1."Алтыналмас" Ұлттық акционерлiк компаниясына, "Алтын" акционерлiк қоғамына республикада бағалы металдардың қайталама шикiзатын өңдейтiн өз қуаты жасалғанға дейiн бағалы металдарды "Сэйбин металл корпорэйшн" фирмасының (АҚШ) және басқа фирмалардың зауыттарында алынған бағалы металдар мiндеттi түрде Қазақстан Республикасының Ұлттық банкiнiң Мемлекеттiк құнды заттар қоймасына қайтарылатын етiп өңдеуге рұқсат етiлсiн.
2. Қазақстан Республикасының Сыртқы экономикалық байланыстар министрлiгi:
"Алтыналмас" Ұлттық акционерлiк компаниясына, "Алтын" акционерлiк қоғамына 1993-1994 жылдары құрамында бағалы металдар бар сынықтар мен қалдықтарды өңдеуге байланысты операциялар жүргiзуге қажеттi лицензиялар беретiн болсын;
"Алтыналмас" Ұлттық акционерлiк компаниясы, "Алтын" акционерлiк қоғамы түстi металдардың экспортына жалпы квоталарда есеп айырысу үшiн және "Сэйбин металл корпорэйшн" фирмасы мен басқа фирмалардың зауыттарында көрсеткен қызметi үшiн шығынның орнын толтыратын өнiм көлемiн қарастырсын.
3. Қазақстан Республикасы Президентiнiң 1993 жылғы 9 наурыздағы N 1154 Жарлығының 7-тармағына сәйкес өңдеуге кеткен шығынның орнын толтыру үшiн сыртқа шығарылатын құрамында бағалы металдар мен түстi металдар бар қайталама шикiзаттан кедендiк баж салығы алынбайтын болсын.
Қазақстан Республикасының
Премьер-министрi