеменің әкімшілігі:
1) сотталғанның жеке басын куәландыратын қоса берілген құжаттарымен бірге қамауда ұстау орынында қайтыс болған адамның өлгені туралы (35-қосымша) хабарламаны өлім жазасы туралы үкiм шығарған сот орналасқан аудандық (қалалық) әділет басқармасына жiбередi.
Аудандық (қалалық) әділет басқармасына жiберiлетiн хабарламада "Өлiм орыны" деген жолда өлім жазасы туралы үкiм шығарған соттың орналасқан жерін көрсетеді. "Өлiм фактiсiн растайтын құжаттар" деген жолда - қай соттың соттағаны, үкiм шығарған уақытын көрсетеді, өлу себебiн көрсетпейдi;
2) үкiм шығарған сотқа үш күндiк мерзімде оның орындалғаны туралы өлім жазасына сотталғанның өлiмiн тiркеген аудандық (қалалық) әділет басқармасын көрсетiп, хабар жiбередi (36-қосымша);
3) үкiм орындалған жердiң ҚСАЕК аймақтық бөлiмiне сотталған жөнiнде хабарламаның (37-қосымша) 2 данасын, соңғысының өлім жазасына үкiм шығарылған жердiң ҚСАЕК аумақтық бөлiмiне және ҚСАЕК орталық органына "үкiм бойынша жөнелтілді" деген белгiсімен үкімнің орындалу фактісін көрсете отырып, бөлек хатпен жiбередi;
4) өлім жазасының орындалғаны туралы (38-қосымша) және өлiмi туралы куәліктi қай жерден алатын хабарламаны зайыбына немесе сотталғанның жақын туыстарының бiрiне жiбередi.
128. Үкiм орындалған өлім жазасына сотталғанның мәйiтiн жерлеген жерi туралы ақпарат беру жөніндегі барлық өтініштер мәні бойынша жауап қайтару үшiн ҚАЖ комитетiне жiберiледi. Үкiм орындалған өлім жазасына сотталғанның мәйiтiн жерлеген жерi жөнiнде мәлімет жерленгеннен кейiн екi жыл өткен соң туыстарына хабарланады, одан бұрын ақпарат сұрағандарға, бұл мәселе бойынша жерленгеннен кейiн екi жыл өткен соң өтiнiш беру қажеттiлiгi туралы хабарлайды.
Үкiм орындалған өлім жазасына сотталғанның зайыбына, туыстарына және өзге де адамдарға үкiм орындалған жерді жария етуге тыйым салынады.
129. Тергеу изоляторының әкімшілігі, әділет органдары және прокуратура үкiм орындалған өлім жазасына сотталғанның туыстарына және өзге де адамдарға өзгелей ауызша және жазбаша анықтамалар бермейдi.
Үкiм орындалған өлім жазасына сотталғанның өлiмi туралы куәлiк алу туралы өтiнiш қайта келсе, өтiнiш берушiлерге үкiм шығарған сотқа жүгінгені жөн екені хабарланады".
2. "Қазақстан Республикасының Әділет министрлігі Қылмыстық-атқару жүйесі комитетінің тергеу изоляторында ұсталатын адамдарды күзету мен қадағалауды ұйымдастыру жөніндегі нұсқаулықты бекіту туралы" Қазақстан Республикасы Әдiлет министрiнің міндетін атқарушының 2004 жылғы 27 тамыздағы N 244 бұйрығына (Нормативтiк құқықтық актiлердiң мемлекеттiк тiзілімiнде N 3064 болып тiркелген) мынадай өзгерiстер мен толықтырулар енгiзiлсiн:
көрсетілген бұйрықпен бекiтiлген Қазақстан Республикасының Әділет министрлігі Қылмыстық-атқару жүйесі комитетінің тергеу изоляторларында ұсталатын адамдарды күзету мен қадағалауды ұйымдастыру жөніндегі нұсқаулықта (бұдан әрі - Нұсқаулық):
6-тармақтағы "300-400" деген сандар "ең көбі 300" деген сөздермен ауыстырылсын;
18-тармақтың екінші абзацындағы "құпия" деген сөз "қызмет бабында пайдалану үшiн" деген сөздермен ауыстырылсын;
28-тармақтың 12) тармақшасындағы "кешкі тамақтану уақыты аяқталған соң" деген сөздер "ұйқыға жатқаннан кейiн" деген сөздермен ауыстырылсын;
133-тармақ мынадай редакцияда жазылсын:
"133. Қару мен оқ дәрілердi есепке алуды, сақтауды режім бөлiмiнiң инспекторы жүзеге асырады.";
139-тармақтың екiншi абзацындағы "тәулік" деген сөздің алдынан "рұқсат қағазы немесе" деген сөздермен толықтырылсын;
9-тараудың тақырыбындағы "ұйымдастыру" деген сөзден кейін "ерекшелiктерi" деген сөзбен толықтырылсын.
3. "Қазақстан Республикасы Әділет министрлігінің Қылмыстық-атқару жүйесі комитеті тергеу изоляторының ішкі тәртіп ережесін бекіту туралы" Қазақстан Республикасы Әдiлет министрiнiң міндетін атқарушының 2004 жылғы 27 тамыздағы N 245 бұйрығына (Нормативтiк құқықтық актiлердiң мемлекеттiк тiзілімiнде N 3062 болып тiркелген) мынадай өзгерiстер мен толықтырулар енгiзiлсiн:
көрсетілген бұйрықпен бекiтiлген Қазақстан Республикасының Әдiлет министрлiгi Қылмыстық-атқару жүйесi комитетi тергеу изоляторларының iшкi тәртiп ережесiнде (бұдан әрі - Ереже):
15-тармақтың екінші абзацындағы сөйлемде "және стационарға жеткiзiлу үшiн шаралар қолданылады" деген сөздер алынып тасталсын;
42-тармақтағы "валюта" деген сөзден кейiн "және мобильдiк байланыс құралдары" деген сөздермен толықтырылсын;
150-тармақтың бiрiншi абзацындағы "жарамды" деген сөзден кейiн "(22-қосымша)" деген сөзбен толықтырылсын;
153-тармақ мынадай мазмұндағы екiншi сөйлеммен толықтырылсын:
"Транзитпен жөнелтілетін адамдарға кездесуге рұқсат берiлмейдi";
156-тармақ мынадай редакцияда жазылсын:
"156. Қорғаушының жеке басын куәландыратын құжаты, адвокатураға қатысын растайтын құжаты, қылмыстық iс жүргiзу заңнамасының нормаларына сәйкес қылмыстық процестi жүргiзушi адам немесе орган берген қылмыстық iске қатысуға растамасы болған жағдайда, қорғаушыға сезiктiмен немесе айыпталушымен кездесуге рұқсат беріледі";
186-тармақ мынадай мазмұндағы бiрiншi сөйлеммен толықтырылсын:
"186. Бұлтартпау шаралары ретiнде қамауға алу мерзiмiн ұзарту туралы хабарламаны факсимильдi байланыспен қабылдауға болады, хабарламаның түпнұсқасы поштамен қабылданады";
мынадай редакциядағы 22-тараумен толықтырылсын:
"22-тарау. Өлiм жазасына сотталғандарды немесе өмiр бойы бас бостандығынан айыруға сотталғандарды ұстау
190. Өлiм жазасына сотталғандарды немесе өмiр бойы бас бостандығынан айыруға сотталғандарды айдауылдан қабылдауды кезекшi көмекшi өзi жүргізеді. Қабылдағаннан кейін ол тергеу изоляторының бастығына немесе оның орынбасарына өлім жазасына немесе өмір бойы бас бостандығынан айыруға сотталғанның келуiн хабарлайды, оны күзетудi және қамауда ұсталып жатқан адамдардан оқшаулауды қамтамасыз етедi. Сотталғанды камераға айдауылдауға кемінде екi қызметкерден тұратын айдауыл тағайындалады, сотталғанға "қолы артында" қалпында қолына кiсен салынады. Келген сотталғанның жеке iсiн кезекшi тергеу изоляторының бастығына тапсырады.
