Конкурсты ұйымдастырушы конкурстық өтiнiмдердi дайындау және тауарларды, жұмыстарды және көрсетілетiн қызметтердi мемлекеттiк сатып алу бойынша ашық немесе жабық конкурсқа қатысу үшiн ықтимал өнім берушiлерге беретiн үлгi конкурстық құжаттаманы бекiту туралы

      "Мемлекеттiк сатып алу туралы" Қазақстан Республикасының 2002 жылғы 16 мамырдағы N 321 Заңы  12-бабының 8-тармақшасына сәйкес БҰЙЫРАМЫН:
      1. Қоса берiлiп отырған Конкурсты ұйымдастырушы конкурстық өтiнiмдердi дайындау және тауарларды, жұмыстарды және көрсетiлетiн қызметтердi мемлекеттiк сатып алу бойынша ашық немесе жабық конкурсқа қатысу үшiн ықтимал өнiм берушiлерге беретiн үлгi конкурстық құжаттама бекiтiлсiн.
      2. Заң бөлiмi (Н.Нұрахметов) осы бұйрықты Қазақстан Республикасының Әдiлет министрлігінде мемлекеттiк тiркеудi қамтамасыз етсiн.
      3. Қазақстан Республикасы Мемлекеттiк сатып алу жөнiндегi агенттiгiнiң "Конкурстық өтiнiмдердi дайындау және тауарларды, жұмыстарды және қызмет көрсетулердi сатып алу жөнiндегi ашық немесе жабық конкурс өткiзу бойынша ықтимал өнiм берушiлер үшiн үлгiлiк нұсқаулықты бекiту туралы" 1999 жылғы 24 ақпандағы N 22 бұйрығының  күшi жойылды деп танылсын.
      4. Осы бұйрық оны Қазақстан Республикасының Әдiлет министрлiгiнде мемлекеттiк тiркелген күнiнен бастап күшiне енедi.
      5. Осы бұйрықтың орындалуын бақылау Қазақстан Республикасының Мемлекеттiк сатып алу жөнiндегi агенттiгi төрағасының орынбасары Ғ. Мусинге жүктелсiн.

      Төраға

Қазақстан Республикасының   
Мемлекеттiк сатып алу жөнiндегi
агенттiгi Төрағасының     
2002 жылғы 31 қазандағы    
N 8 бұйрығымен        
БЕКIТIЛГЕН          

(Конкурсты ұйымдастырушының 
лауазымды тұлғасы туралы  
мәлiметтер:       
конкурсты ұйымдастырушының 
немесе оны алмастыратын  
тұлғаның аты-жөнi, тегi, 
лауазымы)         
"Бекiтемін"        
____ ж. "___" ___________ 
шешiмi           

Конкурсты ұйымдастырушы конкурстық өтiнiмдердi дайындау және тауарларды, жұмыстар мен көрсетiлетiн қызметтердi мемлекеттiк сатып алу бойынша ашық немесе жабық конкурсқа қатысу үшiн ықтимал өнiм берушiлерге беретiн
ҮЛГI КОНКУРСТЫҚ ҚҰЖАТТАМА
(конкурстың атауы көрсетiледi)

      Конкурсты ұйымдастырушыға арналған мәлiметтер:
      Осы Конкурсты ұйымдастырушы конкурстық өтiнiмдердi дайындау және тауарларды, жұмыстар мен көрсетiлетiн қызметтердi мемлекеттiк сатып алу бойынша ашық немесе жабық конкурсқа қатысу үшiн ықтимал өнiм берушiлерге беретiн үлгi конкурстық құжаттама (бұдан әрi - Конкурстық құжаттама) "Мемлекеттiк сатып алу туралы" Қазақстан Республикасының 2002 жылғы 16 мамырдағы Заңына  (бұдан әрi - Заң) және Қазақстан Республикасы Yкiметiнiң 2002 жылғы 31 қазандағы N 1158 қаулысымен  бекiтiлген Тауарларды, жұмыстар мен көрсетiлетiн қызметтердi мемлекеттiк сатып алуды ұйымдастыру мен өткiзу туралы ережеге (бұдан әрi - Ереже) сәйкес әзiрленген.
      Тауарларды, жұмыстар мен көрсетiлетiн қызметтердi мемлекеттiк сатып алу мемлекеттiк мекеменiң бюджеттiк бағдарламаларының (қаржыландыру жоспарларының) және мемлекеттiк кәсiпорынның, акцияларының бақылау пакетi мемлекетке тиесiлi акционерлiк қоғамның және онымен қосылма заңды тұлғаның шығыстар сметасының шегiнде жүзеге асырылады.
      Конкурсты ұйымдастырушы осы Конкурстық құжаттаманы пайдалана отырып, ықтимал өнiм берушiнiң конкурсқа қатысуы үшiн, қажет болған жағдайда Ережеде көрсетiлген салалық ерекшелiктердi ескере отырып, толық ақпаратты қамтитын, өзi өткiзетiн әрбір конкурсқа конкурстық құжаттаманы әзiрлейдi және бекiтедi.
      Конкурсты ұйымдастырушы ықтимал өнiм берушіге ұсынатын конкурстық құжаттама Заңда  және Ережеде  белгiленген талаптарға сай келуi тиiс.
      Осы Конкурстық құжаттамада көлбеу сызықпен бөлiнiп жазылған түсіндірулерді конкурсты ұйымдастырушы конкурстың, сатып алынатын тауарлардың, жұмыстар мен көрсетiлетiн қызметтердiң түрiне және конкурсты өткiзудiң басқа да шарттарына қарай толтыруы тиiс.
      Конкурстық құжаттама топтамасы ықтимал өнiм берушінің мекен-жайына жiберiледi немесе конкурсты өткiзу туралы хабарландыруда көрсетiлген мекен-жайда және мерзiмдерде ықтимал өнiм берушiлерге берiледi.
      Конкурсты ұйымдастырушы ықтимал өнiм берушілердің жазбаша сұрауы бойынша конкурстық құжаттаманы бекiту туралы конкурсты ұйымдастырушының басшысы немесе оны алмастыратын тұлғаның шешiмiнiң күнi мен нөмiрiн көрсетiп, конкурстық құжаттаманы электрондық почта арқылы жiберуi мүмкiн.

1-тарау. Кiрiспе

1. Конкурстың нысанасы

      1. (Тауарлардың, жұмыстардың, көрсетiлетiн қызметтердiң) атауы көрсетiледi) сатып алу жөнiнде (ашық немесе жабық) конкурсты өткiзу жөнiндегi осы Конкурстық құжаттама ықтимал өнiм берушiлерге олардың конкурсқа қатысуының шарттары туралы толық ақпарат беру мақсатында әзiрленген.

      2. Конкурс ____________ (ол үшiн конкурс өткiзiлетiн ведомствоның атауы көрсетiледi) үшiн _______________ (тауарлардың, жұмыстардың, көрсетiлетiн қызметтердiң бiртектi түрлерінің атаулары лоттар бойынша көрсетiледi) жеткiзетiн өнiм берушiлердi анықтау мақсатында өткiзiледi. Сатып алынатын тауарлардың, жұмыстардың, көрсетiлетiн қызметтердiң толық тiзбесi осы Конкурстық құжаттамаға 1-қосымшада келтiрiлген.

      3. _______________________ (конкурсты ұйымдастырушының толық атауы көрсетiледi) конкурсты ұйымдастырушы болып табылады.

2. Төлемнiң базалық шарттары

      4. Төлемнiң базалық шарттары: ______________________________ (Тапсырыс берушіге қолайлы және мемлекеттiк сатып алуды қаржыландыру жөнiндегi заңнамада белгiленген төлемнiң шарты (алдын ала төлем, iшiнара төлемнiң мөлшерi немесе тауарды жеткiзу (жұмыстарды орындау/қызметтердi көрсету) фактiсi бойынша төлем) көрсетiледi және бұдан басқа, мемлекеттiк мекемелер үшiн - Қазақстан Республикасы Қаржы министрлiгiнiң бюджет қаражаттары лимитiнiң бөлiнуiне қарай).

      5. Ықтимал өнiм берушi төлемнiң балама шарттарын немесе басқа да шарттарды және оларға байланысты нақты баға шегерiмiн ұсына алады. Бұл жағдайда ықтимал өнiм берушi өзiнiң конкурстық өтiнiмiнде бағаның қандай шегерiмiн ұсына алатынын көрсетуi тиiс.

3. Ықтимал өнiм берушілердiң
құқықтылығы және бiлiктiлiгi

      6. Конкурсқа қатысуға сапасы бойынша Техникалық маманданымдарда (осы Конкурстық құжаттамаға 2 немесе 3 қосымшалар) көрсетiлген талаптарға сәйкес келетiн (сатып алынатын тауарлардың, жұмыстардың, көрсетiлетiн қызметтердiң атауы көрсетiледi) өндiрiсiмен және/немесе сатумен айналысатын/орындайтын/ көрсететiн (тауардың, жұмыстың, көрсетiлетiн қызметтiң атауы көрсетiледi) жеткiзуге/орындауға/ көрсетуге кепiлдiк беретiн ниет бiлдiрген ықтимал өнiм берушiлер жiберiледi.

      7. Конкурсқа қатысу үшiн ықтимал өнiм берушi "Мемлекеттiк сатып алу туралы" Қазақстан Республикасының 2002 жылғы 16 мамырдағы Заңның   (бұдан әрi - Заң) 8-бабының 1-тармағында көрсетiлген бiлiктiлiк талаптарға сәйкес болуы тиiс.

      8. Ықтимал өнiм берушi мен оның қосылма тұлғасының бiр конкурсқа (лотқа) қатысуға құқығы жоқ.

      9. Сатып алынатын тауарлар, жұмыстар мен көрсетiлетiн қызметтер рыногындағы жұмыс тәжiрибесi болуының қажеттiгi туралы талаптар Заңның  27-бабына сәйкес қолдау жасалатын шағын кәсiпкерлiк субъектiлерiне қолданылмайды.

      10. Ықтимал өнiм берушi бiлiктiлiк талаптары бойынша толық емес немесе дұрыс емес ақпарат берген жағдайда, осындай факт анықталған кезден бастап бiр жыл iшiнде мемлекеттiк сатып алу процесiне қатысуға жiберiлмейдi.

      11. Конкурсты ұйымдастырушының ықтимал өнiм берушiге Заңда  көзделмеген бiлiктiлiк талаптарын белгiлеуге құқығы жоқ. Ықтимал өнiм берушi өзiне қойылатын бiлiктiлiк талаптарына жатпайтын ақпаратты табыс етпеуге құқылы.

      12. Конкурстық комиссияның отырыстарына ықтимал өнiм берушiнiң ресми өкiлi қатыса алады. Ықтимал өнiм берушi өкiлiнiң өкiлеттерi конкурстық өтiнiмге қоса берiлетiн немесе осы өкiл конкурстық өтiнiмдер салынған конверттердi ашу алдында беретiн жазбаша сенiмхат түрінде расталу тиіс.

2-тарау. Конкурстық құжаттама

1. Конкурстық құжаттаманың мазмұны

      13. Конкурсты ұйымдастырушы ықтимал өнiм берушілерге беретiн конкурстық құжаттама мыналарды:
      1) Заңның  12-бабы 1-тармағының 1), 6), 8)-21) тармақшаларында көрсетiлген ақпаратты;
      2) осы Конкурстық құжаттамаға 1-қосымшаға сәйкес жасалатын (тауарлардың санына немесе жұмыстардың/көрсетiлетiн қызметтердiң көлемдерiне қатысты ақпарат, тауарды жеткiзу, жұмысты орындау немесе қызметтi көрсету орны, тауарды жеткiзудiң, жұмысты орындаудың немесе қызметтi көрсетудiң мерзiмдерi мен шарттары көрсетiледi), лоттардың (лоттар - бiртектi тауарлар, жұмыстар, көрсетiлетiн қызметтер Заңның  1-бабының 9) тармақшасына сәйкес анықталады) атауы мен саны көрсетiлген сатып алынатын тауарлардың, жұмыстардың, көрсетiлетiн қызметтердiң бiртектi түрлерiнiң тiзбесiн. Заңның  12-бабының 3-тармағында көзделген жағдайды қоспағанда, тауарларды, жұмыстарды, көрсетiлетiн қызметтердi сатып алуға бөлiнген соманы көрсетуге жол берiлмейдi;
      3) Техникалық маманданымды (сатып алынатын тауарлардың, орындалатын жұмыстардың немесе көрсетiлетiн қызметтердiң толық сипаттамалары және қажеттi маманданымдарды, жоспарларды, сызбаларды, нобайларды және халықаралық немесе iшкi стандарттарға сiлтемелердi, ҚҚжЕ қоса, негiзгi (орнатылған) жабдықтарды толықтыру, жаңғырту және жете жарақтандыру үшiн тауарларды мемлекеттiк сатып алуды жүзеге асырған жағдайларды қоспағанда, саты алынатын тауардың нақты (сауда) маркасын/атауын немесе патентiн көрсетпей, талап етiлетiн техникалық және сапалық толық сипаттамалары. Техникалық маманданымдарды конкурсты ұйымдастырушы өзi еркiн нысанда оның қажеттiлiгiне сәйкес әзiрлейдi, бұл ретте Техникалық маманданымдарда тауарлардың, жұмыстар мен көрсетiлетiн қызметтердiң ескерiлмеген және көрсетiлмеген сипаттамаларын конкурстық комиссия конкурстық өтiнiмдердi бағалап, салыстырған және конкурстың қорытындыларын шығарған кезде ескере алмайды);
      4) Конкурсқа қатысуға өтiнiм нысандарын ( Ережеге 4  және 5-қосымшалар );
      5) жеңiп шыққан конкурстық өтiнiмдi айқындау негiзделетiн бағадан басқа, барлық өлшемдердiң сипаттамасы, соның iшiнде мұндай әрбiр өлшемдердiң салыстырмалы мәнi, конкурстық өтiнiмдердi бағалау мен салыстырудың тәсiлiнiң сипаттамасы. Ықтимал өнiм берушi орындауға жататын қажеттi iлеспе қызметтер. Бұл ретте "Iлеспе қызметтер" ықтимал өнiм берушi орындауға жататын тауарларды жеткiзудi қамтамасыз ететiн қызметтердi, мысалы, тасымалдау мен сақтандыру сияқты және кез келген басқа, көмекшi қызметтердi, мысалы, құрастыру, iске қосу, техникалық көмек көрсету, оқыту және басқа да осындай қызмет түрлерiн бiлдiредi;
      6) ықтимал өнiм берушiнiң Бiлiктiлiгi туралы мәлiметтердiң нысанын (тауарларды/көрсетiлетiн қызметтердi сатып алған кезде осы Конкурстық құжаттамаға 4 немесе жұмыстарды сатып алған кезде 5-қосымшалар);
      7) Бағалар кестесiнiң нысанын (Ережеге 6-қосымша );
      8) Конкурстық өтiнiмдi қамтамасыз етудiң нысанын (Банк кепiлдiгi) (Конкурстық құжаттамаға 6-қосымша);
      9) Мемлекеттiк сатып алу туралы шарттың орындалуын қамтамасыз етудiң нысанын (Банк кепiлдiгi) (Ережеге 10-қосымша ) қамтиды (eгep шарттың орындалуын қамтамасыз етудi енгiзу көзделмесе, бұл тармақ алынып тасталу қажет);
      10) Мемлекеттiк сатып алу туралы үлгі шарт (тауарларды/көрсетiлетiн қызметтердi сатып алған кезде осы Конкурстық құжаттамаға 7 немесе жұмыстарды сатып алған кезде 8-қосымшалар, осы шарттың жобасын тапсырысшы тауарлардың, жұмыстардың, көрсетiлетiн қызметтердiң ерекшелiктерi мен айрықшылықтарын ескере отырып, әзiрлейдi).

      14. Ықтимал өнiм берушi конкурстық құжаттама мен оның қосымшаларындағы барлық талаптарды, нысандарды, шарттар мен техникалық маманданымдарды зерделеп шығу тиiс. Ықтимал өнiм берушiнiң конкурстық құжаттаманың талаптарына сай келмейтiн конкурстық өтiнiмiн ұсынуы ықтимал өнiм берушiге қауiптi болып табылады және оның конкурстық өтiнiмiн қабылдамауға мүмкiндiк туғызады.

      15. Жұмыстар сатылып алынған кезде ықтимал өнiм берушi болашақта жұмыстар жүргiзетiн учаске (объектi) мен оған қосылатын аумаққа барып, көрiп шығуға құқылы. Ықтимал өнiм берушiнiң учаскенi көрiп шыққандағы өз бетiмен алған ақпаратын конкурстық өтiнiмiн дайындау үшiн пайдалануы өзiнiң жауапкершiлiгiнде. Учаскенi көрiп шығу үшiн шыққан қаржыларды ықтимал өнiм берушi өз қаражатынан төлейдi. Ықтимал өнiм берушiнiң конкурстық өтiнiмiн ұсынғаны, болашақ жұмыстардың тексеруден өткенi мен сол шарттар онымен қабылданғанын көрсетедi.

      16. Ықтимал өнiм берушi өзiнiң конкурстық өтiнiмiн дайындау мен ұсынуға байланысты барлық шығындарды көтередi, ал конкурсты ұйымдастырушы мен конкурстық комиссия, конкурстың өтуiне немесе нәтижесiне қарамастан, бұл шығындар бойынша жауап тартпайды және мiндеттелмейдi.

      17. Конкурстық құжаттама топтамасының құны ________ теңге.
      Егер Конкурстық құжаттаманы беру үшiн төлем алу көзделмесе, бұл тармақ мынадай редакцияда жазылуы тиiс: "Конкурстық құжаттама тегiн берiледi".
      Конкурстық құжаттаманы беру үшiн төлем конкурсты ұйымдастырушының шотына (конкурсты ұйымдастырушы шотының нөмiрi мен банктiк деректемелерi көрсетiледi) немесе бухгалтерияға енгiзiледi.
      Төлем туралы растау құжаты конкурсты ұйымдастырушыға конкурстық құжаттаманы алған кезде табыс етiледi.
      Шағын кәсiпкерлiк субъектiлерi мен Қазақстан Республикасы мүгедектерiнiң қоғамдық бiрлестiктерi құрған тауарлар, жұмыстар мен көрсетiлетiн қызметтер өндiретiн ұйымдарға және Қазақстан Республикасының азаматтары болып табылатын жеке тұлғаларға конкурстық құжаттама тегiн берiледi.

