1. КСРО Металлургия министрлiгiнiң Халық шаруашылығында түстi және қара металдардың ұтымды пайдаланылуын бақылау жөнiндегi Орта Азия аумақтық мемлекеттiк инспекциясы негiзiнде Қазақстан Республикасының Министрлер Кабинетi жанындағы Түстi және қара металдардың ұтымды пайдаланылуын бақылау жөнiндегi мемлекеттiк инспекция құрылсын.
Қазақстан Республикасының Министрлер Кабинетi жанындағы Түстi және қара металдардың ұтымды пайдалануын бақылау жөнiндегi мемлекеттiк инспекция Қазақстан Республикасының аумағында КСРО Металлургия министрлiгiнiң Халық шаруашылығында түстi және қара металдардың ұтымды пайдаланылуын бақылау жөнiндегi Орта Азия аумақтық мемлекеттiк инспекциясының құқықты мұрагерi болып табылады деп белгiленсiн.
2. Қазақстан Республикасының Министрлер Кабинетi жанындағы Түстi және қара металдардың ұтымды пайдаланылуын бақылау жөнiнде мемлекеттiк инспекцияға қолданылып жүрген заңдарға сәйкес барлық кәсiпорындарда түстi және қара металдардың ұтымды пайдаланылуын бақылауды жүздеге асыру, сондай-ақ қара және түстi металдарды, солардан және солардың сынықтары мен қалдықтарынан жасалған бұйымдарды экспортқа шығарудың белгiленген тәртiбiн тексеруге кеден қызметтерiмен бiрге қатысу жүктелсiн.
3. Қазақстан Республикасының Министрлер Кабинетi жанындағы Түстi және қара металдардың ұтымды пайдаланылуын бақылау жөнiндегi мемлекеттiк инспекцияны қаржыландыру Республика бюджетiнiң қаржысы есебiнен жүзеге асырылады.
4. Қазақстан Республикасының Мемлекеттiк мүлiк жөнiндегi мемлекеттiк комитетi бұдан бұрын КСРО Металлургия министрлiгiнiң Халық шаруашылығында түстi және қара металдардың ұтымды пайдаланылуын бақылау жөнiндегi Орта Азия аумақтық мемлекеттiк инспекциясына бекiтiлген мүлiктi иелену, пайдалану және басқару құқығын Қазақстан Республикасының Министрлер Кабинетi жанындағы Түстi және қара металдардың ұтымды пайдаланылуын бақылау жөнiндегi мемлекеттiк инспекцияға беретiн болсын.
5. Қазақстан Республикасының Министрлер Кабинетi Қазақстан Республикасының Министрлер Кабинетi жанындағы Түстi және қара металдардың ұтымды пайдаланылуын бақылау жөнiндегi мемлекеттiк инспекция туралы ереженi бекiтсiн және инспекцияның адам саны, оны қаржы және материалдық-техникалық жағынан қамтамасыз ету мәселелерiн шешетiн болсын.
6. Осы Жарлық жарияланған күнiнен бастап күшiне енедi.
Қазақстан Республикасының
Президентi