191. Адамды өлім жазасына немесе өмір бойы бас бостандығынан айыруға соттау туралы сот үкiм шығарғаннан кейін, ол адам тергеу изоляторының арнайы жабдықталған камерасында ұсталуға жатады (18-қосымша) және белгiленген үлгідегі киiм киедi (19-қосымша). Сақтауға тыйым салынған басқа киiм мен бұйымдар алынып, қоймаға тапсырылады. Өмiр бойы бас бостандығынан айыруға сотталған жазасын өтеу үшiн түзеу мекемесiне кеткен соң, аталған заттар тiзiм бойынша сол мекемеге берiледi, өлiм жазасына сотталғандардың заттары олардың туыстарына берiледi, олар болмаған жағдайда заңнамада белгiленген тәртіппен мемлекет кірісіне тапсырылады.
Өлім жазасына немесе өмір бойы бас бостандығынан айыруға сотталғандар адам басына кемінде екi шаршы метр тұрғын ауданмен қамтамасыз етiледi. Өмір бойы бас бостандығынан айыруға сотталғандар ең көбі екi адамнан, өлім жазасына сотталғандар бiр адамдық камераларда орналастырылады. Өлім жазасына немесе өмір бойы бас бостандығынан айыруға сотталғандарды ұстауға арналған камералар, өзге адамдардың қозғалысы шектелген, бөлек секцияларда немесе режим корпусы дәлізінің соңында орналасады.
Камера есiктерi құлыппен жабдықталады. Осы посты камераларының ортақ кiлтi посты бақылаушысында, екiншi арнайы құлыптың кiлтi - кезекшiде болады. Камераның есiк көзәйнегi құлпының кiлтi үнемі корпус бойынша аға бақылаушыда болады.
192. Камераның жанындағы посты екi жақты дабыл-дыбыс бергіш хабарлағышпен, тергеу изоляторының кезекшi бөлiмiнiң пультiмен, тiкелей телефонмен жабдықталады. Мекемеде өлім жазасына немесе өмір бойы бас бостандығынан айыруға сотталғандарды ұстауға арналған камералар бесеуден асса, олардың күзетуге және қадағалауға арнайы посты қойылады. Камералардың саны одан аз болғанда күзету және қадағалау осы коридорда қызмет жүргiзетiн бақылаушыға жүктеледi.
193. Өлім жазасына немесе өмір бойы бас бостандығынан айыруға сотталғандарды күзету және қадағалау постына белгiленген бақылаушыларға кезекшi әрбір кезекке түсу кезінде жеке нұсқау береді және олар мiндеттi түрде арнайы құралдармен, соның iшiнде резеңке таяқпен, кiсенмен және аэрозольдық бұйыммен жабдықталады. Өлім жазасына немесе өмір бойы бас бостандығынан айыруға сотталғандарды ұстайтын постында қызмет өткеру тәжiрибелi, күштi, қол ұрысын жақсы меңгерген күзетшiлерге жүктеледi.
194. Өлім жазасына немесе өмір бойы бас бостандығынан айыруға сотталғандарды күзету және қадағалау жөніндегі ішкі пост бақылаушыларына:
1) камералардың есiктерiн ашық қалдыруға немесе iшiнде сотталғандар болғанда есiктен шектегiштi алуға;
2) бiрнеше сотталғандарды және бөлек камерада ұсталып жатқан сотталғандарды бiр мезгiлде шығаруға;
3) тамақ тарату кезiнде iшкi тор есiктi ашуға;
4) кезекшi, корпус бойынша аға бақылаушылардың рұқсатынсыз өз бетiмен камераны ашуға;
5) сотталғандармен қызметтен тыс байланыс жасауға және қызметке қатысы жоқ бөтен әңгiме жүргiзуге тыйым салынады.
195. Сотталғандарды жуындыру камера бойынша бiр-бiрiнен оқшауланған бокстарда, 7 күннен асырмай жүргiзiледi. Бұл ретте, кiсендер жуыну боксына кiрген кезде және тор есiк жабылған соң шешiледi. Қажет болған жағдайда, өлім жазасына немесе өмір бойы бас бостандығынан айыруға сотталғандарды бақылай отырып, жуынар алдында шашын алады, оларға қысқа шаш өсiруге рұқсат етiледi, шаш алу кезiнде сотталғаннан кiсен шешiлмейдi. Жуынатын күнi iшкi киiм және төсек-орны ауыстырылады, сондай-ақ жууды қажет ететiн киiмдері ауыстырылады. Сотталғандарға өз бетiмен жуынуға тыйым салынған.
196. Өлім жазасына немесе өмір бойы бас бостандығынан айыруға сотталғандар өздерiнiң жеке шоттарынан бір айлық есептік көрсеткiш мөлшерiнде ай сайын азық-түлік пен бiрiншi қажеттегі бұйымдарды сатып алуға арналған қаражат жұмсауға, көрсетілген бұйрықпен бекітілген "Өлім жазасына немесе өмір бойы бас бостандығынан айыруға сотталғандарға өздерiмен бірге және камераларда ұстауға рұқсат етiлген бұйымдардың, заттардың және азық-түліктің тiзбесiнде" (бұдан әрі - Тізбе) көзделген азық-түлік пен бiрiншi қажеттегі бұйымдарды өздерiмен бірге және камераларда сақтауға (20-қосымша), Тізбеде көзделген азық-түлік пен бiрiншi қажеттегі бұйымдарды мекеменiң дүкенiнен сатып алуға (21-қосымша), Қазақстан Республикасы Қылмыстық-атқару кодексiнiң 121-бабына сәйкес сәлем-сауқат алуға құқылы.
