2003 жылдың 2 сәуірінің Қазақстан Республикасы Премьер-Министрі И.Н.Тасмағамбетовтың басшылығымен өткен 20-41/005-583 жиналыс Протоколының 6 тармағына сәйкес, сонымен қатар жеке тұлғалардың Қазақстан Республикасының кеден шекарасы арқылы Қытай Халық Республикасының аумағынан әкелетін тауарларға кедендік бақылауды жетілдіру мақсатында, БҰЙЫРАМЫН:
1. Қазақстан Республикасының Әділет министрлігінде 1999 жылы 4 қазанда N 918 болып тіркелген "Қорғас", "Бахты", "Достық", "Майқапшағай", "Қолжат" өткізу пункттері арқылы жеке адамдар өткізетін тауарлар мен көлік құралдарын кедендік ресімдеу туралы" 1999 жылғы Кеден жаршысында жарияланған, Қазақстан Республикасының Кедендік бақылау агенттігі төрағасының 2002 жылғы 5 қарашадағы N 86
бұйрығымен
енгізген өзгерістерімен және толықтыруларымен бірге Қазақстан Республикасы Мемлекеттік кіріс министрлігінің Кеден комитеті төрағасының 1999 жылғы 22 қыркүйектегі N 462-Ө
бұйрығына
мынадай толықтыру мен өзгеріс енгізілсін:
1-тармақта:
1-абзац "Бахты" деген сөзден кейін "Қорғас", "Достық", "Қолжат" деген сөздермен толықтырылсын.
2-абзац алынып тасталсын.
2. Қазақстан Республикасы Кедендік бақылау агенттігінің Құқықтық қамтамасыз ету басқармасы (И.Ы. Ансарова) осы бұйрықтың Қазақстан Республикасының Әділет министрлігінде мемлекеттік тіркелуін қамтамасыз етсін.
3. Қазақстан Республикасы Кедендік бақылау агенттігінің баспасөз қызметі (Г.Е.Қойшыбаева) осы бұйрықтың бұқаралық ақпарат құралдарында жариялануын қамтамасыз етсін.
4. Осы бұйрықтың орындалуын бақылау Қазақстан Республикасының Кедендік бақылау агенттігі төрағасының бірінші орынбасарына А.К. Ержановқа жүктелсін.
5. Осы бұйрық Қазақстан Республикасының Әділет министрлігінде мемлекеттік тіркелген күнінен бастап күшіне енеді.
Қазақстан Республикасының
Кедендік бақылау агенттігінің
Төрағасы