"Қазақстан Республикасы Ұлттық экономика министрлігінің мәселелері" туралы Қазақстан Республикасы Үкіметінің 2014 жылғы 24 қыркүйектегі№ 1011 қаулысына өзгерістер мен толықтырулар енгізу туралы

            ЗҚАИ-ның ескертпесі!
            Қолданысқа енгізілу тәртібін 2-тармақтан қараңыз

      Қазақстан Республикасының Үкіметі ҚАУЛЫ ЕТЕДІ:

      1. "Қазақстан Республикасы Ұлттық экономика министрлігінің мәселелері" туралы Қазақстан Республикасы Үкіметінің 2014 жылғы 24 қыркүйектегі № 1011 қаулысына мынадай өзгерістер мен толықтырулар енгізілсін:

      8-тармақ мынадай редакцияда жазылсын:

      "8. Осы қаулы:

      Ереженің 16-тармағындағы орталық аппарат функцияларының "Қазақстан Республикасының кейбір заңнамалық актілеріне теміржол көлігі мәселелері бойынша өзгерістер мен толықтырулар енгізу туралы" 2019 жылғы 27 желтоқсандағы Қазақстан Республикасының Заңына сәйкес 2022 жылғы 1 қаңтарға дейін қолданылатын 74) тармақшасын;

      Ереженің 16-тармағындағы орталық аппарат функцияларының 2021 жылғы 1 шілдеден бастап қолданысқа енгізілетін 262-3) және 262-4) тармақшаларын;

      Ереженің 16-тармағындағы орталық аппарат функцияларының 2024 жылғы 1 қаңтардан бастап қолданысқа енгізілетін 23-1) тармақшасын қоспағанда, қол қойылған күнінен бастап қолданысқа енгізіледі.";

      көрсетілген қаулымен бекітілген Қазақстан Республикасы Ұлттық экономика министрлігі туралы ережеде:

      1-тармақтың 5) тармақшасындағы "жұмылдыру салаларындағы басшылықты жүзеге асыратын Қазақстан Республикасының орталық атқарушы органы болып табылады." деген сөздер "жұмылдыру;" деген сөзбен ауыстырылып, мынадай мазмұндағы 6) тармақшамен толықтырылсын:

      "6) жобалық басқару салаларындағы басшылықты жүзеге асыратын Қазақстан Республикасының орталық атқарушы органы болып табылады.";

      15-тармақ мынадай мазмұндағы 24-1) тармақшамен толықтырылсын:

      "24-1) жобалық басқару;";

      16-тармақта:

      орталық аппараттың функцияларында:

      мынадай мазмұндағы 23-1) тармақшамен толықтырылсын:

      "23-1) мұнайдың есептік бағасын айқындау тәртібін Қазақстан Республикасының Ұлттық Банкімен келісу бойынша әзірлеу және бекіту;";

      148) және 149) тармақшалар алып тасталсын;

      мынадай мазмұндағы 262-1), 262-2), 262-3), 262-4), 262-5) және 262-6) тармақшалармен толықтырылсын:

      "262-1) жобалық басқаруды жүзеге асыру қағидаларын әзірлеу;

      262-2) мемлекеттік органдарды жобалық басқарудың үлгілік регламентін әзірлеу және бекіту;

      262-3) мемлекеттік органдар мен ұйымдардың бизнес-әріптестер тізілімімен интеграциялауға жататын ақпараттандыру объектілерінің тізбесін Қазақстан Республикасының Ұлттық кәсіпкерлер палатасымен келісу бойынша әзірлеу;

      262-4) бизнес-әріптестер тізілімін жасау, жүргізу және пайдалану тәртібін әзірлеу;

      262-5) зерттеулердің, консалтингтік көрсетілетін қызметтердің және мемлекеттік тапсырманың құнын белгілеу жөніндегі тәртіпті бюджеттік жоспарлау жөніндегі орталық уәкілетті органмен келісу бойынша бекіту;

      262-6) бюджеттік субсидиялардың экономикалық әсерін айқындау тәртібін бюджеттік жоспарлау жөніндегі орталық уәкілетті органмен келісу бойынша бекіту;".

      2. Осы қаулының 1-тармағының 2021 жылғы 1 шілдеден бастап қолданысқа енгізілетін жиырмасыншы және жиырма бірінші абзацтарын және осы қаулының 1-тармағының 2024 жылғы 1 қаңтардан бастап қолданысқа енгізілетін он төртінші және он бесінші абзацтарын қоспағанда, осы қаулы қол қойылған күнінен бастап қолданысқа енгізіледі.