2. Конкурстық құжаттаманы түсiндiрулер

      18. Ықтимал өнiм берушi конкурстық құжаттама ережелерiне түсiндiрме беру туралы сұрау салып жүгiнуге құқылы, бiрақ ол конкурстық өтiнiмдi табыс етудiң соңғы мерзiмi өткенге дейiнгi күнтiзбелiк он күннен кешiктiрiлмеуi керек. Конкурсты ұйымдастырушы сұрау салу тiркелген кезден бастап үш күн мерзiм iшiнде оған жауап қайтаруға және сұрау салудың кiмнен түскенiн көрсетпестен, конкурсты ұйымдастырушы конкурстық құжаттаманы табыс еткен барлық ықтимал өнiм берушiге осындай түсiндiрменi хабарлауға мiндеттi.

      19. Конкурсты ұйымдастырушы конкурстық құжаттаманың ережелерiне түсiндiрме беру үшiн конкурстық құжаттамада көрсетiлген белгiлi бiр орында және тиiстi уақытта ықтимал өнiм берушiлермен кездесу өткiзуге құқылы. Бұл орайда конкурсты ұйымдастырушы осы кездесу барысында табыс етiлген конкурстық құжаттамаға түсiндiрме беру туралы сауал салу көздерi көрсетiлмеген сауалдарды, сондай-ақ осы сауалдарға жауаптарды қамтитын хаттама жасайды. Хаттама конкурстық комиссияға және конкурсты ұйымдастырушы конкурстық құжаттаманы табыс еткен барлық ықтимал өнiм берушiлерге дереу жiберiледi.

3. Конкурстық құжаттамаға
өзгерiстер мен толықтырулар енгiзу

      20. Конкурсты ұйымдастырушы конкурстық өтiнiмдi табыс етудiң соңғы мерзiмi өткенге дейiн күнтiзбелiк жетi күннен кешiктiрмей өз бастамасымен немесе ықтимал өнiм берушiнiң сауалына жауап ретiнде хаттама ресiмдеу арқылы конкурстық құжаттамаға өзгерiстер енгiзуге құқылы.

      21. Енгiзiлген өзгерiстердiң мiндеттi күшi болады және конкурсты ұйымдастырушы конкурстық құжаттаманы берген барлық ықтимал өнiм берушiлерге олар туралы дереу хабарлайды. Бұл орайда конкурсты ұйымдастырушы ықтимал өнiм берушiлердiң бұл өзгерiстердi конкурстық өтiнiмдерде есепке алуы үшiн конкурстық өтiнiмдердi табыс етудiң соңғы мерзiмiн кемiнде күнтiзбелiк он күн мерзiмге ұзартады.

3. тарау. Конкурстық құжаттаманың мазмұны

      22. Конкурсқа қатысуға ниет бiлдiрген ықтимал өнiм берушi табыс ететiн конкурстық өтiнiмде мыналарды:
      1) конкурсқа қатысуға өтiнiмдi;
      2) ықтимал өнiм берушiнiң құқықтылығы мен бiлiктiлiгiн растайтын құжаттарды;
      3) ықтимал өнiм берушi ұсынып отырған көрсетiлетiн iлеспе қызметтердiң құнын қоса алғанда, жеткiзiлетiн тауарлардың, орындалатын жұмыстар мен көрсетiлетiн қызметтердiң түпкi бағасын құрайтын, шегерiм болған кезде, оның нақты мөлшерi көрсетiлген, барлық нақты шығындар қамтылған, бағалар кестесiне жинақталған бағаны;
      4) тауарлар, жұмыстар мен көрсетiлетiн қызметтердiң сатып алуға жарамдығын растайтын құжаттар мен олардың конкурстық құжаттамаларға сәйкестiгi;
      5) техникалық маманданымдар;
      6) iлеспе қызметтердiң сипаттамасы;
      7) конкурстық өтiнiмдi қамтамасыз ету;
      8) конкурстық өтiнiмге қол қоюға және конкурстық комиссияның отырыстарына қатысуға сенiмхат болуы тиiс.

1. Конкурсқа қатысуға өтiнiм нысаны

      23. Заңды тұлға болып табылатын ықтимал өнiм берушi конкурсқа қатысу үшiн өтiнiмдi Ережеге 4-қосымшаға  сәйкес нысанда ұсынады.

      24. Іс-әрекетке қабiлеттi жеке тұлға болып табылатын ықтимал өнiм берушi конкурсқа қатысу үшiн өтiнiмдi Ережеге 5-қосымшаға  сәйкес нысанда ұсынады.

2. Ықтимал өнiм берушінiң құқықтылығы мен
бiлiктiлiгiн растайтын құжаттар

      25. Заңды тұлға болып табылатын ықтимал өнiм берушi мынадай құжаттарды (конкурсты ұйымдастырушы сатып алынатын тауарлардың, жұмыстардың және көрсетiлетiн қызметтердiң түрлерiне, сондай-ақ басқа да жағдайларға қарай осы тiзбенi нақтылап көрсетедi):
      1) ықтимал өнiм берушiнiң сатып алынатын тауарларды өндiруге, қайта өңдеуге, беруге және сатуға, жұмыстар орындау мен қызметтер көрсетуге арналған құқығын растайтын лицензияларының және/немесе патенттерiнiң, куәлiктерiнiң, сертификаттарының, дипломдарының, басқа да құжаттарының нотариалды куәландырылған көшiрмесiн (не заңды түрде белгiленген нысандағы көшiрмесiн);
      2) егер сатып алатын жұмыстары мен көрсететiн қызметтерi лицензияланбайтын болған жағдайда, ықтимал өнiм берушi орындайтын қызмет түрлерiнiң тiзбесiмен бiрге заңды тұлға жарғысынан алынған үзiндi көшiрменiң нотариалды куәландырылған көшiрмесiн немесе мемлекеттiк және/немесе орыс тiлдерiне аудара отырып нотариалды куәландырылған сауда тiзiлiмiнен алынған заңдастырылған үзiндi көшiрменi (Қазақстан Республикасының резиденттерi емес үшiн);
      3) бухгалтерлiк балансты;
      4) конкурстық өтiнiмдер салынған конверттердi ашу күнiнiң қарсаңында ықтимал өнiм берушiнiң банктiң (банктердiң) алдында үш айдан асатын мерзiмi өткен берешегiнiң жоқтығы туралы бiрiншi басшының немесе қол қоюға құқығы бар тұлғаның және бас бухгалтердiң қолы қойылып, банктiң мөрi басылған банктiң (банктердiң) анықтамасын. Егер ықтимал өнiм берушi екiншi деңгейдегi бiрнеше банктердiң немесе олардың филиалдарының, сондай-ақ шетел банкiнiң клиентi болса, аталған анықтама осындай банктердiң әрбiрiнен ұсынылады;
      5) мiндеттi түрде аудит жүргiзу Қазақстан Республикасының заңнамалық кесiмдермен белгiленген заңды тұлғалардың соңғы қаржы жылы үшiн аудиторлық есебiн;
      6) тауарлар өндiру, қызметтер көрсету және жұмыстар орындау үшiн мамандықтар бойынша бiлiктiлiгi, жұмыс стажы көрсетiлген қызметкерлердiң бар болуы және саны туралы құжатты;
      7) заңды тұлғаны мемлекеттiк тiркеу (қайта тipкey) туралы куәлiктiң нотариалды куәландырылған көшiрмесiн;
      8) статистикалық карточканың нотариалды куәландырылған көшiрмесiн;
      9) құрылтайшылардың құрамы туралы құрылтай шартынан алынып нотариалды куәландырылған үзiндi көшiрмесiн;
      10) Қазақстан Республикасының заңнамасына сәйкес төлеу мерзiмi ұзартылған жағдайларды қоспағанда, конкурстық өтiнiмдер салынған конверттердi ашу күнiнiң қарсаңында ықтимал өнiм берушiнiң салық және бюджетке төленетiн басқа да мiндеттi төлемдердi төлеу және жинақтаушы зейнетақы қорларына аударымдар бойынша үш айдан асатын мерзiмi өткен берешегiнiң жоқтығы туралы бiрiншi басшының немесе қол қоюға құқығы бар тұлғаның қолы қойылып, осы салық органының мөрi басылған тиiстi салық органының белгiленген нысандағы анықтамасының түпнұсқасын немесе нотариалды куәландырылған көшiрмесiн;
      11) Конкурстық құжаттамаға 4 немесе 5-қосымшаларға сәйкес нысанда ықтимал өнiм берушiнiң бiлiктiлiгi туралы мәлiметтердi табыс етедi.
      Ескерту: 25-тармақ өзгертілді - ҚР Мемлекеттік сатып алу жөніндегі агенттігі төрағасының 2002 жылғы 28 қарашадағы N 19 бұйрығымен .

      26. Iс-әрекетке қабiлеттi жеке тұлға болып табылатын ықтимал өнiм берушi мынадай құжаттарды:
      1) жеке куәлiктiң/паспорттың немесе тұлғаны куәландыратын құжаттарды ауыстыруға қабылдау туралы iшкi iстер органдары анықтамасының көшiрмесiн;
      2) ықтимал өнiм берушiнiң сатып алынатын тауарларды өндiруге, қайта өңдеуге, жеткiзуге және сатуға, жұмыстар орындау мен қызметтер көрсетуге құқығын растайтын лицензияларының және/немесе патенттердiң, куәлiктердiң, басқа да құжаттарының (кәсiби бiлiктiлiгiнiң бар екендiгiн растау үшiн) нотариалды куәландырылған (не заңды түрде белгiленген нысандағы көшiрмелерiн) көшiрмелерiн;
      3) заңды тұлға құрмай-ақ кәсiпкерлiк қызметтi жүзеге асыруға құқық беретiн, тиiстi мемлекеттiк орган берген құжаттың (мемлекеттiк сатып алу туралы шарт жасасу үшiн азаматтық құқық қабiлеттiлiктiң болуын растау үшiн) және ықтимал өнiм берушiнiң ұсынылатын тауарға, көрсетiлетiн қызметтерге меншiк құқығын немесе иелену құқығын растайтын құжаттардың нотариалды куәландырылған көшiрмелерi;
      4) осы Конкурстық құжаттамаға 4 және 5-қосымшаларға сәйкес нысанда ықтимал өнiм берушiнiң бiлiктiлiгi туралы мәлiметтердi табыс етедi.
      Ескерту: 26-тармақ өзгертілді - ҚР Мемлекеттік сатып алу жөніндегі агенттігі төрағасының 2002 жылғы 28 қарашадағы N 19 бұйрығымен .

3. Конкурстық өтiнiмнiң бағаларының кестесi

      27. Ықтимал өнiм берушi Ережеге 6-шы қосымшаға  нысан бойынша Бағалар кестесiнде өзiнiң конкурстық өтiнiмiне сәйкес жеткiзуге
/орындауға/ көрсетуге ұсынып отырған тауарлардың, жұмыстар мен көрсетiлетiн қызметтердiң бiрлiгiнiң бағасын және тауарлардың, жұмыстар мен көрсетiлетiн қызметтердiң жалпы бағасын көрсетедi.

      28. Осы тауарлардың, жұмыстардың, көрсетiлетiн қызметтердiң өз құнынан басқа, тауарлардың, жұмыстардың, көрсетiлетiн қызметтердiң бағасы мыналарды:
      1) осы Конкурстық құжаттамаға 1-қосымшада айтылған жеткiзу пунктiне дейiн тасымалдау шығындарды;
      2) Қазақстан Республикасының заңнамасында көзделген барлық салықтарды, баждар мен басқа да мiндеттi төлемдер мен алымдарды;
      3) ықтимал өнiм берушi орындауға мiндеттi осы Конкурстық құжаттаманың 13-тармағы 5) тармақшасына сәйкес сақтандырудың, құрастырудың, пайдалануға берудiң, техникалық көмек көрсетудiң, мамандарды оқытудың және басқа осыған тектес көрсетiлетiн қызметтердiң бағасын. (Егер ықтимал өнiм берушiнiң iлеспе қызметтердi орындауы көзделмеген болса, бұл тармақ алынып тасталады);
      4) жұмыстардың процесiне және аяқтау үшiн қажеттi жұмыс күшiнiң, материалдардың, инженерлiк жабдықтардың, құралдардың, судың, жылудың, электр қуатының, көлiктiк шығындардың, құрылыс машиналары мен механизмдерiнiң және т.c. қызметтердiң барлық құнын;
      5) ықтимал өнiм берушiнiң бағасының басқа да құрамдас бөлiктерiн және сатып алынатын тауарлардың, жұмыстардың, көрсетiлетiн қызметтердiң ұсынып отырған бағасының негiздемесi туралы талаптарды қамтуы тиiс.

      29. Егер ықтимал өнiм берушi Бағалар кестесiнде конкурстық өтiнiмi бағасының құрамдас бөлiктерiн көрсетпесе, конкурстық комиссия ұсынылған бағаны барлық шығыстар есептелiп анықталған деп қарайды және ықтимал өнiм берушi ұсынған баға қайта қарауға жатпайды.

      30. Ықтимал өнiм берушi ұсынып отырған бағалар мемлекеттiк сатып алу жөнiндегi шарттың орындалуының бүкiл мерзiмi iшiнде бекiтiлген қалпында қалуы және Қазақстан Республикасы заңнамасының өзгерiлуi жағдайларын қоспағанда, өзгермеуi тиiс.

      31. Ықтимал өнiм берушi сатып алынатын тауарлардың, орындалатын жұмыстар мен көрсетiлетiн қызметтердiң бағасы көрсетiлген конкурстық өтiнiмнiң бiр бөлiгiн конкурстық өтiнiмдер салынған конверттердi тiкелей ашу сәтiнде табыс етуге құқылы.

4. Конкурстық өтiнiм мен төлемнiң валютасы

      32. Отандық ықтимал өнiм берушiлердiң конкурстық өтiнiмдерiнiң бағалары теңгеде көрсетiлуi тиiс.
      Шетелдiк ықтимал өнiм берушiлердiң конкурстық өтiнiмдерiнiң бағалары_______________-нда (валюта көрсетiледi, мысалы, АҚШ долларында) көрсетiлуi мүмкiн.

      33. Отандық ықтимал өнiм берушiлерге нақтылы төлем теңгеде (мемлекеттiк мекемелер үшiн "Қазақстан Республикасының Қаржы министрлiгiнiң (қаржыландыру органдарының) бюджеттiк қаражаттары лимитiнiң бөлiну шамасымен" деп көрсетiледi) жүргiзiледi.
      Шетелдiк ықтимал өнiм берушiлерге нақтылы төлем_________-нда (валюта көрсетiледi) Қазақстан Республикасының заңнамасында белгiленген тәртiппен жүргiзiледi.

5. Тауарлардың, жұмыстар мен көрсетiлетiн қызметтердiң
сатып алуға жарамдылығын және олардың конкурстық
құжаттамаға сәйкестiгiн растайтын құжаттар

      34. Ықтимал өнiм берушi өзiнiң конкурстық өтiнiмiнiң бөлiгi ретiнде тауарлардың, жұмыстар мен көрсетiлетiн қызметтердiң сатып алуға жарамдылығын және олардың конкурстық құжаттамаға сәйкестiгiн растайтын мынадай құжаттарды:
      1) осы Конкурстық құжаттамаға қоса берiлген Техникалық маманданымға (2-қосымша) сәйкес келетiн, жеткiзiлетiн тауарлардың, көрсетiлетiн қызметтердiң техникалық маманданымын;
      2) тауарды шығару сертификатын;
      3) сапа сертификатын ұсынады.

      35. Тауарлардың, көрсетiлетiн қызметтердiң конкурстық құжаттамаға сәйкестiгiн растайтын құжатты мәтiн нысанында, сызба және мәлiметтер түрiнде ұсынуға болады және де ол:
      1) тауарлардың, көрсетiлетiн қызметтердiң негiзгi техникалық және эксплуатациялық сипаттамаларының егжей-тегжейлi сипаттамасын;
      2) барлық ресурстар мен сенiмдi және үздiксiз жұмыс iстеуге қажеттi қосалқы бөлшектердiң, арнайы құралдардың және т.б. қолданыстағы бағаларын;
      3) тауарлардың, қызметтердiң техникалық маманданымдарға жеткiлiктi сәйкестiгiн көрсететiн түсiнiктемелердi немесе конкурсты ұйымдастырушы ұсынған Техникалық маманданымда белгiленген талаптардан ауытқулар мен айрықшылықтарды көрсететiн құжатты қамтиды.

      36. Жұмыстардың сатып алуға жарамдылығын және олардың конкурстық құжаттамаға сәйкестiгiн растайтын құжаттар:
      1) осы Конкурстық құжаттамаға қоса берiлген (3-қосымша) Техникалық маманданымға сәйкес келетiн, орындалатын жұмыстарға жобалау-сметалық құжаттама (жобалау материалдары, түсiнiктеме жазба, бас жоба мен көлiк, сәулеттiк-құрылыс және технологиялық шешiмдер, инженерлiк қамтамасыз ету, қоршаған ортаны қорғау, құнының есептерi, техникалық-экономикалық бөлiм, құрылысты ұйымдастыру);
      2) конкурсты ұйымдастырушы орындауға талап етiлетiн жұмыстардың сипаттамасына байланысты осы тармақты түзете алады немесе ықтимал өнiм берушi конкурсқа қатысу үшiн ұсынатын басқа да құжаттарды осы тармақшада көрсете алады.

