"Қазақстан Республикасының Орман кодексiн күшiне енгiзу тәртiбi
туралы" Қазақстан Республикасы Жоғарғы Кеңесiнiң 1993 жылғы
23 қаңтардағы N 1925-XII қаулысына сәйкес Қазақстан Республикасының
Министрлер Кабинетi қаулы етедi:
Қазақстан Республикасында Ағаш саудаласуын (аукциондар) өткiзу
тәртiбi туралы Уақытша ереже бекiтiлсiн (қоса берiлiп отыр).
Қазақстан Республикасының
Премьер-министрi
Қазақстан Республикасы
Министрлер Кабинетiнiң
1994 жылғы 18 ақпандағы
N 199 қаулысымен
Бекiтiлген
Қазақстан Республикасында ағаш саудаласуын
(аукциондар) өткiзу тәртiбi туралы
УАҚЫТША ЕРЕЖЕ
ЖАЛПЫ ЕРЕЖЕЛЕР
1. Өсiп тұрған сүректердi саудаласу арқылы сату орман шаруашылығын ұтымды жүргiзудi экономикалық ынталандыру, өсiп тұрғанда босатылатын сүректiң нарықтық бағасын қалыптастырудың маңызды құралы болып табылады және орман пайдалануда нарықтық қатынастарды жандандыру мақсатында енгiзiледi.
2. Ағаш саудасын (аукциондарды) өткiзу тәртiбi туралы Уақытша ереже, бұдан былай Ереже, өсiп тұрған сүректi, сол сияқты қурап тұрған, жел сұлатқан, дауыл омырған және басқа осындай сүректi сату тәртiбiн реттейдi.
3. Өсiп тұрған сүрек саудасы (аукционы) - бұл өсiп тұрған сүректiң ашық саудасы, мұндай жағдайда оны ұйымдастырушылар неғұрлым жоғары баға ұсынған заңды немесе жеке тұлғалар сатып алатын болуы үшiн тиiстi хабарландырулар жолымен сүрек сатып алушыларды бәсекелестiк сайысқа қатысуға тартады.
4. Өсiп тұрған сүректi саудаласу арқылы сату мынадай көлемде жүргiзiлуi мүмкiн:
мемлекеттiк орман шаруашылық кәсiпорындарымен және басқа да орман қоры учаскелерiнiң иелерi үшiн белгiленген есептi ағаш кесу көлемiнен - қылқан жапырақты тұқым бойынша 20 процент мөлшерiнде, жалпақ жапырақты тұқым бойынша 30 процент мөлшерiнде;
жалға алу шарттары негiзiнде ұзақ мерзiмдi пайдалануға берiлген орман қоры учаскелерiнен өсiп тұрған сүректi саудаласу (аукцион) арқылы сатуға болмайды.
5. Саудаласу арқылы (аукционда) сату үшiн қойылатын, өсiп тұрған сүректiң көлемiн орман қоры учаскелерiнiң иелерi ағаш дайындаушылар, орман топтары, шаруашылықтар бойынша ағаш кесу қоры лимитiн орналастырумен бiр мезгiлде анықтайды және облыстық атқарушы өкiмет органдарының келiсiмi бойынша Қазақстан Республикасының мемлекеттiк орман шаруашылығын басқару органы бекiтедi.
6. Саудаласу арқылы (аукциондарда) сүректердi сатып алушылар болып заңды ұйымдар және кемiнде 18 жастағы жеке тұлғалар қатысуы мүмкiн. Сатып алушы аукционға жеке өзi немесе сенiмхат бойынша өзiнiң өкiлi арқылы қатысады.
САУДАЛАСУДЫ (АУКЦИОНДАРДЫ) ҰЙЫМДАСТЫРУ
7. Саудаласуды (аукционды) облыстық атқарушы өкiмет органы облыстық орман шаруашылығын басқару органымен бiрлесе отырып ұйымдастырады және өткiзедi. Бұл үшiн Сауда комиссиясы құрылады, оның құрамына облыстық атқарушы өкiмет органының, облыстық орман шаруашылығын басқару органының мемлекеттiк салық инспекциясының, сүректi сатушы орман қоры учаскелерi иелерiнiң өкiлдерi, хаттамашы, заң кеңесшiсi, бухгалтер және басқа мүшелерi енгiзiлуге тиiс. Сауда комиссиясының төрағасы болып облыстық атқарушы өкiмет органының өкiлi тағайындалады.
Облыстық орман шаруашылығын басқару органының ұсынуы бойынша облыстық атқарушы өкiмет органы жергiлiктi тұрғындарға өсiп тұрған сүректi жергiлiктi тұтынушыларға, оның iшiнде отындықтан басқасын халыққа шағындап босату тәртiбiмен сату жөнiндегi саудаласуды ұйымдастыруға жекелеген аудандық атқарушы өкiмет органдары мен мемлекеттiк орман шаруашылық кәсiпорындарына рұқсат бере алады. Мұндай жағдайда сатылатын жалпы сүрек көлемiнiң шегiн және бiр аларманға сатылатын сүректiң көлемiн облыстық атқарушы өкiмет органы белгiлейдi.
8. Саудаласудың (аукциондардың) маңызына қарай олар ауызша жарысу (ауызша саудаласу) түрiнде немесе конвертке салып, желiмдеп ұсынған жазбаша сұранымды (жабық саудаласу) қарастыру жолымен немесе екi тәсiлдi қоса отырып (бiрлескен саудаласу) өткiзiледi. Бiрлескен саудаласу басымырақ тағайындалады. Ауызша саудаласу аудандарда жергiлiктi тұтынушылар үшiн өткiзiледi. Өсiп тұрған сүректi аса iрi көлемде сатқан кезде жабық саудаласу тағайындалады.
Саудаласуды өткiзу тәсiлiн Сауда комиссиясы белгiлейдi.
9. Саудаласу (аукцион) бүкiл жыл бойы алармандар үшiн анағұрлым қолайлы мерзiмде тағайындалады. Әр түрлi жерде белгiленген саудаласуды (аукциондарды) өткiзу мерзiмi аларманның әрбiр жекелеген саудаласуға (аукционға) қатысуына мүмкiндiгi болатындай есеппен анықталады.
