1. "Жалпы пайдаланудағы қалалық жолаушылар көлiгiн монополиясыздандыру туралы" Қазақстан Республикасы Үкiметiнiң 1996 жылғы 24 маусымдағы N 773 қаулысына мынадай толықтыру енгiзiлсiн:
2-тармақ мынадай мазмұндағы абзацпен толықтырылсын:
"Тендерде жеңiп шыққан заңды және жеке тұлғалар белгiлi бiр бағытта (бағыттарда) жолаушылар тасымалдауды жүзеге асыру құқығына келiсiм-шарт жасалғандығын растайтын куәлiк алады".
2. "Қазақстан Республикасында жолаушылар мен жүктердi автомобиль көлiгiмен тасымалдауды лицензиялаудың тәртiбi мен шарттары және бiлiктiлiк талаптары туралы ереженi бекiту туралы" Қазақстан Республикасы Үкiметiнiң 1996 жылғы 25 желтоқсандағы N 1621 қаулысына (Қазақстан Республикасының ПҮАЖ-ы, 1996 ж., N 52, 506-құжат) мынадай толықтыру енгiзiлсiн:
көрсетiлген қаулымен бекiтiлген Қазақстан Республикасында жолаушылар мен жүктердi автомобиль көлiгiмен тасымалдауды лицензиялаудың тәртiбi мен шарттары және бiлiктiлiк талаптары туралы ережеде:
4-тармақ мынадай мазмұндағы абзацпен толықтырылсын:
"Қалалық және қала маңындағы бағыттарда, оның iшiнде бағыттық таксимен жолаушылар тасымалдауды жүзеге асыратын заңды және жеке тұлғалар белгiлi бiр қалалық немесе қала маңындағы бағытта (бағыттарда) жолаушылар тасымалдауды жүзеге асыру құқығына келiсiм-шарт жасалғандығын растайтын куәлiк алуға мiндеттi".
Қазақстан Республикасының
Премьер-Министрi