"Ішкі су көлігі туралы" Қазақстан Республикасы Заңының 9-бабы 1-тармағының 13-тармақшасына сәйкес БҰЙЫРАМЫН:
1. Қоса беріліп отырған Кеме капитанын аттестаттау ережесі бекітілсін.
2. Қазақстан Республикасы Көлік және коммуникация министрлігінің Көліктік бақылау комитеті (Қ.С.Мұстафин) осы бұйрықты Қазақстан Республикасының Әділет министрлігіне мемлекеттік тіркеу үшін ұсынуды қамтамасыз етсін.
3. Осы бұйрықтың орындалуын бақылау Қазақстан Республикасы Көлік және коммуникация вице-министрі Е.Ж. Қошановқа жүктелсін.
4. Осы бұйрық Қазақстан Республикасының Әділет министрлігінде мемлекеттік тіркелген күнінен бастап күшіне енеді.
Министр
Көлік және коммуникация
министрінің
2005 жылғы 10 қаңтардағы
N 18-І бұйрығымен
бекітілген
Кеме капитанын аттестаттау ережесі
1. Жалпы ережелер
1. Кеме капитанын аттестаттау ережесі (бұдан әрі - Ереже) кеме капитанын аттестаттауды өткізу тәртібін белгілейді және Қазақстан Республикасының "Ішкі су көлігі туралы" Заңына сәйкес әзірленді.
2. Осы Ережеде мынадай негізгі ұғымдар қолданылады:
1) кеме капитанын аттестаттау - кеменi басқару, оның iшiнде кеме жүргiзу, кеменiң қауiпсiз жүзуiн қамтамасыз ету, кемедегi тәртiптi сақтау, қоршаған ортаны қорғау, кемеге, кемедегi адамдарға, багажға және жүкке зиян келтiрiлуiн болдырмау жөнiндегі шараларды қабылдауға қажетті кеме капитанының білім деңгейін айқындау жөнінде мезгіл-мезгіл жүзеге асырылатын рәсім;
2) әуе көлігін қоспағанда, көлiктегі мемлекеттік бақылауды және қадағалауды жүзеге асыру жөніндегі уәкілетті орган (бұдан әрі - уәкілетті орган) - Қазақстан Республикасы Көлік және коммуникация министрлігінің Көліктік бақылау комитеті;
3) уәкілетті органның аумақтық бөлімшесі - (бұдан әрі - аумақтық бөлімше) - Қазақстан Республикасы Көлік және коммуникация министрлігі Көліктік бақылау комитетінің аумақтық көліктік бақылау басқармасы.
3. Кеме капитанын аттестаттау кезіндегі негізгі бағалау өлшемі кеме капитанының өзіне жүктелген міндеттерді орындау қабілеті болып табылады.
4. Уәкілетті органның аумақтық бөлімшелерінің қадағалауындағы кемелердің капитандары аттестаттауға жатады.
5. Кеме капитандары әрбір келесі үш жыл өткен сайын аттестаттаудан өтеді.
6. Тиісті мамандығы бойынша жоғарғы оқу орындарын кезекті аттестаттау жылында бітірген, сондай-ақ дипломдаудан сол жылы өткен тұлғалар аттестаттаудан босатылады.
7. Кеме капитанын аттестаттау бірқатар дәйекті кезеңдерді қамтиды:
1) аттестаттауды өткізуге дайындық;
2) кеме қауіпсіздігін реттейтін нормативтік-құқықтық кесімдер бойынша білімін тексеру мақсатында аттестатталушымен аттестаттау комиссиясы өткізетін әңгімелесу;
3) аттестаттау комиссиясының шешім шығаруы.