10. Сүректi сатушы Сауда комиссиясымен "сауда келiсiмiн" (1-қосымша) жасасады. Сауда келiсiмiнiң құрамды бiр бөлiгi саудаласуды өсiп тұрған сүректi сатуға арналған "өтiнiм" (2-қосымша) болып табылады, оны сатушы толтырады. Әрбiр сауда бiрлiгiне өтiнiм жеке-жеке жасалады және онда аталған тауар түрi жөнiнде барлық негiзгi мәлiметтер: тұрған жерi (орман шаруашылығы, орманшылық, орамы, бөлiнген тiлкем, оның нөмiрi), ормандар тобы, қорғаныштық санаты, көлiк жолының бар-жоғы тұқымы бойынша сүректiң саны және оның тауарлық құрылымы, кесу тәсiлi, дайындау және тасып әкету мерзiмi, өсiп тұрған сүректiң алғашқы (сөрелiк) құны, ақы төлеу шарты, орманды қалпына келтiру тәсiлi мен мерзiмi, ағаш кесiлетiн жердi (тiлкемдi) игерудiң технологиялық қартасы, неғұрлым пайдалы мәмiленi жүзеге асыруға себепшi болатын және осы сауда бiрлiгi жайында аларманның неғұрлым толық хабардар болуы үшiн қажеттi басқа да ақпарат көрсетiлуi қажет. (Сауда бiрлiгi - бiрыңғай тұтастық түрiнде саудаласуға қойылған өсiп тұрған сүректiң текше метр есебiндегi көлемi. Ол ағаш кесу учаскесiнiң кесiлуге жататын ағаштарын немесе оның бiр бөлiгiн, ағаштар тобын, оның жекелеген бөлiгiн бiлдiредi).
11. Сауда комиссия сүректi сатуға арналған (сауда келiсiмiне қосымшалар) өтiнiм негiзiнде каталог жасайды, онда барлық сауда бiрлiгi жөнiндегi толық мәлiмет, сондай-ақ алармандардың, сатушы ұйымдардың шоттарына кепiлдiк салуына мүмкiндiгi болуы үшiн олардың есеп айырысу шоттары мен атаулары көрсетiледi.
12. Сауда комиссиясы саудаласуды өткiзу мерзiмi мен орны жайында бұқаралық ақпарат құралдарында, арнаулы анықтамалық басылымдарда хабарландыру бередi.
Хабардар ету нысандары мен құралдарын таңдау өсiп тұрған сатылатын сүректiң көлемi мен сапасына және саудаласу тәсiлiне қарай жүргiзiледi.
13. Саудаласуды өткiзу мерзiмiн хабарлау саудаласудың маңыздылығына қарай оның басталуынан бiр-алты ай бұрын жасалуға тиiс.
14. Хабарландыруда саудаласудың орны, мерзiмi, тәсiлi, оған кiмнiң жiберiлетiнi, өсiп тұрған сүректiң сатуға қойылатын әрбiр тобының көлемi мен бастапқы құны және барлық сауда бiрлiгi, сондай-ақ сатудың шарттары туралы егжей-тегжейлi мәлiметтi қайдан алуға болатыны, өсiп тұрған сатылатын сүректi байқап көру үшiн кiмге жолығу керектiгi, табиғи күйдегi тiлкемдi байқап көру тәртiбi және оның құны көрсетiледi. Сонымен қатар жабық конвертте хатталған өтiнiм бойынша сауда жүргiзетiн кезде хабарландыруда оны саудаласуға қатысуға тiлек бiлдiрушi алармандардың беретiн мерзiмi де көрсетiледi.
15. Өсiп тұрған сүректiң бастапқы құнына өсiп тұрған сүректiң қолданылып жүрген прейскуранттық (таксалық) құны, сауда шығыны, жер салығы мен қосылған құн салығының сомасы енгiзiледi.
16. Сүректi сатушы әрбiр сауда бiрлiгi бойынша бастапқы ақшалай жарнаны (кепiлдiктi) жеке-жеке белгiлей алады, бұл кейiн сатып алынған тауар бағасына қосылады немесе ешнәрсе сатып алмаған қатысушыларға қайтарылады. Аукционда саудаласуға тiлек бiлдiрген аларман таңдап алған барлық сауда бiрлiгi бойынша сатушының есеп айырысу шотына кепiлдiк сома өткiзуге мiндеттi.
17. Сатушы саудаласу алдында алармандардың қалауы бойынша ағаш кесiлетiн жердi (тiлкемдi) байқап көрудi ұйымдастырады.
18. Жабық конвертте хатталған өтiнiм беру жолымен саудаласуға тiлек бiлдiрушiнiң тiкелей өзi немесе басқа кiсi немесе почта арқылы өзiнiң өтiнiмiн Сауда комиссиясына жолдай отырып, конверт сыртына "Мынадай күнге белгiленген өсiп тұрған сүректi саудаласуға өтiнiм" деп жазуы керек. Өтiнiм саудаласу жайындағы хабарландыруда көрсетiлген мерзiмнен кешiктiрiлмей табыс етiлуге тиiс және онда:
а) өсiп тұрған сүректi хабарландырылған сату шарттары негiзiнде сатып алуға келiсетiнi, нендей бiр түзетусiз жазбаша түрде белгiленген әрбiр сауда бiрлiгiнiң ұсынылатын бағасы;
б) өтiнiм берген заңды тұлғаның деректемесi, сондай-ақ фамилиясы, аты, әкесiнiң аты және осы тұлғаның уәкiлдiк берген жекелеген өтiнiмшiлердiң мекен-жайы;
в) кепiлдiктi төлегенi туралы төлемдiк тапсырманың көшiрмесi болуға тиiс.
19. Сауда комиссиясына келiп түсетiн барлық жабық өтiнiмдерге тiркелген нөмiрi берiлiп, сол бойынша осы жабық өтiнiм саудаласуға қатысады.
20. Сауда комиссиясы саудаласуға (аукционға) қатысушыларға билет басып шығарады және сатады, билеттiң нөмiрi саудаласуға (аукционға) қатысушының нөмiрi болып табылады. Саудаласуға қатысушыларға билет кепiлдiк ақы төленгенi туралы төлемдiк тапсырма көрсетiлгеннен кейiн сатылады, бұған қоса заңды тұлғаның уәкiлдiк берген сенiмхатты табыс етуге тиiс. Көрермендер саудаласуға (аукционға) көрерменнiң арнаулы билетi бойынша жiберiледi. Қатысушылар мен көрермендер билетiнiң бағасын Сауда комиссиясы белгiлейдi.
21. Кепiлдiк ақының төленгенi туралы ақпарат Кепiлдiк туралы ведомоске (3-қосымша) жазылып, қатысушылар қол қояды.
САУДАЛАСУДЫ (АУКЦИОНДЫ) ЖҮРГIЗУ ТӘРТIБIНЕ
ҚОЙЫЛАТЫН ЖАЛПЫ ТАЛАПТАР
22. Сауда комиссиясы саудаласуды (аукционды) жүргiзедi және олардың операциясын ресiмдейдi.
