2016 жылғы 1 наурыздан бастап қолданысқа енгізіледі.
Қазақстан Республикасының Үкiметi ҚАУЛЫ ЕТЕДI:
1. «Қазақстан Республикасы Әдiлет министрлiгiнiң мәселелерi» туралы Қазақстан Республикасы Үкiметiнiң 2004 жылғы 28 қазандағы № 1120 қаулысына (Қазақстан Республикасының ПҮАЖ-ы, 2004 ж., № 41, 532-құжат) мынадай өзгерiстер мен толықтырулар енгiзiлсiн:
көрсетiлген қаулымен бекiтiлген Қазақстан Республикасы Әдiлет министрлiгi туралы ережеде:
15-тармақта:
3) тармақша мынадай редакцияда жазылсын:
«3) заңды тұлғаларды, жылжымайтын мүлікке құқықтарды, орталық мемлекеттiк органдардың және ведомстволардың, жергiлiктi өкiлдi және
атқарушы органдардың, сондай-ақ әкімдердің нормативтiк құқықтық актiлерiн мемлекеттік тіркеуді жүзеге асыру, Қазақстан Республикасының нормативтiк құқықтық актiлерiн мемлекеттiк есепке алуды қамтамасыз ету;»;
мынадай мазмұндағы 3-1) тармақшамен толықтырылсын:
«3-1) жылжымалы мүлiк кепiлiн тiркеу, жылжымайтын мүлiктi
мемлекеттiк техникалық зерттеп-қарау және жылжымалы мүлiк кепiлiнiң
тiзiлiмiн жүргiзу саласында мемлекеттiк саясатты iске асыру;»;
16-тармақта:
30), 37), 40) және 46) тармақшалар мынадай редакцияда жазылсын:
«30) төреліктерде, шетелдік төреліктерде, шетелдік мемлекеттік және сот органдарында, сондай-ақ дауларды төрелікте (сотта) реттегенге дейінгі процесте мемлекеттің мүдделерін қорғауды және білдіруді қамтамасыз ету;»;
«37) басқа тұлғалардың өтініші бойынша сотқа олардың құқықтарын, бостандықтарын және заңды мүдделерін, сол сияқты Қазақстан Республикасы Азаматтық процестік кодексінің 55-бабында белгіленген тәртіппен қоғамдық немесе мемлекеттік мүдделерді қорғау туралы талап-арызбен сотқа жүгіну;»;
«40) құқықтық ақпараттандыруды қамтамасыз ету, нормативтiк құқықтық актiлердiң эталондық бақылау банкiн жүргiзуді, Қазақстанда құқықтық ақпараттың бiрыңғай компьютерлiк жүйесiн жүргiзуді қамтамасыз ету;»;
«46) төреліктерде, шетелдік төреліктерде, шетелдік мемлекеттік және сот органдарында, сондай-ақ дауларды төрелікте (сотта) реттегенге дейінгі процесте мемлекеттің мүдделерін қорғау үшін Қазақстан Республикасының Үкіметі тартатын шетелдік заң консультанттарының жұмысын үйлестіру;»;
мынадай мазмұндағы 51) тармақша алып тасталсын:
«51) мемлекеттік органдарды құқықтық қамтамасыз ету тиімділігін бағалау;»;
52), 62), 68), 69) және 70) тармақшалар алып тасталсын;
мынадай мазмұндағы 72-2), 72-3), 72-4), 72-5), 72-6), 72-7), 72-8), 72-9), 72-10), 72-11), 72-12), 72-13) тармақшалармен толықтырылсын:
«72-2) сот орындаушылары қаулыларының үлгілік нысандарын әзірлеу және бекіту;
72-3) жеке сот орындаушылары көрсеткен мемлекет кепілдік берген заң көмегі туралы есеп пен жиынтық есеп нысанын әзірлеу және бекіту;
72-4) жеке сот орындаушыларының мемлекет кепілдік берген заң көмегін көрсетуі туралы келісім нысанын әзірлеу және бекіту;
72-5) жеке сот орындаушысының алиментті және жалақыны өндіріп алу туралы атқарушылық құжаттарды орындауымен байланысты қызметіне ақы төлеу тәртібін белгілеу;
72-6) жеке сот орындаушысының қызметтік үй-жайының орналасқан жеріне және жабдықталуына қойылатын талаптарды әзірлеу және бекіту;
72-7) тағылымдамадан өткен және жеке сот орындаушысы қызметімен айналысуға үміткер адамдарды аттестаттаудан өткізу тәртібі мен шарттарын белгілеу;
72-8) жеке сот орындаушыларының куәлігі мен жеке мөрінің үлгілерін әзірлеу және бекіту;
72-9) жеке сот орындаушысында тағылымдамадан өту қағидаларын әзірлеу және бекіту;
72-10) жеке сот орындаушысының қызметіне ақы төлеу сомасының мөлшерін әзірлеу және Қазақстан Республикасының Үкіметіне бекіту үшін ұсыну;