2. Аттестаттауды өткізуге дайындықты ұйымдастыру
8. Кеме капитанын аттестаттауды ұйымдастыру және оны өткізу үшін аумақтық бөлімшенің басшысы құрамында кемінде бес адам бар аттестаттау комиссиясын құру туралы тиісті бұйрық шығарады:
төраға - аумақтық бөлімшенің басшысы немесе оның орынбасары;
комиссия мүшелері - су көлігіндегі қауіпсіздікті қамтамасыз етуді бақылауды жүзеге асыратын аумақтық бөлімшенің қызметкерлері, сондай-ақ жұмыс өтілі бес жылдан кем емес тәжірибелі мамандар (кеме жүргізушілер, механиктер, электр механиктер).
Комиссия ісін жүргізетін аумақтық бөлімшенің қызметкері аттестаттау комиссиясының хатшысы болып табылады.
9. Аттестаттауды өткізуге дайындықты аттестаттау комиссиясының хатшысы ұйымдастырады. Ол мынадай шараларды:
1) аттестатталушыларға қажетті құжаттарды дайындауды;
2) аттестаттауды өткізудің кестесін әзірлеуді;
3) аттестаттауды өткізудің мақсаты мен тәртібі туралы түсіндіру жұмыстарын ұйымдастыруды;
4) аттестаттау мерзімдері мен оны өткізу орны жөнінде кеме жүргізушімен келісуді қамтиды.
10. Аумақтық бөлімше басшысы аттестаттау комиссиясы хатшысының ұсынуымен аттестатталуға тиіс кеме капитандарының тізімі бекітілген, аттестаттауды өткізу мерзімі, сондай-ақ аттестаттау комиссиясының жұмыс кестесі белгіленген бұйрық шығарады.
11. Аттестаттау комиссиясының хатшысы аттестаттауды өткізу мерзімдері туралы оны өткізу басталғанға дейін екі айдан кешіктірмей кеме иелеріне жазбаша хабарлайды.
12. Аттестаттау комиссиясын аумақтық бөлімшенің басшысы осы Ереженің 8-тармағына сәйкес құрады.
13. Аттестаттаудан өтуге тиіс аттестаттау комиссиясының мүшелері аттестаттаудан жалпы негіздерде өтеді.
14. Аттестаттау комиссиясының отырысы, егер оған оның құрамының кемінде үштен екісі қатысса, құқылы деп есептеледі.
15. Дауыс берудің нәтижесі комиссия мүшелерінің көпшілік даусымен айқындалады. Дауыстар тең түскен жағдайда комиссия төрағасының даусы шешуші болып табылады.
4. Кеме капитанын аттестаттаудан өткізу тәртібі
16. Аттестаттау комиссиясы аттестаттауды аттестатталушы кеме капитанының қатысуымен өткізеді.
Аттестаттау комиссиясының отырысына дәлелді себептермен қатыспаған кеме капитаны, жұмысқа шыққаннан кейін аттестаттаудан өтеді.
Аттестаттау комиссиясының отырысына кеме капитаны дәлелсіз себеппен келмеген жағдайда, комиссия қолда бар материалдардың негізінде оның қатысуынсыз аттестаттау өткізу туралы шешім қабылдауға хұқылы.
17. Аттестаттау комиссиясы кеме капитанын аттестаттаудан өткізгенде мына шешімдердің бірін қабылдайды:
1) атқаратын лауазымына сәйкес;
2) қайтадан аттестатталуға тиіс;
3) атқаратын лауазымына сәйкес емес.
18. Егер кеме капитаны қайта аттестаттаудан өтпесе, аттестаттау комиссиясы атқаратын лауазымына сәйкес еместігі жөнінде шешім шығарады.
19. Аттестаттау комиссиясының шешімі ашық немесе жасырын дауыс беру арқылы қабылданады. Дауыс беру тәсілі аттестаттау комиссиясының қалауы бойынша таңдалады. Аттестаттау комиссиясының құрамына енген аттестаттаудан өтуші кеме капитаны өзіне қатысты дауыс беруге қатыспайды.
20. Аттестаттау комиссиясының шешімі, аумақтық бөлімшеде сақталатын, бір данада жасалған хаттамамен (1-қосымша) ресімделеді.