23. Саудаласуды (аукционды) жүргiзу кезiнде "Сауда комиссиясының саудаласуды жүргiзгенi туралы есебi" (7-қосымша) жасалады, онда саудаласу кезiнде орын алған нендей бiр жағдай жөнiнде қабылданған барлық шешiм көрсетiледi және "Сауда парағы" (4-қосымша) толтырылады.
24. Саудаласу мүмкiндiгiнше оның аяқталатын мерзiмiне дейiн үзiлiссiз жүргiзiлуге тиiс. Үзiлiс қажет болған жағдайда, Сауда комиссиясының төрағасы бұл жөнiнде сауданы қайта жалғастыру мерзiмiн белгiлей отырып, барлық қатысушыларға хабарлайды, саудаласу жүргiзiлгенi жайындағы есепке жазба түсiрiледi. Саудаласуды жабық конверттегi өтiнiмдер бойынша жүргiзу кезiнде саудаласуға жасалған үзiлiс уақытында өтiнiмдер ортақ конвертке салынып, Сауда комиссиясы төрағасының мөрi басылып, хатталады.
25. Сауда комиссиясының төрағасы саудаласуды (аукционды), ашып, оны жүргiзу шарттарын (саудаласуды жүргiзудiң осы Ережелерiнiң 27-42-тармақтарында жазылған тәртiбiн) оқып бередi және саудаласуға ниет бiлдiрушiлердiң бәрiне шарттар жазылған қағаздың бiр данасына қолдарын қоюды ұсынады, сондай-ақ қанша жабық өтiнiм түскенiн хабарлайды. Саудаласушылардың жазбаша жабық өтiнiмдерi ауызша саудаласу аяқталғанға дейiн ашылмай көрнектi жерде қойылып тұруға тиiс.
26. Конвертке салынған өтiнiмдердiң бар-жоғына қарамастан, егер саудаласуға тiлек бiлдiрушiлер екi адамнан кем болмаса, саудаласу белгiленген уақытта ашылады. Егер сүректi сатып алушылардың жоғарыда көрсетiлген саны аталған мерзiмнен бұрын келмесе, онда Сауда комиссиясы өз iс-әрекетiн екi сағат бойы бастамай күте тұрады. Осы уақыт өткен соң саудаласу оған ниет бiлдiрушiлердiң қанша адам болғанына қарамастан, бiрақ жабық жазбаша өтiнiмдердi қосқанда екеуден кем болмаса, жүргiзiле бередi. Көрсетiлген уақытта саудаласуға ешкiм келмеген жағдайда, Сауда комиссиясы жабық өтiнiмдердi ашуға кiрiседi, егер ондай өтiнiмдер бар болса, ал бұған керiсiнше болған жағдайда, саудаласу өткiзiлмедi деп саналып, ол жөнiнде саудаласуды жүргiзу туралы есепте көрсетiледi.
АУЫЗША САУДАЛАСУДЫ ЖҮРГIЗУ ТӘРТIБI
27. Ауызша саудаласу әрбiр сауда бiрлiгi бойынша каталогтегi нөмiрiне қарай жеке-жеке жүргiзiледi. Каталогте көрсетiлмеген сауда бiрлiгiн саудаласуға ұсынуға жол берiлмейдi. Саудаласуға ұсынылған сауда бiрлiктерiн шығарып тастауды орман қоры учаскелерi иелерiнiң ұсынысы бойынша Сауда комиссиялары сауда күнi ағаш кесуге арналған жерге өрттен, желден, тағы басқа себептерден зиян келтiрiлуi салдарынан сауда бiрлiгiн қайта бағалау қажет болған, сондай-ақ оларды табиғи зiлзаланың зардабын жою үшiн пайдалану қажет болған жағдайда жүргiзуi мүмкiн. Сатушының немесе оның уәкiлдiк берген өкiлiнiң жазбаша мәлiмдемесi бойынша саудаласуға ұсынылған кез-келген сауда бiрлiгi бәсеке болмаған ретте саудаласудан алынып тасталады.
28. Сауда комиссиясының төрағасы каталог бойынша сауда бiрлiгiнiң (лотта) сатылатын нөмiрiн хабарлайды, қысқаша сипаттама бередi, бастапқы бағасы мен оны өсiру аралығын жариялайды. Он бөлiкке дейiн ықшамдағанда бұл аралық бастапқы бағаның бiр процентiнен кем болмауға тиiс.
29. Аларман өз бағасын ұсына отырып, билетiн (қатысушы нөмiрiн) көтерiп, оны Сауда комиссиясы төрағасы тұрған жаққа қарай бұра көрсетiп, өзi ұсынатын бағаны дауыстап жариялауға тиiс.
30. Сауда комиссиясының төрағасы әрбiр ұсынылған бағаны қайталап, оны балғаның соғылған дабылымен құптап отырады. Ұсынылған баға үш мәрте қайталанады, егер алармандардың бiрде-бiреуi жоғары баға ұсынбаса, онда осы сауда бiрлiгi бойынша ауызша саудаласудың аяқталғаны жарияланады. Ұсынылған ең жоғары баға және оны ұсынған қатысушының нөмiрi сауда парағына жазылады.
31. Соңғы үстеменi жариялап, аларман өзi ұсынған бағасына әлгi сауда бiрлiгiн оған қалдыруға келiсетiнi жайында сауда парағына қолын қояды. Бұдан кейiн Сауда комиссиясының төрағасы келесi сауда бiрлiгiн саудалауға кiрiседi.
БIРЛЕСКЕН САУДАЛАСУДЫ ЖӘНЕ САУДАЛАСУДЫ КIЛЕҢ
КОНВЕРТТЕГI ӨТIНIМДЕР БОЙЫНША ЖҮРГIЗУ ТӘРТIБI
32. Бiрлескен саудаласуды - ауызша жарыс пен конверттегi өтiнiм бойынша саудаласуды жүргiзген жағдайда әуелi 27-31-тармақтарға сәйкес ауызша саудаласу өткiзiледi, ал ауызша саудаласу аяқталған соң, бiрақ, келiп түскен жазбаша өтiнiмдердi ашуға дейiн, төраға қатысушылардың қалауына орай "өзiне арнап" одан әрi үстеме жасауын ұсынады, бұл жайында сауда парағына тиiстi сауда бiрлiгiнiң тұсына жазып қойылады.
33. Ауызша саудаласу және "өзiне арнап" үстеме жасау аяқталған соң, төраға ауызша саудаласу аяқталғанын жариялайды, сонан кейiн Сауда комиссиясы барлық саудаласушылардың көз алдында конверттегi өтiнiмдердi ашуға кiрiседi. Әрбiр ашылған өтiнiм хабарланады және онда жасалған ұсыныс тиiстi сауда бiрлiгi бойынша, конверттегi өтiнiмнiң тiркелген нөмiрi және ұсынылған баға көрсетiлiп сауда парағына жазылады.