197. Өлім жазасына немесе өмір бойы бас бостандығынан айыруға сотталғандарға заңнамаға сәйкес жақын туыстармен немесе өзге адамдармен кездесу ұсынылады. Үкiм заңды күшiне енгенге дейiн кездесудi тергеу изоляторының бастығы iс бойынша төрағалық ететiн немесе үкiмдi шығарған сот төрағасының жазбаша рұқсаты бойынша ғана ұсынады.
Кездесуге соттың мөрiмен расталған жазбаша рұқсатта: кiмге және кiм ұсынатыны көрсетiледi. Сотталғанмен кездесуге бiр мезгілде ең көбі екi үлкен адам мен екi бала жiберiледi. Өлім жазасына немесе өмір бойы бас бостандығынан айыруға сотталғанның қалауы бойынша дiни қызметшiмен кездесу ұсынылады.
198. Өлім жазасына немесе өмір бойы бас бостандығынан айыруға сотталғанның туған-туыстарымен немесе өзге адамдармен қысқа мерзiмдi кездесуi режимдiк корпуста бекет бақылаушысының кабинетiнде жүргiзiледi. Кездесу өту барысында резервтік топтағы екі бақылаушы және ілесіп жүруші бақылаушы қатысады. Кездесу алдында және ол аяқталғаннан кейін сотталғанға тінту жүргізіледі.
199. Өлім жазасына немесе өмір бойы бас бостандығынан айыруға сотталғанның қорғаушысы ретiнде iске қатысатын адвокатпен кездесу жеке, ұзақтығы мен саны шектелмей ұсынылады. Адвокатпен кездесуде сотталған өзiмен бiрге қылмыстық iске қатысты құжаттар мен жазбалар алуға құқылы.
200. Өлім жазасына немесе өмір бойы бас бостандығынан айыруға сотталғаның:
1) белгiленген киiм түрiн бұзуына;
2) күзетпен бiрге жүрмей және қолға арттан кигiзiлген қол кiсендерiнсiз, көзге байлайтын көрiнбейтiн материалдан орамасыз (демалу аулаларында, жуыну бокстарында, камералардан басқа) мекеме аумағы бойынша жүруіне;
3) әкiмшiлiктiң рұқсатынсыз терезе әйнектерiн ашып-жабуына;
4) камераларда киiм жууына;
5) қарау көздерiн жабуына;
6) басқа камерадағы сотталғандармен байланыс жасауына жол берiлмейдi.
201. Өлім жазасына немесе өмір бойы бас бостандығынан айыруға сотталған режим талаптарын бұзатын адамдарға мекеме әкiмшiлiгi мынадай жаза шараларын:
1) сөгiс;
2) 15 тәулікке дейiн карцерде ұстауды қолдана алады.
203. Карцерде ұстау түрiндегi жаза мекеме бастығының қаулысымен және сотталғанды карцерде ұстау мүмкiндiгi туралы медициналық қызметкердiң қорытындысымен рәсiмделедi.
Сотталған жаза қолданылғанға дейiн ұсталған сол камерада жазасын өтейдi. Егер камерада жазасын өтеу үшiн жазаға тартылған екi сотталған ұсталса, басқа камераға ауыстырылады.
Жазаны өтеу кезеңiнде (карцерге енгiзу) төсек жабдықтары алынады және белгiленген уақытта ұйықтау кезiнде берiледi. Сотталған кiтап, журнал, газет алу, хат, сәлем-саухат, сәлемдеме, азық-түлiк тағамдарын алу және бiрiншi қажеттi заттар алу, үстел үстi ойындарын пайдалану құқығынан айрылады. Карцерге қамалғандарға жақын туыстармен, дiни қызметшiлермен (адвокатпен кездесуден тыс) кездесу ұсынылмайды.
204. Өлім жазасына немесе өмір бойы бас бостандығынан айыруға сотталғандар тергеу изоляторында болған уақытта олардың белгiленген заңнама шегiнде материалдық залал келтiргенi үшiн материалдық жауапкершiлiкке тартылады.
205. Өлім жазасына немесе өмір бойы бас бостандығынан айыруға сотталғандар еңбекке (камерада өзiне қызмет көрсетуден тыс) тартылмайды.
Камераларды жинауды сотталғандар кезекшiлiк тәртібімен жүргiзедi. Керуеттердi жинау кезiнде металл құралдарын қарау үшiн матрацты екi рет бүктейдi, керуеттердi жинау белгiленген үлгiде жүргiзiледi.
206. Өлім жазасына немесе өмір бойы бас бостандығынан айыруға сотталғандар жалпы нормалар бойынша үш рет ыстық тамақпен қамтамасыз етiледi. Тамақты тарату кезекшiнiң қатысуымен бақылаушылардың қадағалауымен жүргiзiледi.
Тамақты өлім жазасына немесе өмір бойы бас бостандығынан айыруға сотталғандардың камерасына кемінде 3 бақылаушының қатысуымен ас блогының қызметкерi күн тәртібімен белгiленген уақытта, камера бойынша, көзәйнек арқылы бередi.
Өлім жазасына немесе өмір бойы бас бостандығынан айыруға сотталғанға пайдалануға рұқсат берiлген мүлiктер және құралдарды (хаттар, медициналық заттар, кiтаптар және т.б.) беру кезiнде арнайы құралдар пайдаланылады, сонымен бiрге есiк көзәйнектерi ашылады, камералардың есiгi ашылмайды.
207. Кезекшiлiктi қабылдау-тапсыру кезiнде сотталғандарды санап тексеру есiк әйнегi арқылы, камераға кiрмей жүргiзiледi.
208. Сыртқы есiктiң көзәйнектерiн ашқаннан кейiн өлім жазасына немесе өмір бойы бас бостандығынан айыруға сотталғандар пәрмен бойынша бетi қабырғаға қарай, аяқтарын иық енiмен бiрдей етiп түзеледi, қолдарын қабырғаға тiрейді, саусақтары ашып, алақандарын жаяды. Камера бойынша кезекшi белгiленген нысанда баянат жасайды.
Өлім жазасына немесе өмір бойы бас бостандығынан айыруға сотталғандарға арналған камералардағы көзәйнектер ұзындығы кемінде 130 см болатын басында iлмегi бар арнайы шыбықпен ашылады, оны бақылаушы сотталғанға есiктегi көзәйнек арқылы бередi, бұл ретте шыбықтың доғал ұшы сыртқа қаратылып беріледі және сотталған оны кейiн қарай сол тәртіп бойынша бередi.