6. Конкурстық өтiнiмдi қамтамасыз ету

      37. Ықтимал өнiм берушi конкурстық өтiнiмдi қамтамасыз етудi (конкурстық өтiнiмдi қамтамасыз етудiң түрi көрсетiледi: ақшадай қаражаттар және/немесе банк кепiлдiгi) түрiнде, ықтимал өнiм берушi тауарларды, жұмыстарды, қызметтердi ұсынып отырған жеткiзудiң жалпы сомасынан 3 % аспаған мөлшерде (ықтимал өнiм берушi мұндай қамтамасыз етудi өзiнiң конкурстық өтiнiмiн ұсынып отырған лоттар (лот) бойынша енгiзедi деп көрсетiледi, бұл ретте осы Конкурстық құжаттамаға 6-қосымшаға сәйкес дайындалатын банк кепiлдiгi бiр құжатпен ұсынылуы мүмкiн және бұл қамтамасыз ету барлық лоттардың қамтамасыз етiлу мөлшерiнiң сомасымен көрсетiледi) және конкурстық өтiнiмнiң өзiнiң қолданылу мерзiмiнен кем емес қолданылу мерзiмiмен енгiзедi (конкурстық өтiнiмдi қамтамасыз ету банкте орналастырылатын ақша кепiлi түрiнде ғана көзделсе, көрсетiлген қосымша алынып тасталады).
      Ықтимал өнiм берушiлер, егер:
      1) олар шағын кәсiпкерлiк субъектiлерi және (немесе) тауарлар өндiретiн, жұмыстар орындап, қызметтер көрсететiн, Қазақстан Республикасы мүгедектерiнiң қоғамдық бiрлестiктерi құратын ұйымдар болса және олар ұсынатын тауарлардың, жұмыстар мен көрсетiлетiн қызметтердiң көлемi құн түрiнде тиiстi қаржы жылына Қазақстан Республикасының заңдарында белгiленген айлық есептiк көрсеткiштiң алты мың еселенген мөлшерiнен аспайтын жағдайда ғана;
      2) мемлекеттiк сатып алу нысанасы iргелi және қолданбалы ғылыми зерттеулер, талдамалар жүргiзу болса;
      3) олар екi кезеңдi рәсiмдердi пайдалана отырып, конкурстың бiрiншi кезеңiне қатысса, конкурстық өтiнiмдi қамтамасыз етудi енгiзбейдi.

      38. Конкурстық өтiнiмдi қамтамасыз етудiң ақшадай қаражаттары конкурстық өтiнiмдердi табыс етудiң соңғы мерзiмi өткенге дейiн шотқа: (конкурсты ұйымдастырушы шотының нөмiрi мен банктiк деректемелерi көрсетiледi) аударылады.
      Банк кепiлдiгi түрiндегi конкурстық өтiнiмдi қамтамасыз ету осы Конкурстық құжаттамаға 8-қосымшаға сәйкес нысанда ресiмделедi.

      39. Ықтимал өнiм берушi өзiнiң конкурстық өтiнiмiнiң бөлiгi ретiнде конкурстық өтiнiмдi қамтамасыз етудi енгiзгенiн растайтын құжаттың түпнұсқасын немесе банк кепiлдiгiнiң түпнұсқасын конкурстық өтiнiмiмен бiрге ұсынады. Конкурстық өтiнiмдерi қамтамасыз етiлмеген барлық конкурстық өтiнiмдердi, Ереженiң  19-тармағында көзделген жағдайларды қоспағанда, конкурстық комиссия, конкурстық құжаттама талаптарына сай келмегендiгiнен, қабылдамайды.
      Конкурстық өтiнiмдi қамтамасыз ету Заңның  14-бабының 6-тармағында айтылған жағдайларда және мерзiмдерде қайтарылып берiледi.

      40. Конкурстық өтiнiмдi қамтамасыз ету Заңның  14-бабының 5-тармағында айтылған жағдайларда қайтарылып берiлмейдi.

7. Конкурстық өтінiмнiң қолданылу мерзiмi

      41. Конкурстық өтiнiмнiң қолданылу мерзiмi ______ күн болып белгiленедi (конкурсты ұйымдастырушы күннiң санын көрсетедi, бiрақ конкурсты ұйымдастырушы мемлекеттiк мекеме болып табылған жағдайда - конкурстық өтiнiмдер бар конверттердi ашқан күннен бастап 45 күннен кем емес және конкурсты ұйымдастырушы мемлекеттiк кәсiпорын, акцияларының бақылау пакетi мемлекетке тиесiлi акционерлiк қоғам және онымен қосылма заңды тұлға болып табылған жағдайда - 35 күннен кем емес;
      екi кезеңдi конкурс өткiзiлген кезде осы күндер тиiсiнше 75 және 65 күннен кем емес болып белгiленедi).

      42. Қолданылу мерзiмi конкурстық құжаттамада көрсетiлгеннен кем конкурстық өтiнiм қабылданбайды.

8. Конкурстық өтiнiмнiң тiлi

      43. Ықтимал өнiм берушiлер дайындаған конкурстық өтiнiм, сондай-ақ конкурстық өтiнiмге қатысты түгел хат-хабар мен құжаттар осы конкурстық құжаттама әзiрленген тiлде жасалып, ұсынылады. Ықтимал өнiм берушi ұсынып отырған iлеспе құжаттама мен баспасөз басылымдары басқа тiлде жасалуы мүмкiн, бiрақ оларға сәйкес тараулардың конкурстық өтiнiмдердiң тiлiнде нақтылы, нотариалды куәландырған аудармасы болған жағдайда, және бұл жағдайда конкурстық өтiнiмдi дұрыс пайымдау мақсатында, мемлекеттiк немесе орыс тiлiнде жазылған құжаттар басымдылау болады (конкурстық құжаттама мемлекеттiк және орыс тiлiнде, ал халықаралық конкурстар өткiзiлген жағдайда - Қазақстан Республикасының тiлдер туралы заңнамасына сәйкес жасалады).

4 тарау. Конкурсқа қатысу үшiн конкурстық өтiнiмдердi
 табыс ету

1. Конкурстық өтiнiмдi ресiмдеу мен оған қол қою

      44. Конкурстық өтiнiмдi ықтимал өнiм берушi тiгiлген түрде, нөмiрленген беттерiмен ұсынады және соңғы бетi оның қолымен, ал заңды тұлға үшiн - мөрiмен куәландырады. Егер ықтимал өнiм берушi конкурстық өтiнiмнiң бағасын конкурстық өтiнiмнен бөлек ұсынған жағдайда, бұл баға ұсынысын өзi қосымша растайды. Конкурстық өтiнiмнiң техникалық бөлiгi (тiгiлген түрде, нөмiрленген беттерiмен, соңғы бетi қолымен, ал заңды тұлға үшiн - ықтимал өнiм берушiнiң мөрiмен расталған) және банктiк кепiлдеменiң түпнұсқасы конкурстық өтiнiмге бөлек тiркеледi.

      45. Ықтимал өнiм берушi "ТҮПНҰСҚА" және "КӨШIРМЕ" деп көрсете отырып, конкурстық өтiнiмнiң түпнұсқасын және (саны көрсетiледi) көшiрмесiн дайындау және табыс етуi тиiс. Олардың арасында алшақтық болған жағдайда түпнұсқаға басымдық берiледi.

      46. Конкурстық өтiнiмнiң түпнұсқасы және барлық көшiрмелерi басылуға немесе өшпейтiн сиямен жазылуға және ықтимал өнiм берушi қол қоюға тиiс.

      47. Конкурстық өтiнiмде, ықтимал өнiм берушiнiң грамматикалық немесе арифметикалық қателердi түзетуi қажет болған жағдайларды қоспағанда, жол арасында ешқандай қосу, өшiру немесе қосып жазу болмауы тиiс.

2. Конкурстық өтiнiмдер бар конверттердi
жапсырып жабу және таңбалау

      48. Ықтимал өнiм берушi конкурстық өтiнiмнiң түпнұсқасы мен әрбiр көшiрмесiн, әртүрлi конверттерге салып, оларды "ТYПНҰСҚА" немесе "КӨШIРМЕ" деп белгiлеп, жапсырып жабады. Бұл конверттерде ықтимал өнiм берушiнiң атауы мен мекен-жайы көрсетiлуi тиiс (конкурстық өтiнiмдi ашпай қайтару мақсатында, егер ол "кешiгiп қалған" деп жарияланған жағдайда). Бұдан кейiн конверттер сыртқы конвертке салынып, жапсырылып жабылады.

      49. Iшкi және сыртқы конверттер:
      1) мына мекен-жай бойынша: (конкурсты ұйымдастырушының толық мекен-жайы көрсетiледi) конкурсты ұйымдастырушыға жiберiлуге;
      2) "(Конкурстың аты көрсетiледi) сатып алу жөнiндегi конкурс" және "(осы Конкурстық құжаттаманың 59-тармағына сәйкес конкурстық өтiнiмдердi ашудың күнi мен уақыты) дейiн ашуға болмайды" деген сөздердi қамтуы тиiс.

3. Конкурстық өтiнiмдердi табыс етудiң орны
мен соңғы мерзiмi

      50. Конкурстық өтiнiмдер конкурсты ұйымдастырушыға қолма-қол немесе почта арқылы мекен-жай бойынша:______________ (конкурсты ұйымдастырушының толық мекен-жайы, бөлменiң нөмiрi көрсетiледi) және ____________ сағатты  қоса алғанда (конкурстық өтiнiмдердi қабылдаудың нақты соңғы күнi мен уақыты көрсетiледi) мерзiмге дейiн - конкурстық өтiнiмдердi қабылдаудың соңғы мерзiмi (конкурстық өтiнiмдердi ашу, күнi мен сағатына дейiн, бiрақ жергiлiктi уақытпен жұмыс күнiнiң 15 сағатынан кешiктiрмей белгiленедi).

4. Конкурстық өтiнiмдердi табыс етудiң соңғы мерзiмi
өткеннен кейiн табыс етiлген конкурстық өтiнiмдер

      51. Конкурсты ұйымдастырушы (оның жауапты тұлғасы) конкурстық өтiнiмдi табыс етудiң соңғы мерзiмi өткеннен кейiн табыс етiлген барлық конкурстық өтiнiмдердi қабылдамайды, ашпайды және оны табыс еткен ықтимал өнiм берушiге қайтарады.

5. Конкурстық өтiнiмдердi өзгерту және оларды
керi қайтарып алу

      52. Ықтимал өнiм берушi, өзi енгiзген конкурстық өтiнiмдi қамтамасыз етудi қайтарып алу құқығын жоғалтпай, конкурстық өтiнiмдердi табыс етудiң соңғы мерзiмi өткенге дейiн өзiнiң конкурстық өтiнiмдерiн өзгерте немесе керi қайтара алады. Конкурстық өтiнiмнiң өзгерiстерi конкурстық өтiнiмнiң дәл өзi сияқты әзiрленуге, жабылуға, мөрленуге және табыс етiлуге тиiс. Мұндай өзгерiс немесе керi қайтарып алу туралы ескерту, егер оны конкурсты ұйымдастырушы конкурстық өтiнiмдердi табыс етудiң соңғы мерзiмi өткенге дейiн алған болса, жарамды болып табылады.

      53. Конкурстық өтiнiмдерге конкурстық өтiнiмдердi табыс етудiң соңғы мерзiмi өткеннен кейiн ешқандай өзгерiс енгiзiлмеуге тиiс.

6. Конкурстық өтiнiмдердi табыс ету

      54. Конкурстық өтiнiмдер Заңның, Ереженiң және осы Конкурстық құжаттаманың талаптарына сәйкес табыс етiлуi тиiс.

5 тарау. Конкурстық өтiнiмдердi ашу және бағалау

1. Конкурстық комиссияның конкурстық өтiнiмдердi ашуы

      55. Қатысып отырған ықтимал өнiм берушiлердiң өкiлеттi өкiлдерi өздерiнiң қатысып отырғанын растап,(тiркелудiң күнi мен уақыты көрсетiледi, бұл уақыт конкурстық өтiнiмдердi ашу уақытынан ерте болуы тиiс) ықтимал өнiм берушiлердi тіркеу журналында тiркелуi тиiс.

      56. Конверттердi ашудың тiкелей алдында конкурстық комиссия ықтимал өнiм берушiге конкурстық өтiнiмнiң бiр бөлiгi ретiнде қосымша конверттер (бағалар кестесiн) енгiзуге құқық бередi, оларда сатып алынатын тауарлардың, жұмыстар мен көрсетiлетiн қызметтердiң бағасы көрсетiледi. Қосымша конверттер ұсынуды конкурстық комиссияның хатшысы тiркеу журналында тiркейдi. (Осы рәсiмнен кейiн қандай да бiр қосымша конверттер қабылданбайды.

      57. Конкурстық комиссия барлық ықтимал өнiм берушiлердiң немесе олардың өкiлеттi өкiлдерiнiң қатысуымен (хабарландыруда (хабарламада) көрсетiлген конкурстық өтiнiмдердi ашу мен конкурстық комиссияның отырысын жүргiзу күнi, уақыты, орны көрсетiледi. Бұл уақыт пен конкурстық өтiнiмдi табыс етудiң соңғы мерзiмi арасындағы уақыт екi сағаттан аспауы тиic) конкурстық өтiнiмдер салынған конверттердi ашады.

      58. Конкурстық өтiнiмдер салынған конверттердi ашқан кезде конкурстық комиссия қатысып отырған тұлғаларға конкурсқа қатысатын ықтимал өнiм берушiлердiң атауы мен тұратын жерiн, олар ұсынған бағаны, егер олар құжат арқылы көрсетiлсе, конкурстық өтiнiмдердi керi қайтарып алуды және өзгертудi, конкурстық өтiнiмдi құрайтын құжаттардың болуы немесе болмауы туралы ақпаратты хабарлайды.

      59. Конкурстық өтiнiмдер салынған конверттердi ашу рәсiмi бойынша конкурстық комиссияның хатшысы Ережеге 7-қосымшаға  сәйкес нысанда және мазмұны бойынша конкурстық комиссияның төрағасы, оның орынбасары, мүшелерi және хатшысының қолдары қойылған ашу хаттамасын жасайды.

      60. Осы хаттаманың көшiрмесi ашу рәсiмiнде қатысқан ықтимал өнiм берушiлерге берiледi, қатыспағандарға олардан сұрау алғаннан кейiн екi жұмыс күнi iшiнде жiберiледi.

2. Конкурстық өтiнiмдердi алдын ала зерделеу және қарау

      61. Конкурстық комиссия конкурстық өтiнiмдердi олардың толықтылығын, есептердегi қатенiң, қажеттi кепiлдiктердiң, құжаттардағы барлық қойылған қолдың болуын, сондай-ақ бүтiндей алғанда құжаттардың ресімделуінің дұрыстығын алдын ала зерделейді.

      62. Конкурстық өтiнiмдердiң қаралуы Заңға , Ережеге  және осы Конкурстық құжаттамаға сәйкес жүзеге асырылады.

      63. Конкурстық комиссия Заң  мен Ережеде  айтылған жағдайларда конкурстық өтiнiмдi қатысудан шеттетуге құқылы. Конкурстық өтiнiм Заңның, Ереженiң барлық талаптарына сәйкес емес деп белгiленiп, конкурстық комиссиямен шеттетiлген жағдайда, ол одан кейiн талаптарға сәйкес деп танылмауға тиiс.

3. Ықтимал өнiм берушiлердiң қойылатын бiлiктiлiк талаптарға сәйкес болуын бағалау әдiстерi және өлшемдерi

      64. Конкурсты ұйымдастырушы Заңның  8-бабының 1-тармағында көзделген бiлiктiлiк талаптарды көрсетедi.
      Ықтимал өнiм берушiлердiң қойылатын бiлiктiлiк талаптарға сәйкестiгi, сондай-ақ олар ұсынған ақпараттың толықтығы мен растығы конкурстық комиссия ықтимал өнiм берушiлер осы Конкурстық құжаттаманың 25 және 26-тармақтарына сәйкес ұсынған құжаттарды қараған сәтте белгiленедi.

4. Конкурстық өтiнiмнiң бағасын бiр валютаға келтiру

      65. Бағалау рәсiмдерiн жеңiлдету және конкурстық өтiнiмдердi салыстыру үшiн конкурстық комиссия конкурстық өтiнiмдердiң әртүрлi валютамен көрсетiлген барлық бағаларын ____________ (күнi көрсетiледi) күнiне Қазақстан Республикасының Ұлттық Банкi белгiлеген ресми бағам бойынша Қазақстан Республикасының валютасына - теңгеге аударады.

5. Конкурстық өтiнiмдердi бағалау және салыстыру

      66. Конкурстық комиссия конкурстық өтiнiмдердi бағалау салыстыру және салғастыру мақсатында олардың шартты бағаларын есептеу үшiн барлық шеттетiлмеген конкурстық өтiнiмдерге бiрдей мөлшерде қолданылатын конкурстық өтiнiмдердi бағалаудың, бағасынан басқа, өлшемдерiн белгiлейдi:
      (eгep тапсырыс берушi үшiн олардың маңызы болса, Заңның  16-бабы 6-тармағының 2)-8) тармақшаларында немесе 7-тармағының 2) және 3) тармақшаларында және Ереженiң 30 , 32-36-тармақтарында  көрсетiлген бағалар өлшемдерi санамаланады).

      67. Осы Конкурстық құжаттаманың 66-тармағында анықталған балама конкурстық өтiнiмдердi бағалау мен салыстыру осылайша жүргiзiледi:
      (конкурстық өтiнiмдердi бағалау мен салыстырудың, Ереженiң 30 , 32-36-тармақтарына  сәйкес конкурстық өтiнiмнiң шартты бағасын есептеу тәртiбiн сипаттау қажет. Бұл ретте конкурстық өтiнiмнiң бағасына Заңның  16-бабы 6-тармағының 2)-4), 6), 7) тармақшаларында немесе 7-тармағының 2), 3) тармақшаларында санамаланған өлшемдердiң сомалық проценттiк ықпалы 15 % аспауы тиiс. Егер тапсырысшы үшiн балама техникалық және/немесе сапалық, пайдалану, басқа сипаттамалары бар тауарлар, жұмыстар немесе көрсетiлетiн қызметтер қолайлы болса, конкурсты ұйымдастырушы тауарлардың, жұмыстардың және көрсетiлетiн қызметтердiң қолайлы сипаттамалары мен көрсеткiштерiн, осындай конкурстық өтiнiмдердi бағалау мен салыстырудың тәсiлдерiн қоса көрсетуi қажет).