34. Белгiлi бiр сауда бiрлiгiне ауызша және жазбаша ұсынылған баға тепе-тең болған жағдайда, артықшылық ауызша саудаласқан кiсiге берiледi. Белгiлi бiр сауда бiрлiгiне бiрнеше жабық өтiнiм берушiлер ұсынған бағалар тепе-тең болған ретте, егер ондай адамдардың бәрi саудаласуға қатысып отырса, ауызша жарыс өткiзiледi; ал ендi бiр ғана адам қатыспаған жағдайда, мәселенi Сауда комиссиясы жеребе тартқызу арқылы шешедi, бұл хаттамада көрсетiледi.
35. Саудаласу бiрнеше орман шаруашылықтары бойынша өткiзiлген жағдайда саудаласу нәтижелерi туралы ведомостер әрбiр шаруашылық бойынша жеке-жеке жасалады.
36. Кiлең жабық конверттегi өтiнiмдер бойынша саудаласу өтiнiм берушiлердiң қатысуынсыз сырттан өткiзiледi.
Егер Сауда комиссиясы нендей бiр өтiнiмдi жарамсыз деп танитын болса, онда сол өтiнiмде жасалған ұсыныс сауда парағына жазылмайды, ал саудаласу жүргiзiлгенi туралы хаттамада жарамсыз деп танылған өтiнiмiң дәлелi көрсетiледi.
САУДАЛАСУДЫҢ (САУДА ӨНДIРIСI) НӘТИЖЕЛЕРI
ЖӨНIНДЕГI ҚҰЖАТТАМАНЫ РЕСIМДЕУ
37. Саудаласудың түпкi нәтижелерi "Саудаласудың нәтижелерi туралы ведомостен" (5-қосымша) жазылады, ол саудаласудың жасалғаны туралы хаттаманың ажырамас бөлiгi болып табылады.
38. Саудаласу аяқталған соң кепiлдiк ведомосiне, сауда парағына
саудаласу өткiзiлгенi туралы хаттамаға және саудаласу нәтижелерi
туралы ведомоске Сауда комиссиясының барлық мүшелерi қолдарын қояды,
оны Төраға бекiтедi. Төраға саудаласудың түпкiлiктi нәтижелерi
туралы хабарлама жасайды.
39. Сауда комиссиясы жасайтын құжаттардағы жазу тек қана
сиямен немесе шариктi қаламмен жазылады.
40. Сауда жасау қағазына мыналар қоса тiркелуге тиiс:
а) саудаласу туралы жарияланымдардың бiр данасы;
ә) өсiп тұрған сүректi сатудың шарттары жазылған қағаздың
саудаласуға тiлек бiлдiрген адамдардың қолхаты бар бiр данасы;
б) табыс етiлген сенiмхаттар;
в) жазбаша өтiнiмдер салынған конверттер;
г) каталогтың бiр данасы;
д) кепiлдiк сомасы төленгенi туралы құжаттар.
Бүкiл сауда жасау қағаздары нөмiрленген, тiгiлген және Сауда
комиссиясы төрағасының мөрi басылған болуға тиiс.
41. Саудаласу нәтижелерi жарияланғаннан кейiн жеңiмпаздар 15
күн iшiнде сүректiң саудаласу арқылы сатылғаны-сатып алынғаны
жөнiнде сүректi сатушымен (сатушы атынан шартты Сауда комиссиясы
ресiмдейдi) Шартты ресiмдейдi (6-қосымша). Шарт Сауда комиссиясына,
сатушыға және аларманға арналып 3 дана етiп жасалады.
42. Саудаласудың нәтижелерi туралы есептi Сауда комиссиясы
облыстық атқарушы өкiметтiң органына және Қазақстан Республикасының
мемлекеттiк орман шаруашылығын басқару органына тапсырады.
САУДАЛАСУДА (АУКЦИОНДА) ЕСЕП АЙЫРЫСУ ЖӘНЕ
ОПЕРАЦИЯЛАРДЫ РЕСIМДЕУ
43. Саудаласуда өсiп тұрған сүректi сатып алғаны үшiн есеп айырысу нысаны сауда бiрлiгiн (лотта) жариялау кезiнде көрсетiледi.
44. Өсiп тұрған сүректi саудаласу арқылы сату кезiнде сатылған сүректiң қолданылып жүрген N 07-01-05 прейскурантқа сәйкес анықталатын прейскуранттың құны, жер салығы мен қосылған құн салығының сомасы Қазақстан Республикасының заңдарында белгiленген тәртiп бойынша бюджетке аударылады. <*>
Саудаласу үстiнде анықталған сату бағасы мен прейскуранттық құнның арасындағы айырма республикалық бюджеттiң кiрiсiне есептеледі. <*>
ЕСКЕРТУ. 44-тармақ өзгерді - ҚР Үкіметінің 1999.06.07. N 708
қаулысымен. P990708_
45. Шарт ресiмделгеннен кейiн 10 күннен кешiктiрмей аларман осы Ереженiң 44-тармағына сәйкес ақшаны сатушының шотына аударып, өсiп тұрған сүректi сатушыға өтiнiш жасайды, ол оған ағаш кесу билетiн бередi. Ағаш кесу билетiн жазып беру кезiнде сатушы аларманды өсiп тұрған сүректi босату ережесiмен, өрт қауiпсiздiгi ережелерiмен және ағаш кесу ережелерiмен таныстырады. Осыдан соң аларман солармен танысқаны жөнiнде қол қояды. Ағаш кесу билетiмен бiрге сатылған ағаш кесiлетiн жердi игерудiң технологиялық қартасы берiледi.
Егер 10 күн iшiнде ұсынылған шот төленбесе, онда саудаласу нәтижесiнiң күшi болмайды, ал қатысушының өсiп тұрған сүректi саудаласуға жыл бойы қатысуға құқығы болмайды. Мұндай жағдайда оған бастапқы ақшалай жарна (кепiлдiк) қайтарылмайды, республикалық
бюджеттiң кiрiсiне есептеледi.
<*>
ЕСКЕРТУ. 45-тармақ сөздермен толықтырылды - ҚР Үкіметінің 1999.06.07.
N 708 қаулысымен.
P990708_
46. Сауда комиссиясының кiрiсi сатылған билеттерден алынған
тiркеу жарналарынан, өсiп тұрған сүректi сатудан түскен сомадан
сауда келiсiмiнде белгiленген проценттен, сондай-ақ каталогты
пайдаланғаны үшiн төлейтiн жарналардан құралады.
ТАРАПТАРДЫҢ ЖАУАПКЕРШIЛIГI
47. Сүректi сатушының, аларманның және Сауда комиссиясының бiр-бiрiне шағымы Қазақстан Республикасының заңдарымен белгiленген тәртiп бойынша қаралады.
