"Мемлекеттік органдардың нашақорлыққа және есірткі бизнесіне қарсы іс-қимылға бағытталған қызметін үйлестіру жөніндегі ведомствоаралық штаб құру туралы" Қазақстан Республикасы Премьер-Министрінің 2011 жылғы 15 қыркүйектегі № 129-ө өкіміне мынадай өзгерістер мен толықтырулар енгізілсін:
Мемлекеттік органдардың нашақорлыққа және есірткі бизнесіне қарсы іс-қимылға бағытталған қызметін үйлестіру жөніндегі ведомствоаралық штабтың құрамында:
"Қазақстан Республикасы Ішкі істер министрлігі Есірткі бизнесіне қарсы күрес және есірткі айналымын бақылау комитетінің төрағасы, төрағаның орынбасары" деген жол мынадай редакцияда жазылсын:
"Қазақстан Республикасы Ішкі істер министрлігі Есірткі қылмысына қарсы іс-қимыл департаментінің басшысы, төрағаның орынбасары";
"Қазақстан Республикасы Денсаулық сақтау және әлеуметтік даму вице-министрі" деген жол мынадай редакцияда жазылсын:
"Қазақстан Республикасы Денсаулық сақтау вице-министрі";
"Қазақстан Республикасы Білім және ғылым вице-министрі" деген жолдан кейін мынадай мазмұндағы жолдармен толықтырылсын:
"Қазақстан Республикасы Цифрлық даму, инновация және аэроғарыш өнеркәсібі вице-министрі;
Қазақстан Республикасы Ақпарат және қоғамдық даму вице-министрі;";
Мемлекеттік органдардың нашақорлыққа және есірткі бизнесіне қарсы іс-қимылға бағытталған қызметін үйлестіру жөніндегі ведомствоаралық штабтың құрамынан Қазақстан Республикасы Ақпарат және коммуникациялар вице-министрі шығарылсын;
"Қазақстан Республикасы Қаржы министрлігі Мемлекеттік кірістер комитетінің төрағасы" деген жол мынадай редакцияда жазылсын:
"Қазақстан Республикасы Қаржы министрлігі Қаржы мониторингі комитетінің төрағасы".
| Премьер-Министр | А. Мамин |