"Мемлекеттік кәсіпорын туралы" Қазақстан Республикасы Президентінің 1995 жылғы 19 маусымдағы N 2335 Заң күші бар
Жарлығына
(Қазақстан Республикасы Жоғарғы Кеңесінің Жаршысы, 1995 ж., N 9-10, 66-құжат) сәйкес Қазақстан Республикасының Үкіметі ҚАУЛЫ ЕТЕДІ:
1. Шаруашылық жүргізу құқығындағы "Жылжымайтын мүлікті бағалау жөніндегі мемлекеттік компания" мемлекеттік кәсіпорнының атауы "Мембағалау" жылжымайтын мүлікті бағалау жөніндегі республикалық мемлекеттік кәсіпорны болып (бұдан әрі - Кәсіпорын) өзгертілсін.
2. Қазақстан Республикасы Энергетика, индустрия және сауда министрлігінің Тұрғын үй және құрылыс саясаты жөніндегі комитеті уәкілетті орган, сондай-ақ Кәсіпорынға қатысты мемлекеттік меншік құқығы субъектісінің функцияларын жүзеге асырушы орган болып белгіленсін.
3. "Республикалық мемлекеттік кәсіпорындардың тізбесі туралы" Қазақстан Республикасы Үкіметінің 1996 жылғы 25 маусымдағы N 790
қаулысына
(Қазақстан Республикасының ПҮАЖ-ы, 1996 ж., N 29, 256-құжат) мынадай толықтыру енгізілсін:
аталған қаулымен бекітілген республикалық мемлекеттік кәсіпорындардың тізбесі мынадай мазмұндағы реттік нөмірі 50-1 жолмен толықтырылсын:
"50-1 Мембағалау" жылжымайтын
мүлікті бағалау жөніндегі республикалық
мемлекеттік кәсіпорны (шаруашылық
жүргізу құқығында) Павлодар қаласы".