Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасының Индустрия және инфрақұрылымдық даму министрлігі арнайы инвестициялық келісімшарттарды жасасу жөніндегі уәкілетті орган болып айқындалсын.
2. Қазақстан Республикасы Үкіметінің кейбір шешімдеріне мынадай өзгерістер мен толықтырулар енгізілсін:
1) "Қазақстан Республикасы Индустрия және инфрақұрылымдық даму министрлігінің кейбір мәселелері және Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы" Қазақстан Республикасы Үкіметінің 2018 жылғы 29 желтоқсандағы № 936 қаулысында:
көрсетілген қаулымен бекітілген Қазақстан Республикасының Индустрия және инфрақұрылымдық даму министрлігі туралы ережеде:
орталық аппараттың функцияларында:
152) тармақша алып тасталсын;
мынадай мазмұндағы 152-1) және 152-2) тармақшалармен толықтырылсын:
"152-1) арнайы инвестициялық келісімшартты жасасу және бұзу тәртібі мен шарттарын бекіту;
152-2) үлгілік арнайы инвестициялық келісімшартты бекіту;";
ведомстволардың функцияларында:
мынадай мазмұндағы 521-14), 521-15), 521-16) және 521-17) тармақшалармен толықтырылсын:
"521-14) арнайы инвестициялық келісімшартты жасасу және бұзу тәртібі мен шарттарын әзірлеу;
521-15) үлгілік арнайы инвестициялық келісімшартты әзірлеу;
521-16) арнайы инвестициялық келісімшартты дайындау;
521-17) арнайы инвестициялық келiсiмшартты жасасу, тiркеу және мерзімінен бұрын тоқтату;";
2) "Қазақстан Республикасы Сыртқы iстер министрлiгiнiң мәселелерi" туралы Қазақстан Республикасы Үкіметінің 2004 жылғы 28 қазандағы № 1118 қаулысында (Қазақстан Республикасының ПҮАЖ-ы, 2004 ж., № 41, 530-құжат):
көрсетілген қаулымен бекітілген Қазақстан Республикасы Сыртқы істер министрлігі туралы ережеде:
орталық аппараттың функцияларында:
61-12), 61-13) және 61-14) тармақшалар алып тасталсын;
ведомстволардың функцияларында:
49) тармақша мынадай редакцияда жазылсын:
"49) арнайы инвестициялық келісімшарттарды қоспағанда, инвестициялық келiсiмшарттар жасасу, тiркеу және оларды мерзімінен бұрын тоқтату туралы шешім қабылдау;";
50) тармақша алып тасталсын.
3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Қазақстан Республикасының Премьер-Министрі |
А. Мамин |