"Қазақстан Республикасы Сыртқы iстер министрлiгiнiң Жоғары дипломатиялық мектебiн құру туралы" Қазақстан Республикасы Үкiметiнiң 1996 жылғы 10 қыркүйектегi N 1102 қаулысына (Қазақстан Республикасының ПҮАЖ-ы, 1996 ж., N 36, 347-құжат) мынадай өзгерiстер мен толықтыру енгiзiлсiн:
атауындағы және мәтiндегi "Жоғары дипломатиялық мектебiн", "Жоғары дипломатиялық мектебiнiң" деген сөздер "Дипломатиялық Академиясын", "Дипломатиялық Академиясының" деген сөздермен ауыстырылсын;
4-тармақ мынадай мазмұндағы абзацпен толықтырылсын:
"Қазақстан Республикасының Сыртқы iстер министрлiгi Дипломатиялық Академиясының профессор-оқытушылар құрамына және басқа да қызметкерлерiне "Қазақстан Республикасында еңбекақы төлеудi ұйымдастыруды жетiлдiру туралы" Қазақстан Республикасы Үкiметiнiң 1997 жылғы 6 ақпандағы N 170 P970170_ қаулысында көзделген, Қазақстан Республикасының Сыртқы iстер министрлiгi Дипломатиялық Академиясының басшы және профессор-оқытушылар құрамының еңбекақы ставкаларына және лауазымдық жалақыларына, сондай-ақ оқу сабақтарын жүргiзгенi үшiн әрбiр сағаттық төлем ставкаларына 1,75 өсiру коэффициентiн белгiлеп, еңбекақы төлеу шарттарын қолдансын";
7-тармақтағы "2" саны "3" санымен ауыстырылсын.
Қазақстан Республикасының
Премьер-Министрi