Күші жойылды - ҚР Көлік және коммуникация министрінің міндетін атқарушының 2011.08.06 № 496 (қол қойылған күнінен бастап қолданысқа енгізіледі) бұйрығымен.
"Ішкі су көлігі туралы" Қазақстан Республикасы Заңының 9-бабы 1-тармағының 13-тармақшасына сәйкес БҰЙЫРАМЫН:
1. Қоса беріліп отырған Кеме капитанына қойылатын біліктілік талаптары бекітілсін.
2. Қазақстан Республикасы Көлік және коммуникациялар министрлігінің Көліктік бақылау комитеті (Қ.С.Мұстафин) осы бұйрықты Қазақстан Республикасының Әділет министрлігіне мемлекеттік тіркеу үшін ұсынуды қамтамасыз етсін.
3. Осы бұйрықтың орындалуын бақылау Қазақстан Республикасының Көлік және коммуникациялар вице-министрі Е.Ж. Қошановқа жүктелсін.
4. Осы бұйрық Қазақстан Республикасының Әділет министрлігінде мемлекеттік тіркелген күнінен бастап күшіне енеді.
Министрдің
міндетін атқарушы
"Кеме капитанына қойылатын
біліктілік талаптарын бекіту
туралы" Қазақстан Республикасы
Көлік және коммуникациялар
министрінің 2004 жылғы
19 қарашадағы N 416-І
бұйрығымен бекітілген
Кеме капитанына қойылатын біліктілік талаптары
Кеме капитанына қойылатын біліктілік талаптарына мыналар кіреді:
Қазақстан Республикасының азаматтығы;
Қазақстан Республикасы Көлік және коммуникациялар министрлігінің Көліктік бақылау комитеті берген белгіленген үлгідегі кеме капитанының дипломы;
Өзен кемелерінде капитанның аға көмекшісі лауазымында 3 жылдан кем емес жұмыс өтілі;
Кеме капитаны болып жұмыс істеуге денсаулығының жай-күйі бойынша жарамдылығы туралы тиісті медициналық комиссияның қорытындысы.