6. Басымдық беру шарттары

      68. Конкурстық комиссия ұтқан конкурстық өтiнiмдi анықтаған кезде отандық тауар өндiрушiлер болып табылатын ықтимал өнiм берушiлердiң конкурстық өтiнiмдерiнiң бағасын конкурстық құжаттамада көрсетiлген 20 процентке кемiтедi, сондай-ақ шағын кәсiпкерлiк субъектiлерi мен мүгедектердiң қоғамдық бiрлестiк ұйымдары беретiн және көрсететiн конкурстық құжаттамада көзделген тауарлар мен көрсетiлетiн қызметтердiң көлемiн ескередi.
      Отандық тауар өндiрушi - Қазақ Республикасының резидентi болып табылатын және Қазақстан Республикасының аумағында пайдалануға (қолдануға) дайын тауар өндiретiн, жергiлiктi еңбек ресурстарының кемiнде 85 процентiн пайдаланатын заңды немесе жеке тұлға.

6 тарау. Жеңiп шыққан конкурстық өтiнiмдi анықтау
мен шарт жасасу

1. Жеңiп шыққан конкурстық өтiнiмдi анықтау

      69. Конкурстық комиссия конкурстық құжаттамада көрсетiлген өлшемдердi ескере отырып анықталатын, неғұрлым аз жиынтық шартты бағамен ұтқан конкурстық өтiнiмдi дауыс беру жолымен анықтайды. Екi немесе бiрнеше конкурстық өтiнiмдердiң жиынтық шартты бағалары тең болған жағдайда тауарлар жеткiзудiң, жұмыстар орындаудың, қызметтер көрсетудiң неғұрлым жақсы шарттарын ұсынатын конкурстық өтiнiмге басымдық берiледi.

      70. Жеткiлiктi бәсекелестiк орта болған кезде конкурстың қорытындысын шығарған кезде конкурстық комиссия конкурс жеңiмпазынан басқа, ұсыныстары неғұрлым басымдыққа ие болған кемiнде екi ықтимал өнiм берушiнi белгiлейдi.

      71. Конкурстың қорытындылары Заңның  17-бабы мен Ереженiң  40-тармағына сәйкес рәсiмделедi.

      72. Конкурсты ұйымдастырушы конкурс қорытындылары шығарылған күннен бастап жетi жұмыс күнi iшiнде конкурс нәтижелерiн оның атауын, жеңiмпазы мен оның мекен-жайын, конкурс жеңiмпазы ұсынған тауарлардың, жұмыстар мен көрсетiлетiн қызметтердiң атауын және бiрлiгiнiң бағасын көрсете отырып, мерзiмдi баспасөзде жариялау жолымен барлық қатысқан ықтимал өнiм берушiлерге хабарлайды.

2. Мемлекеттiк сатып алу туралы шарт жасасу

      73. Мемлекеттiк сатып алу туралы шарт Заңның  23-бабы мен Ереженiң 97-тармағында  айтылған тәртiп пен мерзiмдерде жасалады.
      Мемлекеттiк сатып алу туралы шартта тараптардың оны орындамағаны немесе тиiсiнше орындамағаны үшiн айыппұл санкциялары көзделуге тиiс.

      74. Тапсырысшы конкурс қорытындысы шығарылған күннен бастап үш күн мерзiм iшiнде жеңiмпаз атанған ықтимал өнiм берушiнi оның конкурстық өтiнiмi ұтқан деп танылғандығы туралы жазбаша (хатпен, жедел хатпен, факспен) хабардар етедi. Конкурстық өтiнiмдi ұтқан деп тану туралы хабарлама мемлекеттiк сатып алу туралы шарттың бiр бөлiгi болып табылады.

      75. Тапсырысшы конкурс жеңiмпазы - ықтимал өнiм берушiге хабарлай отырып, Қазақстан Республикасының заңнамасына сәйкес жасалған мемлекеттiк сатып алу туралы шарттың жобасына қол қояды және оны оларға жiбередi.

      76. Мемлекеттiк сатып алу туралы шартқа қол қоюшы тараптардың мемлекеттiк сатып алу туралы шарттың жобасына немесе мемлекеттiк сатып алу туралы қол қойылған шартқа өнiм берушiнi таңдау үшiн негiз болған ұсыныстың мазмұнын өзгертуi мүмкiн қандай да бiр өзгерiс және жаңа талаптар енгiзуге құқығы жоқ.

      77. Мемлекеттiк сатып алу туралы шарт өнiм берушi шарттың орындалуын қамтамасыз етудi толық енгiзгеннен кейiн (eгep шартты орындалуын қамтамасыз ету көзделсе) және мемлекеттiк мекемелер үшiн - тапсырысшы оны қазынашылық органдарында тiркегеннен кейiн күшiне енедi.

3. Мемлекеттiк сатып алу туралы шарттың
орындалуын қамтамасыз ету
(eгep мемлекеттiк сатып алу туралы шарттың орындалуын қамтамасыз ету көздесе, бұл тарау толтырылады)

      78. Мемлекеттiк сатып алу туралы шартқа тараптар қол қойғаннан кейiн он жұмыс күнi iшiнде, егер шартта өзгеше көзделмесе, өнiм берушi мемлекеттiк сатып алу туралы шарттың орындалуын қамтамасыз етудi (қамтамасыз етудiң түрi көрсетiледi: банк кепiлдiгi және/немесе банкте орналастырылатын ақша кепiлi) және, егер Қазақстан Республикасының заңнамасында өзгеше көзделмесе, ___________ процент мөлшерiнде (осы ықтимал өнiм берушi жеңiмпаз болып анықталған әрбiр лот бойынша 3%-тен 5%-ке дейiн көрсетiледi) енгiзедi.

      79. Мемлекеттiк сатып алу туралы шарттың орындалуын қамтамасыз етудiң ақша кепiлдiгi түрi тапсырысшының шотына: (шоттың нөмiрi мен банктiк деректемелерi көрсетiледi). Мемлекеттiк сатып алу туралы шарттың орындалуын қамтамасыз етудiң банк кепiлдiгi түрi Ережеге 10-қосымшаға сәйкес нысанда ресiмделедi.

      80. Енгiзiлген мемлекеттiк сатып алу туралы шарттың орындалуын қамтамасыз етудi тапсырысшы шартта көзделген мерзiмдерде немесе өнiм берушi мемлекеттiк сатып алу туралы шарт бойынша мiндеттерiн толық және тиiсiнше орындаған сәттен бастап бес жұмыс күн iшiнде қайтарады.

      81. Тапсырысшы шарттың орындалуын қамтамасыз етудi Қазақстан Республикасының азаматтық заңнамасына сәйкес жағдайларда, егер өнiм берушi:
      1) тауарларды жеткiзу, жұмыстарды орындау, қызметтердi көрсету мерзiмдерiн бұзғанда;
      2) сапасыз тауар жеткiзiлгенде, сапасыз жұмыстар орындалғанда, қызметтер көрсетiлгенде;
      3) мемлекеттiк сатып алу туралы шарттың басқа да шарттарын бұзғанда қайтармайды.

Үлгі конкурстық     
 құжаттамаға 1 қосымша 

______ жылға арналған тауарларды, жұмыстарды және қызметтерді сатып алу тізбесі

__________________________________________________________________
Лот.|Тапсы.|Тауарлардың |Тауарлардың |Өл. |Саны|Тауарлар.|Тауарлар.
тар.|рыс   |жұмыстардың |жұмыстардың |шем |(қа.| ды жет. | ды жет.
дың |беру. |   және     |   және     |бір.|жет.|кізу, жұ.| кізу,
 N  |шінің |көрсетілетін|көрсетілетін|лігі|ті. | мыстарды| жұмыс.
    |атауы |қызметтердің|қызметтердің|    |лік | орындау,| тарды
    |      |   атауы    |  қысқаша   |    |кө. | қызмет. | орындау,
    |      |  (лоттар   |сипаттамасы |    |ле. | терді   | қызмет.
    |      |  бойынша   |(сипаттау) *  |    |мі) | көрсету | терді
    |      |көрсетіледі)|            |    |    | мерзімі | көрсету
    |      |            |            |    |    |         |  орны
__________________________________________________________________
 1     2         3            4         5   6      7         8   
__________________________________________________________________
           Егер тауарлар.
           дың, жұмыстар.
           дың және қызмет.
           тердің сипат.
           тамасын осы
           бағанда сипат.
           тау мүмкін
           болмаса, онда
           ол жеке
           қосымша (техни.
           калық маманда.
           ным) болып
           жазылады және
           осы жерде
           қосымша(лар)ға
           сілтеме
           көрсетіледі
__________________________________________________________________

*  Тауарлардың, жұмыстардың және көрсетілетін қызметтердің толық сипаты
және сипаттамасы техникалық мамандануда көрсетіледі

Конкурсты ұйымдастырушы басшының____________________________
                                лауазымы, аты-жөні және қолы

      М.О.

Үлгі конкурстық    
 құжаттамаға 2 қосымша 

Сатып алынатын тауарлардың/көрсетілетін қызметтердің техникалық маманданымы

      (Конкурсты ұйымдастырушы бұл техникалық маманданымда талап етiлетiн сатып алынатын тауарлардың немесе қызмет көрсетулердiң техникалық және сапалық сипаттамасын және қажеттi маманданымдардың жоспарлардың, сызбалардың, нобайлар мен халықаралық немесе iшкi стандарттарға сай келетiн тауарлардың, көрсетiлетiн қызметтердiң толық сипаттамаларын беруi тиiс. Сондай-ақ, қажет болған жағдайда, конкурсты ұйымдастырушы осы техникалық маманданымда тапсырысшыға тауарды тексеру мен сынаудың қай түрi қажет екендiгi мен олар қай жерде өткiзiлетiнi көрсетiледi).

Үлгі конкурстық    
 құжаттамаға 3 қосымша 

Сатып алынатын жұмыстардың
техникалық маманданымы

      (Конкурсты ұйымдастырушы бұл техникалық маманданымда талап етiлетiн, сатып алынатын, орындалатын жұмыстардың техникалық және сапалық сипаттамасын және қажеттi маманданымдардың, жоспарлардың, сызбалардың, нобайлар мен халықаралық немесе iшкi стандарттарға сай келетiн орындалатын жұмыстардың толық сипаттамаларын беруi тиiс. Сондай-ақ, осы техникалық маманданымда конкурсты ұйымдастырушы құрылыс алаңының, географиялық, инженерлiк-геологиялық және басқа да ерекше табиғи жағдайлардың, инфрақұрылым мен коммуникациялардың бар екендiгiнiң қысқаша сипаттамасын беру керек, жергiлiктi ресурстардың, стандарттар мен техникалық нормативтердiң жүйесiнiң сипаттамасы мен объектінiң толық құрамын, аумақтың инженерлiк дайындықтың, өндiрiс пен жабдықтардың технологиясын, инженерлiк қамтамасыз етудiң, қолданылатын материалдар мен конструкциялардың, объектiнiң жабдықтауын және т.б. объектiнiң пайдалануға берiлген кезде туындайтын қарама-қайшылықтарды болдырмайтын талаптар көрсетiлуге тиiс).

Үлгі конкурстық    
құжаттамаға 4 қосымша 

Біліктілігі туралы мәліметтер
(тауарларды/көрсетілетін қызметтерді сатып алу кезінде
ықтимал өнім беруші толтырады)

      1. Қатысушының атауы мен заңдық мәртебесі_____________________
                                               (мемлекеттік тіркеу
      ____________________________________________________________
      жөніндегі құжаттардың көшірмесі қоса беріледі)

      Тіркелу орны: ______________________________________________

      Мекен-жайы мен негізгі қызмет орны:___________________________

      _____________________________________-ға(-ге), лицензияның N 
      (лицензияның көшірмесі қоса беріледі)

      2. Соңғы бес жылдың ішінде ықтимал өнім беруші жеткізген
      тауарлардың/көрсеткен қызметтердің жыл сайынғы көлемі,
      теңгемен:___________________________________________________
      ____________________________________________________________
      ____________________________________________________________
      ____________________________________________________________

      3. Соңғы үш жыл ішінде басты жеткізуші ретінде орындалған
      сипаты жағынан ұқсас жеткізулер (көрсетілген қызметтер). Құны
      теңгемен көрсетіледі
      ____________________________________________________________
      Тауардың (көрсетілетін | Клиенттің атауы |    Шарттың
        қызметтердің) құны   |                 |(келісім-шарттың)
                             |                 |      құны
      ____________________________________________________________
      ____________________________________________________________
      ____________________________________________________________
      ____________________________________________________________

      4. Жеткізуші ұйым басты лауазымдары қызметкерлерінің
      біліктілігі мен тәжірибесі
      ____________________________________________________________
      Лауазымы |Тегі, аты-жөні |Жалпы жұмыс | Жеткізуші ретінде
               |               | тәжірибесі | жұмыс тәжірибесі
               |               |   (жыл)    |      (жыл)
      ____________________________________________________________
      ____________________________________________________________
      ____________________________________________________________

      5. Қаржы ресурстарына қол жеткізу туралы мәліметтер (ақша
      қаражаты, несие және т.б.). Төменде санамалады және растайтын
      құжаттардың көшірмелері қоса беріледі_______________________
      ____________________________________________________________
      ____________________________________________________________
      ____________________________________________________________

      6. Ұсынымдар алу үшін конкурсты ұйымдастырушы өтініш жасай
      алатын қатысушы банктің атауы, мекен-жайы, телефонының,
      телексінің және телефаксінің нөмірі_________________________
      ____________________________________________________________
      ____________________________________________________________

      7. Соңғы екі жылдың ішінде мемлекеттік сатып алу туралы
      жасалған шарттар бойынша қатысушының міндеттемелерді
      орындамағаны немесе тиісінше орындамағаны үшін соттың жауапқа
      тартуы туралы мәліметтер

      8. Ұсынымдар туралы мәліметтер. Басқа да заңды және жеке
      тұлғалардың ұсыным хаттары, пікірлері санамаланады және қоса
      беріледі____________________________________________________
      ____________________________________________________________
      ____________________________________________________________

      9. "Мемлекеттік сатып алу туралы" Қазақстан Республикасының
      Заңына сәйкес біліктілік талаптарына сай келетіні туралы өнім
      беруші өзге де мәліметтер береді

      Біліктілік туралы барлық мәліметтердің шынайылығы мен
      толықтығын растаймын

      Қолы ______________

      М.О. (заңды тұлға үшін)

      Лауазымы ______________               ________________
                                            (Тегі, аты-жөні)

Үлгі конкурстық    
 құжаттамаға 5-қосымша

      Ескерту: 5-қосымша өзгертілді - ҚР Мемлекеттік сатып алу жөніндегі агенттігі төрағасының 2002 жылғы 28 қарашадағы N 19 бұйрығымен .
 

Біліктілігі туралы мәліметтер
(ықтимал өнім беруші жұмыстарды сатып алу кезінде толтырады )

      1. Қатысушының атауы мен заңдық мәртебесі_____________________
                                      (мемлекеттік тіркеу жөніндегі
      ____________________________________________________________
                құжаттардың көшірмесі қоса беріледі)
      Тіркелу орны: ______________________________________________
      Мекен-жайы мен негізгі қызмет орны:_________________________
      Жұмыстың осы түрін орындауға лицензияның N _________________
      (лицензияның көшірмесі қоса беріледі)

      2. Соңғы бес жылдың ішінде ықтимал өнім беруші орындаған
      жұмыстардың жыл сайынғы көлемі, теңгемен ___________________
      ____________________________________________________________
      ____________________________________________________________
      ____________________________________________________________

      3. Соңғы үш жыл ішінде бас мердігер ретінде орындаған сипаты
      және көлемі жағынан ұқсас жұмыстар
      ____________________________________________________________
        Объектілердің   |  Тапсырыс    | Жұмыстардың  | Шарттың
         атауы және     |берушілердің  | түрлері және |(келісім-
        орналасқан жері | атауы және   | объектілерді |шарттың)
                        |  олардың     | аяқтау жылы  | бағасы,
                        | телефондары. |              | теңгемен
                        | ның нөмірі   |              |
      ____________________________________________________________
      ____________________________________________________________
      ____________________________________________________________

      4. Жұмыстарды орындау үшін Мердігерге жабдықтардың (құрылыс
      механизмдерінің, машиналардың) мынадай бірліктері болуының
      мәні бар. Қатысушы төменде берілген барлық сұрақтарға жауап
      беруі тиіс
      ____________________________________________________________
        Жабдықтардың | Моделі |  Бар  |Жай-күйі |  Меншікті,
          (құрылыс   | және   |бірлік.| (жаңа,  | жалға алынған
        механизмдер. |шығарыл.|тердің | жақсы,  |(кімнен) сатып
        дің, машина. |  ған   | саны  | нашар)  |алынды (кімнен)
        лардың түрі) | жылы   |       |         |
      ____________________________________________________________
      ____________________________________________________________
      ____________________________________________________________

      5. Шартты іске асыру үшін түйінді әкімшілік және желілік
      лауазымдарға ұсынылатын қызметкерлердің біліктілігі және
      олардың тәжірибесі
      __________________________________________________________
      Лауазымы|Тегі, аты-жөні| Жұмыс стажы |Ұқсас объектілердегі
              |              |    (жыл)    |  жұмыс тәжірибесі
              |              |             |        (жыл)
      ____________________________________________________________
      Ұйымның
      басшысы
      ____________________________________________________________
      Бас инженер
      ____________________________________________________________
      Учаскенің
      бастығы
      ____________________________________________________________
      ____________________________________________________________
      ____________________________________________________________

      6. Қаржы ресурстарына қол жеткізу туралы мәліметтер (ақша   
      қаражаты, несие және т.б.). Төменде санамаланады және
      растайтын құжаттардың көшірмелері қоса беріледі_____________
      ____________________________________________________________
      ____________________________________________________________

      7. Конкурстың ұйымдастырушысы ұсынымдар алу үшін өтініш жасай
      алатын қатысушы банктің атауы, мекен-жайы, телефон, телекс
      және телефакс нөмірлері_____________________________________
      ____________________________________________________________
      ____________________________________________________________

      8. Соңғы екі жылдың ішінде мемлекеттік сатып алу туралы
      жасалған шарттар бойынша қатысушының міндеттерді орындамағаны
      немесе тиісінше орындамағаны үшін соттың жауапқа тартуы
      туралы мәліметтер

      9. Ұсынымдар туралы мәліметтер. Ұсыным хаттар, басқа да заңды
      және жеке тұлғалардың пікірлері санамаланады және қоса
      беріледі____________________________________________________
      ____________________________________________________________
      ____________________________________________________________

      10. Ұсынылатын әдістер және жұмыс кестесі (қоса беріледі)

      11. "Мемлекеттік сатып алу туралы" Қазақстан Республикасының
      Заңына сәйкес біліктілік талаптарына сай келетіні туралы өнім
      беруші өзге де мәліметтер береді

      Біліктілік туралы барлық мәліметтердің шынайылығын растаймын

      Қолы _________________

      М.О.

