1. Қазақстан Республикасы Мәдениет министрлiгiнiң жанындағы
"Қазақкино" мемлекеттiк кинокомпаниясының "Қазкинопрокат"
республикалық өндiрiстiк бiрлестiгi негiзiнде Қазақстан Республикасы
кинофильмдерiнiң Мемлекеттiк қоры (Мемфильмқоры) құрылсын.
<*>
ЕСКЕРТУ. 1-тармаққа өзгерiс енгiзiлдi - ҚРҮ-нiң 1996.08.20.
N 1031 қаулысымен.
P961031_
2. Қазақстан Республикасы кинофильмдерiнiң Мемлекеттiк қоры
туралы Ереже бекiтiлсiн (қоса берiлiп отыр).
Қазақстан Республикасы
Премьер-министрiнiң
бiрiншi орынбасары
Қазақстан Республикасы
Министрлер Кабинетiнiң
1995 жылғы 3 шiлдедегi
N 909 қаулысымен
БЕКIТIЛГЕН
Қазақстан Республикасы кинофильмдерiнiң
Мемлекеттiк қоры туралы
Е Р Е Ж Е
I. Жалпы қағидалар
1. Кинофильмдердiң мемлекеттiк қоры (бұдан әрi - Мемфильмқоры) Қазақстан Республикасы Мәдениет министрлiгiнiң жанындағы "Қазақкино" мемлекеттiк кинокомпаниясының "Қазкинопрокат" республикалық өндiрiстiк бiрлестiгiнiң негiзiнде ұйымдастырылған. <*>
ЕСКЕРТУ. 1-тармаққа өзгерiс енгiзiлдi - ҚРҮ-нiң 1996.08.20.
N 1031 қаулысымен. P961031_
2. Мемфильмқоры өз қызметiнде Қазақстан Республикасының заңдарын, Қазақстан Республикасы Президентi мен Қазақстан Республикасы Министрлер Кабинетiнiң актiлерiн, "Қазақкино" мемлекеттiк кинокомпаниясының шешiмдерiн, "Қазкинопрокат" РӨБ жарғысын және осы Ереженi басшылыққа алады.
3. Мемфильмқорының өз құрамында фирмалық кинотеатры бар.
II. Мiндетi
4. Мемфильмқорының негiзгi мiндетi:
қазақ ұлттық кинематографиясының көркем, деректi-құжытты, ғылыми-көпшiлiк, дәрiстiк және мультипликациялық фильмдерiнiң, сондай-ақ шет елдерде шығарылған көркем, ғылыми-көпшiлiк, деректi-құжатты және басқа фильмдердiң бүкiл жағымды және жағымсыз қорын шоғырландыру;
фильм материалдарын сенiмдi түрде ұзақ жылдар бойы сақтауды қамтамасыз ету, ғылыми-техникалық жағынан өңдеу, жаңғырту мен қалпына келтiру;
фильмқорын жаңа кинофильмдермен және тиiстi техникалық құжаттармен толықтыру; мемлекетаралық киноайырбасын ұйымдастыру;
ұлттық және шетел киносын саласында ғылыми және ғылыми-анықтамалық жұмыс жүргiзу;
кинофильмдер қорын ғылыми өңдеуге байланысты ғылыми-анықтамалық материалдар шығару;
Мемфильмқорының кинотеатры арқылы қазақ және озат шетел киноөнерiнiң таңдаулы шығармаларын көпшiлiкке тарату мен насихаттау, сондай-ақ республика мен ТМД елдерiнiң кинотеатрларында кинофестивальдар өткiзу мен ескi фильмдердi көрсету;
өндiрiстiк, ғылыми-зерттеу және шығармашылық мақсатқа арналған фильмдер қорын пайдалану;
Киноархивтердiң халықаралық федерациясымен (ФИАФ)
өзара iс-қимыл, жасау болып табылады.
