Рус | Қаз | Eng

Азаматтардың меншігіне берілетін және ауыл шаруашылық өндірісін жүргізу үшін ұзақ мерзімді жер пайдалануда болуы мүмкін жер учаскелерінің шекті (ең үлкен) мөлшерін бекіту туралы

Солтүстік Қазақстан облыстық мәслихаты мен облыс әкімінің Бірлескен шешімі 2002 жылғы 19 сәуірдегі N 17/6-3. Солтүстік Қазақстан облысының Әділет басқармасында 2002 жылдың 24 мамырында N 648 тіркелді.

Қолданыстағы
      Қазақстан Республикасының 2001 жылғы 23 қаңтардағы "Қазақстан Республикасында жергілікті мемлекеттік басқару туралы" Z010148_ N 148-ІІ ҚРЗ Заңының 6-бабының 1-тармағының 13-тармақшасына, Қазақстан Республикасының 2001 жылғы 24 қаңтардағы "Жер туралы" Z010152_ N 152-ІІ ҚРЗ Заңының 13-бабының 10-тармақшасына және 35-бабының 3-тармағына сәйкес облыстық мәслихат пен облыс әкімі шешім ҚАБЫЛДАЙДЫ:
      1. Азаматтардың меншігіне берілетін жер учаскелерінің шекті (ең үлкен) мөлшері бекітілсін:
      ауылдық жерлерде өзіндік (қосалқы) үй шаруашылығын (үй маңындағы және егістік телімдерді қоса алғанда) жүргізу үшін суарылмайтын жерде 0,25 гектар және суарылатын жерде - 0,15 гектар;
      жеке тұрған үй құрылысы (қалалардың бас жоспарларына сәйкес), бағбандық, сондай-ақ саяжай құрылысы үшін - 0,25 га.
      2. Ауыл шаруашылық өндірісін жүргізу үшін ұзақ мерзімді жер пайдалануда болуы мүмкін жер учаскелерінің шекті (ең үлкен) мөлшері бекітілсін:
      шаруа (фермер) қожалықтарын жүргізу үшін шаруа қожалығының әрбір 

мүшесіне орташа аудандық он бес жер үлесі мөлшерінде;
     шаруашылық серіктестіктері мен өндірістік кооперативтері үшін 
35 мың гектарға дейін егістік;
     акционерлік қоғамдар үшін ертеректе акционерленген мемлекеттік
кәсіпорындардың жер пайдалану шегінде.
     3. Осы шешімнің бүкіл облыс аумағында күші бар және тіркелген 
күннен бастап күшіне енеді.
     
     Облыстық мәслихат                Облыс әкімі
     сессиясының төрағасы
     
     (Маман: Ысқақова Д.Қ.)