      Лауазымы ________________            __________________
                                            (Тегі, аты-жөні)

Үлгі конкурстық    
 құжаттамаға 6-қосымша 

КОНКУРСТЫҚ ӨТІНІМДІ
ҚАМТАМАСЫЗ ЕТУ НЫСАНЫ
(БАНК КЕПІЛДІГІ)

      Банктің атауы:______________________________________________
                        (банктің атауы және деректемелері)
      Кімге:______________________________________________________
           (конкурсты ұйымдастырушының атауы және деректемелері)

N ____ КЕПІЛДІК МІНДЕТТЕМЕ

      _________________                _____ жылғы "____" _________
      (орналасқан жері)

      Біз, _______________________________ бұдан әрі "Өнім беруші"
           (ықтимал өнім берушінің атауы)
      __________________________ ұйымдастырған ___________________
      (конкурсты ұйымдастырушының атауы)
      сатып алу жөніндегі Конкурсқа қатысатыны және жалпы сомасы
      _____________ теңгеге_______________________________________
       (жазбаша)          (тауарлардың, жұмыстар мен көрсетілетін
      ____________________________________________________________
                    қызметтердің атауы және көлемі)
      тауарларды жеткізуді (жұмыстарды орындауды, қызметтерді
      көрсетуді) жүзеге асыруға дайын болуы туралы хабардар
      етілдік. Жоғарыда аталған конкурсты өткізу жөніндегі _____
      жылғы "____" ________ конкурстық құжаттамамен ықтимал өнім
      берушілердің банк кепілдігі түрінде конкурстық өтінімді
      қамтамасыз етуін енгізу көзделіп отыр.
      Осыған байланысты біз _____________________________________
                                       (банктің атауы)
      Сіздің талап етуіңіз бойынша Сізге ________________________
      ___________________________________________________________
                     (сомасы санмен және жазбаша)

      сомасына тең Сіздің төлеуге жазбаша талап етуіңізді, сондай-ақ Өнім беруші:
      - конкурстық өтінімдерді ұсынудың түпкілікті мерзімі аяқталғаннан кейін конкурстық өтінімді қайтарып алғандығын немесе оны өзгерткендігін;
      - мемлекеттік сатып алу туралы шартқа белгіленген мерзімде қол қоймағандығын;
      - мемлекеттік сатып алу туралы шартқа қол қойғаннан кейін конкурстық құжаттамада көзделген нысанда, көлемде және шарттарды мемлекеттік сатып алу туралы шарттың орындалуын қамтамасыз етуді енгізбегендігін жазбаша растайтын талабыңызды алғаннан кейін қайтарып алынбайтын міндеттемені өзімізге қабылдаймыз.
      Осы кепілдікті міндеттеме конкурстық өтінімдерімен конверттерді ашқан күнінен бастап күшіне енеді.
      Осы кепілдікті міндеттеме Өнім берушінің конкурсқа қатысуға конкурстық міндеттемесі қолдануылының түпкілікті мерзіміне дейін қолданылады және бізге осы құжат қайтарыла ма немесе қайтарылмай ма, оған тәуелсіз, егер біз Сіздің жазбаша талап етуіңізді осы күннің аяғына дейін алмасақ, толық және өздігінен күшін жояды.
      Осы кепілдікті міндеттемеге байланысты туындайтын барлық құқықтар және міндеттер Қазақстан Республикасының заңнамасымен реттеледі.

      Кепілдік берушілердің қолы және мөрі     Күні және мекен-жайы
      ( Банк басшысының және
      бас бухгалтерінің атынан)

Үлгі конкурстық     
құжаттамаға 7-қосымша

      Ескерту: 7-қосымша өзгертілді - ҚР Мемлекеттік сатып алу жөніндегі агенттігі төрағасының 2002 жылғы 28 қарашадағы N 19 бұйрығымен . 

Тауарларды/көрсетілетін қызметтерді
мемлекеттік сатып алу туралы үлгі шарт

      ________________                  ____ ж.  "___"__________

      Бұдан әрі Тапсырыс беруші деп аталатын ____________________
                                 (Тапсырыс берушінің толық атауы)
      ______________________________________________________тұлға
           (өкілетті тұлғаның лауазымы, тегі, аты-жөні)
      бір тараптан және__________________________________________,
                 (Өнім беруші - конкурс жеңімпазының толық атауы)
      бұдан әрі Өнім беруші деп аталатын ________________________
      ______________________________________________________тұлға
          (өкілетті тұлғаның лауазымы, тегі, аты-жөні)
      _____________________________ негізінде іс-әрекет жасайтын,
      (Жарғының, Ереженің және т.б.)

      екінші тараптан, "Мемлекеттік сатып алу туралы" Заңы мен __

      _____________ қаласында _____ ж. "_____" ________N ________

      сатып алу жөніндегі (конкурстың атауы) конкурстың
қорытындыларының Хаттамасы негізінде осы мемлекеттік сатып алу туралы (бұдан әрі - Шарт) Шарт жасасты және төмендегідей келісімге келді:
      1. Конкурсты ұйымдастырушы - (конкурсты ұйымдастырушының атауы көрсетіледі) (тауарлардың/көрcетілетін қызметтердің қысқаша сипаттамасы) сатып алу жөнінде Тапсырыс беруші үшін конкурс жариялады және Өнім берушінің (сомасы цифрмен және жазумен көрсетіледі) сомасы мөлшерінде осы тауарларды жеткізу/қызметтерді көрсету жөніндегі конкурстық өтінімін қабылдап алды (бұдан әрі - Шарттың Жалпы сомасы).
      2. Осы шартта төменде аталатын ұғымдар төмендегiдей түсiнiктемені қамтиды:
      1) "Шарт" - жазбаша нысанда бекiтiлген, барлық қосымшалары мен толықтыруларын қоса тараптар қол қойған, сондай-ақ шартта сiлтемелерi бар барлық құжаттарын қоса "Мемлекеттік сатып алу туралы" Қазақстан Республикасының Заңына  және Қазақстан Республикасының өзге де нормативтiк құқықтық актiлеріне сәйкес Тапсырыс берушi мен Өнім беруші арасында жасалған азаматтық-құқықтық шарт;
      2) "Шарттың бағасы" Тапсырыс берушінің Өнiм берушiге өзiнiң шарттық мiндеттемелерiн толық орындағаны үшiн Шарт шеңберiнде төлейтiн бағасын бiлдiредi;
      3) "Тауарлар" Өнiм берушi Шарт шеңберiнде Тапсырысшыға жеткiзетiн техниканы, құрал-жабдықтарды, тауарлар мен iлеспе қызметтердi бiлдiредi;
      4) "Жанама қызметтер" осы Шартпен көзделген, Тауарларды жеткізуді қамтамасыз ететiн, мысалы, тасымалдау мен сақтандыруды және өзге де көмекшi қызметтерді, мысалы, құрастыру, iске қосу, техникалық көмек көрсету, оқыту және басқа да осы тектес Өнiм берушiнiң мiндеттерiн қоса алғандағы қызметтерді бiлдiредi;
      5) "Тапсырыс беруші" - мемлекеттiк органдар, мемлекеттiк мекемелер, мемлекеттiк кәсіпорындар және акцияларының бақылау пакеті мемлекетке тиесілі акционерлік қоғамдар, сондай-ақ олармен аффилиирленген заңды тұлғалар;
      6) "Өнiм берушi" - Тапсырыс берушімен мемлекеттiк сатып алу туралы жасасқан шартта келісім-шарт жасасушы агент ретiнде әрекет ететін және тауарларды жеткізуді (қызметтерді көрсетуді) жүзеге асыратын жеке немесе заңды тұлға.
      3. Төменде санамаланатын құжаттар мен онда айтылған шарттар осы Шартты құрайды да оның ажырамас бөлігі болып саналады, яғни:
      1) осы Шарт;
      2) сатып алынатын тауарлар/қызметтер тізбесі;
      3) техникалық мамандануы;
      4) Шартты орындауды қамтамасыз ету (бұл тармақша конкурстық құжаттамада Шартты орындауды қамтамасыз етуді енгізу көзделген жағдайда көрсетіледі).
      4. Өнім беруші сату мен жеткізуді (көрсетуді), ал Тапсырыс беруші тауарды (қызметті) саны мен сапасы осы шарттың бөлінбес бөлшегі болып табылатын, Өнім берушінің конкурстық өтінімі мен Тапсырыс берушінің (конкурсты ұйымдастырушының) конкурстық құжаттамасына сәйкес қабылдап алумен төлеуді міндетке алады.
      5. Төлемнiң түрi___________________________________________
      (ақша аудару, қолма қол есеп айырысу, аккредитив және т.б.)

      6. Төлемдердiң мерзiмi_____________________________________
            (мысалы: тауарды түпкi бағдарында қабылдағаннан кейiн,
      ___________________________________________________________
                  немесе алдын ала төлем, немесе т.б. %-i)

      7. Төлемнiң алдынан келетiн қажеттi құжаттар: _____________
                                             ( есеп-фактура немесе
      ___________________________________________________________
                қабылдау-тапсыру актісі, немесе с.с.)

      8. Осы Шарттың шеңберiнде жеткізілетін Тауарлар немесе қызметтер, техникалық маманданымда көрсетiлген стандарттарға сай немесе олардан жоғары болуы тиіс.
      9. Өнiм берушi Тапсырыс берушінің алдын ала жазбаша келiсiмiнсiз, Тапсырыс берушінің өзi осы Шартты орындауға тартылған персоналдан басқа, кiмге де болса Шарттың қай бiр ережелерiн, сондай-ақ техникалық құжаттаманың, жоспарлардың, сызбалардың, нобайлар мен үлгiлердiң және Тапсырыс беруші немесе оның атынан өзге тұлғалар ұсынған ақпараттың мазмұнын ашпауға тиіс. Көрсетілген ақпарат бұл персоналға құпия түрде және шарттық міндеттемелерді орындау үшін қажетті мөлшерде ғана ұсынылады.
      10. Өнiм берушi, Тапсырыс берушінің алдын ала жазбаша келiсiмiнсiз жоғарыда аталып өткен құжаттарды немесе ақпаратты, Шартты жүзеге асыру мақсатынан басқа, пайдаланбауға тиіс.
      11. Техникалық мамандануда көзделсе, Тапсырыс беруші немесе оның өкiлдерi Тауарларға олардың техникалық мамандануға сәйкестiгiн растайтын, техникалық бақылау және/немесе сынақтар өткiзе алады. Бұл сынақтардың барлық шығындарын Өнiм берушi көтередi. Техникалық маманданымда Тапсырыс берушіге тексеру мен сынақтың қандай түрлерi қажет екенi, сондай-ақ олардың қай жерде өткiзiлетiнi көрсетiледi. Тапсырыс беруші осы мақсатқа арналған өзiнiң өкiлдерi туралы жазбаша түрде және дер кезiнде Өнiм берушiнi хабардар етуі тиіс.
      12. Техникалық бақылау мен сынақтар Өнiм берушiнiң немесе қосалқы мердiгер(лер)дiң аумағында, Тауарларды жеткiзу орнында және/немесе түпкi бағытында өткiзiлуі мүмкін. Егер олар Өнiм берушiнiң немесе қосалқы мердiгер(лер)дiң аумағында өткiзiлсе, Тапсырыс берушінің жағынан ешқандай қосымша шығындарсыз, Тапсырыс берушінің инспекторларына, сызбалар мен өндiрiстiк ақпараттарды қолдану мүмкiндiгiн қоса, барлық керектi қаражаттар берiледi және жәрдем көрсетiледi.
      13. Егер техникалық бақылау мен сынақтардан өткен Тауарлар техникалық маманданымға сай болмаса, Тапсырыс беруші олардан бас тартуға құқылы, ал Өнiм берушi сапасыз Тауарды ауыстырады немесе Тапсырыс беруші жағынан ешқандай қосымша шығындарсыз, техникалық маманданымның талаптарына сәйкес тиiстi өзгерістер енгiзедi.
      14. Жоғарыда аталған бiр де бiр тармақ Өнiм берушiнi осы Шарт бойынша кепiлдiктерiнен немесе басқа мiндеттерінен босатпайды.
      15. Өнiм берушi тауарларды, оларды Конкурстық құжаттамаға 1-қосымшада көрсетiлген түпкi бағытына жеткізгенге дейін тасымалдағанда зақымдалудан немесе бұзылудан қорғайтын буып-түюiн қамтамасыз етуі тиіс. Буып-түю тасымалдау кезiндегi, сондай-ақ ашық сақталғанда интенсивтiк көтергiш-тасымалдаулық өңдеу мен экстремалдық температуралардың, пайда болған тұздар мен жауын-шашын әсерлерiн ешқандай шектеусiз шыдап көтеру керек. Буып-түйiлген жәшiктердiң габариттерi мен олардың салмағын белгілегенде түпкi бағыттың алыстығы мен Тауарлардың жүру бағдарының барлық пункттерiнде қуатты жүк көтергiш құралдардың бар болуы ескерілу тиіс.
      16. Жәшiктердiң буып-түйiлуi мен белгiлеуi, сондай-ақ iшiндегi және  сыртындағы құжаттама Тапсырыс беруші белгiлеген арнайы талаптарға қатаң сәйкес болуы тиiс.
      17. Өнiм берушi Тауарларды жеткiзудi сатып алынатын тауарлардың/көрсетілетін қызметтердің тiзбесiнде (1-шi қосымша) аталған Тапсырыс берушінің шарттарына сәйкес төмендегiдей жүзеге асырады:
      а) шетелден жеткiзiлетiн Тауарлар үшiн:
      Өнiм берушi тауарды жөнелткеннен кейiн Тапсырыс беруші мен сақтандыру компаниясын телекс немесе факс арқылы Шарттың нөмiрiн, тауардың сипаттамасын, санын, кемесiн, коносамент нөмiрi мен оның күнiн, айын, жылын, порты мен жөнелткен күнiн, айын, жылын, жүктi түсiру портын және т.б. қоса, тасымалдаудың барлық егжей-тегжейi туралы хабардар етуi тиiс. Өнiм берушi Тапсырыс берушіге келесi құжаттаманы жiберуi тиiс:
      1) тауарлардың сипаттамасы, саны, Тауардың бiрлiк бағасы мен жалпы сомасы көрсетiлген Өнiм берушiнiң шот-фактурасының көшiрмесiн;
      2) жүктi тасымалдау құжаттамасының түпнұсқасы мен 3 көшiрмесiн;
      3) әрбiр  буып-түюдiң  мазмұны  көрсетiлген буып-түю парағының көшiрмесiн;
      4) сақтандыру сертификатын;
      5) жасаушының немесе Өнiм берушiнiң кепiлдiк сертификатын;
      6) өкiлеттi инспекциялық қызмет берген техникалық бақылау өткiзгенi туралы куәлiк, сондай-ақ Өнiм берушiнiң зауытында (егер мұндай жағдай орын алған болса) техникалық бақылау өткiзiлгені туралы есепті;
      7) Тауардың шығарылуы жөнiнде сертификатты.
      Жоғарыда аталған құжаттарды Тапсырыс беруші Тауарлардың портқа немесе жеткiзу пунктiне келгенге дейiн ең болмағанда бiр апта бұрын алуы тиіс, және оларды алмаған күнде Өнiм берушi бұған байланысты барлық шығындарға жауапкершiлiк тартады.
      б) Жергiлiктi Тауарлар үшiн:
      1) тауарлардың сипаттамасы, саны көрсетiлген, тауардың бiрлiк бағасы мен жалпы сомасы бар Өнiм берушiнiң шот-фактурасының көшiрмесi;
      2) жүктi тасымалдау құжаттамасы, темiржол квитанциясы немесе автокөлiктiк жүк квитанциясы;
      3) Жасаушының немесе Өнiм берушiнiң кепiлдiк сертификаты;
      4) өкiлеттi инспекциялық қызмет берген техникалық бақылау өткiзгенi туралы куәлiк, сондай-ақ Өнiм берушiнiң зауытында (егер мұндай жағдай орын алған болса) техникалық бақылау өткiзiлгені туралы есеп;
      5) Тауардың шығарылуы жөнiнде сертификат.
      18. Шарт бойынша жеткiзiлетiн Тауарлар, олардың жасалуына, сатып алуына, тасымалдауына, сақталуына және жеткiзiлуiне байланысты теңгеде (немесе еркiн конвертацияланатын валютада) толық сақтандырылуы (қажеттi сақтандыру түрi көрсетiледi) тиiс. Сақтандыру полисiнде Тапсырыс беруші Өнiм берушiмен бiрге сақтандыру компаниясынан өтемақы алатын тарап ретiнде аталуы тиіс.
      19. Әскери әрекеттер мен ереуiлдерге байланысты қауіптерді қоса, "барлық қауiптерден" сақтандыру кезінде сақтандыру "қоймадан қоймаға дейiнгі" Шарттың сомасының 110% мөлшерiнде болуы тиіс.
      20. Өнiм берушi Тауарларды Конкурстық құжаттамаға 1-қосымшада көрсетiлген бағыт пунктiне дейiн жеткiзуi тиiс. Тауарлардың бағыт пунктiне дейiн тасымалдауды Өнiм берушi жүзеге асырады және төлемiн жасайды, ал бұған байланысты шығындар Шарттың бағасына кiредi.
      21. Конкурстық құжаттамада көрсетiлген қызметтердi Өнiм берушi осы Шарттың шеңберінде орындауы тиiс.
      22. Жанама қызметтердiң бағалары Шарттың бағасына енгiзiлуi тиiс.
      23. Тапсырыс  беруші  Өнiм  берушiден Өнiм берушi жасайтын немесе сататын қосалқы бөлшектер туралы мынадай ақпарат, атап айтқанда, Тапсырыс беруші Өнiм берушiден сатып алу үшiн таңдап алатын және кепiлдiк мерзiмi аяқталғаннан кейiн қолданатын қосалқы бөлшектердiң құны мен номенклатурасын талап ете алады.
      24. Өнiм берушi өзiнiң қосалқы бөлшектердi өндiрудi тоқтатқан жағдайда:
      а) Тапсырыс берушіге қажеттi мөлшерлерде қажеттi сатып алулар жасап алуға мүмкiндiк беру үшiн, оны алдағы өндiрiстiң жабылуы туралы алдын ала ескертуге;
      б) қажеттi жағдайда, өндiрiстi тоқтатумен ілесе, Тапсырыс берушіге жоспарларды, сызбаларды және қосалқы бөлшектердiң техникалық құжаттамасын тегiн беруге мiндеттi.
      25. Өнiм берушi, егер Шарт бойынша өзге көзделмесе, Шарт шеңберiнде жеткізілген тауарлардың жаңа болуына, қолданылмағандығына, жаңа үлгiдегi немесе конструкциялар мен материалдардың барлық соңғы модификацияларын көрсететін сериялық үлгiлерi екендiгiне кепiлдiк бередi. Өнiм берушi бұдан әрі осы шарт бойынша жеткізілген тауарлар конструкцияларына, материалдарына немесе жұмысына байланысты, жеткізілген Тауарлар Тапсырыс берушінің елiне әдетті жағдайларда қалыпты қолданған кезде ақаулықтары болмайтынына кепiлдiк бередi. Тапсырыс беруші ұсынған Техникалық маманданымға қатаң сәйкес Өнiм берушi жасаған конструкцияларда, материалдарда ақаулықтар шыққан жағдайда, Өнiм берушi оның (Тапсырыс берушінің) техникалық маманданымында жiберілген қателiктер үшін жауапкершiлiк тартпайды.
      26. Бұл кепiл Тауарлардың барлық партиясы немесе нақты жағдайға байланысты оның бөлігі жеткiзiлгеннен және оларды Шартта көрсетілген түпкi бағытының пунктінде қабылдап алғаннан кейiн ______________________________________ күн ішінде күшiнде болады.
             (талап етілетін кепiл мерзiмi көрсетiледi)