209. Камера тiкелей қажеттiлiк жағдайнда ғана кезекшiнiң немесе оның орынбасарының қатысуымен (егер осы кезде тергеу изоляторының Өлім жазасына немесе өмір бойы бас бостандығынан айыруға сотталғанға кезекшi бақылаушыны есептемегенде, екi қызметкерден кем болмауы тиiс. Кезекшi бақылаушы есiктi ашқан соң сотталғандарға сапқа тұру жөнiнде пәрмен бередi, оның берген пәрменi орындалғанына көзi жеткен соң, камера кезекшiсiнiң баяндауынан соң, алып барушының бұйрығымен ғана сыртқы есiктi ашады, содан соң, iшкi темiр торды қарап есiктегi көзәйнек арқылы кезекпен сотталғандардың қолдарына кiсен салады. Ол үшiн сотталған артына салынған қолдарын көтерiп есiкке жақындайды, және есiкке, артқа қарап есiктегi көзәйнекке қолын созады. Бақылаушы қолына кiсен салады, содан кейiн сотталған қабырғаға келiп оған бетi қарап тұрады.
210. Сотталғандарды камерадан шығару кезекшiнiң, бiр сотталғанға есептегенде резерв тобының кемінде екi қызметкерінің қатысуымен мынадай тәртіппен жүргiзiледi:
1) камера бойынша кезекшiнiң баяндамасынан соң, кезекпен iшiндегi тор есiктегi көзәйнек арқылы қолдарына кiсен салынады;
2) сотталғандар камера iшiнде қабырға бойында бақылаушы әрқайсысын көре алатындай сапқа тұрады;
3) бақылаушы кезекшiнiң тапсырмасы бойынша iшкi тор есiктi ашып, дәлiзге шығады;
4) бақылаушының тапсырмасы бойынша сотталғандар бiртiндеп қолдарын арт жағына көтерiп, саусақтарын тарбитiп, алақандарын сыртқа қаратып дәлiзге шығып осындай қалыпта қабырғаға қарап тұрады;
5) постынан шығар алдында сотталғанның көзiне мөлдiр емес матадан көзiне орама таңады.
211. Өлім жазасына немесе өмір бойы бас бостандығынан айыруға сотталғандарды серуенге шығарарда резервтегi топтың бақылаушысы оларға ауысым бойынша iшкi темiр тор есiгiнiң көзәйнегi арқылы аяқ киiм, киiм бередi. Содан кейiн осы Ережелерге сәйкес сотталғандарға кiсен салынады, серуендейтiн аулаға айдауылда бақылаушы сотталғандардың қолын арттарында ұстауды талап етедi. Серуендейтiн аулада сотталғандар есiкке қарама-қарсы қабырғаға бетiмен қарап сапқа тұрады. Серуендейтiн ауланың есiгi құлыптанады. Бақылаушының тапсырмасы бойынша сотталғандар бiртiндеп серуендейтiн ауланың есiк көзәйнегiне келедi және серуен уақытында қолдарынан кiсен алынады. Серуен бiткен соң сотталғандардың айдауылдауы кейiн қарай тәртіппен өтедi.
212. Өлім жазасына немесе өмір бойы бас бостандығынан айыруға сотталғандарды серуендету күн сайын тәуліктің күндiзгi уақытында, камера бойынша, бір-бірінен оқшауланған серуендеу аулаларында жүргiзiледi. Сотталғандар осы Ережеде белгіленген талаптарды бұзған жағдайда серуендетуді кезекшi мерзімінен бұрын аяқтауы мүмкiн.
213. Терезелердің, торкөздердің, едендердің, төбенің және камера мүкаммалының сақталуын тексеру және сақтауға тыйым салынған бұйымдарды табу үшін камераларды ішкі техникалық жіті қарау мен тiнтуді корпус бойынша аға бақылаушы мен резерв тобының бақылаушысы кезекшi немесе оның орынбасарының басшылығымен күн сайын серуендеу уақытында немесе тергеу изоляторының бастығы белгiлеген уақытта жүргiзедi.
Егер жіті қарау мен тiнту сотталғандарды серуендету кезеңінде жүргізілмесе, камераны жіті қарау мен тiнту уақытында сотталған одан басқа бос камераға немесе режим корпусының үй-жайына не күшейтiлген күзетпен дәлiзге шығарылады.
214. Төтенше жағдай туындағанын байқаған постыдағы бақылаушы немесе әкiмшiлiк өкiлi дабыл бергішті қосу арқылы белгі береді не радио-телефон байланысы арқылы дабыл көтередi. Инженерлiк-техникалық күзет құралдарының бақылаушы-операторы дабыл қабылдаған соң, дауыс күшейткіш радиобайланыспен мекеме бойынша дабыл қағады және кезекшiге баяндайды.
215. Кезекшi немесе оның орынбасары өзiнiң түнгі уақыттағы кезекшілік уақытында өлім жазасына немесе өмір бойы бас бостандығынан айыруға сотталғандар ұсталатын камералар күзетiн кемінде үш реттен тексеруге, тексеру нәтижелерi туралы посты ведомосына белгi қоюға міндетті.
216. Өлім жазасына немесе өмір бойы бас бостандығынан айыруға сотталғандарға медициналық көмек көрсету ұстау камераларында тікелей жүргізiледi. Сотталғанды медициналық бөлiмге ауыстыру тек тергеу изоляторы бастығының немесе оны алмастыратын адамның жазбаша берген нұсқауы бойынша және медициналық шұғыл араласу немесе басқа медициналық көрсеткiштер бойынша кезек күттірмейтін жағдайларда ғана жүргiзіледi. Тергеу изоляторының медициналық бөлiмiнде хирургиялық үстел, стоматологиялық кабинетте кресло, сотталғанның қолын кiсендеуге арналған кронштейндермен жабдықталған рентген аппараты болатын арнайы кабинеттер жабдықталады.
Инфекциялық аурумен науқастанған жағдайда, сотталғанға тиісті санитарлық-iндетке қарсы шаралар жүргiзiлiп, камерада жалғыз ұсталады.
217. Өлім жазасына немесе өмір бойы бас бостандығынан айыруға сотталғандарды бiр камерадан басқа камераға ауыстыру тергеу изоляторы бастығының жазбаша нұсқауымен жүргiзiледi.".
Ережеге 6-қосымшаның 1) тармақшасы мынадай редакцияда жазылсын:
"1) жылытуды қажет ететiн, тез бұзылатын азық-түлiктен, сондай-ақ ашытқыдан, алкоголь iшiмдiктерiнен және сырадан басқа азық-түлiк. Азық-түлiктiң тiзiмi санитарлық-эпидемиологиялық қызметтiң ұйғарымы бойынша шектелуi мүмкiн. Сезiктi мен айыпталушының өзiмен бiрге сақтай алатын азық-түлiктiң, бірінші қажетті бұйымдардың, аяқ-киімінің, киімінің және басқа да өнеркәсіптік тауарлардың жалпы салмағы 35 килограмнан аспауы тиiс;";
4. Қазақстан Республикасы Әдiлет министрлiгi Қылмыстық-атқару жүйесi комитетінің және Комитеттің аумақтық бөлімшелерінің жеке құрамы өз қызметінде осы бұйрықты басшылыққа алсын.