48. Өсiп тұрған сүректi сатушы:
а) сатуға ұйғарылған ағаш кесiлетiн жердi бөлуге, ағашы кесiлетiн жер мен таксациялауды қолданылып жүрген нұсқауға сәйкес жүргiзуге. Сатуға ұсынылған сауда бiрлiгiнде сүректiң бастапқы құнын өзгерiстерi мен толықтыруларын ескере отырып "Өсiп тұрған сүректi босату таксасының" қолданылып жүрген N 07-01-05 прейскурантына сәйкес анықтауға. Кесуге ұйғарылған ағаштың немесе оның бөлiгiн табиғи күйiнде шектеуге. Сүректегi жаппай оталмайтын ағаш кесу жерлерiнде кесуге белгiленген ағаштарды таңбалауға. Егер ағаш кесiлетiн жердi шектеуге мүмкiндiк болмаса, ағаштарды нөмiрлеуге;
ә) қолданылатын таксациялау әдiсi шеңберiнде сүректiң саны мен сапасының дәл анықталуын қамтамасыз етуге;
б) сатылатын тауар бiрлiктерiн бiлiктiлiкпен таңдап алу мүмкiндiгiн қамтамасыз ету үшiн олар жайында қажеттi әрi дұрыс ақпарат беруге мiндеттi.
49. Аларман сатып алған сауда бiрлiгiнен ақау тапқан жағдайда сатушы аларман талап қойған кезден бастап 5 күн iшiнде оларды ауыстыруға мiндеттi.
Аларманның талабын орындауда кешiктiрiлген әрбiр күн үшiн сатушы тауар құнының бiр процентi мөлшерiнде тұрақсыздық айыбын төлейдi.
50. Сауда комиссиясы аларманға саудаласу (аукцион) басталғанға дейiн сатушының өтiнiмiне сәйкес сауда бiрлiктерi жөнiнде толық және дәлме-дәл ақпарат беруге тиiс.
51. Басы артық кепiлдiктiң ведомосiнен алынған үзiндiге сәйкес қайтарылуы үшiн жауапкершiлiк сатушыға жүктеледi.
52. Аларман сүректi ағаш кесу билетiнде көрсетiлген мерзiмде кесiп, тасып әкетуге, ағаш кесiлген алаңды тазартуға, орманды қалпына келтiру жұмысын (егер бұл сату шарттарында көрсетiлген жағдайда) жүргiзуге мiндеттi.
Өсiп тұрған сүректi босатудың қолданылып жүрген ережелерiне сәйкес сүректi дайындау мен тасып әкету мерзiмi ұзартылуы мүмкiн. Белгiленген мерзiмде кесiлмеген және тасып әкетiлмеген сүрек өсiп тұрған ағашты сатушының қайтадан меншiгiне айналады.
53. Саудаласу кезiнде сатып алынған өсiп тұрған сүректi иелену құқығын басқа бiреуге аударуға тыйым салынады.
ӨСIП ТҰРҒАН СҮРЕКТI КОНКУРСТIК НЕГIЗIНДЕ
САТУ
54. Ағаш дайындау кезiнде орман өсiру және экология талаптарын ерекше технологияларды қолдану талап етiлген жағдайларда өсiп тұрған сүректi сату конкурстiк негiзде жүргiзiлуi мүмкiн.
55. Конкурске қажеттi техникасы мен жабдықтары, бiлiктi кадрлары бар мамандандырылған ағаш дайындаушы кәсiпорындар қатысады.
56. Облыстық орман шаруашылығын басқару органын конкурстi ұйымдастыру үшiн бас орманшы басқаратын конкурстiк комиссия құрылады.
57. Конкурстiк комиссия орман иелерiнiң ұсыныстары бойынша ағаш кесiлетiн жердiң тiзбесiн анықтайды, конкурстiк негiзде игерiлуi мүмкiн ағаш кесiлетiн жерлердiң тiзбесiн анықтап, ағаш дайындауды жүргiзу технологиясында қойылатын талаптарды белгiлейдi және ағаш дайындаушыларға қажеттi ақпаратты жеткiзедi.
58. Конкурс жеңiмпазы облыстық орман шаруашылығын басқару органының шотына кепiлдiк ретiнде өсiп тұрған сүректiң прейскуранттық құны мөлшерiндегi соманы аударады. Жұмыс аяқталған соң, егер ол конкурстiк комиссия белгiлеген технологиядан ауытқымай орындалған болса, ағаш дайындаушының кепiлдiк ретiнде берген сома оған қайтарылады. <*>
ЕСКЕРТУ. 58-тармақ өзгерді - ҚР Үкіметінің 1999.06.07. N 708
қаулысымен.
P990708_
59. Ағаш дайындаушы белгiленген технологияны бұзған жағдайда
облыстық орман шаруашылығын басқару органының шешiмi бойынша
ағашы кесiлетiн жер қайтарып алынады, ондай жағдайда ағаш дайындаушы
қолданылып жүрген заңдарға сәйкес жауап бередi.
<*>
ЕСКЕРТУ. 59-тармақ өзгерді - ҚР Үкіметінің 1999.06.07. N 708
қаулысымен.
P990708_
1-Қосымша
САУДА КЕЛIСIМI
Қол қойылған күнi____________________________________199__ж.
_____________________________________________________бiр жағынан,
(Сауда комиссиясының атауы)
бұдан былай Сауда комиссиясы деп аталатын________________________
___________________________________________________________негiзде
iс-әрекет жасайтын________________________________________________
(лауазымы, фамилиясы, аты, әкесiнiң аты)
____________________________________________________________атынан
және екiншi жағынан__________________________________________бұдан
(Орман шаруашылығының атауы)
былай Сатушы деп аталатын_________________________________________
негiзде iс-әрекет жасайтын________________________________________
(Лауазымы, фамилиясы, аты, әкесiнiң аты)
__________________________________________________________________
атынан мыналар жайында осы келiсiмдi жасасты.
1. Келiсiмнiң пәнi
1.1. Сатушы алады, ал Сауда комиссиясы саудаласу барысында
мынадай тауар бiрлiктерiн сатуды қабылдап алады:
Рет нөмiрi саны, текше метр бастапқы құны
1. _______________________________________________________________
2. _______________________________________________________________
3. _______________________________________________________________
4. _______________________________________________________________
Жиынтық бастапқы құны _______________________________________
__________________________________________________________________
(жазбаша)
Тауар бiрлiктерiнiң егжей-тегжейлi ерекшелiгi 1-қосымшада
көрсетiлген, ол осы Келiсiмнiң ажырамас бiр бөлiгi болып табылады.
