1. Қазақстан Республикасының Экономика министрлiгi Қазақстан Республикасының Өнеркәсiп министрлiгiмен, Ғылым және жаңа технологиялар министрлiгiмен, Энергетика және отын ресурстары министрлiгiмен, басқа да мүдделi министрлiктермен және ведомстволармен бiрлесiп, 1994 жылғы 30 қарашаға дейiн меншiк нысанына қарамастан, қару-жарақ, әскери техника мен соғыс құралдарын, жинақтаушы бұйымдар мен материалдар, оларға арналған арнайы технологиялық жабдықтар жасаумен, зерттеумен, әзiрлеумен, сынаумен, жаңартумен, жөндеумен, қызмет көрсетумен және пайдаға асырумен, сондай-ақ қару-жарақ пен әскери техниканы жасау үшiн қолданылатын уран шикiзаты мен басқа да материалдардың арнайы түрлерiн барлаумен, өндiрумен, ұқсатумен, сақтаумен және пайдаға асырумен айналысатын өндiрiстiк, ғылыми-өндiрiстiк кәсiпорындарының, бiрлестiктерiнiң, конструкторлық немесе ғылыми-зерттеу ұйымдарының, ғылыми-сынақ полигондарының нақты жай-күйiне талдау жүргiзсiн және олардың арнайы қызметiнiң қысқартылу деңгейiн, сондай-ақ азаматтық мұқтажға қайта бағдарлануын айқындасын.
2. Қазақстан Республикасының Экономика министрлiгi Қазақстан Республикасының Өнеркәсiп министрлiгiмен, Ғылым және жаңа технологиялар министрлiгiмен, Энергетика және отын ресурстары министрлiгiмен, басқа да мүдделi министрлiктермен және ведомстволармен бiрлесiп қорғаныс өнеркәсiбiн конверсиялаудың 1994-1995 жылдарға арналған республикалық бағдарламасын үш айлық мерзiмде әзiрлеп, оны белгiленген тәртiппен қарап бекiту үшiн Қазақстан Республикасының Министрлер Кабинетiне табыс етсiн.
3. Облыстардың, Алматы және Ленинск қалаларының әкiмдерi қорғаныс өнеркәсiбi кәсiпорындарымен және олармен сабақтас өнеркәсiптермен бiрлесiп конверсиялаудың 1994-1995 жылдарға арналған аймақтық бағдарламаларын бiр айлық мерзiмде әзiрлеп бекiтсiн, әрi оларды қаржыландыру көздерiн анықтасын.
4. Қазақстан Республикасының Мемлекеттiк мүлiк жөнiндегi мемлекеттiк комитетi, Қазақстан Республикасының Экономика министрлiгi, Қаржы министрлiгi Қазақстан Республикасының Өнеркәсiп министрлiгiмен, Энергетика және отын ресурстары министрлiгiмен, Ғылым және жаңа технологиялар министрлiгiмен Ұлттық аэроғарыш агенттiгiмен бiрлесiп:
конверсияланатын кәсiпорындардың мүлiктiк кешенiнiң жекелеген бөлiктерiн сатып, алынған қаражатты конверсиялау бағдарламаларын қаржыландыруға жұмсау тәртiбiн айқындайтын ереженi;
конверсияланатын кәсiпорындар бойынша жеделдете амортизациялауға жататын негiзгi өндiрiстiк қорларды жеделдете амортизациялау нормаларын және олардың бiр бөлiгiнiң мөлшерiн;
конверсиялау нәтижесiнде босайтын бiрегей жабдықтарды тоқтатып қоюдың және тар шеңберде мамандандырылған жабдықтарды амортизациясыз есептен шығарудың тәртiбiн үш ай мерзiмде әзiрлесiн әрi оларды Қазақстан Республикасының Министрлер Кабинетiне бекiтуге табыс етсiн.
5. Қазақстан Республикасының Экономика министрлiгi:
конверсияланатын кәсiпорындардың тiзбесiн, сондай-ақ жұмылдыру құжаттарын азаматтық өнiмдер өндiру үшiн пайдалану жөнiндегi ұсыныстарды Қазақстан Республикасының Министрлер Кабинетiне жыл сайын 15 қаңтарға дейiн табыс етiп отырсын;
азаматтық өнiмдер өндiру үшiн жаңа қуаттар құруға бағытталған жобаларды жүзеге асыру үшiн Экономикалық өзгерiстер қорынан кредиттер алуда конверсияланатын кәсiпорындардың басымдығын қамтамасыз етсiн.
6. Қазақстан Республикасының Экономика министрлiгi, Қаржы министрлiгi, Қазақстан Республикасының Мемлекеттiк мүлiк жөнiндегi мемлекеттiк комитетi басқа да мүдделi министрлiктермен және ведомстволармен, қорғаныс кешенiнiң кәсiпорындарымен бiрлесiп аталған кәсiпорындардың балансында тұратын және жергiлiктi әкiмшiлiк балансына беруге жататын әлеуметтiк, мәдени-тұрмыстық объектiлердiң, тұрғын үй қоры мен мектеп жасына дейiнгi балалар мекемелерiнiң тiзбесiне жыл сайын 1 шiлдеге дейiн Қазақстан Республикасының Министрлер Кабинетiне бекiтуге табыс етсiн.
7. Қазақстан Республикасының Экономика министрлiгi жанындағы Шетелдiк инвестициялар жөнiндегi Ұлттық агенттiк мақсатты кредиттерге, инвестицияларға және бекiтiлген бағдарламаларға сәйкес конверсияланатын кәсiпорындарды азаматтық өнiмдер өндiруге әзiрлеудi ұйымдастыруына валюталық кредиттi басым тәртiппен беретiн болсын.
8. "Қазконтракт" Республикалық контракт корпорациясы ресурстар сатып алуда конверсияланатын кәсiпорындарға басымдық тәртiбiмен жәрдем берсiн, ресурстардың тiзбесi жыл сайын бiрiншi тоқсан iшiнде табыс етiлiп отырады.
9. Қазақстан Республикасының Еңбек министрлiгi жыл сайын, Халықты жұмыспен қамтуға жәрдем беру жөнiндегi Республикалық қор қаражатының жұмсалуы туралы Қазақстан Республикасының Қаржы министрлiгiне ұсыныстар енгiзген кезде, конверсияланатын кәсiпорындардағы кадрларды қайта даярлауға арналған шығындарды көздесiн.
Қазақстан Республикасының
Премьер-министрi