5. Осы бұйрықтың орындалуын бақылау Қазақстан Республикасы Әдiлет министрлiгi Қылмыстық-атқару жүйесi комитетiнiң Төрағасына жүктелсiн.
6. Осы бұйрық оның мемлекеттiк тiркелген күнінен бастап қолданысқа енгізіледi.
Министр
КЕЛIСIЛДI
Қазақстан Республикасы
Бас Прокурорының бiрiншi орынбасары
2-дәрежелi мемлекеттiк әділет кеңесшiсi
2006 жылғы 8 маусым
КЕЛIСIЛДI
Қазақстан Республикасы
Жоғары сотының Төрағасы
2006 жылғы 26 мамыр
Қазақстан Республикасы
Әділет министрінің 2006 жылғы
9 маусымдағы N 175 бұйрығына
1-қосымша
ҚР ӘдМ 2004 жылғы 9 шілдедегі
N 210 бұйрығымен бекітілген,
Қазақстан Республикасы
Әділет министрлігінің
Қылмыстық-атқару жүйесі
комитеті тергеу
изоляторларының арнайы
есеп бөлімдерінің жұмысы
туралы нұсқаулыққа
33-қосымша
Қамауда ұстау орнында қайтыс болған адамның өлімі туралы
хабарлама
__________ облысы (қ-сы) Әділет департаментінің АХАЖ бөлімінің бастығына
Сотталғанның өлімін тіркеуіңізді өтінемін:
1.Тегі ___________ 2. Аты _______________ 3. Әкесінің аты___________
4. Жынысы __________________________________________________________
5. Ұлты ____________________________________________________________
6. Өлген уақыты ____________________________________________________
(үкімнің орындалу күні көрсетіледі)
7. Өлген жері ______________________________________________________
(үкім шығарған соттың тұрған орны көрсетіледі)
____________________________________________________________________
(республика, облыс, аудан, қала (мекен)
8. Туған жылы 19 ___ жылғы "___" ________.
9. Туған жерi ______________________________________________________
(республика, өлке, облыс, аудан, қала (мекен)
10. Жасы:______________________________________________ жасқа толды.
11. Қамауға дейінгі тұрақты тұрған жері_____________________________
(республика, өлке, облыс, аудан,
қала (мекен) көше, үй, пәтер)
қамауға дейiн ___________________ жылдан бастап тұрақты тұрған жерi.
12. Отбасы жағдайы (астын сызу керек): некеде тұрған, ешқашан некеде
тұрмаған, жалғызбасты, ажырасқан.
13. Қамауға алынғанға дейін қайда және кім болып жұмыс істеген
____________________________________________________________________
14. Білімі (астын сызу керек): жоғары, аяқталмаған жоғары, арнайы
орта, жалпы орта, толық емес орта, бастауыш және төмен
15. Өлгенін растайтын құжаттар______________________________________
(қай соттың соттағаны және үкім
шығарылған күн көрсетіледі)
16. ___________ мекен жайы бойынша үкiм шығарған сотқа өлiмi туралы
акт жазбасының күнiн және нөмiрiн хабарлауды өтiнемiн.
Бастық __________________ Мөр ______________________
(мекеме атауы) қолы
Қазақстан Республикасы
Әділет министрінің 2006 жылғы
9 маусымдағы N 175 бұйрығына
2-қосымша
ҚР ӘдМ 2004 жылғы 9 шілдедегі
N 210 бұйрығымен бекітілген,
Қазақстан Республикасы
Әділет министрлігінің
Қылмыстық-атқару жүйесі
комитеті тергеу
изоляторларының арнайы
есеп бөлімдерінің жұмысы
туралы нұсқаулыққа
34-қосымша
үлгі
Қазақстан Республикасы Президенті Әкімшілігінің
Құқық қорғау және сот жүйесі мәселелері жөніндегі бөлімі
Астана қаласы
көшірмесі: Алматы қаласы Алматы қалалық соты
Акті
200 __ жылғы "___" _________ ______________ қ-сы
Біз, төменде қол қоюшылар, Маңғыстау облысы бойынша ҚАЖКБ МЛ-112/6 мекемесінің бастығы әділет полковнигі І.И. Ахметов, Маңғыстау облысы (қаласы) прокуратурасының бас бостандығынан айыру орындарындағы заңдылықтың сақталуын қадағалау жөніндегі прокуроры әділет аға кеңесшісі И.А. Смирнов, мекеме дәрігері Е.У. Қалибековтің қатысуымен, 200 __ жылғы "__" _____ ҚР ҚК-нің 96-бабы 2-бөлімінің "б" тармағы бойынша облыстық сот өлім жазасы - атуға соттаған 1955 жылы туған Иван Николаевич Сидоровқа мекеме бастығы 200 __ жылғы "__" _____ Қазақстан Республикасы Жоғарғы Сотының үкім заңды күшіне енгені туралы анықтамасын жариялаған. Сонымен бір мезгілде И.Н. Сидоровқа үкім заңды күшіне енгеннен кейін бір жыл ішінде, яғни ___ жылғы __ маусымдағы 24 сағатты қоса алғанға дейін, өлім жазасына мораторий енгізілген жағдайда - мораторидің күші жойылғаннан кейін, ол мораторий жариялағанға дейін не оның қолданылу уақытында қолдаухат бергеніне немесе бермегеніне қарамастан, кешірім жасау туралы қолдаухат беруге оның құқығы бар екені түсіндірілген. Мұндай қолдаухат беру тәртібі мен қолдаухат әзірлеуде заңгерлік көмек алу құқығы да түсіндірілген.
Көрсетілген мезгілде И.Н. Сидоров кешірім жасау туралы қолдаухат берген жоқ.
Бүгін, 200 __ жылғы "__" _______, жоғарыда аталған адамдардың қатысуымен, И.Н. Сидоровқа қолдаухат беру мерзімінің өткені туралы хабарланды. Сотталған И.Н. Сидоров себебін айтпай (немесе актіде айтылған себебін көрсету керек), кешірім жасау туралы қолдаухат беруден бас тартатынын мәлімдеген.
Бұл туралы осы акті жасалды.
Акті жасаған адамдардың қолы _________________________________
Осы акті маған жарияланды ________________ (сотталғанның қолы)
Ескерту: Қол қоюдан бас тартқан жағдайда, акті жасаған адамдар куәландырған белгі соғылады. Акті мекеменің елтаңбалы мөрімен бекітіледі.
