1. Таратылатын Қазақстан Республикасы Қаржы министрлiгiнiң Салық полициясы департаментi мен Қазақстан Республикасы Iшкi iстер министрлiгiнiң Экономикалық полиция департаментiнiң базасында таратылатын департаменттердiң өкiлеттiктерi берiле отырып, Қазақстан Республикасы Қаржы министрлiгiнiң Салық полициясы комитетi құрылсын.
2. Қазақстан Республикасы Қаржы министрлiгiнiң Салық полициясы комитетiнiң негiзгi мiндеттерi мыналар:
1) салықтарды төлемеу немесе мемлекет алдындағы басқа да қаржылық мiндеттемелерiн орындамаумен байланысты қылмыстардың алдын алу, оларды айқындау және тексеру;
2) мемлекетке зиян келтiруге әкеп соққан өзге де экономикалық қылмыстар мен құқық бұзушылықтарға қарсы күрес;
3) экономикалық қылмыстарға қарсы күрес саласында мемлекеттiк саясатты әзiрлеуге және оны iске асыруға қатысу;
4) экономикалық қылмыстарға қарсы күрес саласындағы халықаралық ынтымақтастық болып белгiленсiн.
3. Қазақстан Республикасының Үкiметi:
1) 1998 жылғы 1 шiлдеге дейiн Қазақстан Республикасының Қылмыстық iс жүргiзу кодексi мен өзге де заң актiлерiне осы Жарлықтан туындайтын тиiстi өзгерiстер мен толықтырулар енгiзудi көздейтiн Қазақстан Республикасы Заңының жобасын әзiрлеп, Қазақстан Республикасы Парламентiнiң Мәжiлiсiне енгiзетiн болсын;
2) Қазақстан Республикасы Iшкi iстер министрлiгiнiң тергеу-жедел бөлiмшелерiнiң тиiстi штат санын Қазақстан Республикасы Қаржы министрлiгiнiң Салық полициясы комитетiне берудi жүргiзсiн;
3) Қазақстан Республикасы Үкiметiнiң бұрын шығарылған актiлерiн
осы Жарлыққа сәйкес келтiрсiн;
4) осы Жарлықтан туындайтын басқа да шаралар қолдансын.
4. Осы Жарлықтың орындалуын бақылау Қазақстан Республикасы
Президентiнiң Әкiмшiлiгiне жүктелсiн.
5. Осы Жарлық жарияланған күнiнен бастап күшiне енедi.
Қазақстан Республикасының
Президентi