2. Тараптардың мiндеттерi
2.1. Сатушының мiндеттерi:
2.1.1. Саудаласуға ұсынылған әрбiр тауар бiрлiгi бойынша толық
және дұрыс ақпарат табыс етедi.
2.1.2. Саудаласуға ұсынылған тауарлар бiрлiгiн алармандар қалауына қарай табиғи күйiнде байқап көруiне жағдай жасауды қамтамасыз етедi.
2.1.3. Саудаласу жеңiмпазына саудаласу барысында сатылған өсiп тұрған сүрекке арнап ағаш кесу билетiн жазып бередi.
2.1.4. Сатушы саудаласудың өткiзiлгенi жөнiнде Сауда комиссиясынан есеп алғаннан кейiн 5 банк күнiнен кешiктiрмей Сауда комиссиясына саудаласуды сатылған сүректiң ақырғы жиынтық құнынан _________________ % төлейдi.
2.1.5. Сауда комиссиясы есеп бергеннен кейiн __________ күнi iшiнде сатылмаған тиiстi заттар бойынша кепiлдiктi қайтарады.
2.2. Сауда комиссиясының мiндеттерi:
2.2.1. Саудаласуға ұсынылған өсiп тұрған сүректi байқап көру шарттарын көрсете отырып, саудаласу жайында бұқаралық ақпарат құралдары арқылы хабарландыру бередi.
2.2.2. Сатушының осы Келiсiмге тiркелген өтiнiмiне сәйкес
каталогтағы тауарлар бiрлiгi жайында табыс еткен ақпараттың
дұрыстығын қамтамасыз етедi.
2.2.3. Саудаласуды өсiп тұрған сүректi неғұрлым жоғары бағаға
сату мақсатымен жүргiзедi.
2.2.4. Қазақстан Республикасында Ағаш саудаласуын
(аукциондарды) өткiзу тәртiбi туралы уақытша ережеге сәйкес
саудаласатын өсiп тұрған сүректi сату-сатып алуға арнап аталған
Сауда келiсiмiнiң 3-бөлiмiнде көрсетiлген Сатушы мен саудаласу
жеңiмпазы (алармандар) арасында Сатушының атынан ________ күн
iшiнде шарт жасасады.
2.2.5. Шарт жасалғаннан кейiн ____________ күн iшiнде Сатушыға
саудаласу жасалғаны туралы есеп бередi.
3. Есеп айырысудың және алармандардың
сатушыдан өнiм алуының шарттары
3.1. Ақы төлеу шарттары мен кепiлдiк мөлшерi әрбiр сауда
бiрлiгi бойынша қосымшада көрсетiледi.
3.2. Шарт ресiмделгеннен кейiн 10 күннен кешiктiрмей аларман:
а) ________________________________________________ ауданының
аудандық бюджетiне N _____________________________________________
__________________________________________________________________
__________________________________________________________________
шотқа өсiп тұрған сүректiң таксалық құнының сомасын және жер салығы;
<*>
ә) қосылған құн салығы құнының сомасын және сату бағасы мен
бастапқы бағаның арасындағы айырманы республикалық бюджетке;
<*>
ЕСКЕРТУ. 3.2-тармақ өзгерді - ҚР Үкіметінің 1999.06.07. N 708
қаулысымен.
P990708_
3.3. Сүректi Сатушыдан аларманға беру Қазақстан Республикасында
ағаш саудаласуын (аукциондар) өткiзу тәртiбi туралы уақытша ереженiң
44-тармағына сәйкес жүргiзiледi.
4. Орындау кепiлдiгi және тараптардың
жауапкершiлiгi
4.1. Сауда комиссиясы мен Сатушы туындайтын проблемаларды келiсе отырып реттеу үшiн ақылға сиымды барлық шараларды қолданады.
Сауда комиссиясы мен Сатушының бiр-бiрiне қоятын талабы Қазақстан Республикасының заңында белгiленген тәртiп бойынша қаралады.
4.2. Егер саудаласу Сауда комиссиясының кiнәсiнсiз өткiзiлмеген жағдайда Сатушы саудаласуға қойылған сүректiң бастапқы құнының _________________ процентiн Сауда комиссиясына төлейдi.
4.3. Сатушы Сауда комиссиясының көрсеткен қызметiне ақыны дер кезiнде төлемеген жағдайда әрбiр кешiктiрiлген күн үшiн төленбеген сомадан _______________ процент мөлшерiнде өсiм төлейдi.
4.4. Сауда комиссиясы саудаласу жасалғаны туралы есептi дер
кезiнде табыс етпеген жағдайда Сатушының әрбiр кешiктiрген күн үшiн
аукцион көрсеткен қызмет ақысын _______________процент азайтуға
құқығы бар.
4.5. Тараптар форс-мажорлық жағдай туғанда бiр-бiрiне
жауапкершiлiктен босатылады.
4.6. Сатушының өнiмiмен салыстырғанда каталогтегi ақпарат
бұрмаланған жағдайда Сауда комиссиясы Сатушыға келтiрiлген шығынға
өтем жасайды.
4.7. Сауда комиссиясы Сатушының мiндеттемелерi бойынша, ал
Сатушы Сауда комиссиясының мiндеттемелерi бойынша үшiншi адамдар
алдында жауап бермейдi.
5. Өзге шарттар
5.1. Осы келiсiм қолданылып жүрген заңдар негiзiнде, сондай-ақ
тараптардың өзара ұйғарымы бойынша өзгертiлуi немесе жарамсыз деп
танылуы мүмкiн.
5.2. Бұл Келiсiмге өзгертулер мен толықтырулардың бәрi жазбаша
түрде жасалады және Келiсiмнiң ажырамас бөлiгi болып табылады.
5.3. Келiсiм оған қол қойылған кезден бастап күшiне енедi.
5.4. Келiсiм әр тарапқа 2 данадан 4 дана етiп жасалған, әрi
барлығының бiрдей заңды күшi бар.
6. Келiсiмнiң қолданылатын мерзiмi және
тараптардың заңды мекен-жайы
6.1. Келiсiмнiң қолданылатын мерзiмi
Басталуы "___" ________________________________ 19___ж.
Аяқталуы "___" ________________________________ 19___ж.
6.2. Тараптардың мекен-жайы мен есеп айырысу шоттары
Алармандiкi _________________________________________________
__________________________________________________________________
(почта мен телеграф индексi және Аларман мен оның банкiсiнiң
мекен-жайы)
__________________________________________________________________
(шоты)
Сатушынікi __________________________________________________
__________________________________________________________________
__________________________________________________________________
(почта мен телеграф индексi және Сатушы мен оның банкiсiнiң
мекен-жайы)
__________________________________________________________________
(шоты)
Аларманнан Сатушыдан
______________________________ _______________________________
______________________________ _______________________________
2-Қосымша
ӨТIНIМ
Өсiп тұрған сүректi саудаласуда сатуға арналған
(Сауда келiсiмiнiң ажырамас бөлiгi болып табылады)
N ______ "_____" ________________________199__ж.