Қазақстан Республикасы
Әділет министрінің 2006 жылғы
9 маусымдағы N 175 бұйрығына
3-қосымша
ҚР ӘдМ 2004 жылғы 9 шілдедегі
N 210 бұйрығымен бекітілген,
Қазақстан Республикасы
Әділет министрлігінің
Қылмыстық-атқару жүйесі
комитеті тергеу
изоляторларының арнайы
есеп бөлімдерінің жұмысы
туралы нұсқаулыққа
35-қосымша
үлгі
Қазақстан Республикасы Президенті Әкімшілігінің
Құқық қорғау және сот жүйесі мәселелері жөніндегі бөлімі
Астана қаласы
көшірмесі: Алматы қаласы Алматы қалалық соты
ҚР ҚК-нің _____ баптары бойынша Алматы қалалық соты 200 __ жылғы "__" _____ өлім жазасына соттаған 19 __ жылғы "__" _____ туған __________ кешірім жасау туралы қолдаухатын жіберіп отырмыз, Қазақстан Республикасы Жоғарғы Сотының қылмыстық істер жөніндегі алқасының 200 ___ жылғы "__" ______ қаулысымен үкім өзгеріссіз қалдырылған. Мекемеде 200 __ жылғы "__" _______ бастап ұсталған кезең ішінде ұсату режимін бұзған (бұзбаған), ___ рет карцерге қамалған.
Қосымша: 1. ___ парақта кешірім жасау туралы қолдаухаты.
2. ___ парақта сотталғанның жеке ісі бойынша сауалнамалық деректері.
Алматы қаласы және
Алматы облысы бойынша ҚАЖКБ
ЛА-155/1 мекемесінің бастығы _________
(қолы)
Қазақстан Республикасы
Әділет министрінің 2006 жылғы
9 маусымдағы N 175 бұйрығына
4-қосымша
ҚР ӘдМ 2004 жылғы 9 шілдедегі
N 210 бұйрығымен бекітілген,
Қазақстан Республикасы
Әділет министрлігінің
Қылмыстық-атқару жүйесі
комитеті тергеу
изоляторларының арнайы
есеп бөлімдерінің жұмысы
туралы нұсқаулыққа
36-қосымша
үлгі
__________________сотының
(соттың атауы)
төрағасына
__________________қ-сы
Өлім жазасына сотталғанға
үкімнің орындалуы туралы
Қашан қай сот және ҚР ҚК-нің қандай бабы бойынша соттаған, үкiм қай сот органының өкiмi бойынша және қашан орындалған (осы хабарламада үкiмнiң орындалу орны көрсетiлмейдi).
Сотталған (аты-жөні) өлiмiн тiркеу ____________АХАЖ бөлiмiнде
(АХАЖ органының атауы)
жүргiзiлдi.
Бастық __________________ ____________
(мекеменің атауы) (қолы)
Қазақстан Республикасы
Әділет министрінің 2006 жылғы
9 маусымдағы N 175 бұйрығына
5-қосымша
ҚР ӘдМ 2004 жылғы 9 шілдедегі
N 210 бұйрығымен бекітілген,
Қазақстан Республикасы
Әділет министрлігінің
Қылмыстық-атқару жүйесі
комитеті тергеу
изоляторларының арнайы
есеп бөлімдерінің жұмысы
туралы нұсқаулыққа
37-қосымша
Салыстырылған және фамилиялық картотекада
_________________________ белгiлендi
N ______________________ жеке ісі
Сотталған (қамауға алынған) туралы хабарлама
1. Тегі ____________________________________________________________
2. Аты _____________________________________________________________
3. Әкесінің аты ____________________________________________________
4. 19 ___ жылы "___" _________________________________________ туған
5. Туған жері_______________________________________________________
(облыс, қала, аудан, елді мекен)
6. Қылмыстық жауапкершілікке тартылмай тұрғанға дейінгі мекен жайы
____________________________________________________________________
7. 200 ___ жылғы "___" ______________ қамауға алынды.
8. 200 ___ жылғы "___" ______________ сотталды.
(соттың атауы)
________________________ Қылмыстық кодексi ____________________ бабы
(республикасы)
мерзімі _____жыл ______ай
_____________________________
____________________________________
(негізгі және қосымша жазалау шаралары)
____________________________________________________________________
(қашан, қандай сотпен аса қауіпті қайталап қылмыс жасаушы деп
танылды)
9. Үкім 200 ___ жылғы "___" ______________ заң күшіне енді.
10. Үкім 200 ___ жылғы "___" ______________ өзгертілді.
(қаулы және сот атауы)
200 ___ жылғы "___"_________________________________________________
(қаулының мазмұны)
____________________________________________________________________
____________________________________________________________________
____________________________________________________________________
(келесі беті)
11. Келдi, кетті
200 ___ жылғы "___" _____________________________________________
(мекеменің шартты атауы)
____________________________________________________________________ (және оның орналасқан жері, облыс)
12. Босатылды
200 ___ жылғы "___" _____________________________________________
(негiздеме, кiммен және қашан қабылданды
____________________________________________________________________
және оның мазмұны шартты түрде және шартты түрде мерзімінен бұрын
босатылуы - өтелмеген мерзімі)
13. Босатылуы бойынша кеткендері
____________________________________________________________________
(таңдап алған тұрғылықты жері)
14. Белгiлеу бойынша бас бостандығынан айрылған жеріне қайтарылды
____________________________________________________________________
(сот атауы және қаулының шығарылған күні, қандай мерзімде және
есептеудің басталуы)
15. 200 ___ жылғы "___" _______________________________ қайтыс болды
Өлгені туралы хабарлама __________________________________жіберілді.
(АХАЖ органының атауы және күні)
16. Хабарламаны әзірлеген
____________________________________________________________________
(мекеменің шартты атауы және оның орналасқан жері)
____________________________________________________________________
(елді мекен, облыс)
Орындаушы___________________________________________________________
(қолы, аты-жөні)
Бастық______________________________________________________________
(қолы, аты-жөні)
200 ___ жылғы "__" _______
Ескерту: 1-6, 16-тармақтар барлық жағдайларда, 8-тармақ сотталғандарға ғана, қалғандары - хабарламаны әзірлеу мақсатына қарай (босатылуы, бас бостандығынан айыру орнына қайтарылуы және сол сияқты) толтырылады (өлшемі 150х210).
