"Республикалық бюджет комиссиясы туралы" Қазақстан Республикасы Үкіметінің 2018 жылғы 15 қаңтардағы № 10 қаулысына өзгерістер мен толықтыру енгізу туралы

      Қазақстан Республикасының Үкіметі ҚАУЛЫ ЕТЕДІ:

      1. "Республикалық бюджет комиссиясы туралы" Қазақстан Республикасы Үкіметінің 2018 жылғы 15 қаңтардағы № 10 қаулысына мынадай өзгерістер мен толықтыру енгізілсін:

      көрсетілген қаулымен бекітілген Республикалық бюджет комиссиясы туралы ережеде:

      1-тараудың тақырыбы мынадай редакцияда жазылсын:

      "1-тарау. Жалпы ережелер";

      2-тармақ мынадай редакцияда жазылсын:

      "2. Қазақстан Республикасының Конституциясы, 2008 жылғы 4 желтоқсандағы Қазақстан Республикасының Бюджет кодексі (бұдан әрі – Бюджет кодексі), Қазақстан Республикасының заңнамалық және өзге де нормативтік құқықтық актілері, сондай-ақ осы Ереже Комиссия қызметінің құқықтық негізін құрайды.";

      2-тараудың тақырыбы мынадай редакцияда жазылсын:

      "2-тарау. Комиссия қызметінің мақсаттары";

      3-тармақ мынадай редакцияда жазылсын:

      "3. Комиссия қызметінің негізгі мақсаты жоспарлы кезеңге арналған республикалық бюджеттің жобасын уақтылы және сапалы әзірлеуді қамтамасыз ету және республикалық бюджетті нақтылау, түзету және атқару жөнінде ұсыныстар әзірлеу болып табылады.";

      3-тараудың тақырыбы мынадай редакцияда жазылсын:

      "3-тарау. Комиссияның міндеттері мен функциялары";

      4-тармақ мынадай редакцияда жазылсын:

      "4. Комиссияның негізгі міндеттері:

      1) республиканың әлеуметтік-экономикалық даму болжамы жөнінде ұсыныстар әзірлеу;

      2) мемлекеттік органдардың стратегиялық жоспарларының басым мақсаттары және республикалық бюджеттік бағдарламалар әкімшілері шығыстарының бағыттары бойынша ұсыныстар тұжырымдау;

      3) мемлекеттік органдардың стратегиялық жоспарларының жобалары немесе стратегиялық жоспарға енгізілетін өзгерістер мен толықтырулардың жобалары және республикалық бюджеттік бағдарламалар әкімшілері шығыстарының лимиттері бойынша ұсыныстар тұжырымдау;

      4) жоспарлы кезеңге арналған республикалық бюджет жобасының көрсеткіштерін айқындау жөнінде ұсыныстар тұжырымдау;

      5) республикалық және жергілікті бюджеттердің және (немесе) Қазақстан Республикасы Ұлттық қорының түсімдерін қысқартуды немесе шығыстарын ұлғайтуды көздейтін нормативтік құқықтық актілердің жобалары бойынша ұсыныстар тұжырымдау;

      6) республикалық бюджетті нақтылау жөнінде ұсыныстар тұжырымдау;

      7) бюджеттік мониторингің нәтижелерін, нәтижелерге жүргізілген бағалауды қарау және олар бойынша ұсыныстар тұжырымдау;

      8) республикалық бюджетті түзету бойынша ұсыныстар тұжырымдау;

      9) Бюджет кодексінде және осы Ережеде көзделген өзге де өкілеттіктер болып табылады.";

      5-тармақтың 2) тармақшасында:

      үшінші абзац мынадай редакцияда жазылсын:

      "республикалық бюджеттік бағдарламалар әкімшілері шығыстарының лимиттері, оның ішінде бюджеттік өтінімді жасау кезінде шығыстардың түрлері бойынша есеп айырысулар ұсынылмайтын орталық мемлекеттік органдардың базалық шығыстарының тізбесі;";

      жиырмасыншы және жиырма бірінші абзацтар алып тасталсын;

      жиырма бірінші абзацтан кейін мынадай мазмұндағы абзацпен толықтырылсын:

      "Қазақстан Республикасы Президентінің Қазақстан халқына жыл сайынғы жолдауларын және Қазақстан Республикасы Президентінің басқа да бастамаларын қаржыландыру үшін Қазақстан Республикасы Президентінің бастамаларына резерв бөлу;";

      4-тараудың тақырыбы мынадай редакцияда жазылсын:

      "4-тарау. Комиссияның құқықтары";

      5-тараудың тақырыбы мынадай редакцияда жазылсын:

      "5-тарау. Комиссияны қалыптастырудың және оның қызметінің тәртібі";

      6-тараудың тақырыбы мынадай редакцияда жазылсын:

      "6-тарау. Комиссияның қызметін тоқтату".

      2. Осы қаулы қол қойылған күнінен бастап қолданысқа енгізіледі.