Қазақстан Республикасының "1993 жылға арналған республикалық бюджет туралы" 1993 жылғы 25 қаңтардағы N 1927 Заңын орындау үшiн Қазақстан Республикасының Министрлер Кабинетi қаулы етедi:
      1. 1993 жылғы 1 тамыздан бастап алыс шетелдерге мұнай экспортын жүзеге асырушы кәсiпорындар, ұйымдар мен шаруашылық жүргiзушi субъектiлер ("Маңғыстаумұнайгаз" өндiрiстiк бiрлестiгi мен "Теңiзшевройл" бiрлескен кәсiпорнынан басқасы) мұнайға экспорттық бағалар мен оған республика iшiнде берiлетiн бағалар арасындағы айырмадан алынған түсiмнiң 20 процентiн бюджет кiрiсiне енгiзетiн болып белгiленсiн.
      2. Республикалық бюджеттiң кiрiсiне түсетiн соманы есептеу үшiн алынатын түсiм көлемi Қазақстан Республикасының Ұлттық банкi белгiлейтiн соммен есептегендегi АҚШ долларының бағамы қолданылып жүрген сәтте келiп түскен экспорттық бағалар бойынша мұнай экспортынан алынған түсiмнiң және Қазақстан Республикасы Министрлер Кабинетiнiң шешiмiмен белгiленетiн республика iшiнде берiлетiн өнiмдер үшiн қолданылатын баға бойынша экспортталған мұнай құнының арасындағы айырма ретiнде айқындалады.
      3. Экспортталатын мұнай бағаларындағы айырма сомасы төлеушiнiң тұрған жерi бойынша республикалық бюджеттiң кiрiсiне 8-тараудың 5-параграфындағы "Экспортқа шығарылатын мұнай бағаларындағы айырма түсiмдерiне" енгiзiледi, банк символы 47.
      Төлем сомаларын есептеудi пайдаға салынатын салық бойынша есеп айырысу үшiн белгiленген мерзiмдерде мұнай экспорты iске асырылған кезең еткен соң тiкелей, төлеушiнiң өзi жүзеге асырады.
      4. Мұнайдың экспорттық бағалары мен оған республика iшiнде берiлетiн бағалар арасындағы айырманы есептеудiң дұрыстығы және уақтылы төлем үшiн жауапкершiлiк төлем жасаушыға жүктеледi.
             Қазақстан Республикасының
                 Премьер-министрi