"Сыбайлас жемқорлық қылмыстар, оларды жасаған тұлғалар, сотталғандар және сыбайлас жемқорлық қылмыстар жөніндегі қылмыстық істердің қозғалысы туралы" N 3-К нысанды статистикалық есепті және оны құру бойынша Нұсқаулықты бекіту туралы" Қазақстан Республикасы Бас Прокурорының 2003 жылғы 11 желтоқсандағы N 69 бұйрығына өзгерістер мен толықтырулар енгізу туралы

      РҚАО-ның есертпесі!
      Күшін жою көзделген - ҚР Бас Прокурорының 2014.10.08 № 112 (01.01.2015 ж. бастап қолданысқа енгізіледі) бұйрығымен.

      "Сыбайлас жемқорлыққа қарсы күрес туралы" Қазақстан Республикасының  Заңын ақпараттық-статистикалық қамтамасыз ету мақсатында, "Прокуратура туралы" Қазақстан Республикасы  Заңының 11-бабы 4-1) тармақшасын басшылыққа ала отырып,  БҰЙЫРАМЫН:

      1. "Сыбайлас жемқорлық қылмыстар, оларды жасаған тұлғалар, сотталғандар және сыбайлас жемқорлық қылмыстар жөніндегі қылмыстық істердің қозғалысы туралы" N 3-К нысанды статистикалық есепті және оны құру бойынша Нұсқаулықты бекіту туралы" Қазақстан Республикасы Бас Прокурорының 2003 жылғы 11 желтоқсандағы N 69  бұйрығына (нормативтік құқықтық актілерді Мемлекеттік тіркеу тізілімінде 2642 нөмірмен тіркелген) мынадай өзгерістер мен толықтырулар енгізілсін:

      1) тақырыбындағы, бұйрықтың толық мәтіні бойынша және оған қоса берілген қосымшадағы N 3-К нысанды статистикалық есептің аталуы келесі редакцияда берілсін:
      "Сыбайлас жемқорлық қылмыстар, оларды жасаған тұлғалар және сыбайлас жемқорлық қылмыстар жөніндегі қылмыстық істердің қозғалысы туралы".

      2) аталған бұйрықпен бекітілген 1-қосымша осы бұйрыққа қоса берілген қосымшаға сәйкес 5 және 6 бөлімдермен толықтырылсын.

      3) аталған бұйрықпен бекітілген 2-қосымшада:
      1-тармақтағы бірінші азат жол келесі редакцияда берілсін:
      "1. "Сыбайлас жемқорлық қылмыстар, оларды жасаған тұлғалар және сыбайлас жемқорлық қылмыстар жөніндегі қылмыстық істердің қозғалысы туралы" N 3-К нысанды статистикалық есеп (бұдан әрі - есеп) "Сыбайлас жемқорлыққа қарсы күрес туралы" Қазақстан Республикасының  Заңын статистикалық және ақпараттық қамтамасыз ету мақсатында енгізіледі, сыбайлас жемқорлық құқық бұзушылықтарды анықтау, болдырмау және олардың жасалғанына кінәлі тұлғаларды жауапқа тарту бойынша уәкілетті мемлекеттік органдардың жұмысын бейнелейді, сыбайлас жемқорлық қылмыстармен келтірілген материалдық залал және оны өтеу бойынша жұмыстың ахуалы туралы, сондай-ақ сыбайлас жемқорлық құқық бұзушылықтар жасап, сол үшін жауапқа тартылған тұлғалардың ведомстволық тиістілігі, бірінші сатылы сотпен және апелляциялық тәртіпте қылмыстық істері қысқартылған тұлғалар жайында, сонымен бірге сыбайлас жемқорлық әрекеттердің түрлері және сол үшін жауаптылық туралы статистикалық мәліметтерді қамтиды.";
      1-тармақтың үшінші азат жолындағы "N6 нысанды анықтаманың" сөздерінен кейін "N1-АП және N1-К нысанды кәртішкелердің" сөздерімен толықтырылсын;

      2-тармақтың бірінші азат жолындағы "Есеп 4 бөлімнен тұрады" сөздері "Есеп 6 бөлімнен тұрады" сөздерімен ауыстырылсын.
      2-тармақ мынадай азат жолдармен толықтырылсын:
      "5-бөлім әкімшілік жауаптылыққа тартылған сыбайлас жемқорлық құқық бұзушылық субъектілері туралы мәліметтерден тұрады (Әкімшілік құқық бұзушылықтар туралы кодекстің 532-537-баптары).

