1. Көкшетау облысы әкiмiнiң және Қазақстан Республикасы Экобиоресурсминiнiң өтiнiш етуiне сәйкес, Шучье-Бурабай, Шалқар мен Имантау курорттық-рекреациялық аймағында "Бурабай" мемлекеттiк ұлттық табиғат паркiн ұйымдастыру тиiмдi болады деп танылсын.
      "Бурабай" мемлекеттiк ұлттық табиғат паркiн ұйымдастыру жөнiндегi жұмыстарды жеделдету, оның алдағы уақыттағы территориясында тиiстi күзет тәртiбiн орнату мақсатында, Қазақстан Республикасының Президентi мен Министрлер Кабинетi Аппаратының Iс басқармасы Өндiрiстiк бiрлестiгiнiң Бурабай орман шаруашылығының базасында ұлттық табиғат паркiн жобалау жөнiндегi уақытша дирекция құру туралы Көкшетау облысы әкiмiнiң және республикалық Экобиоресурсминiнiң ұсынысы қабылдансын.
      2. Көкшетау облысының әкiмi "Бурабай" мемлекеттiк ұлттық табиғат паркiнiң уақытша дирекциясы туралы Ереженi бекiтсiн және уақытша дирекцияны ұлттық парктiң техникалық-экономикалық негiздемесi бекiтiлгенге дейiн қаржыландыруды қамтамасыз етсiн.

      Премьер-министр