Қазақстан Республикасы Бюджет
кодексінің
161-бабының 2-тармағы және 162-бабының 3-тармағына сәйкес
БҰЙЫРАМЫН:
1. Қоса беріліп отырған Байланысты гранттарды пайдалану барысы мен нәтижелері туралы есептілікті және ақпаратты табыс ету ережесі бекітілсін.
2. Мемлекеттік қарыз алуды және кредит беруді жоспарлау департаменті (М.А.Өтеғұлов) мен Заң басқармасы (М.Д.Әйтенов) осы бұйрықтың Қазақстан Республикасы Әділет министрлігінде мемлекеттік тіркелуін қамтамасыз етсін.
3. Осы бұйрықтың орындалуын бақылау Қазақстан Республикасы Экономика және бюджеттік жоспарлау вице-министрі Н.А.Коржоваға жүктелсін.
4. Осы бұйрық Қазақстан Республикасы Әділет министрлігінде мемлекеттік тіркелген күнінен бастап қолданысқа енгізіледі.
Министрдің міндетін
атқарушы
Қазақстан Республикасы
Экономика және бюджеттік
жоспарлау министрінің міндетін
атқарушының 2005 жылғы
16 наурыздағы N 36 бұйрығымен
бекітілген
Байланысты гранттарды пайдалану
барысы мен нәтижелері туралы
есептілікті және ақпаратты табыс ету
ережесі
2. Байланысты гранттардың іске асырылу мониторингін жүзеге асыру шеңберінде оларды пайдалану барысы мен нәтижелері туралы есептілікті және ақпаратты табыс етудің мақсаты байланысты гранттарды пайдалану тиімділігін бағалау, байланысты гранттарды тартуды жоспарлау процесін жетілдіру және байланысты гранттарды тарту саласындағы мемлекеттік саясатты қалыптастыру және жүзеге асыру жөнінде ұсыныстар тұжырымдау болып табылады.
3. Байланысты гранттарды пайдалану барысы мен нәтижелері туралы есепті жасау кезең-кезеңмен жүзеге асырылады және онда мыналар қамтылады:
1) бюджеттік бағдарлама паспортына сәйкес жоспарланған мәліметтер көрінісі;
2) қол жеткен нәтижелерді (нақты мәліметтерді) жоспарланғандармен салыстыру;
3) жинау көздері мен әдістерін, сондай-ақ байланысты гранттарды пайдалану тиімділігін бағалау үшін ақпаратты өңдеу мен талдаудың пайдаланылған әдістерін көрсету.
Байланысты гранттарды пайдалану барысы мен нәтижелері туралы есептілік байланысты гранттарды пайдалану тиімділігін бағалау жөніндегі ақпаратты дайындау көзі болып табылады.
Байланысты гранттарды пайдалану тиімділігін бағалау төменде көрсетілген ақпаратты өңдеу және талдау әдістерінің негізінде жүргізіледі.
Байланысты гранттарды іске асыру барысында қол жеткізілген тікелей материалдық немесе материалдық емес салдарлар болып табылатын нәтижелерге бағалау жүргізген кезде мынадай әдістер қолданылады:
заттай көріністегі жұмыстар көлемінің, іске асыру мерзімдері мен қаржы шығындарының байланысты грантты жоспарлау сатысында көзделген тиісті көрсеткіштерге сәйкес келу дәрежесі белгіленеді;
көрсеткіштердің стандарттар талаптарына және жоспарлау сатысында құралған өзге де талаптарға сәйкес келу дәрежесі белгіленеді;
жоспарлау сатысында қабылданған алғы шарттарды (бастапқы мәліметтерді), сондай-ақ күтілетін ағымдағы шығыстар мен оларды қаржыландыру көздерін растау дәрежесі белгіленеді;
жобаны іске асыру барысында туындаған кедергілер мен оларды жою шаралары талданады және іске асыруға қатысушы тараптардың іс-әрекеті бағаланады;
жоспарланған көрсеткіштерге қол жеткізу тиімділігі туралы қорытынды жасалады.
Аяқталған жобаның әлеуметтік-экономикалық жағдайға әсер етуіне бағалау жүргізген кезде мынадай әдістер қолданылады:
басқа жобалар қатарындағы жобаның мемлекеттік, салалық және секторалдық бағдарламалардың жоспарланған мақсаттарына қол жеткізуге үлесінің ара қатынасы белгіленеді;
ағымдағы шығыстар туралы нақты мәліметтер және жоспарлау сатысында құрылған алғы шарттарды (бастапқы мәліметтерді) растау дәрежесі талданады;
мемлекеттік, салалық және секторалдық бағдарламалардың жоспарланған мақсаттарына қол жеткізуге жоба үлесінің тиімділігі
туралы қорытынды жасалады;
4) байланысты гранттарды пайдалану тиімділігін бағалау нәтижелері;
5) байланысты гранттардың қаражатын пайдалану барысы мен нәтижелерінің донормен жасалған грант туралы келісім шарттарына, сондай-ақ донорлардың байланысты гранттарды беру рәсімдері мен саясатына сәйкестігін бағалау;
6) байланысты гранттарды тарту саласындағы мемлекеттік саясатты қалыптастыру және жүзеге асыру жөніндегі ұсынымдар.
4. Экономикалық жоспарлау жөніндегі орталық уәкілетті орган орталық мемлекеттік органдардың құзыретіндегі мәселелер бойынша осы органдардан байланысты гранттарды пайдалану тиімділігін бағалау үшін қажетті ақпаратты сұрайды.
5. Бағалаудың барлық түрлерін орындаған кезде әлеуметтік-экономикалық дамудың орта мерзімді жоспарын және донорлардың (бар болған жағдайда) елдік бағдарламаларын әзірлеу шеңберінде байланысты гранттарды дайындау мен іске асыруды жақсарту жөніндегі ұсынымдар жасалады.
6. Байланысты гранттарды пайдалану барысы мен нәтижелері туралы есептілікті және ақпаратты өтінімдері бойынша байланысты гранттар тартылған жергілікті өкілетті және атқарушы органдардың есептілігін ескере отырып, орталық мемлекеттік органдар экономикалық жоспарлау жөніндегі орталық уәкілетті органға жоғарыда көрсетілген талаптарға сәйкес есепті жылдан кейінгі жылдың 10 наурызынан кешіктірмей жазбаша түрде тапсырады.