Ескерту. Күші жойылды - ҚР Президентінің 2011.01.17 № 1138Жарлығымен.
Алматы қаласының қала маңы аймағы мен қала құрылысын ерекше реттеу аймағының жерін ретке келтіру және нысаналы түрде пайдалану мақсатында ҚАУЛЫ ЕТЕМІН:
1. Алматы қаласының қала маңы аймағы мен қала құрылысын ерекше реттеу аймағының аумақтарындағы құрылыстың барысын бақылау жөніндегі мемлекеттік комиссия (бұдан әрі - Мемлекеттік комиссия) құрылсын.
2. Қоса беріліп отырған:
1) Мемлекеттік комиссия туралы ереже;
2) Мемлекеттік комиссияның құрамы бекітілсін.
3. Осы Жарлық қол қойылған күнінен бастап қолданысқа енгізіледі.
Қазақстан Республикасының
Президенті
Қазақстан Республикасы
Президентінің
2007 жылғы 29 маусымдағы
N 355 Жарлығымен
бекітілген
Алматы қаласының қала маңы аймағы мен қала құрылысын ерекше
реттеу аймағының аумақтарындағы құрылыстың барысын
бақылау жөніндегі мемлекеттік комиссия құру туралы
ЕРЕЖЕ
1. Жалпы ережелер
1. Алматы қаласының қала маңы аймағы мен қала құрылысын ерекше реттеу аймағының аумақтарындағы құрылыстың барысын бақылау жөніндегі мемлекеттік комиссия (бұдан әрі - Мемлекеттік комиссия) Қазақстан Республикасы Президентінің жанындағы консультативтік-кеңесші орган болып табылады.
2. Мемлекеттік комиссия Алматы қаласының қала маңы аймағы мен қала құрылысын ерекше реттеу аймағының жерін ретке келтіру және нысаналы түрде пайдалану мақсатында құрылды.
3. Мемлекеттік комиссия өз қызметінде Қазақстан Республикасының Конституциясын, заңдарын, Мемлекет басшысы мен Қазақстан Республикасы Үкіметінің актілерін, өзге де нормативтік құқықтық актілерді, сондай-ақ осы ережені басшылыққа алады.
4. Мемлекеттік комиссия Комиссияның төрағасынан, оның екі орынбасарынан, хатшысынан және мүшелерінен тұрады.
5. Мемлекеттік комиссияның дербес құрамын Қазақстан Республикасының Президенті бекітеді.
2. Мемлекеттік комиссияның міндеттері, функциялары мен
өкілеттіктері
6. Мемлекеттік комиссияның міндеттері Алматы қаласының қала маңы аймағы мен қала құрылысын ерекше реттеу аймағының жерін нысаналы түрде пайдалануды тәртіпке келтіру болып табылады.
7. Мемлекеттік комиссия мынадай функцияларды жүзеге асырады:
1) қала құрылысын ерекше реттеу аймағының жерін пайдалану мәселелері жөнінде ұсыныстар әзірлеу және Мемлекет басшысына енгізу;
2) Алматы облысы мен Алматы қаласы әкімдіктерінің аса маңызды объектілерді орналастыру үшін жер учаскелерін таңдау жөніндегі тұрақты жұмыс істейтін арнайы комиссиясының (бұдан әрі - комиссия), сондай-ақ жергілікті атқарушы органдардың есептерін қарау.
8. Мемлекеттік комиссия өз құзыреті шегінде:
1) өзіне жүктелген міндеттерді орындауға қажетті ақпаратты, құжаттар мен материалдарды орталық мемлекеттік және Алматы облысы мен Алматы қаласының орталық және жергілікті атқарушы органдарынан сұратуға;
2) өз отырыстарында комиссияның, сондай-ақ жергілікті атқарушы органдардың есептерін тыңдауға;
3) өзінің құзыретіне кіретін мәселелер бойынша шешімдер қабылдауға құқылы.
3. Мемлекеттік комиссияның қызметін ұйымдастыру
9. Мемлекеттік комиссияның отырыстары қажеттілігіне қарай, бірақ тоқсанына кемінде бір рет өткізіледі.
