Қазақстан Республикасының "1999 жылға арналған республикалық бюджет туралы" 1998 жылғы 16 желтоқсандағы Заңын және "1999 жылға арналған мемлекеттік бюджетті әзірлеу үшін Қазақстан Республикасы Қаржы министрлігінің бағдарламалары мен кіші бағдарламаларының тізбесін бекіту туралы" Қазақстан Республикасы Үкіметінің 1998 жылғы 5 қыркүйектегі N 847 P980847_ қаулысын орындау үшін және Қазақстан Республикасы Еңбек және халықты әлеуметтік қорғау министрлігінің қызметін материалдық-техникалық жағынан қамтамасыз ету мақсатында Қазақстан Республикасының Үкіметі қаулы етеді:
1. Әлеуметтік қорғау саласындағы қызметті жүзеге асыру үшін Шаруашылық жүргізу құқығындағы республикалық мемлекеттік кәсіпорын "Қазақстан Республикасы Еңбек және халықты әлеуметтік қорғау министрлігінің шаруашылық басқармасы" (бұдан әрі - Кәсіпорын) құрылсын.
2. Қазақстан Республикасының Еңбек және халықты әлеуметтік қорғау министрлігі Кәсіпорынды мемлекеттік басқаратын уәкілетті орган, сондай-ақ оған қатысты субъект қызметін мемлекеттік меншік құқығында жүзеге асыратын орган (уәкілетті орган) болып табылатыны айқындалсын.
3. Уәкілетті орган белгіленген тәртіпте:
1) бір ай мерзімде Кәсіпорынның жарғысын бекітіп, оның әділет
органдарында тіркеуден өткізілуін қамтамасыз етсін;
2) Кәсіпорынның жарғылық капиталын қалыптастырсын;
4. "Республикалық мемлекеттік кәсіпорындардың тізбесі туралы"
Қазақстан Республикасы Үкіметінің 1996 жылғы 25 маусымдағы N 790
P960790_ қаулысына (Қазақстан Республикасының ПҮАЖ-ы, 1996 ж., N 29, 256-құжат) мынадай толықтырулар енгізілсін:
аталған қаулымен бекітілген Республикалық мемлекеттік
кәсіпорындардың тізбесі мынадай мазмұндағы реттік нөмірі 47-9 жолымен
толықтырылсын:
"47-9. "Қазақстан Республикасы Еңбек және
халықты әлеуметтік қорғау министрлігінің
шаруашылық басқармасы" шаруашылық
жүргізу құқығындағы республикалық
мемлекеттік кәсіпорны Астана қаласы"
5. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Оқығандар:
Орынбекова Д.
Кобдалиева Н.