__________________________________________________________________
__________________________________________________________________
(сүрек иесiнiң аты)
Саудаласу көлемi ________________________________________текше метр
Өсiп тұрған сүректiң бастапқы бағасы _____________________________
__________________________________________________________________
(сомасы жазбаша)
бойынша сатуға ұсынады.
1. Сауда бiрлiгiнiң ерекшелiгi
Сауда бiрлiгiнiң орналасқан жерi
__________________________________________________орман шаруашылығы
________________________________________________________орманшылығы
Орам ______________________Тiлкем__________________________________
Мөлдек__________________________________кесiлген жылы______________
(нөмiрi)
Сауда бiрлiгi туралы жалпы мәлiмет:
Ормандар тобы ________________________________________________
Қорғаныштық санаты ___________________________________________
Шаруашылық ___________________________________________________
Мөлдек көлемi барлығы ________________________________________
Кесу тәсiлi __________________________________________________
Өскiндер сақтаулы көлем ______________________________________
Сүйреп шығару қашықтығы ______________________________________
Көлiк жолының бар-жоғы _______________________________________
(жолдың түрi, қашықтығы көрсетiлсiн)
___________________________________________________________________
(жалпы пайдаланылатын жолға дейiн және таяу жердегi темiр жол
стансасына дейiн)
Буылған текшенiң орташа көлемi _______________________________
Жер бетiнiң бедерi ___________________________________________
(таулы, дөңес, жазық)
Топырақ жағдайы ______________________________________________
Дайындалған мерзiмi __________________________________________
(басталуы, аяқталуы)
2. Сауда бiрлiгiнiң сандық және сапалық
сипаттамасы
_____________________________________________________________________
! Саны, текше метр, таксалық құны, теңге
Тұқымы !-----------------------------------------------------
! кәделiк ағаш ! !
!----------------------------------! отын ! барлығы
! iрi ! орташа ! ұсақ ! жиыны ! !
---------------------------------------------------------------------
Жиыны __________________________________________________________
Жер салығының сомасы ___________________________________________
Қосылған құн салығы ____________________________________________
_____________________________________________________________________
Барлығы ________________________________________________________
3. Төлем шарттары
Саудаласуға қатысу үшiн алдын-ала тауар бiрлiгiнiң бастапқы
бағасынан ____________ процент мөлшерiнде кепiлдiк енгiзiлуi қажет,
ол __________________________________________________________________
теңге мөлшерiнде болады _____________________________________________
(жазбаша сомасы)
Қалған сомасы __________________________________________________
_____________________________________________________________________
_____________________________________________________________________
_____________________________________________________________________
___________________________________________________алдынан өткiзiледi.
4. Дайындау шарттары
Ағаш кесiлетiн алаңды игерудiң технологиялық картасы
Сатушыдан
3-Қосымша
"Бекiтемiн"
Сауда комиссиясының төрағасы
_____________________ (қолы)
199 жылғы саудаласуға ұсынылған тауар бiрлiктерi
бойынша енгiзiлген кепiлдiктер туралы ведомость
(Кесте)
4-Қосымша
"Бекiтемiн"
Сауда комиссиясының төрағасы
_____________________ (қолы)
199 жылғы______________өткiзiлген саудаласуда__________
Орман шаруашылығының өсiп тұрған
сүрегiн сатуға арналған
САУДА ПАРАҒЫ
________________________________________________________
(саудаласу өткiзiлген орын)
(Кесте)
5-Қосымша
"Бекiтемiн"
Сауда комиссиясының төрағасы
_____________________ (қолы)
Орман шаруашылығына ___________________________бойынша
"__________________" ____________________өткiзiлген
_____________________________________________________
(саудаласу өткiзiлген орын)
Саудаласу нәтижелерi туралы ведомость
(Кесте)
6-Қосымша
Өсiп тұрған сүректi сатып алу-сатуға арналған
ШАРТ
Қол қойылған күнi ____________________________________199___ж.
___________________________________________________________________
(бiрлестiктiң, ұйымның, кәсiпорынның атауы)
бiр жағынан, бұдан былай Сатушы деп аталып, _______________________
___________________________________________________________________
(Сауда келiсiмiнiң атауы, датасы)
негiзiнде iс-әрекет жасайтын ______________________________________
(аукционды ұйымдастырушы өкiлiнiң
___________________________________________________________________
лауазымы, фамилиясы, аты, әкесiнiң аты)
атынан және _________________________________________ екiншi жағынан
(бiрлестiктiң, ұйымның, кәсiпорынның атауы)
бұдан былай Аларман деп аталып, 199___жылғы _______________________
негiзiнде iс-әрекет жасайтын ______________________________________
(лауазымы, фамилиясы, аты, әкесiнiң аты)
___________________________________________________________________
атынан мыналар жайында осы шартты жасасты:
1. Шарттың пәнi
1.1. _________________________________________________________
(аукционды ұйымдастырушы, датасы, орны)
____________________________________________ұйымдастырған аукционда
Аларман саудаласылған мынадай тауар бiрлiктерiн сатып алуға, ал
Сатушы оларды сатуға тiлек бiлдiредi.
---------------------------------------------------------------------
Каталог ! Тауардың ! Бастапқы ! Ақырғы ! Кепiлдiк ! Төленуге
бойынша ! атауы ! бағасы ! бағасы ! сомасы ! тиiстi
нөмiрi ! ! ! ! !
---------------------------------------------------------------------
___________________________________________________________________
___________________________________________________________________
___________________________________________________________________
а) Салық пен сауда шығынын қосқанда жиынтық бастапқы
құны _________________________________________________________теңге
(жазбаша)
___________________________________________________________________
ә) ақырғы жиынтық құны __________________________________теңге
___________________________________________________________________
(жазбаша)
б) кепiлдiк сомасы ___________________________________________
(жазбаша)
в) төленуге тиiстiсi, барлығы ________________________________
(жазбаша)
Тауар бiрлiктерiнiң ерекшелiктерi каталогта келтiрiлген_______
___________________________________________________________________
(аукционды ұйымдастырған)
табыс еткен деректерге сәйкес келедi.