III. Функциясы
5."Қазақкинопрокат" РӨБ жанындағы Мемфильмқоры өзiне жүктелген мiндеттерге сәйкес:
республикалық және шетелдiк қорлардың фильмдiк материалдарын қабылдайды, өңдейдi және ұзақ жылдар бойы сақталуын қамтамасыз етедi, сондай-ақ "Қазақкино" мемкинокомпаниясы бекiткен нұсқаулықтарға сәйкес киноматериалдарды уақытша пайдалануға бередi;
фильмдер қорының сақталуын жақсарту, сондай-ақ техника қауiпсiздiгi мен өрт қауiпсiздiгiн сақтау жөнiндегi шараларды жүргiзедi;
ұлттық киностудияларда шығарылған фильмдер мен шетелдерде шығарылған фильмдерге қатысты бүкiл құжаттаманы, соның iшiнде техникалық жай-күйi туралы актiлердi, монтаж парақтарын, әдеби және режиссерлiк сценарийлердi, кинофильмдердi шығару мен олардың прокатта болуына байланысты материалдарды, республикалық және шетел баспасөзiнiң пiкiрлерiн, түсiнiктемелердi, либреттоларды, фотосуреттердi, плакаттар мен басқа да архив материалдарын iрiктеп жинақтайды;
Мемфильмқорының сақтауындағы немесе "Қазақкино" мемкомпаниясы мен басқа да ведомстволардың кәсiпорындарында немесе ұйымдарында уақытша пайдаланудағы барлық жағымсыз және жағымды материалды бойынша есеп жүргiзедi;
Мемфильмқорына сақтауға тапсырылатын немесе қайтып берiлетiн фильм материалдарының дер кезiнде тапсырылуын, сондай-ақ олардың техникалық жай-күйiн бақылауды жүзеге асырады;
тарихи құндылығы бар фильмдердi өңдеп күтедi және қалпына келтiредi, өз коллекциясын толықтыру үшiн аралық позитивтер, контратиптер мен позитивтер жасайды;
фильм материалдарын, соның iшiнде киностудиялардың, теледидар және басқа шығармашылық ұйымдардың, фильм түсiретiн топтары үшiн фрагменттердi iрiктейдi, басып шығарады, қалпына келтiредi және жаңғыртады;
фильмдер қорын сақтауды ұйымдастыру жөнiнде әдiстемелiк және техникалық нұсқаулықтар әзiрлейдi;
бастапқы материалдарды ұзақ сақтау мәселелерiн тәжiрибелiк ғылыми-техникалық тұжырымдауын жасайды;
ғылыми-зерттеу,шығармашылық және пайдалану мақсаты үшiн ұлттық кинематография фильмдерi мен шетел фильмдерi қорын компьютерлiк өңдеудi жүзеге асырады;
шетел фильмханаларымен шығармашылық және iскерлiк байланыстарды, фильмдер, кино жөнiндегi әдебиет, ғылыми-ақпараттық материалдар алмасуды, қазақ кинематографиясының таңдаулы ескi фильмдерiнiң көрсетiлуiн ұйымдастыруды жүзеге асырады.
IV. Құқығы
6. Өз мiндетiн жүзеге асыру үшiн Мемфильмқорының:
Қазақстан Республикасында көрсету үшiн сатып алынған кинофильмдер бойынша шетелден импорттық бастапқы материалдарды алуға, оларды аударуды және субтитрлеудi жүзеге асыруға;
бұрынғы КСРО-ның Мемфильмқоры мен Кинофотоқұжаттары орталық мемлекеттiк архивiнен өткен жылдары шығарылған фильмдер бойынша бастапқы материалдарды алуға, оларды қалпына келтiру жұмыстарын жүргiзу үшiн киностудияларға және фильм көшiрмелерiн қайталап көптеп бастырып шығару үшiн кинокөшiрмелер фабрикаларына беруге;
Қазақстан Республикасының киностудияларынан олардың прокатына рұқсат куәлiктерiн алған кинофильмдердiң көшiрмелерiн алуға;
киносауық кәсiпорындарынан, кинопрокаты ұйымдары мен кинобейнебiрлестiктерiнен кинофильмдердi жекелеген көшiрмелер күйiнде, сондай-ақ жекелеген бөлiмдер ретiнде бергенi үшiн прокаттау ақысын алып тұруға құқығы бар.
V. Мемфильмқорының мүлкi мен қоры
7. Негiзгi және айналымдағы қаражат, құны "Қазкинопрокат" РӨБ балансында көрсетiлген басқа құндылықтар, сондай-ақ кинодағы авторлық құқықпен қорғалатын зерделiк меншiк Мемфильмқорының мүлкi мен қорын құрайды.
"Қазақкино" мемкинокомпаниясының ақшалай және материалдық жарналары, фирмалық кинотеатрдағы киносеанстардан түсетiн табыс, кинофильмдердi прокатқа беруден түсетiн қаражат, республикалық бюджет қаражаты, кәсiпорындардың, ұйымдардың және жекелеген азаматтардың ерiктi жарналары, басқа түсiлiмдер Мемфильмқоры мүлкiн қалыптастыру көздерi болып табылады.
8. Еңбекке ақы төлеу түрi, жүйесi мен мөлшерi, сондай-ақ кәсiпорын қызметкерлерi табысының басқа түрлерi Қазақстан Республикасының қолданылып жүрген заңдарына сәйкес белгiленедi.
IV. Штаты
9. Кинофильмдер Мемлекеттiк қорының штатын, Мемфильмқорының директорын "Қазақкино" мемлекеттiк кинокомпаниясының төрағасы бекiтедi.