72-11) жеке сот орындаушыларын есептік тіркеу тәртібін әзірлеу және бекіту;
72-12) жеке сот орындаушысы қызметімен айналысу құқығына үміткер адамдарды аттестаттаудан өткізу жөніндегі комиссияның ережесін әзірлеу және бекіту;
72-13) жеке сот орындаушысының алиментті және жалақыны өндіріп алу туралы атқарушылық құжаттар бойынша мәжбүрлеу шараларын қабылдаумен байланысты қызметіне ақы төлеу мөлшерін әзірлеу және Қазақстан Республикасының Үкіметіне бекіту үшін ұсыну;»;
95) және 97) тармақшалар алып тасталсын;
98), 101), 105), 106), 107) тармақшалар мынадай редакцияда жазылсын:
«98) азаматтық хал актілерін тіркеу мәселелері бойынша аумақтық әділет бөлімшелеріне әдістемелік көмек көрсету;»;
«101) заңды тұлғаларды мемлекеттік тіркеу, филиалдар мен өкілдіктерді есептік тіркеу;»;
«105) жылжымайтын мүлiкке құқықтарды мемлекеттiк тiркеу саласындағы қызметтi мемлекеттiк реттеу;
106) «Азаматтарға арналған үкiмет» мемлекеттiк корпорациясының (бұдан әрi – Мемлекеттiк корпорация) қызметiн құзыретi шегiнде тексерудi жүзеге асыру;
107) жылжымайтын мүлікке құқықтарды мемлекеттік тіркеу бөлігінде құқықтық кадастр ақпараттық жүйесiн қалыптастыру және жылжымалы мүлiк кепiлiнiң құқықтық кадастры ақпараттық жүйелері мен тiзiлiмін жүргiзу;»;
мынадай мазмұндағы 107-1), 107-2), 107-3), 107-4), 107-5), 107-6), 107-7) тармақшалармен толықтырылсын:
«107-1) ғимараттарды, құрылыстарды және (немесе) олардың құрамдастарын мемлекеттiк техникалық зерттеп-қарау, жылжымалы мүлiк
кепiлiн тiркеу салаларында ақпараттық жүйелердi қолдауға қойылатын
талаптарды әзiрлеу және бекiту;
107-2) ғимараттарды, құрылыстарды және (немесе) олардың құрамдастарын мемлекеттiк техникалық зерттеп-қарау, жылжымалы мүлiк
кепiлiн тiркеу салаларында ақпараттық жүйелер мен дерекқорларға қол жеткiзу қағидаларын әзiрлеу және бекiту;
107-3) Мемлекеттік корпорацияның ғимараттарды, құрылыстарды және (немесе) олардың құрамдастарын мемлекеттiк техникалық зерттеп-қарау, жылжымалы мүлiк кепiлiн тiркеу салаларында статистикалық және өзге де есептiлiктi ұсыну қағидаларын әзiрлеу және бекiту;
107-4) Мемлекеттiк корпорация өндiретiн және (немесе) өткiзетiн тауарлардың (жұмыстардың, көрсетiлетiн қызметтердiң) бағаларын келісу;
107-5) мемлекеттік қызметтер көрсету сапасына қоғамдық мониторинг қорытындысын ескере отырып, мемлекеттік қызметтер көрсету сапасын арттыру жөнінде шаралар қабылдау;
107-6) заң жобалары тұжырымдамаларының жобаларын және нормативтік құқықтық актілердің жобаларын ашық нормативтік құқықтық актілердің интернет-порталында орналастыру және жария талқылау тәртібін келісу;
107-7) аймаққа бөлу коэффициентін есептеу әдістемесіне сәйкес елді мекендегі салық салу объектісінің орналасқан жерін ескеретін аймаққа бөлу коэффициентiн (К айм.) келісу;»;
мынадай мазмұндағы 118-1) тармақшамен толықтырылсын:
«118-1) адвокат көрсететін заң көмегіне ақы төлеу және қорғау мен өкілдік етуге байланысты шығыстарды өтеу тәртібін әзірлеу және бекіту;»;
17-тармақтың 3) тармақшасы мынадай редакцияда жазылсын:
«3) Қазақстан Республикасының заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де өкілеттіктерді жүзеге асыруға құқығы бар.».
2. Осы қаулы 2016 жылғы 1 наурыздан бастап қолданысқа енгізілетін 1-тармақтың үшінші, төртінші, бесінші, алтыншы, жетінші, отыз төртінші, отыз бесінші, отыз алтыншы, отыз сегізінші, отыз тоғызыншы, қырқыншы, қырық бірінші, қырық екінші және қырық төртінші абзацтарын қоспағанда, қол қойылған күнінен бастап қолданысқа енгізіледі.
Қазақстан Республикасының
Премьер-Министрі К.Мәсімов