      27. Тапсырыс беруші осы кепiлге байланысты барлық наразылықтар туралы Өнiм берушiнi жедел түрде жазбаша ескерту тиiс.
      28. Өнiм берушi осындай ескерту алғаннан кейiн сапасыз Тауарларға немесе оның бөлшектерiне Тапсырыс беруші жағынан ешқандай шығынсыз мейлiнше жедел жөндеу жүргізуге немесе ауыстыруға мiндеттi.
      29. Егер Өнiм берушi ескертудi алып, Тапсырыс беруші талап еткен мерзiмдерде ақаулық(тар)ды түзетпесе, Өнiм берушiге қатысты басқа да Шарт бойынша Тапсырыс берушінің болуы мүмкін құқықтарына зиянын тигiзбей, Тапсырыс беруші Өнiм берушiнiң есебiнен ақаулықтарды түзету жөнiнде қажеттi санкциялар мен шаралар қолдана алады.
      30. Өнiм берушiге жеткiзiлген Тауарлар үшiн төлем осы Шарттың 5 және 6-тармақтарында көрсетiлген нысанда және мерзiмде жүргiзiледi.
      31. Тапсырыс берушінің шартта көрсеткен бағалары Өнiм берушiнiң конкурстық өтiнiмiнде көрсетiлген бағаларына сәйкес келуі тиіс.
      32. Шарттың құжаттарына, екi жақ қол қойған жазбаша өзгерiстерден басқа, ешқандай ауытқулар немесе өзгерiстер (сызбалар, жобалар немесе техникалық маманданымдар, жөнелту, буып-түю тәсiлi, жеткiзу орны немесе өнiм берушi ұсынатын қызметтер және т.б.) енгiзуге болмайды.
      33. Егер қандай да болса өзгерiс бағаның немесе Шарт бойынша тауарлардың қандай да бір бөлшегiн жеткiзу үшiн Өнiм берушiге қажеттi мерзiмдердiң төмендеуiне әкелетiн болса, Шарттың бағасы немесе жеткiзу кестесi, немесе екеуi де керектi түрде түзетiледi, ал Шартқа тиісті түзетулер енгiзiледi. Осы тарау шеңберiнде түзетулер жүргізу бойынша Өнiм берушiнiң барлық сұраулары Тапсырыс берушіден өзгерістер туралы Өнiм берушi өкiм алғаннан кейiн 30 (отыз) күн iшiнде ұсынылуы тиiс.
      34. Өнiм берушi осы Шарт бойынша Тапсырыс берушінің алдын ала жазбаша келiсiмiнсiз өзiнiң мiндеттерiн түгелімен де, бөлектеп те өзгеге тапсырмауға тиiс.
      35. Өнiм берушi Тапсырыс берушіге, егер бұл конкурстық өтiнiмнің құжаттарында аталып өтсе, осы Шарт шеңберiнде жасасқан барлық қосалқы мердiгерлiк шарттардың көшiрмелерiн ұсынуы тиіс. Қосалқы мердiгерлердiң бар болуы Өнiм берушiнi Шарт бойынша материалдық немесе басқа жауапкершiлiктен босатпайды.
      36. Тауарларды жеткiзу мен қызметтерді көрсетуді Өнiм берушi бағалар кестесiнде көрсетiлген кестеге сәйкес жүзеге асыру тиiс.
      37. Өнiм берушi тарабынан жеткiзудi кешiктiру оған жүктелетiн мынадай санкцияларға әкелуi мүмкiн: Шартты орындауды қамтамасыз етудi ұстап қалу арқылы Шартты жоюға немесе айып төлетуге.
      38. Егер Шартты орындау барысында, Өнiм берушi немесе оның мердiгер(лер)i уақытында Тауарларды жеткiзуге және қызметтерді көрсетуге кедергi жасайтын жағдайлармен кез келген уақытта кездессе, Өнiм берушi бөгет болған фактi, оның болжамды ұзақтығы мен себебi (себептерi) туралы Тапсырыс берушіге жазбаша ескертуді дереу жiберуi тиiс. Тапсырыс беруші Өнiм берушiден ескерту алғаннан кейiн жағдайға баға берiп, өзiнiң қарауынша, Өнiм берушiнiң Шартты орындау мерзiмiн ұзарта алады; бұл жағдайда мұндай ұзарту Шарт мәтiнiне түзетулер енгiзу арқылы тараптармен бекiтiлуi тиiс.
      39. Форс-мажорлық жағдайлардан басқа, егер Өнiм берушi Шартта көзделген мерзiмдерде Тауарларды жеткiзе немесе қызметтерді көрсете алмаса, Тапсырыс беруші Шарт шеңберiндегі өзiнiң өзге құқықтарына зиянын тигізбей, айып төлемі түрінде Шарттың бағасынан
__________________________________________________________________
( шарттың жалпы сомасынан %-те немесе кешіктірудің әр күні үшін
_______________________________________ соманы, кемітеді.
белгілі сома көрсетіледі)

      40. Шарттың шарттары бұзылғаны үшін басқа да санкцияларға зиян келтірмей, Тапсырыс беруші, Өнім берушіге міндеттерін орындамағаны туралы жазбаша ескерту жіберіп, осы Шартты толық немесе бөлектеп бұза алады:
      а) егер Өнім беруші Тауардың бөлшегін немесе барлығын Шартта көзделген мерзім(дер)де немесе Тапсырыс беруші ұсынған бұл Шартты ұзарту мерзімі ішінде жеткізе алмаса;
      б) егер Өнім беруші Шарт бойынша өзінің басқа да міндеттерін орындай алмаса.
      41. Егер Шарттың шарттарын орындауға кедергі болып форс-мажорлық жағдайлар табылса, Өнім беруші өзінің Шартты орындауын қамтамасыз етуінен айырылмайды және айып төлеміне немесе Шарттың бұзылуына жауапкершілік тартпайды.
      42. Осы Шарттың мақсаты үшін "форс-мажор" Өнім беруші тарабының бақылауына көнбейтін, Өнім берушінің жаңылысуына немесе салақтығына байланыссыз күтпеген тұтқиыл жағдайды білдіреді. Мұндай жағдайлар мыналарды: әскери әрекеттерді, табиғи немесе зілзала нәубеттерді, эпидемия, тауарға салынған карантин мен эмбаргоны қамтуы, бірақ бұл әрекеттермен шектелмеуі мүмкін.
      43. Форс-мажорлық жағдайлар пайда болғанда, Өнім беруші Тапсырыс берушіге осындай жағдайлар мен оның себептері туралы жазбаша дереу ескерту жіберуі тиіс. Егер Тапсырыс берушіден өзге жазбаша нұсқаулар түспесе, Өнім беруші Шарт бойынша өзінің міндеттерін неғұрлым мақсатқа сай атқара береді және Шартты орындау үшін форс-мажорлық жағдайлардан тәуелсіз балама тәсілдерді іздестіреді.
      44. Егер Өнім беруші банкрот немесе төлеуге қабілетсіз болса, Өнім берушіге қажетті жазбаша ескерту жібере отырып, Тапсырыс беруші кез келген уақытта Шартты бұзуға құқылы. Бұл жағдайда Шарттың бұзылуы дереу жүзе асырылады, және, егер Шарттың бұзылуы Тапсырыс берушіге зиянын келтiрмеген немесе iс-әрекет жүргiзуге немесе Тапсырыс берушіге тағылған  немесе кейін тағылатын санкцияларды қолдануға қандай да болсын құқықтарын қозғамаған жағдайда, Тапсырыс беруші Өнiм берушiге қатысты ешқандай қаржылық мiндеттер атқармайды.
      45. Шарттың әрі қарай орындалуы мақсатқа сай келмейтіндігінен, Тапсырыс беруші Өнiм берушiге тиісті жазбаша ескерту жiберiп, кез келген кезде оны бұза алады. Ескертуде Шартты бұзудың себебi, шарттық мiндеттемелердiң жойылған көлемi аталып өтуі тиіс, сондай-ақ Шартты бұзудың күшіне енетiн құны, жылы, айы көрсетiледi.
      46. Шарт осындай жағдайларға байланысты күшiн жойған кезде, Өнiм берушi Шарттың бұзудың себептерiне байланысты, күшi жойылған күнге, нақты шығындарға ғана төлем талап етуге құқылы.
      47. Тапсырыс беруші мен Өнiм берушi Шарт бойынша немесе оған байланысты барлық өзара келiспеушiлiктер мен талас пiкiрлердi тiкелей келiссөздер барысында шешуге бар ынталарын салуға тиiс.
      48. Егер Тапсырыс беруші мен Өнiм берушi Шарт бойынша таласты мұндай тiкелей келiссөздер басталғаннан кейiн 21 (жиырма бiр) күн iшiнде шеше алмаса, тараптардың кез келген жағы осы мәселенi Қазақстан Республикасының заңнамасына сәйкес шешудi талап етуге құқылы.
      49. Шарт мемлекеттiк және/немесе орыс тiлдерiнде жасалады. Шарттың екiншi тарабы шетелдiк ұйым болған жағдайда, оның екiншi данасы Қазақстан Республикасының тiл туралы заңнамасына  сәйкес сол тiлге аударылуы мүмкін. Шартты төрелік сотта қарау қажет болған жағдайда, Шарттың мемлекеттiк немесе орыс тiлдеріндегі даналары қаралады. Тараптар алмасатын Шартқа қатынасты барлық хат жазысу мен басқа да құжаттамалар осы шарттарға сай болуы тиiс.
      50. Шарт Қазақстан Республикасының заңнамасына сәйкес жасалуы тиiс.
      51. Шарт бойынша бiр тарап екiншi тарапқа жiберетiн кез келген ескерту хат, жедел хат, телекс немесе факс түрiнде жiберiледi, оған ілесе түпнұсқасы жiберiледi.
      52. Ескерту жеткiзiлген уақыттан немесе онда көрсетiлген күшіне енетін күнінен (егер ескертуде көрсетiлсе), олардың қай күнi кешiрек болғанға байланысты, сол күннен бастап күшiне енедi.
      53. Салықтар және басқа да бюджетке міндетті төлемдер Қазақстан Республикасының салық заңнамасына сәйкес төленуге жатады.
      54. Өнім беруші Шартты орындауды қамтамасыз етуді конкурстық құжаттамада көзделген нысанда, көлемде және шарттарда енгізуге тиіс.
      55. Осы Шарт Тапсырыс беруші мен Өнім беруші белгіленген тәртіппен келісімдеген басқа да айыппұл санкцияларын немесе Қазақстан Республикасының заңнамасына қайшы келмейтін өзге де шарттарды көздеуі мүмкін.
      56. Осы Шарт Тапсырысшы оны Қазақстан Республикасының Қаржы министрлігі қазынашылығының жергілікті органдарында тіркегеннен кейін және Өнім беруші Шартты орындауды қамтамасыз етуді енгізгеннен кейін күшіне енеді.
      57. Тараптардың мекен-жайлары мен реквизиттері:

      Тапсырысшы                             Өнім беруші

      ________________________          ________________________
          (толық атауы)                      (толық атауы)
      ________________________          ________________________
           (мекен-жайы)                       (мекен-жайы)
      ________________________          ________________________
           (телефон, факс)                  (телефон, факс)
      ________________________          ________________________
             (аты-жөні)                        (аты-жөні)
      ________________________          ________________________
               (қолы)                            (қолы)
      _____ж. "___"________              _____ж. "___"________

              М.О                                 М.О.

      Қазынашылықтың жергілікті органдарында тіркелген күні, жылы, айы (мемлекеттік органдар мен мемлекеттік мекемелер үшін):_______
_________________________________________________________________
      Осы тауарларды/қызмет көрсетулерді мемлекеттік сатып алу туралы Үлгілік шарт Тапсырысшы мен Өнім беруші тауарларды/қызмет көрсетулерді Қазақстан Республикасының мемлекеттік бюджеті қаражатының есебінен жүзеге асыру барысында Тапсырысшы мен Өнім беруші арасында шығатын құқылық қарым-қатынастарды реттейді. Тапсырысшы, осы шартты қолдана отырып, конкурс қорытындыларының хаттамасы негізінде өзінің тауарларды/қызмет көрсетулерді мемлекеттік сатып алу туралы шарт жобасын әзірлеуге міндетті. Бұл жағдайда, осы Шартқа енгізілетін кез келген өзгертулер мен толықтырулар Қазақстан Республикасының мемлекеттік сатып алу жөніндегі заңдарына, Тапсырысшының конкурстық құжаттамасына, Өнім берушінің конкурстық өтініміне және конкурс қорытындыларының хаттамасына сәйкес болу тиіс. Осы Шартта курсивпен бөлініп жазылған түсіндірмелерді Тапсырысшы толтыруы тиіс.