Кеме капитаны аттестаттау комиссиясының шешімімен таныстырылуы тиіс.
Аттестаттаудан өткен тұлғаларға анықтама (2-қосымша) беріледі.
Аттестаттау комиссиясы аттестаттаудан өтпеген тұлғаларға алғашқы аттестаттау өткізілген күннен кейін екі айдан соң осы Ережеде айқындалған тәртіппен өткізілетін қайта аттестаттауды белгілейді.
Қайта аттестаттаудан өтпеген тұлғалар кеме капитаны лауазымын атқаруға жіберілмейді.
Кеме капитанын аттестаттау
ережесіне 1-қосымша
Қазақстан Республикасы
Көлік және коммуникация министрлігі
Көліктік бақылау комитеті
_______________________ облысы бойынша Көліктік бақылау басқармасы
Кеме капитанын аттестаттауды өткізудің
N ___ хаттамасы
200___жылғы "______" _____________
(күні) (айы)
Мынадай құрамдағы аттестаттау комиссиясы:
Төраға_____________________________________________________________
(лауазымы, тегі, аты, әкесінің аты)
комиссия мүшелері__________________________________________________
(лауазымы, тегі, аты, әкесінің аты)
___________________________________________________________________
Хатшы______________________________________________________________
(лауазымы, тегі, аты, әкесінің аты)
___________________________________________________________________
(тексерілетін тұлғаның атқаратын лауазымы және жұмыс орны)
____________________________________________ аттестаттаудан өткізді
(лауазымы, тегі, аты, әкесінің аты)
Аттестаттау нәтижесі:
р/с N |
Нормативтік құқықтық кесімнің атауы |
Баға |
Аттестатталушы тұлға туралы қысқаша мәліметтер:
Туған жылы ________________________________________________________
Білімі ____________________________________________________________
(оқу орнының атауы, бітірген жылы және біліктілігі)
Оқу орнын бітіргендігі туралы диплом N ____________________________
___________________________________________________________________
(кім және қашан берген)
Жүзу құрамындағы жұмыс өтілі ______________________________________
Командалық лауазымды атқару құқығына дипломы ______________________
___________________________________________________________________
(лауазым, кемелер тобының және дипломның атауы)
___________________________________________________________________
___________________________________________________________________
(кім және қашан берген)
Атқарған командалық лауазымдағы жұмыс өтілі________________________
___________________________________________________________________
(лауазым, кемелер тобының және дипломның атауы)
Комиссияның шешімі:
___________________________________________________________________
___________________________________________________________________
___________________________________________________________________
Комиссия төрағасы _____________ _________________________
(қолы) (тегі, аты, әкесінің аты)
Комиссия мүшелері _____________ _________________________
(қолы) (тегі, аты, әкесінің аты)
_____________ _________________________
(қолы) (тегі, аты, әкесінің аты)
_____________ _________________________
(қолы) (тегі, аты, әкесінің аты)
Хатшы _____________ _________________________
(қолы) (тегі, аты, әкесінің аты)
Шешіммен таныстым _________________________________________________
(аттестатталушы тұлғаның тегі, аты, әкесінің аты және қолы)
Кеме капитанын аттестаттау
ережесіне 2-қосымша
Аттестаттаудан өткені туралы
N___ АНЫҚТАМА
Т.А.Ә.а.___________________________________________________ берілді
Туған жылы ________________________________________________________
Білімі_____________________________________________________________
Оқу орнын бітіргені жөніндегі диплом N ____________________________
___________________________________________________________________
(кім және қашан берген)
Лауазымы __________________________________________________________
Аттестаттау хаттамасының N____ және күні __________________________
Анықтаманың жарамдылық мерзімі ____________________________________
_________________ облысы бойынша Көліктік бақылау басқармасы берген
Көліктік бақылау ______________ _________________
басқармасының бастығы (қолы) Т.А.Ә.а.
200___ жылғы "______" _______________
(күні) (айы)