Ескерту. Күші жойылды - ҚР Премьер-Министрінің 09.07.2020 № 93-ө өкімімен.
Жоғары білім беру сапасын арттыру мақсатында:
1. Қазақстан Республикасының жоғары оқу орындарын оңтайландыру мәселелері бойынша комиссия құрылсын.
2. Қоса беріліп отырған:
1) Комиссия құрамы;
2) Комиссия туралы ереже бекітілсін.
| Премьер-Министр | А. Мамин |
| Қазақстан Республикасы Премьер-Министрінің 2019 жылғы 29 қазандағы № 199-ө өкімімен бекітілген |
Қазақстан Республикасының жоғары оқу орындарын оңтайландыру мәселелері бойынша комиссияның құрамы
Қазақстан Республикасы Премьер-Министрінің орынбасары, төраға;
Қазақстан Республикасының Білім және ғылым министрі, төрағаның орынбасары;
Қазақстан Республикасының Білім және ғылым вице-министрі, хатшы;
Қазақстан Республикасы Парламенті Сенатының депутаты (келісу бойынша);
Қазақстан Республикасы Парламенті Мәжілісінің депутаты (келісу бойынша);
Қазақстан Республикасының Ұлттық экономика вице-министрі;
Қазақстан Республикасының Қаржы вице-министрі;
Қазақстан Республикасының Денсаулық сақтау вице-министрі;
Қазақстан Республикасының Әділет вице-министрі;
Қазақстан Республикасының Мәдениет және спорт вице-министрі;
Қазақстан Республикасының Ауыл шаруашылығы вице-министрі;
Қазақстан Республикасы Білім және ғылым министрлігі Білім және ғылым саласындағы бақылау комитетінің төрағасы;
Қазақстан Республикасы Ұлттық экономика министрлігі Бәсекелестікті қорғау және дамыту комитетінің төрағасы;
Қазақстан Республикасы Қаржы министрлігі Мемлекеттік мүлік және жекешелендіру комитетінің төрағасы;
"Атамекен" Қазақстан Республикасы Ұлттық кәсіпкерлер палатасы төрағасының орынбасары (келісу бойынша);
"Nur Otan" партиясының хатшысы (келісу бойынша);
Қазақстан білім және ғылым қызметкерлерінің салалық кәсіби одағының төрағасы (келісу бойынша);
Қазақстан Республикасы жоғары оқу орындары қауымдастығының президенті (келісу бойынша);
"Назарбаев Университеті" дербес білім беру ұйымының вице-президенті (келісу бойынша);
"Қазақстан Азаматтық Альянсы" заңды тұлғалар бірлестігінің президенті (келісу бойынша);
"ADAL BILIM" Қазақстан Республикасы Білім және ғылым министрлігінің сыбайлас жемқорлыққа қарсы іс-қимыл жөніндегі жобалық офисінің төрағасы (келісім бойынша).
| Қазақстан Республикасы Премьер-Министрінің 2019 жылғы 29 қазандағы № 199-ө өкімімен бекітілген |
Қазақстан Республикасының жоғары оқу орындарын оңтайландыру мәселелері бойынша комиссия туралы
ЕРЕЖЕ
1. Жалпы ережелер
1. Қазақстан Республикасының жоғары оқу орындарын оңтайландыру мәселелері бойынша ұсыныстар мен ұсынымдар әзірлеуді іске асыратын Қазақстан Республикасының жоғары оқу орындарын оңтайландыру мәселелері бойынша комиссия (бұдан әрі - Комиссия) Қазақстан Республикасы Үкіметінің жанындағы консультациялық-кеңесші орган болып табылады.
2. Комиссия өз қызметінде Қазақстан Республикасының Конституциясын, заңдарын, Қазақстан Республикасының Президенті мен Үкіметінің актілерін және нормативтік құқықтық актілерді, сондай-ақ осы Ережені басшылыққа алады.
3. Комиссияның жұмыс органы Қазақстан Республикасы Білім және ғылым министрлігі болып табылады.
4. Комиссияның отырысы қажеттілігіне қарай өткізіледі.
2. Комиссияның міндеттері
5. Комиссияның негізгі міндеттері:
1) жоғары білімі бар кадрларды даярлау сапасын арттыру;
2) Қазақстан Республикасының жоғары оқу орындарын оңтайландыру бойынша ұсыныстар мен ұсынымдар әзірлеу болып табылады.
3. Комиссия жұмысын ұйымдастыру және оның тәртібі
6. Комиссия жұмысын ұйымдастыру және оның тәртібі Қазақстан Республикасы Үкіметінің 1999 жылғы 16 наурыздағы № 247 қаулысымен бекітілген Қазақстан Республикасы Үкіметінің жанындағы консультациялық-кенесші органдар мен жұмыс топтарын құру тәртібі, кызметі мен таратылуы туралы нұсқаулыққа сәйкес жүзеге асырылады.