Қазақстан Республикасы
Әділет министрінің 2006 жылғы
9 маусымдағы N 175 бұйрығына
6-қосымша
ҚР ӘдМ 2004 жылғы 9 шілдедегі
N 210 бұйрығымен бекітілген,
Қазақстан Республикасы
Әділет министрлігінің
Қылмыстық-атқару жүйесі
комитеті тергеу
изоляторларының арнайы
есеп бөлімдерінің жұмысы
туралы нұсқаулыққа
38-қосымша
__________ мекен-жайында тұратын
азамат _________________________
Сізді ӨЖ сотталған (тегі, аты, әкесінің аты) (бұдан әрі:, туған жылы және туған жері, қашан, қай сот, ҚР ҚК қандай бабымен сотталған, қай сот органының ұйғарымымен және үкім қашан орындалғаны, күні, айы жылы көрсетіледі) ісі бойынша үкiмнің орындалғаны жөнінде хабардар етеміз.
Сотталған _______________ -ң өлiмiн тiркеу ___________ облысы Әдiлет департаментiнiң АХАЖ бөлiмiнде жүргізілді.
Үкімді орындау пунктінің әкімшілігі
Қазақстан Республикасы
Әділет министрінің 2006 жылғы
9 маусымдағы N 175 бұйрығына
7-қосымша
ҚР ӘдМ 2004 жылғы 9 шілдедегі
N 210 бұйрығымен бекітілген,
Қазақстан Республикасы
Әділет министрлігінің
Қылмыстық-атқару жүйесі
комитеті тергеу
изоляторларының арнайы
есеп бөлімдерінің жұмысы
туралы нұсқаулыққа
39-қосымша
______________ҚАЖКБ N ______
(облыс атауы)
тергеу изоляторының бастығына
Адамның қылмыстық іс бойынша қорғаушы ретiнде қатысуын
РАСТАУ
ҚР ҚК ___ бабымен көзделген қылмыс жасағаны үшiн жазаға тартылған, 19 __ жылғы "__" _______ туған
___________________________________________________________ қатысты
(қамауда ұсталушы адамның тегі, аты, әкесінің аты)
азамат __________________ ________________________________________
(тегі, аты, әкесінің аты) (адвокат, кәсіподақ (қоғамдық
бірлестік) өкілі, өзге тұлға)
және ____________________________іс жүргізуіндегі N ___ қылмыстық іс
(қылмыстық процесс жүргізуші
орган атауы)
бойынша қорғаушы болып табылатынын хабарлаймыз.
Растау ___________________________________________________ жарамды.
(тергеудің барлық кезеңіне, белгілі бір күнге дейін)
___________________________________________________қолы ____________
(қылмыстық іс іс жүргізуінде болатын адамның
лауазымы, аты-жөні)
"___"_____________
КЕЛІСЕМІН
__________________________________________________ қолы ____________
(қылмыстық іс іс жүргізуінде болатын орган
басшысының лауазымы, аты-жөні)
"___"_____________
М.О.
Қазақстан Республикасы
Әділет министрінің 2006 жылғы
9 маусымдағы N 175 бұйрығына
8-қосымша
Қазақстан Республикасы Әдiлет
министрiнiң мiндетiн атқарушының
2004 жылғы 27 тамыздағы
N 245 бұйрығымен бекiтiлген,
Қазақстан Республикасының
Әдiлет министрлiгiнiң Қылмыстық-
атқару жүйесi комитетi тергеу
изоляторларының iшкi тәртiп
ережесiне 18-қосымша
Тергеу изоляторының өлім жазасына немесе өмір бойы бас
бостандығынан айыруға сотталғандарды ұстауға арналған
камерасын жабдықтау сипаттамасы
1. Өлім жазасына немесе өмір бойы бас бостандығынан айыруға сотталғандарды ұстауға арналған үшiн камералар санитарлық тораппен және қол жуғышпен жабдықталады. Камерада берік темір керует, қабырғаға немесе еденге нық бекітілген металл немесе ағаш үстел мен орындық қойылады.
2. Камера терезесі берік металл тормен жабдықталады. Терезелерге ішкі жағынан терезе торына кіруден қорғайтын "рабица" түрiндегi жиi металл тор ілінеді, ал терезенің сыртқы жағынан камераға табиғи жарық түсуіне кедергі келтірмейтін оқшаулаушы металл қақпал - жалюзи орнатылады.
3. Камера есіктері ішкі жағынан темірмен оратылады. Есіктер камераға тамақ пен өзге де заттарды енгізуге арналған "көзшемен" және желдеткішпен жабдықталады.
4. Камера есіктеріне арнаулы үлгідегі екі құлып салынады. Олардың біреуі осы посттың камера есігіндегі құлыпқа ұқсас, екіншісі - басқаша жасалған, оған тергеу изоляторындағы камераның және басқа құлыптардың кілттері келмейді. Есікті кезекші әмірінен кейін ғана ашуға мүмкіндік беретін қосымша электрлі тосқауыл немесе камера есіктеріндегі белгі беру (сигнализация) тергеу изоляторының кезекші бөлімінің пультіне жалғанып орнатылады.
5. Камера желдеткіштерінің құлыптары басқа құлыптарға сәйкес келмейтін кілттермен жабдықталады.
6. Электр сымдары жасырын болуы тиіс. Электрлі шам есiктiң үстіңгі қуысына орнатылады және сотталғанның оған жетуін болдырмайтын сақтандырғыш тор болуы тиіс.
7. Камераның едендері ағаштан жасалуы тиіс.
8. Егер тергеу изоляторы орналасқан елді мекендегі құбыр суын ішуге рұқсат етілмесе, камераға қайнаған су құйылған ыдыс беріледі.
9. Азық-түлік пен гигиеналық бұйымдарды сақтау үшін қабырғаға қуыс, я болмаса еденге немесе қабырғаға бекітілген шағын шкаф жасалынады.
10. Камера радио желісі тартылады. Радиоқабылдағыш жабық қуысқа қойылады.
Қазақстан Республикасы
Әділет министрінің 2006 жылғы
9 маусымдағы N 175 бұйрығына
9-қосымша
Қазақстан Республикасы Әдiлет
министрiнiң мiндетiн атқарушының
2004 жылғы 27 тамыздағы
N 245 бұйрығымен бекiтiлген,
Қазақстан Республикасының
Әдiлет министрлiгiнiң Қылмыстық-
атқару жүйесi комитетi тергеу
изоляторларының iшкi тәртiп
ережесiне 19-қосымша
Өлім жазасына немесе өмір бойы бас бостандығынан
айыруға сотталғандарға арналған белгіленген киiм нысанының
сипаттамасы
Белгіленген үлгідегі киім (қара немесе көк түсті) үш жолағы бар, әрбір ені 3 см ақ түсті матадан жасалған, шалбар балағы мен күрте жеңінің етегінен көлденеңі 2 см арқылы тігілген. Күртенің және сыртқы жылы киімнің жоғарғы артқы жағына трафаретпен "ӨБА" немесе "ӨЖ" деген жазу жазылады, әріптердің өлшемі 15х8 см. Iш киiм мақта-мата матасынан жасалады. Камерада сотталғандар металы болмайтын жұмсақ тәпішке киіп жүреді.