      6-бөлім "Сыбайлас жемқорлыққа қарсы күрес туралы" Қазақстан Республикасының  Заңына сәйкес тәртіптік жауаптылыққа тартылған сыбайлас жемқорлық құқық бұзушылық субъектілері туралы мәліметтерден тұрады".";

      келесі мазмұндағы 8-тармақпен толықтырылсын:
      "8. 5 және 6-бөлімдер Комитеттің арнайы есепке ұсынылған N1-АП (5-бөлім) және N1-К (6-бөлім) нысанды кәртішкелер мәліметтерінің негізінде қалыптастырылып, А және Б кестесінен тұрады.
      А. кестесінің 5 және 6-бөлімдерінде есептің жасалған күніндегі жағдай бойынша Комитеттің арнайы есепте тұрған сыбайлас жемқорлық құқық бұзушылық субъектілері туралы мәліметтер ескеріледі.
      Б. кестесінің 5 және 6-бөлімдерінде есептік кезеңнің ішінде жауаптылыққа тартылған, орталықтандырылған есепте тұрған сыбайлас жемқорлық құқық бұзушылық субъектілері туралы мәліметтер ескеріледі.
      1-бағанда сыбайлас жемқорлық құқық бұзушылықтар жасағаны үшін жауапқа тартылған тұлғалардың жалпы саны бейнеленеді.
      1-20-жолдар Республика аймақтарын бейнелейді. 1-бағандағы мәліметтер, қызметкерлері сыбайлас жемқорлық құқық бұзушылық жасаған тұлғалар болып табылатын ведомстволарға сәйкес, 2-19-бағандар бойынша бөлініп таратылады, соның ішінде 19-бағанда 2-18-бағандарда ескерілмеген сыбайлас жемқорлық құқық бұзушылық субъектілері туралы мәліметтер көрсетіледі.".

      2. Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті (Г.В.Ким):
      1) осы бұйрықтың Қазақстан Республикасының Әділет министрлігінде мемлекеттік тіркелуі үшін шаралар қабылдасын;
      2) осы бұйрық құқықтық статистика және арнайы есепке алу субъектілеріне және аумақтық органдарға жолдансын.

      3. Осы бұйрықтың орындалуын бақылау Қазақстан Республикасы Бас Прокурорының орынбасары - Қазақстан Республикасы Бас прокуратурасы Құқықтық статистика және арнайы есепке алу жөніндегі комитетінің Төрағасы Г.В.Кимге жүктелсін.

      4. Осы бұйрық Қазақстан Республикасының Әділет министрлігінде мемлекеттік тіркелу күнінен қозғалысқа енеді.

       Қазақстан Республикасының
      Бас Прокуроры

      КЕЛІСІЛГЕН:

       Қазақстан Республикасы
      Жоғарғы Сотының Төрағасы

      19 мамыр 2005 жыл

       Қазақстан Республикасы
      Ұлттық қауіпсіздік
      комитетінің Төрағасы

      10 маусым 2005 жыл

       Қазақстан Республикасының
      Қорғаныс Министрі

      19 сәуір 2005 жыл

       Қазақстан Республикасының
      Ішкі істер Министрі

      12 сәуір 2005 жыл

       Қазақстан Республикасының
      Әділет Министрі

      "____"___________ 2005 жыл

       Қазақстан Республикасының
      Төтенше жағдайлар жөніндегі
      Министрі

      1 сәуір 2005 жыл

       Қазақстан Республикасы
      Экономикалық және сыбайлас
      жемқорлық қылмысқа қарсы
      күрес жөніндегі агенттігінің
      Төрағасы (қаржы полициясы)

      "____"___________ 2005 жыл

       Вице-министр -
      Қазақстан Республикасы
      Қаржы министрлігі
      Кедендік бақылау
      комитетінің Төрағасы

      15 наурыз 2005 жыл

                                         Қазақстан Республикасы
                                        Бас Прокурорының бұйрығына
                                         2005 жылғы 13 маусымдағы
                                             N "_____" Қосымша

         5-бөлім Әкімшілік жауаптылыққа тартылған сыбайлас
     жемқорлық құқықбұзушылықтар субъектілері туралы мәлімет
     (Әкімшілік құқық бұзушылық Кодексінің 532-537 баптары)
                     жағдайына (қ  ұрылған күні)
                                                        А кесте

  кестенің жалғасы

  кестенің жалғасы

        5-бөлім Әкімшілік жауаптылыққа тартылған сыбайлас
  жемқорлық құқықбұзушылықтар субъектілері туралы мәлімет
(Әкімшілік құқық бұзушылық Кодексінің 532-537 баптары жағдайына)
... жылдан .... жыл мерзіміне                                                 Б кесте

  кестенің жалғасы

  кестенің жалғасы

          6-бөлім "Сыбайлас жемқорлыққа қарсы күрес туралы
   Қазақстан Республикасы заңына сәйкес, сыбайлас жемқорлық
     құқықбұзушылыққа тартылған субъектілер туралы мәлімет
(құрылған күні)                                         А кесте

  кестенің жалғасы

  кестенің жалғасы

           6-бөлім "Сыбайлас жемқорлыққа қарсы күрес туралы
    Қазақстан Республикасы заңына сәйкес, сыбайлас жемқорлық
     құқықбұзушылыққа тартылған субъектілер туралы мәлімет
... жылдан .... жыл мерзіміне                              Б кесте

  кестенің жалғасы

  кестенің жалғасы