Үлгі конкурстық    
 құжаттамаға 8-қосымша 

Жұмыстарды
мемлекеттік сатып алу туралы үлгі шарт

      ___________________             ___ жылғы "___" ___________
        (Орналасқан жері)

      Бұдан әрі Тапсырыс беруші деп аталатын _____________________
                                  (Тапсырыс берушінің толық атауы)

      ______________________________________________________тұлға
           (өкілетті тұлғаның лауазымы, тегі, аты-жөні)
      бір тараптан және __________________________________________
                  (өнім беруші - конкурс жеңімпазының толық атауы)
      бұдан әрі Мердігер деп аталатын ____________________________
      ______________________________________________________ тұлға
           (уәкілетті тұлғаның лауазымы, тегі, аты-жөні)
      ________________________________негізінде іс-қимыл жасайтын,
      (Жарғының, Ереженің және т.с.с)
      екінші тараптан, "Мемлекеттік сатып алу туралы" Заңның  және
      ________ қаласында өткен____________________________________
      ____________________________________________________________
                          (конкурстың атауы)
      сатып алу жөніндегі конкурстың ____ ж. "___"________ N _____
      қорытындылары туралы Хаттамасы негізінде осы мемлекеттік
      сатып алу туралы шарт (бұдан әрі - Шарт) жасасты және төмендегілер туралы келісімге келді:
      1. Конкурсты ұйымдастырушы - (конкурсты ұйымдастырушының атауы көрсетіледі) Тапсырыс беруші үшін (жұмыстардың қысқаша сипаттамасы) сатып алу жөнінде конкурс жариялады және осы жұмыстарды орындауға (сомасы цифрмен және жазылып көрсетіледі) сома мөлшерінде (бұдан әрі Шарттың Жалпы сомасы деп аталады) Мердігердің конкурстық өтінімін қабылдап алды.
      2. Жұмыстар (жобаның атауы, объектінің атауы және орналасқан жері) Жоба бойынша орындалады.
      Бас Жобалаушы (ұйымның атауы және мекен-жайы).
      3. Осы шартта төменде аталатын ұғымдар төмендегідей түсініктемені қамтиды:
      1) "Тапсырыс беруші" - мемлекеттік органдар, мемлекеттік мекемелер, мемлекеттік кәсіпорындар және акцияларының бақылау пакеті мемлекетке тиесілі акционерлік қоғамдар, сондай-ақ олармен қосылма заңды тұлғалар;
      2) "Бас мердігер" (бұдан әрі - Мердігер) - Тапсырыс берушімен мемлекеттік сатып алу туралы жасасқан шартта тікелей агент ретінде әрекет ететін заңды тұлға;
      3) "Қосалқы мердігер" Шарт бойынша учаскеде (объектіде) жұмыстардың бір бөлігін орындау туралы Бас мердігермен шарт жасасқан тұлғаны немесе ұйымды білдіреді;
      4) "Техникалық қадағалау" Шарттың талаптарына сәйкес Мердігердің мердігерлік жұмыстарын орындау бойынша бақылауды жүзеге асыру үшін Тапсырыс беруші тағайындаған және Мердігерге хабарландырылған тұлғаны білдіреді;
      5) "Объект" - конкурсты ұйымдастырушы құрылыс салуға, қайта құруға жататын деп белгілеген әрі Мердігер Тапсырыс берушіге Шартта көзделген түрде тапсыратын ғимарат, құрылыс;
      6) "Учаске" - Объектінің құрылысына немесе жұмыстарды жүргізу үшін бөлінген аумақты білдіреді;
      7) "Шарттың құны" - Мердігер оның конкурстық өтінімінде көрсеткен және Тапсырыс беруші қабылдаған Шарттың жалпы сомасын білдіреді;
      8) "Шарт" - "Мемлекеттік сатып алу туралы" Қазақстан Республикасының Заңына  және ғимараттар мен құрылыстарды салуға және жөндеу-құрылыс жұмыстарына арналған Қазақстан Республикасының өзге де нормативтік құқықтық актілеріне сәйкес Тапсырыс беруші мен Мердігер арасында жасалған азаматтық-құқықтық шарт. Шартқа қол қойылғаннан кейін, оған барлық толықтырулар мен өзгерістер өзгерістерді қабылдау арқылы жасалуы мүмкін. Шарт Жобалаушы мен Мердігер, Тапсырыс берушілер мен Қосалқы мердігерлер арасында, қандай да бір шарттық қарым-қатынастар жасау мақсатында түсіндірілмеуі тиіс;
      9) "Уақытша құрылыстар" - Объектінің құрылысы мен жөндеу үшін қажетті Мердігер тұрғызатын, қондыратын және Объект құрылысы аяқталғаннан кейін алынып тасталатын барлық уақытша ғимараттар мен құрылыстарды білдіреді;
      10) "Материалдар" - Мердігер мен Қосалқы мердігер Объектінің құрылысы үшін пайдаланатын барлық шығыс материалдарын білдіреді;
      11) "Жабдық" - Объектінің құрылысы үшін учаскеде уақытша орналастырылған Мердігер мен Қосалқы мердігердің барлық машиналары мен механизмдерін білдіреді;
      12) "Құрылыстың ұзақтығы мерзімі" - Мердігер оның ішінде Объектінің құрылысын аяқтайтын мерзімді білдіреді;
      13) "Күндер" - күнтізбелік күндер, "айлар" - күнтізбелік айлар;
      14) "Өзгерістер" - Шартқа қол қойылғаннан кейін Тапсырыс беруші берген өзгерістер;
      15) "Ақау" - Шарт талаптарын бұзушылықтармен орындалған жұмыстардың бір бөлігі;
      16) "Кемшіліктер мен ақауларды жою кезеңі" - жұмыстардың орындалуын тексерулердің барысында анықталған кемшіліктер мен ақауларды жою кезеңі.
      4. Төменде санамаланатын құжаттар және оларда айтылған шарттар осы Шартты құрайды және оның ажырамас бөлігі болып саналады, атап айтқанда:
      1) Осы Шарт;
      2) шарт нысанасы/сатып алынатын жұмыстар тізбесі;
      3) техникалық мамандануы;
      4) Шартты орындауды қамтамасыз ету (бұл тармақша конкурстық құжаттамада Шартты орындауды қамтамасыз етуді енгізу көзделген жағдайда көрсетіледі);
      5) жобалау-сметалық құжаттама/жұмыс сызбалары (сызбалардың нөмірлері мен олардың күндері көрсетіледі).
     _____________________________________________________________
         Құжат      |        Атауы     |   Нөмірі және күні
     _____________________________________________________________
     _____________________________________________________________
     _____________________________________________________________
     _____________________________________________________________

      6) Толықтырулар (мұндайлар бар болса):
     _____________________________________________________________
         Құжат      |        Атауы     |   Нөмірі және күні
     _____________________________________________________________
     _____________________________________________________________
     _____________________________________________________________
     _____________________________________________________________

      7) Өзге де құжаттар (Тапсырыс беруші Шарттың құжаттарына
енгізгісі келетін қосымша құжаттар көрсетіледі)
      ___________________________________________________________
      ___________________________________________________________
      ___________________________________________________________

      5. Мердігер осы Шартта көзделген барлық жұмыстарды орындауды
қамтамасыз етуге міндеттенеді.

      6. Шарт мемлекеттік және/немесе орыс тілдерінде жасалады. Шарттың екінші тарабы шетелдік ұйым болған жағдайда, оның екінші данасы Қазақстан Республикасының тіл туралы заңнамасына сәйкес сол тілге аударылуы мүмкін. Шартты төрелік сотта қарау қажет болған жағдайда, Шарттың мемлекеттік немесе орыс тілдеріндегі даналары қаралады. Шартқа қатысты тараптар алмасатын барлық хат алмасу және басқа құжаттама осы ережелерге сәйкес болуы тиіс.
      7. Қазақстан Республикасының заңнамалық кесімдері Шарттың құқықтық нормалары болып табылады.
      8. Объект құрылысының мәселелеріне қатысты Тапсырыс беруші мен Мердігер арасындағы ресми қатынастың жазбаша түрде ғана күші бар.
      9. Мердігер қосалқы мердігерлік ұйымдармен жұмыстардың жалпы көлемінің 2/3 аспайтын (мердігерліктің бағасы) Шарттар жасай алады, бірақ Тапсырыс берушінің жазбаша рұқсатынсыз үшінші тұлғаға Шартты бере алмайды. Қосалқы мердігерлердің болуы Тапсырыс беруші мен Мердігер арасындағы Шарттың қағидаларын өзгертпейді.
      10. Учаскеде қосалқы мердігерлер болған кезде Мердігер олармен өз жұмыстарын үйлестіруі тиіс.
      11. Тапсырыс беруші Мердігерге объектінің құрылысына (жөндеуіне, қайта құруына арналған) жобалау-сметалық құжаттаманы береді. ("Кілтімен беру" құрылыс салу шартында мемлекеттік сатып алу жөнінде конкурс өткізілген кезде осы талап Шартта айтылуы тиіс).
      12. Мердігер негізгі лауазымдарға Біліктілік туралы мәліметтерде көрсетілген қызметкерлерді жалдайды. Осы адамдарды басқаларға ауыстырған кезде, Мердігер осындай ауыстыруға Тапсырыс берушіден келісім алуы тиіс. Жаңа қызметкерлердің біліктілігі Біліктілік туралы мәліметтерде көрсетілген қызметкерлердің біліктілігімен бірдей немесе одан жоғары болуы тиіс.
      13. Егер Тапсырыс беруші, бұл ретте себептерін көрсете отырып, Мердігерден Мердігер немесе қосалқы мердігердің қызметкері болып табылатын тұлғаны Объектідегі жұмыстарды орындаудан шеттетуді өтінсе, Мердігер 72 сағаттың ішінде құрылыс объектісінен осы тұлғаны шеттетіп тастауға міндетті, содан кейін бұл тұлға осы Шарт бойынша жұмыстардың орындалуына қатысты ешқандай байланысы болмауы тиіс.
      14. Мердігер залалдарға немесе Тапсырыс берушінің мүлкіне, өз қызметкерлерінің жеке меншігі мен денсаулығына зиян келтірілуіне, сондай-ақ өз қызметкерлерінің қаза болуына, Шартты орындау барысында және оның салдарынан туындайтын зардаптарға байланысты барлық тәуекел үшін жауап береді.
      15. Тәуекелдің айрықша түрлері үшін, атап айтқанда: соғыс, көтеріліс, революция, азамат соғысы, бүлік, тәртіпсіздік тәуекелі (егер оған Тапсырыс берушінің қызметкерлері қатысса) үшін Тапсырыс беруші жауапты. Мердігер анықтаған және конкурстық құжаттамада көрсетілмеген топырақтың улы және жарылғыш заттармен зақымдалуы және осы анықталғандар жұмыстардың тікелей орындалуына ықпал етсе, осылар да Тапсырыс берушінің тәуекелі болып табылады.
      16. Мердігер ақауларды жою кезеңін қоса алғанда, жұмыстардың басталу күнінен бастап жұмыстардың толық аяқталуына дейінгі кезеңге Тапсырыс беруші мен Мердігердің атына сақтандыру өтеуін қамтамасыз етеді.
      Сақтандыру объектілері және сомалары ______________________
                                   (жабдықтарды беруді сақтандыру,
      ___________________________________________________________
                 адамдарды және с.с. сақтандыру)

      17. Сақтандыру полистері мен сертификаттары жұмыстардың басталу күніне дейін бекіту үшін Мердігер Тапсырыс берушіге ұсынуы тиіс.
      18. Егер Мердігер талап етілетін сертификаттарды ұсынбаса, Тапсырыс беруші Мердігер қамтамасыз етуі тиіс және осы шығыстарды Шарттың құнынан ұстауы тиіс болатын сақтандыруды жүргізуі мүмкін.
      19. Мердігер Тапсырыс берушінің келісімінсіз сақтандыру шартына ешқандай өзгеріс жасауға тиіс емес.
      20. Тараптардың екеуі де сақтандыру полистерінің барлық шарттарын сақтауы тиіс.
      21. Тараптардың әрқайсысы олардың бірлескен іс-әрекеттерінің немесе олқылықтарының нәтижесі болып табылатын зияндар, шығыстар және залалдар, денсаулыққа зиян келтіру және адамдардың қаза табуы үшін жауап береді және оларды басқа тарапқа өтейді.
      22. Мердігер Объектідегі жұмыстарды жүргізудің техникалық қауіпсіздігі үшін толық жауап береді.
      23. Учаскеде табылған тарихи немесе басқа да мүдделілік пен құндылығы бар кез келген олжа Тапсырыс берушінің меншігі болып табылады. Мердігер осындай олжа туралы Тапсырыс берушіні хабардар етуі және оларды акті бойынша Тапсырыс берушіге тапсыруы тиіс.
      24. Тапсырыс беруші Мердігерге Объектінің құрылысына бөлінген бүкіл Учаскені пайдалануға рұқсат етеді. Егер Учаскенің бір бөлігі құрылысқа Шарттың Ерекше жағдайларында көрсетілген Учаскені беру күніне берілмесе және осы себепті жұмыстардың орындалуы кідірілсе, мұндай жағдайда Тапсырыс беруші осы Учаскенің берудің кідірілген мерзіміне жұмыстардың аяқталу мерзімін ұзартуы тиіс.
      25. Тапсырыс беруші немесе оның өкілетті тұлғасының, сондай-ақ жобалық-сметалық құжаттама авторларының Шарт бойынша жұмыстар орындалып жатқан немесе орындалатын Учаскеге немесе кез келген басқа да орынға кіруге қашанда рұқсаты болады.
      26. Егер Тапсырыс беруші қабылдаған шешімді Мердігер Шарт талаптарының шеңберінен шығып кетті деп санаса, Тапсырыс беруші осы шешімді қабылдағаннан кейін бұл шешімге сотқа шағым берілуі мүмкін.
      27. Тапсырыс беруші мен Мердігер Шарт бойынша олардың арасында туындаған немесе оған байланысты барлық келіспеушіліктерді немесе дауларды тікелей ресми емес келіссөздердің барысында шешуге барлық күш-жігерлерін салулары тиіс.
      28. Егер осындай ресми емес келіссөздер басталғаннан кейін 21 (жиырма бір) күннің ішінде Тапсырыс беруші мен Өнім беруші Шарт бойынша бейбіт жолмен дауды шеше алмаса, тараптардың кез келгені Қазақстан Республикасының заңнамасына сәйкес осы мәселені шешуді талап етуі мүмкін.
      29. Егер Мердігер шарттық құжаттамалардың талаптарын бұза отырып орындалған жұмыстарды түзету жөнінде өз міндеттемелерін орындамаса, сондай-ақ егер Мердігер жобалық-сметалық құжаттамаға сәйкес жұмысты соңына дейін орындауға қабілетсіз болса, Тапсырыс беруші тоқталу себептері жойылғанға дейін жұмыстардың тұтас немесе оның бір бөлігінің тоқтатылуы туралы Мердігерге жазбаша нұсқамамен өкім етуі мүмкін.
      30. Егер Мердігер жұмысты түзете алмаса немесе түзеткісі келмесе (оны жобалық-сметалық құжаттамаға сәйкес келтіру) және бұл туралы Тапсырыс берушіден жазбаша ескертулер алғаннан кейін жеті күннің ішінде жазбаша немесе іс-қимыл жасалуымен жауап бермесе, Тапсырыс беруші көрсетілген жеті күндік мерзімі өткеннен кейін өзінің талабын қайталауға құқығы бар. Егер Мердігер келесі жеті күндік мерзімнің ішінде көрсетілген ақауларды жөндей алмайтын жағдайда болса, Тапсырыс беруші ықпал етудің басқа да әдістерін қолдануға өз құқығынан бас тартпай, осы жұмысты өз күшімен орындауы мүмкін. Мұндай жағдайда Өзгерістер туралы тиісті бұйрық шығарылады, оның негізінде төлеуге жататын сомадан немесе Мердігерге төлеуге арналған сомадан жобалаушының қосымша қызметтері үшін өтемақыларды және басқа да мәжбүрлі шығындарды қоса алғанда, көрсетілген Ақаулардың түзету құны шегеріледі. Егер Мердігерге төленуі тиіс сомалар көрсетілген шығыстарды жабу үшін жеткіліксіз болса, Мердігер өз қаражатынан Тапсырыс берушіге айырмасын төлеуге міндетті.
      31. ____________________________ мерзім ішінде Мердігер Тапсырыс берушіге жұмыстардың жүргізу кестесін бекітуге береді, онда Объектінің құрылысы бойынша жұмыстарды орындау тәртібі мен мерзімдері, сондай-ақ оның конкурстық өтініміне сәйкес Тапсырыс беруші тарапынан төлемдерді жасау кестесі жазылады.
      32. Егер форс-мажорлық мән-жайлар немесе ауытқулар орын алса, жұмыстарды орындау үшін қосымша мерзімдер талап етілсе, сондай-ақ егер жұмыстарды орындау процесінде қосымша еңбек шығындарын талап ететін жасырын Ақаулар анықталса, Тапсырыс беруші оларға өзі ұсынған жұмыстардың орындалу мерзімін ұзартады. Бұл ретте Мердігер азаматтық заңнамада көзделген рәсімдер сәйкес Тапсырыс берушіні жазбаша хабардар етуі тиіс.
      33. Мердігер білімін және барлық бар мүмкіндіктерін пайдалана отырып, жұмысты бақылауға және жүргізуге міндетті. Мердігер жұмыстардың орындалу құралдарына, әдістеріне, техникасына, кезектілігіне және сапасына бақылауды жүзеге асырады, сондай-ақ Шарт бойынша барлық жұмыстарды үйлестіруге толық жауап береді.
      34. Мердігер өз қызметкерлерінің, Қосалқы мердігердің, Қосалқы мердігердің қызметкерлерінің және сенімді тұлғаларының, сондай-ақ Мердігермен жасалатын шарттың негізіндегі Шарт шеңберінде жұмыстардың бір бөлігін орындайтын басқа да тұлғалардың іс-әрекеттері мен олқылықтары үшін Тапсырыс берушінің алдында жауап береді.
      35. Тапсырыс беруші жұмысты немесе конструкцияны тексеру үшін сынақ жүргізе алады. Егер тексеруден кейін тексерілген жұмыс немесе конструкция ақаулы болып табылса, Мердігер жұмыстардың Ақауын түзетеді және конструкцияны ауыстырады.
      36. Тапсырыс беруші Ақаулардың түзету мерзімін көрсете отырып, табылған кез келген Ақаулар туралы Мердігерді жазбаша хабардар етеді.
      37. Ақаулар туралы хабарлама алғаннан кейін Мердігер Тапсырыс беруші көрсеткен уақыт кезеңінің ішінде Ақауды жоюға міндетті.
      38. Төлеу нысаны ___________________________________________
       (аудару, қолма-қол есеп айырысу үшін, аккредитив және с.с.)

      39. Төлемдердің түрлері және мерзімдері ____________________
                                     (төлемдер мен оларды төлеудің
      ____________________________________________________________
      мерзімдері көрсетіледі: аванстық төлем, ағымдағы төлемдер,
      түпкілікті төлем)
      ____________________________________________________________

      40. Төлеу алдындағы қажетті құжаттар: ______________________
                                    (шот-фактура немесе орындалған
      ____________________________________________________________
              жұмыстарды қабылдау-тапсыру актісі немесе с.с.)