Қазақстан Республикасы
Әділет министрінің 2006 жылғы
9 маусымдағы N 175 бұйрығына
10-қосымша
Қазақстан Республикасы Әдiлет
министрiнiң мiндетiн атқарушының
2004 жылғы 27 тамыздағы
N 245 бұйрығымен бекiтiлген,
Қазақстан Республикасының
Әдiлет министрлiгiнiң Қылмыстық-
атқару жүйесi комитетi тергеу
изоляторларының iшкi тәртiп
ережесiне 20-қосымша
Өлім жазасына немесе өмір бойы бас бостандығынан
айыруға сотталғандарға өздерiмен бірге және камераларда
ұстауға рұқсат етiлген бұйымдардың, заттардың және
азық-түліктің тiзбесi
1. Төсек жабдықтары:
Матрац - 1 дана, көрпе - 1 дана, жайма - 2 дана, жастық - 1 дана, тыс - 1 дана, орамал - 2 дана (әрқайсысы 50 см-ден аспау керек)
2. Жеке гигиена бұйымдары:
Тіс пастасы (пластмасса ыдыста) - 1 дана, тіс щеткасы - 1 дана, электрлі ұстара - 1 дана; сабын, губкадан жасалған ысқыш (монша үй-жайында, камера сыртынан бекітілген ұяшықта болады), бiр реттiк ұстара қырғыш (постыдағы кезекшінің бақылаумен моншаға түскен кезде беріледі).
3. Киім:
Тергеу изоляторы беретiн киімнің, іш киімнің және аяқ киімнің бір жиынтығы, бет орамалдар. Тергеу изоляторының шағын дүкендерінен алынған бөлмелік немесе спорттық тәпішкелер.
4. Көзiлдiрiк, ал дәрігердің рұқсаты бойынша балдақтар (протездер).
5. Жазу құралдары: жазу қағазы (металл скрепкасыз), хаттар, фотосуреттер, конверттер, маркалар, пластмасса корпустағы көк түсті пастасы бар автоқалам, қарындаш, қылмыстық іске қатысы бар құжаттар мен жазбалар; тапсырған ақшаға, құнды заттарға және киімдерге берілген түбіртектер.
6. Темекі заттары, сіріңке, темекі шегу қағазы.
7. Ыдыс-аяқ: пласмасса тарелке (тамақ қабылдау уақытында беріледі); пластмасса немесе ағаш бокал мен қасық (камерада болады).
8. Тергеу изоляторының шағын дүкендерінде ӨЖ-ға немесе ӨБА-ға сотталғандарға сатуға рұқсат етілген азық-түлік.
9. Басқа да жабдықтар:
Ине-жіп (белгілі бір уақытқа корпус басшысына беріледі), үстел ойындары шахмат, шашки, домино (картоннан жасалған), қымбат емес металдан жасалған мінажат ету заттары.
Қазақстан Республикасы
Әділет министрінің 2006 жылғы
9 маусымдағы N 175 бұйрығына
11-қосымша
Қазақстан Республикасы Әдiлет
министрiнiң мiндетiн атқарушының
2004 жылғы 27 тамыздағы
N 245 бұйрығымен бекiтiлген,
Қазақстан Республикасының
Әдiлет министрлiгiнiң Қылмыстық-
атқару жүйесi комитетi тергеу
изоляторларының iшкi тәртiп
ережесiне 21-қосымша
Өлім жазасына немесе өмір бойы бас бостандығынан
айыруға сотталғандарға мекеменің шағын дүкендерінде сатуға
рұқсат етілген азық-түлік пен бiрiншi қажеттегі бұйымдардың
тізбесі
Азық-түлік:
1. нан өнімдері, печенье, галеттер;
2. майшабақ;
3. консервілер, балық консервісі, өсімдік майы, жеміс-жидектер, көкөніс
4. майлар, сары май, маргарин, май;
5. iрiмшiк;
6. шұжық өнімдері (кептірілген және жартылай кептірілген);
7. қант, кәмпит, карамель, повидло, джем;
8. жеміс-жидек;
9. көкөніс;
10. темекі бұйымдары, сіріңке;
Бiрiншi қажеттегі бұйымдар:
1) мәйкі, трусы, бет орамал, шұлық бұйымдары, бөлмелік немесе спорттық аяқ киім;
2) кір сабын және иіс сабын, тіс пастасы (пластмасса ыдыста), тіс щеткасы, тарақ;
3) қағаз, пошта конверттері, маркалар, қарындаш, пластмасса корпустағы көк түсті пастасы бар автоқалам.
Ескерту: Өлім жазасына немесе өмір бойы бас бостандығынан айыруға сотталғандар алатын бандерольдар құрамына құрғақ азық-түлік, сондай-ақ осы тiзбеде тізілген бiрiншi қажеттегі бұйымдар ғана кіре алады.
Алынған азық-түлікті камераға беру алдында оларды кездесу және табыстау бөлмелерінің бақылаушылары тексереді.
Қазақстан Республикасы
Әділет министрінің 2006 жылғы
9 маусымдағы N 175 бұйрығына
12-қосымша
Қазақстан Республикасы Әдiлет
министрiнiң мiндетiн атқарушының
2004 жылғы 27 тамыздағы
N 245 бұйрығымен бекiтiлген,
Қазақстан Республикасының
Әдiлет министрлiгiнiң Қылмыстық-
атқару жүйесi комитетi тергеу
изоляторларының iшкi тәртiп
ережесiне 22-қосымша
_____________ҚАЖКБ N ______
(облыс атауы)
тергеу изоляторының бастығына
Туыстарымен және өзге де адамдармен
КЕЗДЕСУГЕ РҰҚСАТ ҚАҒАЗЫ
Азамат ___________________________ ҚР ҚК ___ бабымен көзделген
(тегі, аты, әкесінің аты)
қылмыс жасағаны үшiн жазаға тартылған, 19__жылғы "__" ______ туған,
___________________________________________________________тіркелген
(қылмыстық процесс жүргізуші орган атауы)
_______________________ -мен кездесуге рұқсат етілгенін хабарлаймыз.
(қамауда ұсталушы адамның
тегі, аты, әкесінің аты)
__________________________________________________ қолы ____________
(қылмыстық іс іс жүргізуінде болатын адамның
лауазымы, аты-жөні)
"___"_____________
КЕЛІСЕМІН
__________________________________________________ қолы ____________
(қылмыстық іс іс жүргізуінде болатын орган
басшысының лауазымы, аты-жөні)
"___"_____________
М.О.