2. Тараптардың мiндеттерi
2.1. Аларман мыналарды мiндетiне алады:
2.1.1. Шарт ресiмделгеннен кейiн 10 күннен кешiктiрмей өсiп
тұрған сүректi сатып алғаны үшiн:
а) __________________________________________________ауданының
аудандық бюджетiне N ___________________ шотқа өсiп тұрған сүректiң
таксалық құнының сомасының және жер салығы;
<*>
ә) қосылған құн салығы құнының сомасын және сату бағасы мен
бастапқы бағаның арасындағы айырманы республикалық бюджетке;
<*>
ЕСКЕРТУ. 2.1.1-тармақ өзгерді - ҚР Үкіметінің 1999.06.07. N 708
қаулысымен.
P990708_
2.1.2. Осы шартқа қол қойылғаннан кейiн ________________күннен
кешiктiрмей, ағаш кесу билетiн жаздыру үшiн төлемдiк тапсырманың
көшiрмесiн алып, Сатушыға келуге тиiс.
2.2. Сатушы мыналарды мiндетiне алады.
2.2.1. Төлемдiк тапсырманың көшiрмесiн табыс еткен соң ағаш
кесу билетiн немесе саудаласуда сатып алынған сүректiң тауар
накладнойын жазып бередi.
2.2.2. Ағаш кесу билетiн жазып беру кезiнде сатушы аларманды
өрт қауiпсiздiгi және еңбектi қорғау ережелерiмен, оларды бұзғандық
үшiн салынатын ақшалай айып-пұлмен таныстырады, сонан соң осылармен
танысқаны жөнiнде аларман қолын қояды.
3. Есеп айырысудың және аларманның
сатушыдан өнiм алуының шарттары
___________________________________________________________________
___________________________________________________________________
___________________________________________________________________
4. Орындау кепiлдiгi және тараптардың
жауапкершiлiгi
4.1. Аларман мен Сатушы туындайтын проблемаларды келiсе отырып реттеу үшiн ақылға қонымды барлық шараларды қолданады.
4.2. Аларман мен Сатушының бiр-бiрiне қоятын талабы Қазақстан Республикасының заңдары белгiлеген тәртiп бойынша қаралады.
4.3. Сатушы каталогта ұсынылған мәлiметтердiң ағаш кесу таксациясының қолданылып жүрген ережелерi пұрсат беретiн дәлдiк шегiндегi дәлме-дәлдiгiне кепiлдiк бередi. Босатылатын сүректiң саны мен сапасын анықтаудың дәлдiгiнде жоғарыда белгiленген нормативтерден ауытқушылықтың бетi ашылған жағдайда Сатушы қысқа мерзiм iшiнде Аларманмен келiсе отырып, өзара тиiмдi шешiм ұсынады. Уағдаластық болмаған жағдайда Сатушы Аларманға келтiрiлген зиян үшiн сүректiң жетпейтiн бөлiгiнiң (саны мен сапасына қарай) екi еселенген аукциондық құны мөлшерiнде аларманға өтемақы төлейдi.
4.4. Тараптар форс-мажорлық жағдай пайда болған ретте өзара
жауапкершiлiктен босатылады.
4.5. Егерде Аларман 10 күн iшiнде шотты төлемесе және аукцион
өткiзген күннен бергi ____________ күн iшiнде ағаш кесу билетi жазып
берiлмесе, онда аукцион нәтижесiнiң күшi, ал Аларманның жыл бойы
сүрек аукционына қатысуға құқығы болмайды. Бастапқы ақшалай жарна
(кепiлдiк)
оған қайтарылмайды, республикалық бюджеттiң кiрiсiне есептеледi.
<*>
ЕСКЕРТУ. 4.5-тармақ өзгерді - ҚР Үкіметінің 1999.06.07. N 708
қаулысымен.
P990708_
4.6. Аларман Сатушының мiндеттемелерi бойынша, ал Сатушы
Аларманның мiндеттемелерi бойынша үшiншi адам алдында жауап
бермейдi.
5. Өзге шарттар
5.1. Осы Шарт қолданылып жүрген заңдар негiзiнде, сондай-ақ
тараптардың өзара келiсуi негiзiнде өзгертiлуi немесе жарамсыз
деп танылуы мүмкiн.
5.2. Аталған Шартқа өзгерiстер мен толықтырулардың бәрi
жазбаша түрде жасалады және оның ажырамас бөлiгi болып табылады.
5.3. Шарт қол қойылған сәтiнен бастап күшiне енедi.
5.4. Шарт уағдаласушы тараптардың әрқайсысына және Аукционға
2 данадан 6 дана етiп жасалған, әрi барлығының бiрдей заңды күшi
бар.
6. Шарттың қолданылу мерзiмi және
тараптардың заңды мекен-жайы
6.1. Шарттың қолданылу мерзiмi
Басталуы "___" __________________________________199___ж.
Аяқталуы "___" __________________________________199___ж.
6.2. Тараптардың мекен-жайы мен есеп айырысу шоты
Сауда комиссиясының __________________________________________
___________________________________________________________________
(почта және телеграф индексi және Сауда комиссиясының және
оның банкiсiнiң мекен-жайы)
___________________________________________________________________
(шоты)
Сатушынiкi ___________________________________________________
___________________________________________________________________
___________________________________________________________________
(почта және телеграф индексi мен Сатушының және оның
банкiсiнiң мекен-жайы)
___________________________________________________________________
(шоты)
6.3. Осы шартқа қоса тiркелгенi:
Саудаласуға ұсынылған сауда бiрлiктерiне арналған
өтiнiмдер _______________________________ бет.
Сауда комиссиясынан Сатушыдан
7-Қосымша
"Бекiтемiн"
Сауда комиссиясының төрағасы
_____________________ (қолы)
199 жылғы ____________ өсiп тұрған сүректi
саудаласуды өткiзгенi туралы сауда
комиссиясының есебi
Қазақстан Республикасында Ағаш саудаласуын (аукциондарды)
өткiзу тәртiбi туралы ережеге сәйкес ______________________________
___________________________________________________________________
___________________________________________________________________
(сүрек иесiнiң атауы, Сауда келiсiмiнiң нөмiрi, жиынтық таксалық
құны)
сүрегiн сату жөнiндегi саудаласу өткiзiлдi.
Саудаласу __________ сағатта басталып, ___________ сағатта
аяқталады. Саудаласуға қатысуға келген адамдардың қолхат беруiмен
саудаласудан сүрек сату ережелерiмен таныстырылады, саудаласуға
ниет бiлдiрушiлердiң кепiлдiк сомасын төлегенiн қуаттайтын құжаттар
алынды, ол жайында "кепiлдiк туралы ведомость" жасалды.
Саудаласу басталғанға дейiн ____________________ жабық жазбаша
өтiнiм алынды. Жазбаша өтiнiмдердiң бәрi жарамды деп танылды.
Саудаласу ұсынылған ақырғы бағалар "Сауда нәтижелерi туралы
ведомосте" келтiрiлген.
Сауда комиссиясы мүшелерiнiң қолдары: