1. Қазынашылықты жаңарту жобасын (бұдан әрі - Жоба) қаржыландыруға арналған 21 700 000 (жиырма бір миллион жеті жүз мың) АҚШ доллары сомасындағы қаражаттың бөлінуі қосымшаға сәйкес бекітілсін.
2. Жобаны қаржыландыруға арналған қаражаттың мақсатқа сай және тиімді пайдаланылуы үшін жауапкершілік Қазақстан Республикасы Қаржы министрлігінің Қазынашылық департаментіне жүктеледі деп белгіленсін.
3. Халықаралық Қайта құру және Даму банкі заемының қаражатынан қаржыландырылатын берілетін тауарларды, орындалатын жұмыстарды және көрсетілетін қызметтерді салықтардан және кеден бажынан босату Қазақстан Республикасы мен Халықаралық Қайта құру және Даму банкі арасындағы "Қазақстан Республикасы мен Халықаралық Қайта құру және Даму банкі арасындағы 1996 жылғы 22 тамыздағы заем туралы (Қазынашылықты жаңарту жобасы) келісімді бекіту туралы" Қазақстан Республикасының 1996 жылғы 7 желтоқсандағы Заңымен бекітілген, Қазақстан Республикасы мен Халықаралық Қайта құру және Даму банкі арасындағы 1996 жылғы 22 тамыздағы Заем туралы (Қазынашылықты жаңарту жобасы) келісімге сәйкес жүргізіледі.
4. Қазақстан Республикасының Қаржы министрлігі:
1) Жобаны қоса қаржыландыру мақсатында республикалық бюджеттен 2000 жылға дейінгі кезеңге 5 900 000 (бес миллион тоғыз жүз мың) АҚШ долларына баламды мөлшерде қаражат бөлсін;
2) Халықаралық Қайта құру және Даму банкінің заемы бойынша негізгі борыштың, проценттер мен ілеспе төлемдердің уақтылы өтелуіне бақылау жасасын.
5. Қазақстан Республикасы Қаржы министрлігінің Қазынашылық департаменті Қазақстан Республикасының Қазынашылық жүйесін жаңарту үшін қажетті барлық шаралардың Заем туралы келісімде көзделген мерзімдерде орындалуын қамтамасыз етсін.
6. Қазақстан Республикасы Қаржы министрлігінің Сырттан қарыз алу жөніндегі комитеті Жобаның іске асырылуын жалпы үйлестіруді және Халықаралық Қайта құру және Даму банкінің қағидаларына және рәсімдеріне сәйкес жоғарыда аталған банктің қаражаттарынан қаржыландырылатын тауарларды, жұмыстарды және қызмет көрсетулерді сатып алудың жүргізілуіне бақылау жасасын.
7. Облыстардың, Қазақстан Республикасының астанасы мен Алматы қаласының әкімдері Жобаның аймақтарда іске асырылуына көмек көрсететін болсын.
8. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Қазақстан Республикасы
Үкіметінің 1998 жылғы 16 қазандағы
N 1059 қаулысына
қосымша
__________________________________________________________________________
|Рет | Санаты | ХҚДБ заемының | Қазақстан Республикасы
| N | |АҚШ долларында |Үкіметі тарапынан АҚШ
| | |төленген сомасы|долларында қаржыландыруы
|____|_______________________|_______________|_____________________________
| 1 | 2 | 3 | 4
|____|_______________________|_______________|_____________________________
1. Жабдықтар сатып алу 11 400 000 -
2. Консультациялық қызмет 2 500 000 -
көрсетулер және оқыту
3. Қызметкерлерді оқытуға, - 5 900 000
ұстауға және жабдықтауға
кеткен шығыстар
4. Жобаны дайындауға беріл- 1 000 000 -
ген қарыздың өтемі
5. Бөлінбеген қаражат 900 000 -
Жиыны 15 800 000 5 900 000