10. Мемлекеттік комиссияның отырыстары Мемлекеттік комиссияның мүшелері жалпы санының үштен екісі қатысқан кезде заңды болады. Мемлекеттік комиссияның мүшелері оның отырыстарына ауысу құқығынсыз қатысады.
11. Мемлекеттік комиссияның шешімдері оның отырысқа қатысушы мүшелері жалпы санының көпшілік даусымен қабылданады. Комиссия мүшелерінің дауыстары тең болған кезде төрағалық еткен адамның дауысы шешуші болып табылады.
12. Мемлекеттік комиссияның отырыстарына Мемлекеттік комиссияның мүшелері болып табылмайтын лауазымды тұлғалар, сондай-ақ қоғамдық ұйымдардың және бұқаралық ақпарат құралдарының өкілдері шақырылуы мүмкін.
13. Мемлекеттік комиссияның төрағасы:
1) Мемлекеттік комиссияның қызметіне басшылық жасайды және оның отырыстарында төрағалық етеді;
2) Қазақстан Республикасының Президентін Мемлекеттік комиссияның істеген жұмысы туралы жарты жылда кемінде бір рет хабардар етеді.
14. Төраға болмаған кезде оның міндеттерін төрағаның орынбасарларының бірі атқарады.
15. Мемлекеттік комиссияның хатшысы:
1) Мемлекеттік комиссияның мүшелерін оның отырыстарының уақыты мен орны туралы хабардар етеді;
2) Мемлекеттік комиссияның отырыстарына материалдар дайындауды ұйымдастырады;
3) Мемлекеттік комиссия отырыстарының хаттамаларын ресімдейді;
4) Мемлекеттік комиссия қабылдаған шешімдердің уақытылы және сапалы орындалуын бағалай отырып, оның төрағасына істелген жұмыс туралы оның мүшелері дайындаған есепті береді;
5) Мемлекеттік комиссия төрағасының тапсырмасы бойынша өзге де функцияларды жүзеге асырады.
16. Облыстардың (республикалық маңызы бар қаланың, астананың), аудандардың (облыстық маңызы бар қалалардың) орталық және жергілікті атқарушы органдары Мемлекеттік комиссияға оған жүктелген міндеттерді орындауда жәрдем көрсетуге міндетті.
17. Алматы қаласының әкімдігі Мемлекеттік комиссияның жұмыс органы болып табылады.
Қазақстан Республикасы
Президентінің
2007 жылғы 29 маусымдағы
N 355 Жарлығымен
бекітілген
Алматы қаласының қала маңы аймағы мен қала құрылысын ерекше
реттеу аймағының аумақтарындағы құрылыстың барысын
бақылау жөніндегі мемлекеттік комиссияның
ҚҰРАМЫ
Мәсімов - Қазақстан Республикасының Премьер-
Кәрім Қажымқанұлы Министрі, төраға
Тасмағанбетов - Алматы қаласының әкімі, төрағаның
Иманғали Нұрғалиұлы орынбасары
Үмбетов - Алматы облысының әкімі, төрағаның
Серік Әбікенұлы орынбасары
Заяц - Алматы қаласы әкімінің орынбасары,
Яков Игнатьевич хатшы
Ахметов - Қазақстан Республикасы Көлік және
Серік Нығметұлы коммуникация министрі
Ерғожин - Қазақстан Республикасы Қаржы
Дәулет Еділұлы вице-министрі
Оразбақов - Қазақстан Республикасы Индустрия
Ғалым Ізбасарұлы және сауда министрі
Оспанов - Қазақстан Республикасы Жер ресурстарын
Бақыт Сағындықұлы басқару агенттігінің төрағасы
Сапарбаев - Қазақстан Республикасы Экономика және
Бердібек Машбекұлы бюджеттік жоспарлау вице-министрі
Ысқақов - Қазақстан Республикасы Қоршаған ортаны
Нұрлан Әбділдәұлы қорғау министрі