      41. Тапсырыс беруші ____________________ сомада Мердігерге аванстық төлемді (алдын-ала төлеуді) төлеуі мүмкін. Мердігер төленген авансты тек қана осы Шарт бойынша жұмыстарды орындау үшін талап етілетін материалдарды, жабдықтарды және жалақыны төлеуге пайдалануы тиіс.
      42. Тапсырыс беруші аванстық төлемдерді жүзеге асырған жағдайда, ай сайынғы төлемдер _________________________________ мөлшерде аванстық төлемдердің сомасынан шегерім жасалып, түзетіледі. Төлемдер мерзімі __________________________________.
      43. Егер Тапсырыс беруші Шартта көрсетілген мерзімдерде оған тиесілі соманы Мердігерге төлемесе, онда мұндай жағдайларда ол мерзімі өткен әрбір күн үшін ________________________ мөлшерде ұсталған төлемдер бойынша тұрақсыздық төлемін Мердігерге төлейді. Тұрақсыздық төлемін төлеу мынадай төлемдермен бірге жүргізіледі. Тұрақсыздық төлемінің пайызы төлем жүргізілуі тиіс күннен бастап есептеледі, соңғы төлем жүргізілген күнмен аяқталады.
      44. Мынадай оқиғалар жұмыстың ұзақтығы мерзімдерін өзгертуге немесе Мердігерге ақшалай өтемақы төлеуге әкеп соқтырады:
      1) Тапсырыс беруші Объектінің барлық учаскелерін пайдалануға рұқсат етпейді, бұл жұмыстардың орындалуын кідіртеді. Мұндай жағдайда Тапсырыс беруші осы Шарт бойынша жұмыстардың орындалу мерзімін ұзартуға міндетті;
      2) Тапсырыс беруші Шартта жоспарланбаған сынақтарды өткізу үшін жұмыстарды тоқтатуға Мердігерге нұсқау береді. Егер осы сынақтар қандай да бір Ақауларды көрсетпеген жағдайда, сынақ жүргізу үшін жұмыстар тоқтатылған уақыты Шарттық жұмыстардың орындалу мерзіміне қосылады;
      3) аванстық төлем кідірілсе;
      4) объектіде бірнеше мердігерлер болған кезде басқа мердігерлер үшін Тапсырыс беруші жасаған Жұмыс кестесі осы Шарт бойынша Мердігер жұмысының орындалу мерзіміне теріс әсер етеді.
      Өтемақының сомасы мердігермен келісімделеді.
      45. Тапсырыс беруші Мердігерге тиесілі әрбір төлемнен барлық жұмыстар аяқталғанға дейінгі орындалған жұмыстардың 10% сомасында қаражаттың бір бөлігін ұстап қалады.
      46. Ұсталған сома Мердігерге тек барлық жұмыс аяқталғаннан және кемшіліктер мен Ақаулардың тізбесі жойылғаннан кейін ғана төленетін болады.
      47. Мердігер Тапсырыс берушіге шарт бойынша берілетін материалдар мен жабдықтың сапасы жақсы және жаңа болатынына, жұмыс жобалық-сметалық құжаттаманың талаптарына сәйкес келмейтін деңгейге дейін оның сапасын төмендететін ақауларсыз орындалатынына, жұмыс құрамы жобалық-сметалық құжаттаманың талаптарына сәйкес келетіндігіне кепілдік береді. Осы талаптарға сәйкес келмейтін, оның ішінде жеткіліксіз негізделмеген және рұқсат берілмеген өзгерістері бар жұмыс ақаулы болып табылады. Мердігер ұсынатын кепілдікке Мердігер жүзеге асырмаған пайдалану, түрлендіру ережелерінің бұзылу себебі бойынша, дұрыс ұстамау немесе жеткіліксіз техникалық қызмет көрсету, сондай-ақ оны дұрыс пайдалану кезінде жол берілген тозу немесе жабдықты бүлдіру себебі бойынша зиянды өтеу немесе Ақауды түзету енгізілмейді. Тапсырыс берушінің талаптары бойынша Мердігер материалдар мен жабдықтардың сапасын растайтын Құжаттарды беруі тиіс.
      48. Тапсырыс беруші немесе Мердігер, Егер екінші басқа тараптан Шартта көзделген оның принциптік қағидаларын бұзатын Шарттың елеулі түрде бұзылуы орын алған болса, Шартта көрсетілген мерзімге дейін Шартты бұза алады.
      49. Шарттың елеулі түрде бұзылуы мыналарды қамтиды, бірақ санамаланғандармен шектелмейді:
      1) Егер Мердігер жұмыстардың Орындалуы кестесінің мерзімін бірнеше мәрте бұзатын болса, Тапсырыс беруші Шартты бұза алады;
      2) Мердігер ______________________ күндер саны дейінгі мерзімге жұмыстарды тоқтатса, оның үстіне тоқтатуға Тапсырыс беруші тарапынан рұқсат етілмесе;
      3) Мердігер Тапсырыс беруші анықтаған негізделген уақыт кезеңінің ішінде Тапсырыс беруші көрсеткен Ақауларды жоймаса;
      4) Тапсырыс беруші Мердігерге жұмыстардың барысын кідіртуге нұсқау берсе, және де мұндай нұсқау ______________________ күндер санының ішінде күшін жоймаса;
      5) не Тапсырыс беруші, не Мердігер оның қайта ұйымдастырылуын немесе біріктірілуін қоспағанда, қандай да болмасын себептер бойынша банкроттыққа ұшыраса немесе таратылса;
      6) Тапсырыс беруші сома расталған күннен кейінгі ____________________ күндер ішінде Тапсырыс берушінің Техқадағалаушысы растаған соманы Мердігерге төлемесе;
      7) Мердігер жобалық құжаттамада және шарттық құжаттамада көрсетілген жұмыстарды жүргізу ережелеріне, нұсқаулықтарына және Ережелеріне мән бермесе.
      50. Егер Шарт бұзылса, Мердігер жұмыстарды дереу тоқтатуы, Объектінің сақтауға қойылуын және оны Тапсырыс берушіге белгіленген тәртіппен тапсыруды қамтамасыз етуі тиіс.
      51. Егер Шарт Мердігердің Шартты елеулі түрде бұзуына байланысты бұзылса, Тапсырыс беруші Тапсырыс берушінің аванстары мен жаңа Мердігердің таңдау шығындарын шегеріп тастағаннан кейін іс жүзінде орындалған жұмыстар үшін қалған сомаларды Мердігерге төлейді. Егер Шарттың бұзылуына байланысты Тапсырыс беруші шығындарының жалпы сомасы Мердігерге тиесілі жалпы сомадан асып түссе, айырма Тапсырыс берушіге төленуге тиіс борышты құрайды.
      52. Тапсырыс беруші кез келген уақытта оның одан әрі орындалуын Мердігерге тиісті жазбаша хабарлама жібере отырып, орынсыз екендігіне байланысты Шартты бұза алады. Хабарламада Шарттың бұзылу себебі көрсетіледі, Шарттың күші жойылған жұмыстарының көлемі, сондай-ақ Шарт оның бұзылуы күшіне енгізілетін күні келісіледі.
      53. Мұндай жағдайларда Тапсырыс беруші барлық орындалған жұмыстардың, сатып алынған материалдардың құны үшін, Объектіден машиналар мен механизмдерді әкетуге жұмсалатын шығындарға және Объектінің сақтауға қою құны үшін ақы төлеуді жүргізеді.
      54. Шарттың осындай мән-жайларға байланысты күші жойылса, Мердігер Шарт бойынша бұзылуға байланысты тек іс жүзіндегі шығыстар үшін бұзылу күніне ғана ақы төлеуді талап етуге құқығы бар.
      55. Объектіде тұрған барлық материалдар мен Жабдықтар, сондай-ақ уақытша құрылыстар мен орындалған құрылыс жұмыстары Тапсырыс берушінің меншігі болып саналады және егер Шарт Мердігердің Шарттың қағидаларын елеулі түрде бұзуы себебі бойынша бұзылса, Шарттың бұзылуымен байланысты қаржылық анықтаулар шешілгенге дейін оның иелігінде болады.
      56. Егер Тапсырыс беруші немесе Мердігер бақылауы мүмкін емес дүлей зілзала, әскери іс-қимылдар немесе қандай да бір басқа да форс-мажорлық оқиға Шарттың орындалуын бұзса, Тапсырыс беруші Шарттың тоқтатылуын куәландырады. Мердігер қысқа мерзімде тоқтату туралы хабарлама алғаннан кейін Объектінің сақтауға қойылуын қамтамасыз етеді және жұмыстарды тоқтатады. Тапсырыс беруші Объектіні тоқтату күніне дейін орындалған жұмыстардың барлық көлемі үшін  және Объектіні сақтауға қойылуына байланысты жұмыстар үшін Мердігерге ақы төлеуді жүргізеді.
      57. Мердігер жаңбырға, су тасқынына, аязға, өртке, ұрлыққа және өзге де себептерге байланысты залалдың, зақымданудан, жойылуын, қараудың барлық түрлерінен орындалған жұмыстарды және барлық материалдарды, жабдықтарды, ресурстар мен өзге де жұмыстарға байланысты тұрған қорғауды қамтамасыз етуге міндетті. Мердігер өз жұмыстарын жүргізу кезінде жоба бойынша басқа жұмыстарды, сондай-ақ Тапсырыс берушіге тиесілі меншікті және де жолдарды, ғимараттарды, материалдардың қоймаларын әрі жылжымалы және жылжымайтын мүліктердің өзге де түрлерін қоса алғанда, (бірақ осымен шектелмей) зақымданудың қандай да бір түрлерінен немесе басқа да себептерден оған тиесілі ғимараттарды қорғауды қамтамасыз етуі тиіс. Жоғарыда айтылғандарға байланысты Мердігер шеккен барлық шығындар Тапсырыс беруші тарабынан қосымша өтеуге жатпайды.
      58. Тапсырыс беруші жоғарыда айтылған себептер бойынша олардың толық аяқталуына және қабылдауына дейін Мердігер жұмыстарының қандай да болмасын залалдары немесе қандай да болмасын зақымданулары үшін жауап бермейді және Мердігер жоғарыда айтылғандардың нәтижесінде туындаған қандай да болмасын залалдың, қандай да болмасын зақымданулардың және өзге де ақаулардың барлық түзетулерін қосымша өтеусіз жүзеге асырады.
      59. Мердігер Объектіге жеткізілуі тиіс барлық Мердігер беретін материалдар мен жабдықтарды жеткізуді, тасымалдауды, түсіруді және сақтауды ұйымдастыру үшін жауап береді. Жеткізілетін өнім тек қана Мердігердің атына жүзеге асырады. Ешқандай жағдайда Тапсырыс беруші жеткізуге, өңдеуге, сақтауға және көлік құралдарының бос тұрып қалуына ақы төлеуге байланысты шығыстар үшін жауап беруге тиісті емес. Ешқандай да жеткізулер Тапсырыс берушінің атына бағытталуы тиіс емес.
      60. Мердігер Учаскедегі материалдар мен жабдықтарды алу кестесін Тапсырыс берушіге ұсынады. Сақтау, қалап немесе текшелеп жинау үшін тек Тапсырыс беруші рұқсат еткен учаскелер пайдаланылуы мүмкін. Егер Мердігер жүк түсіруді және өз материалдары мен жабдықтарын сақтауды кідірткен жағдайда және егер мұндай кідіріс тұтас алғанда, жұмыстарды жүзеге асыруға нұқсан келтірсе, Тапсырыс беруші Мердігер есебінен жүк түсіруді және Мердігердің материалдары мен жабдықтарын сақтауды жүзеге асыра алады (бірақ мұны істеуге міндетті емес). Егер осындай жүк түсіруді немесе сақтауды Тапсырыс беруші жүзеге асырған жағдайда жоғарыда аталған зиян немесе зақымдануға байланысты барлық тәуекелді Мердігер өз мойнына алады.
      61. Тапсырыс беруші беретін материалдар мен жабдықты Тапсырыс беруші мен Мердігер бірлесіп қабылдайды және тексереді. Құрылыс алаңындағы жүкті түсіруді Мердігер жүзеге асырады. Осындай қабылдау Мердігер дайындайтын қабылдау туралы жазбаша құжатпен куәландырылуы тиіс. Кез келген кемалым немесе зақымдану осындай материалдар мен жабдыққа сәйкес қабылдау туралы осындай жазбаша құжатта анық көрсетіліп, тіркелуі тиіс. Осындай материалдар мен жабдықтарды қабылдағаннан кейін Мердігер осындай материалдар мен жабдықтарды өңдеу және сақтау үшін толық жауап береді және де жоғарыда көрсетілгендер жойылған немесе зақымдалған жағдайда толық жауап береді. Мердігер өз жұмыстарын аяқтағаннан кейін қалған кез келген материалдар немесе жабдықтардың артылғанын Тапсырыс берушіге қайтаруы тиіс.
      62. Егер Шартта Тапсырыс берушінің материалдарды немесе жабдықтарды жеткізіп беруі көрсетілсе, Мердігер оларды жеткізіп беру үшін қажет болуы мүмкін мерзімдер туралы Тапсырыс берушіні алдын ала хабардар етуі тиіс. Бұл мерзімдер Мердігер жұмысының кестесінде көзделуі тиіс.
      63. Егер осы Шартқа сәйкес Тапсырыс беруші осы Шартта көзделген жұмыстарды орындау үшін негізделген мөлшерде электрмен және сумен жабдықтауға тиіс болса, Мердігер Тапсырыс беруші белгілеген қосу нүктелерінен қосу үшін және су мен электр энергиясын бөлу үшін жауап береді. Осы қызметтерді қамтамасыз етуде орын алған үзілістер жұмыстың ұзақтығы мерзімін өзгерту үшін негіз болып табылады.
      64. Мердігер Учаске аумағын тазалықта ұстайды. Мердігер Учаскеден барлық құрылыс қоқысын шығаруға және Учаскені жедел тәртіпке келтіруге міндетті.
      65. Егер Мердігер Учаскені тазалықта ұстауға шамасы келмеген жағдайда, оны осы Шарт талап етілгендей Тапсырыс беруші шығыстарды Мердігер есебіне жатқыза отырып, осы жұмысты орындауы мүмкін.
      66. Мердігер Шартта келісілген барлық жұмыстар аяқталғаннан кейін жұмыстардың аяқталуы туралы Тапсырыс берушіге хабарлама жібереді. Тапсырыс беруші жеті күн мерзімнен кешіктірмей Шартқа сәйкес жұмыстардың аяқталуын бағалау жөніндегі комиссияны (Жұмыс комиссиясын) белгілейді.
      67. Жұмыс комиссиясы Мердігердің қатысуымен жүргізіледі.
      68. Жұмыс комиссиясы актісінің күні Жұмыстардың аяқталу күні болып саналады.
      69. Жұмыс тобы кемшіліктердің тізбесін жасайды және оларды жою мерзімін көрсетеді. Кемшіліктерді жою күні Шарттың аяқталу күні болып табылады. Барлық кемшіліктерді жою фактісі пайдалануға Объектіні түпкілікті қабылдаудың Актісін (Мемлекеттік комиссия актісі) анықталады.
      70. Егер Мердігер Шартта келісілген мерзімде жұмыстарды орындамаса, Тапсырыс беруші Шарт шеңберінде басқа да өз құқықтарына нұқсан келтірмей _________________________тұрақсыздық айыбы сомасы түрінде оны Шарт құнынан шегеріп тастайды.
      71. Жұмыстардың басталу мерзімі осы Шарттың күшіне енген күні (немесе осы күн Шартта анықталады) болып саналады.
      72. Мердігер жұмыстар басталғаннан кейін (күндердің саны көрсетіледі) күнтізбелік күннен кешіктірмей осы Шарт бойынша жұмыстардың барлық түрлерінің аяқталуын қамтамасыз етуге міндеттеме қабылдайды.
      73. Тапсырыс беруші осы Шартта айтылған соманы осы Шарт бойынша жұмыстардың көлемі үшін Мердігерге ақы төлеуге міндеттеме қабылдайды.
      74. Мердігер орындаған жұмыстардың сомасынан ай сайын (немесе басқа кезең көрсетіледі) Тапсырыс беруші орындалған жұмыстар құнының 10 %-ын ұстайды, ол Тапсырыс берушіге барлық жұмыстар орындалған әрі кемшіліктер мен ақаулардың тізбесін жойғаннан кейін төленеді (бұдан әрі - Түпкі төлем).
      75. Осы Шарт бойынша түпкілікті төлем жасауды Мердігер осы Шарт бойынша міндеттемелерді және Ақауларды түзету жөніндегі оның барлық міндеттемелерін орындалған кезде Тапсырыс беруші жүргізеді.
      76. Осы Шартта белгіленген тәртіппен Тапсырыс беруші мен Мердігер арасында келісілген өзге де айыппұл санкциялары немесе Қазақстан Республикасының заңнамасына қайшы келмейтін өзге де қағидалар көзделуі мүмкін.
      77. Мердігер Шарттың орындалуын қамтамасыз етуді конкурстық құжаттамада көзделген нысанда, көлемде және қағидаларда енгізуге міндетті. (егер мұндай қамтамасыз ету конкурстық құжаттамада көзделсе).
      78. Осы Шарт Тапсырыс беруші оны Қазақстан Республикасының Қаржы министрлігі Қазынашылық комитетінің аумақтық органында тіркегеннен кейін (мемлекеттік органдар мен мекемелер үшін) және Мердігер Шарттың орындалуын қамтамасыз етуді енгізгеннен кейін (егер мұндай қамтамасыз етуді енгізу конкурстық құжаттамада көзделсе) күшіне енеді.
      79. Тараптардың мекен-жайлары және деректемелері:

        Тапсырыс беруші                         Мердігер
      __________________________      _________________________
            (толық атауы)                    (толық атауы)
      __________________________      _________________________
            (мекен-жайы)                     (мекен-жайы)
      __________________________      _________________________
          (телефон, факс)                   (телефон, факс)
      __________________________      _________________________
          (Тегі, аты-жөні)                  (Тегі, аты-жөні)
      __________________________      _________________________
               (қолы)                             (қолы)

      ____ жылғы "____"_________      ____ жылғы "___"__________

     
              м.о.                               м.о.

      Қазынашылықтың аумақтық органында тіркелген күні (мемлекеттік органдар, мемлекеттік мекемелер үшін): _________________________
      Осы Жұмыстарды мемлекеттік сатып алу туралы үлгі шарт (бұдан әрі - Шарт) жұмыстарды мемлекеттік сатып алуды Тапсырыс беруші жүзеге асыру процесінде Тапсырыс беруші мен Орындаушы арасында туындайтын құқықтық қатынастарды реттейді. Тапсырыс беруші осы Шартты пайдалана отырып, конкурс қорытындысы  туралы хаттаманың негізінде жұмыстарды мемлекеттік сатып алу туралы шарттың өз жобасын әзірлеуі тиіс. Бұл ретте осы Шартқа енгізілетін кез келген өзгерістер мен толықтырулар Қазақстан Республикасының мемлекеттік сатып алу жөніндегі заңнамасына, Тапсырыс берушінің конкурстық құжаттамасына, Мердігердің конкурстық өтініміне және Конкурс қорытындысы туралы хаттамаға сәйкес болуы тиіс. Шартта көлбеу сызықпен бөліп көрсетілген түсіндірулерді Тапсырыс беруші толтыруы тиіс.