Қазақстан Республикасы Президенті
мен Үкіметі актілерінің жинағында
және республикалық баспасөзде
жариялануға тиіс
"Оңтүстік" арнайы экономикалық аймағын одан әрі дамыту мақсатында ҚАУЛЫ ЕТЕМІН :
1. "Оңтүстік" арнайы экономикалық аймағын құру туралы" Қазақстан Республикасы Президентінің 2005 жылғы 6 шілдедегі N 1605
Жарлығына
(Қазақстан Республикасының ПҮАЖ-ы, 2005 ж., N 28, 344-құжат) мынадай өзгерістер мен толықтырулар енгізілсін:
1-тармақтағы "2015" деген цифрлар "2030" деген цифрлармен ауыстырылсын;
аталған Жарлықпен бекітілген "Оңтүстік" арнайы экономикалық аймағы туралы ережеде:
3-тармақ мынадай мазмұндағы 12), 13), 14), 15), 16), 17) тармақшалармен толықтырылсын:
"12) жібек маталар және олардың негізінде бұйымдар шығару;
13) маталық емес тоқыма материалдарын және олардың негізінде бұйымдар шығару;
14) кілемдер, кілем бұйымдарын және тұскілемдер шығару;
15) мақта целлюлозасын және оның туынды өнімдерін шығару;
16) мақта шикізатынан жоғары сапалы қағаз шығару;
17) былғарыдан жасалған бұйымдар шығару.";
4 және 16-тармақтардағы "1996 жылғы 26 қаңтардағы" деген сөздер "2007 жылғы 6 шілдедегі" деген сөздермен ауыстырылсын.
2. Қазақстан Республикасының Үкіметі осы Жарлықтан туындайтын тиісті шаралар қабылдасын.
3. Осы Жарлық қол қойылған күнінен бастап қолданысқа енгізіледі және жариялануға тиіс.
Қазақстан Республикасының
Президенті Н.Назарбаев